|
متراجعاً عن تصريحه سامر المصري سيبقى عكيد باب الحارة 4
صدى سوريا: تراجع الفنان سامر المصري عن التصريح الذي أدلى به لـصحيفة "بلدنا" بأنه لن يشارك في الجزء الرابع ل "باب الحارة في حال وجوده, و أكد في اتصال هاتفي مع كاتب العمل "مروان قاووق" عزمه على المشاركة في "باب الحارة4" و أن كل ما قيل حول عدم مشاركته هو إدعاء و ترويج من بعض المواقع الإلكترونية, أما عن قاووق فقد علق على تصريح المصري بعدم المشاركة أولاً ثم نفيه لذلك بأن إنكار الفنان لما قال يدعو إلى عدم تصديق أقواله اللاحقة, وهذا التناقض في الآراء عبارة عن استهانة بالقارئ عبر الإدلاء برأي وتعديله حسب الظروف و رأى الكاتب مروان قاووق أن حق الرد واجب على مثل هؤلاء.... و إن استطاع المصري إنكار ما تنشرته المواقع الالكترونية و اتهامها بعدم المصداقية, فكيف له أن ينكر ما سجلته بعض الصحف بالقلم و الورقة
|
بصراحة باب الحارة بلا سامر المصري بلا طعمي:p
يسلموووووووووو |
اي ... وهو المتوقع .. يعني
|
ازا عملو باب الحارة بلا سامر المصري فليش ليكفو الجزء 4؟؟
احسن شي يوقفوه:frown: |
ايه والله ادا مافي سامر المصري ليش ليكملو يوقفوه احسن اصلا انا بشك انو ينجح الجزء الرابع بلا ابو شهاب
|
كيف هيك غير رأيو ؟
مو على أساس شكلين ما بيحكي  |
اي بدون العكيد ما بينحضر المسلسل :larg:
|
لك احلى عكيد عراسي كزدرة والله :larg:
|
مشكورين عالردود بس حسب علمي انو غروه بالمصاري لأنو عرفو جماعة mbc انو لولاه ما رح يكون الجزء 4 حلو
|
سمعت انو سامر بموت باخر خناقه مع الفرنساويه ..
وبيرجع ابو عصام انو قال بكون اسير ما بكون مات .. :lol: فيلم هندي .. |
اقتباس:
ورجعة بو عصام مو واردة بنوب:lol: |
باب الحارة اول جزء ما حضرتو بالمرة ..
باب الحارة تاني جزء ما اتحملت احضرو .. ما اتحملت كمّل حلقة وحدة منّو .. يعني حاولت احضر وما طقتو باب الحارة تالت جزء .. ما لمحتو حتى .. لانو بالمرة ما بحب احضرو بقا دخيلكن ما نائصنا يطلعو بالرابع كمان .. خلص يوقفو .. ويريحونا الله يريحهن |
اقتباس:
|
اقتباس:
انا ما اتحملت كمّل حلقة منو .. :D |
والله بيصير ماتيا
بس لاتنكري انو اخد شعبية كبيرة انتي يمكن ما بتحبي هيك انواع من المسلسلات |
اقتباس:
انا ما عم بنكر نجاح الجزء التاني..بالعكس..انا سبق وقلت بيختلف مع رايي شي 99% واكتر بهالنقطة انو انا ما بلاقيه حلو ع عكس الكل او الاغلب .. بيبقى راي وزوء .. انو كل طلاب صفي حبوه..ما عدا انا :pos:يمكن بالضيعة كلها .. بس انا واهلي ما حبيناه بحكي عن الجزء التاني..بس التالت كلها ما حبتو حسب ما لاحظت .. يمكن بسبب نجاح اهل الراية ..للمناسبة اهل الراية حبيتو انا من قصتو :D |
اي اهل الراية حلو
بس ال2 حلوين على كل حال مشكورة |
اي حاج
ضجرنا من التلصلص على شؤن الاخرين الحياتية |
بنفسجة :pos:
|
وحياتكم سامر باقي بباب الحارة
حتى ابنو بدو يمثل بباب الحارة الجزء 96 |
تحياتي الك الالهة مشكور حبيبي
|
اقتباس:
|
انا ما لفت نظري من كل الخبر غير انو في جزء رابع لباب الحارة.. :shock:
اي لا بقا.. تخنوها كتير.. كتير كتير مو شوي.. انا ما ممكن اسكت على اللي عم يصير .. رح اقلبها عاليها واطيها.. بس انو يلا اذا بس هل الجزء ماشي الحال.. رح نمشيلون ياها.. منشان اعمالون ما تتعطل.. :pos: |
اقتباس:
كتر خيرك ياكبيره000