|
اتفاق اللهوي (( مع الله )) بوساطة سعدو
بيوم من ايام الخريف الماطرة وانا قاعد هيك بجامعتي طرقني طارق (( بلا معنى )) وشطح مخي لبعيييييييييد وهلق بتشوفوا لوين وصلت قبل ما نفوت بالقصص والتفاصيل ما بدي حدى يفتح تمه ويشر ريقه على الشي اللي انا سبقتكم عليه مع سبعمية وتسعوتحسين خط تحت سبقكتم عليه يعني حطيت الفوقي والتحتي وبعت جراباتي حتى اقدر ادفع حق الاستثمار هاد فلا يجي واحد يتبندق على سما ربي على (( انا بأمن لك التجهيزات )) و (( انا بدبرلك سعر ارخص )) او (( بعملك دعاية واعلان بمقابل الرعاية الحصرية للمشروع )) والباب اللي بيجي منه الريح سده واستريح فلا توجعوالي راسي براضاي عليكم بديت القصة بانه الله (( الله يعطيه العافية )) خلق البشر متل ما هنن .. ستاندر يعني كله بيجي وكالة رجلتين وانف ببخشين وتم وعينتين .. الخ يعني الزلمة الله يعطيه العافية تعب حاله كتير حتى نزل النسحة هي من البشرية واللي بالاخير طلعت ترايلير وبعد 80 سنة بالكتير بتخلص مدتها وبدك اتدور على كي جديد ليفتح معك الباب الفوقاني ما حدا يحسبني عبعترض على آلية (( حلا واحتلا ))هي القصة مانها غلط انه كل الشركات بفتح بنسخ تجريبية ونحن ما اعتضرنا على هاد الحكي بس انه العتب على النسخة نفسا يعني شقد صار عبتتجرب ؟! مليون ؟! مليونين ؟! تلات ملايين سنة ؟! شقد ؟! ولهلق ما طرق طارق (( بلا معنى )) على القصة وبعدا متل ما هية .. مع انه انطرق شي من بعيد وسمعت صوت الطرقة لعندي .. سعدو يستر هون بيجي عمكم ابو طوني (( سيادتي يعني )) بفكر شوي لبعيد انه الله بجلالة قدره هلق ما عاد فاضي شنو صار برقبته 6 ملايين نفر يعني السيد الوالد كنا بوجه 6 نفورة ما كان يفضى يحك راسه .. وبتذكر اكتر من موقف بطفولتي كنت عبحك راس الوالد فيه بداله يعني فكيف اذا كانو 6 ملايين واح فاتحين تمون هيك متل الكركدن ونازلين طلبات واوامر . ففكرت شوي (( على غير عادة )) انه شو بدنا نعمل ؟! وبعد مناوشات فات فيها سعدو بالطول والعرض (( لحس فيها اصابيعه كلها ابن الحرام بعد ما انه وعدني يكون وسيط مجاني )) وصلنا مبدئيا لاتفاق اللهوي (( نسبة إلى الطرف الثاني من الاتفاق .. شوفوا شقد قلبي كبير حتى اني ما طالبت سمي الاتفاق ابو طوناوي مثلا )) باني آخد مهمة الابديت وطرح نسخة جديدة بالسوق خلال فترة وجيزة نسخة محسنة طبعا من البشر هلق انا كان ببالي انسف البشرية والعن دينها عن بكرة ستها بس شروط العقد منعتني من هاد الشي الشروط كانت اني قدم مسودة مدري مبيضة (( عمى الالوان عبياخد حقه )) على المشاريع اللي بدي انفذها فجيت لعند الشعب الاخوية كونه كله مضروب وجاي بكرات سقط وستوك ونصها عبتترجع للوكيل من بعد اول استعمال وببعض الحالات عبتترجع بالكرتونة متل ما هية فقلت لحالي هدول اكتر شي بيعرفوا شو بيلزم الانسان تطوير وشو هية التحسينات اللي بتناسب البشر اعطيكم مثال على ابديت انا عملته وفكرت فيه مشان تعطوا شي على نمطه: انا خطري لي ضيف زر افا رقبة الواح بحيث وحقت بيحكي الواح بيقدر التاني على اساس عبينفض الغبرة عن رقبة الواح بيكبسه طيارة هابطة على المطار العلوي يكبس الزر وهكذا بيشتغل الزر هلق شو هية وظيفة الزر وظيفته يدوبل على الزلمة ويسبقه ويحط قدام صوته حاجز سرمدي بحيث ما يصل الصوت للمدى صعب اشرحلكم وظيفته بالتفصيل بتقدروا تقولوا بلغة اهل الموبايلات انه بصير الزلمة صامت بس بلا رجاج يعني لايت اونلي اليوم وانا عبدور مع اصدقائي عرضت المشروع فوصلني اقتراح من صديقتي قالت لي انركب للزلمة (( الانسان يعني )) فقاس تحط باطه اليمين بيفقس لليمين والشمال وفيه بتقلب مزاج الزلمة يعني هي نص مقبولة لانها بتتدخل بالناحية النفسية بس بنفس الوقت بتجي وكالة صناعية .. فوافقنا على الطلب بس انه ملحوظة مهمة وما بدي ارجع اكتبها مرة تانية لا تفوتونا بقصص السيكولوجيا وتوابعها .. يعني لا يجيني واحد بتفلطح على مؤخرتي بانه بده يلغي الحزن والاسى وينشر الفرح او بده يلغي الاستبداد والرجعية وينشر العلم والمعرفة هي مانها مشغلتنا نحن من الشعب وماننا من الزعما .. يعني متلنا متل ابو الجواهر .. كنا ومازلنا وسنظل وسنبقى وسنستمر وسنناضل في رفع ونهض وسمو وارتقاء وتعالي راية الشعب صحيح افنتحت علينا طاقة القدر بالاستثمار هاد .. بس انه لسعتنا منكم وفيكم واليكم والسلام عليكم فالقصص الفيزيولوجية للبشر (( عين زيادة .. ايد زيادة .. رجل زيادة .. مفتاح توربوا )) مقدور عليها وغير ذلك فلسنا مسؤولين عن الافكار المدرجة .. اقول قولي هذا امام الشعب والجمهور والرؤساء وسعدو وجميع شركائه و دم تك .. دم طح .. دمتم :larg: |
برافو هيك بدنا افكار.وانا عم قول ليش سوريا في تقدم مستمر وصارت عم تنافس الدول المتقدمة مثل الصومال و موريتانيا.
اتاري في نوابغ من امثالك بالبلد سعدو محيي اصلك |
:o :shurup::shurup::shurup::shurup::shurup::shurup::s hurup:
:shurup: :bow: |
اقتباس:
وانا هيك عبقول وبدنا ناخد باقتراحك وانركب للواحد مخ اضافي اكسترنر ... ومنجيب معه كمان مروحة خارجية للتبريد المسائي في حال الزلمة حمي على المدى الطويل :deal: (( مع تظليل )) اقتباس:
لان فكرة اننا انركبله لطاش على قفا راسه مع كبسونة اغلاق .. ونقلبها وقت الاستعمال مشان يصير متل ما انت اقترحت .. هيك شكله يعني :shurup: ما كتير هضمتا لأن فكرة الزر الخلفي تبع الحاجز السرمدي بتجي وكالة احلى يعني عمنشتغل ونشتغل خلينا نعمل شي على مستوى حضاري حتى منعمله ديجيتل وملون كمان اذا بدكم احمر " off" واخضر " on" يعني بشرفك شفلي هال كبسة هي ما احلاها ما بتجي احلى من اقتراحك تبع اللطاش ؟!!   |
على اونو على دوي على التري
|
أخي أبو طوني , سعدو يخليلنا أمثالك المفكرين العباقرة والمبتكرين العظام , فيني أنصحك نصية كتير ممكن تفيد بالموضوع وبكون كتير ساعدتك , يعني إذا فيك تجمعلنا شوية فتاوى حديثة من الأزهر الشريف ومن مملكة الإنسانية ممكن نوصل لنتيجة بتخدم الناس كتير بالبلد مثلاً , آخر عبقري اللي قال بأن المرأة ما في داعي تكشف عن عيونها التنتين مشان ما تزينن وتثير لعاب الزلم أو الزلوم والزلميون (جمع تكسير ) بيكونو زايرين ببيت خالتون, بشوية تطوير للفكرة يعني بدل ماتكون الأنثى بعينتين وتغوي الزلام (أيضا جمع تكسير لأنو ما ضل في غير الزلم المكسرين) منطور اختراع أبو غيمة ومنعمل للحرمة عين وحدة ومنصغرها شوي ومنحطها تحت الأنف وبتدخل شوي في فتحة الأنف , اللي بتصير فتحة واحدة بدل التنتين ,للتوفير لأنو بيجوز بكرا يحطو سعر عالهوى ويجبرونا نشتريه من الكازيات
شو هاد يا أبو طوني , صار الشغلة بدها ورقة وقلم وبينتها مطولة , وبس يطلع الضو بقترحلك تعديل بنفس القطع بس عند الأزلام وتصبح على خير |
شامم ريحة تحشيش
|
ما عجبتني النسخة المعدلة :larg:
|
كونك محشش وفكرتك تحشيشية .. فيلي بدو يقرا هيك موضوع طويل وحشيشي .. بدو يكون محشش .... او عالقليلة شاربلو شي عشر كاسات عرق .. منشان يفهم يلي بدك .. ياه ...:?
ولأني ما بشرب كوني -18 .... فا انا عم قولها لحالي هالمرة .. بس لاكبر بعرف :pos: |
يعني ما قرأت غير اولو للموضوع بس عيب على شو اسمها ازا فهمت شي.... :?
بس بوعدكو انو انا رح حاول اقرأ ااو افهم لانو اقرأ وافهم صعب بهالايام ....:sick: |
اقتباس:
يعني انت عبتقترح نضيف كارد ريدير مشان نضيف له لغات جديدة متل الايطالي اللي انت اقترحته :p ولا لعي المدارس والجامعات والدورات الخصوصي بس ما حددت في فين بدنا نضيف البخش تبع البورت .. فساعدني مشان ما ينسمى علي ما عباخد برأي البشرية :larg: اقتباس:
يا اخوي المجنون اللي عبيحكي والعقل اللي عبيسمعك كل تطوير او محاولة تغيير بتنبع من الحاجة فـ حاجة اتجيب لي سيرة هدول الجماعات مشان النبي ساكو وحج خلاص ريحني من سير هدول هاد اول باشتان تاني باشتان انا متل ما سبق وقلت كان مشروعي اني العن دين سلاف البشرية عن بكرة سلالتها كلها الهدف من العملية اني الغي شي اسمه الفروق بين الجنسين ونزل بضاعة كلها جنس واحد ستاندر ومشان قصة التكاثر لا تاكل هم حاسب حسابي .. الانشطار كتير ظريف بنظري ومنها منرتاح منكل جمعيات حقوق المرأة والرجل اللي قريبا بدها تفتح ابوابها .. الفكرة انه المرأة يا اخي ملتعن نفسها وفوق كل هاد الشي متحملة منيتنا على انها من ضلعنا ولولانا ما بتسوى فرنك مبخوش والرجال من تاني طرف عبحس بنقص يعني حقه الطبيعي .. اخدوا منه ضلع ببلاش وما بدك ينطعج فمشان هي القصة كمان ما بدي ضيف شي للنسوان بس على حساب الرجال واذا بدك تقلي منضيف اختراع العين الوسطانية للرجال كمان ما بيمشي الحال كيف بده يوقف على صرفة البنات ويغمزهم ;) ما هية عين وحدة عنده اذا سكرها مشان يغمز بيتعبى بأول عامود فيا اخي انا بين علي انه في عندك مواهب فذة بس بدها صقل .. فانسفلنا شي اقتاحات اخرى (( بضم الالف .. يقطع عمر الشعب اللي بياخد الحكي على نية عاطلة :frown: )) عبنتظر اقتراحك الجاية شالوم :larg: اقتباس:
منقوي حاسة الشم اكتر من هيك اقتباس:
لان كلمة اي لـ (( رجلي )) بتطلع متل الطنطات وكلمة اي لـ (( **** )) ابو سمرا بيحرقنا على الحارك وبيسعالنا بمخالفة مسنفرة .. فما بدي رد عليك وبدي خليك تعوعو لحالك :p اقتباس:
منعمل سن البلوغ بعد الولادة ب 18 دقيقة .. شي على الحارك تجي البضاعة مفتحة وفهمانة الوضع .. ومنخلص من قصة رشينا سكر تحت السجادة :o اقتباس:
اذا لزمني شي قطع تبديل انت كفو ولا متل ابو ويلم ؟! اخلي ابو جوزيف شو كان يشتغل ابو زفت كفو وهوي صغير :p |
فينا نعدل شوي بضهر هالبشري
بحيث يصير رخويات بدل فقاريات اريحلو؟ |
وحياتك ولا بزل عليك بحرف
من 3 ايام كنت قاعد عم اشرب منكر(متة)وعم حشش متل العادة طلع هالنور من غامض علمو وطلع قدامي سعدو والشيخ لايص متل العادة لا احم ولا دستور المهم انا كنت متخانق مع سعدو والشيخ من ورا حضرتكن شعب اخوية قعدو انو اي نعم شو بدكن س+ل(يعني سعدو ولايص)خيو جايين نصالحك شو بدكن من دون لف ودوران بعرفكن مصلحجية جايين نعرض عليك هالعرض وضلو ساعة يشرحولي وانا كنت واعي هه واعي تماما قام رفضت بحجة انو انا عندي اخوات وما بحب حدا يسبون يقعد بكرة شي بشري من النسخة الجديدة او حتى القديمة يسب باختي والهتي ما بدي هو بيني وبينك انا عرفان انو بدون ياخدو بلاوي وكان هاد سبب اضافي انو ارفض مبروك عليك |
اقتباس:
خصوصا لشعب المنقطة اللي عبيشتغل حاليا بالشحادة يعني التلقيح بالاراضي والجعلكة على بعضه البعض بنتفع لهيك مصلحة بس ما فينا ننقاد وراء اهوائنا ورغباتنا الشخصية ونغير البشرية على كيفنا مشان هال كام مليون سوري الشحاد فخلينا ننتقل من الوطينة للعالمية شوي :larg: |
اقتباس:
وعلى كل احبابك وعلى اللي نفضك وعلى اللي قال للسيدة الوالدة مبارك ما اجاكي وقت حضرتك شرفت على الدنيا وسقط راسك قبل جسمك :larg: وسعدو بيشهدلي كنت عرفنا انه عينك ديقة على لقمة الخبز اللي عبتكورتها |
له يا معلم
هلق صار اللي بيقول الحق هون كخة؟انا حكيتلك شو صار معي واذا مو مصدقني سال سعدو واذا بدك بواجهو قدامك |
اقتباس:
وسعدو بيناتنا |
اقتباس:
ضروري نسخة وحدة ياعمي اشتغل على طبيعة كل منطقة وعملون تصميم بيلبق لبيئتهون يعني لهالكم مليون سوري عملون رخويات لباقي دول العالم المتحضر ركبلون جناحات بتعرف مشان الازدحام والارتطام والطموح والارتقاء الجناحات بتساعد كتير فيا سيدي بارك سعدو بك كل بلد بيلبس على قدو نحنا بيبلقلنا نسخة الرخويات وهي مابتلبق لاي بلد يعني وما احلاك باعت نسخة رخويات لاميركا متل تمام لما بدك تتاجر باملايات والعقالات بالصين:frown: سماع مني انا عندي خبرة صدر جناحات للعالم ورخويات لمنطقتنا:larg: |
اقتباس:
وانا شاهدة كنت موجودة وقتا:larg: |
اي صح كنا عم نحشش سوا
|
طيب لح اعطيك الرئي
1- بدنا يكون في غرفة سرية ورا مشان ما بتعرف يعني بدو يخبي علبة السيمو و من خلافو 2- هي النقطة انا مالح اقدر اشرحها منيح زين بيشلحها احسن مني بس انو (( يقدر يخدم حالو بحالو )) اذا ما فهمت اب انطون راجع زين او راجع سمايلي غابي على مسنجري 3- يكون عندو شي مشان يتنبه بالجو يعني اذا كان بدو يصير برد ولا لا لأنو بيكون طالع لابس شتوي بيكون صيف الدني بيلبس صيفي بتشتي الدني 4- يبقى يصير في زر مع عداد قدام الكرش بحيث الواحد لما بدو بيزيد من نصف قطر كرشو و اذا بدو يخفف من نصف قطر كرشو 5- مقاس رجل موحد مشان ما تكون رجلك محيرة 45 - 46 ما تعود تلاقي شي بوط متل العالم و الناس _____ هلق سوفت وير 1- الغاء جميع أنواع الأديان و ملحقاتها من المخ 2- الغاء نعمة النسيان لأنو مع نعمة النسيان عما يرجعو يدقون نفس الخازوق 1111 مرة مشان نتعلم 3- تعميم جميع كتب الماغوط على كل المخوخ و توفير الترجمة فيها 4- لشو كل هاللغات لغة واحدة و بتكفي مشان نقعد نتعلم لغات 5- و هي مخصوصة الغاء الواو الحمصية و الجيم الحلبية و البوجئة الشامية هلق اهم شي في صار بالنسخة التجريبية يطلع ستوك كتير متل جماعة الخليج بقا اذا بيطلع بايدو يوقف خط الانتاج كلو لأنو كم قطعة ستوك بينزعو سمعة المحل |
[quote=ABU WILLIAM;1137565][b][color=blue]
هلق سوفت وير 1- الغاء جميع أنواع الأديان و ملحقاتها من المخ 2- الغاء نعمة النسيان لأنو مع نعمة النسيان عما يرجعو يدقون نفس الخازوق 1111 مرة مشان نتعلم 3- تعميم جميع كتب الماغوط على كل المخوخ و توفير الترجمة فيها 4- لشو كل هاللغات لغة واحدة و بتكفي مشان نقعد نتعلم لغات 5- و هي مخصوصة الغاء الواو الحمصية و الجيم الحلبية و البوجئة الشامية ايه لويظبط هالشي ياابو وليم والله رايك لازم ينحط بالحسبان عند ابو طوني |
ما حبيت هالموضوع طاول طاول (هون في سمايلي بوز بس ما قدرت حطو لانو داخل من موقع كسر بروكسي )
|
اقتباس:
|
اقتباس:
سمايلي وردة |
في شغلة بدي نبهك عليها
غلط فيها الله واوعى تغلط فيها انت يارجل انو الله قال لحالو لحط لهالبشر عقل وانا بتحكم فيه بالقضاء والقدر والتسيير والتخيير بس ما عرف انو هالبشر رح ينطو عليه ويسالون مين حضرتك وليش تتحكم فينا فنصيحة مني الك بالنسخة المعدلة شيل العقل من الجمجمة:pos: |
اقتباس:
يا حرام |
اقتباس:
اقتباس:
يا ستي هلق خطرلي مستوى جديد من التفكير بعد ما شفت شهادتك الباطلة والمزورة واللي ما بدي علق عليها لانها ما بتستاهل بدي اعمل النسوان هنن الاقوى فيزيولوجيا وخلي يلعتن سما الرجال كام الفية تجريب حتى يحسوا شو :p بو زفت الملك لازمك فصفصة انت .. قصدي مشاركتك اقتباس:
اقتباس:
الغرفة هي ما بتزبط .. بتصير بيت دعارة بعدين .. ما بدنا ندخل بقصص الاخلاق .. الا اذا كان في عندك مشروع استئصال الاعضاء الجنسية المثيرة للانسان بما فيها الاعضاء التناسلية واليدين والفم وبطة الرجل .. هادك الوقت منوافق على طلبك;) [quote] 2- هي النقطة انا مالح اقدر اشرحها منيح زين بيشلحها احسن مني بس انو (( يقدر يخدم حالو بحالو )) اذا ما فهمت اب انطون راجع زين او راجع سمايلي غابي على مسنجري [/ QUOTE] بدون ما ارجع عند زين بقلك وجعك خيو ما بتركب على بعضها .. فضب السيرة احسن ما اعمل فيك متل السمايلي :jakoush: اقتباس:
ومنزل لونين ازرق للذكور وزهري للفتيات :gem: اقتباس:
وكونك الوحيد اللي بقدر اتواصل معه واقدر اساله ومن تحت راية الديمقراطية فين بدك يكون محل الزر ؟! انا خطرلي محل بس ما بعتقد بده يعجبك :p اقتباس:
يعني ستاندر من لون الشعر لمقاس الرجل حتى حجم الخصر بدنا وحدو وحدوووووووووه :larg: هلق سوفت وير اقتباس:
فلا اتدخلنا بهي القصة بس من بعد ما نزل النسخة تبعي ما حيكون في لا انبيا ولا بياعين غاز ولا ملايكة كل الخلق سواسية مافي عنا خيار وفقوس حتى من ناحية المهارات بدي نزل الكل ستاندر بس ما لاقيت المهنة المناسبة اللي بدي شغل البشرية فيها اقتباس:
خاصية التعرف على الخازوق من بعد اول 3 سم من الراس يعني على الحارك بيتعرف الواحد على الخازوق وبيستذكر كام مرة اكله وبحاول يوجد الحل لمفاداته بس انه شيل النسيان ما فيني لان نعمة النسيان هية اللي بتخلي البشر مستمرين بالحياة .. خصوصا نسيان الخوازيق المئلئلة اقتباس:
اقتباس:
[quote] 5- و هي مخصوصة الغاء الواو الحمصية و الجيم الحلبية و البوجئة الشامية [/ QUOTE] في كتير اشياء بدها تنلغى مش بس اللهجات الاقليمية .. كمان الانتمائات يعني بدي عمم قومية (( ام الطنافس )) على كل البشرية انا ام طنفساوي .. آه يا نيالي :gem: اقتباس:
الحجة جاهزة .. سوء استخدام ومنرفعه فلقة ومنرجعه للبطن اللي جابته (( اعادة إلى حالة المصنع يعني )) اقتباس:
اقتباس:
اقتباس:
اقتباس:
منضفله وردة على راسه .. وهيك لا بيصفى محل للريشة ولا للخط وبصير كل النفر سواسية :gem: اقتباس:
يعني حسبتها شوي المخ اتقل اعضاء جسم الانسان ومع هاد الشي ما بيلزم بشي لا بل كتير بضر يعني انا بتذكر انه بالاعدادي كان يشكل خطر على حياتي وقت بدي اهرب من المدرسة وادخل بين العامودين كان اغلب الاوقات يعلق راسي فمشان ما يهدد حياتي قررت استئصله من البشرية فانا حابب شيل المخ وحط محله كارت ريدر منها الزلمة بيشتغل عكروت .. يعني على كل كرت بنزل معلومات مشان الفحص بروح بفضي كرته على الورقة وبيطلع مهندس ومنجوزه .. والله يساوى (( سمايلي عبزلغط )) اقتباس:
|
سؤال حاج غابي
هلق سعدو شو لح يكون محلو من الاعراب بالنسخة الجديدة و مشان الزر برئيي نعملو ريمونت كونترول |
برايي
ما نحط سعدو بالمرة لانو كان عم ينصب |
اقتباس:
اقتراحات أخرى "بضم الألف " وحياة عينيك التنتين ما ضل عندي , عم استبق الأمور وعم فكّر شلو ن لازم يتم التعديل بالحمير اللي خلقها الله منشان تضل مناسبة للبني آدم اللي عم يتعدل, أصلا قبل التعديل تبعك كان اسمو ابن آدم بس هوي ابن الله , بعد التعديل بيصير بني آدم , ونفس الشيء الحمار اللي أنا عم أعملو التعديل بيصير كمان حمار بني آدم وبيصير البني آدم الموديل الجديد والحمار الموديل الجديد تنيناتون بني آدمين والله عجبتني هالنغمة |
أنا بدي أقترح عليك بالنيو فيرجن انو تزودو عدد الرواح يعني مشان اللعب يكون أحلى ما من أول مرة يحطولك جيم اوفر ما حلوة بتصير بايخة يعني حرام إذا القطط إلها سبع رواح يعني عالمقلينة يكون في شي 12 / 13 روح وتنزلو كرت ذاكرة ولا تنسى الجكة مشان نسيف
|
اقتباس:
شو مشان مشروع تبدا اتطلع ابعد من انفك تخيل كل زلمة معه ريمونت بصير تشويه للاشارة بعدين يا اما بدنا ننزل ريموت ستاندر (( وهيك مفروض )) يا اما بدنا انزل ريموت مع كل واحد هلق اذا ستاندر في مشكلة بس اذا ريموت في مشكلتين يعني بصير كل زلمة اله شكل ريموتاواتي معين .. وخود على تمييز انا بدي اقضي على كل اشكال التميز والعنصرية ومعاداة السامية .. فتّحلي مخك معي كرمان سعدو اقتباس:
بعد اللي عمله معي بدي العن طائفة السعدوية كلها على بعضها قال سعد السعود يغلي الماء بالعود اي بدي اغلي دمه .. طول بالك علي .. بدي امسخه دينصور منقرض :o اقتباس:
اقتباس:
يعني المواطن هون بموت وبعيش كل يوم يعني سنويا عنده شي 365 فشو بدها تعمل ال 12 ، 13 تبعك ؟! ومشان الكرت هاد من اهمهم الشغلات :p |
| الساعة بإيدك هلق يا سيدي 14:04 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون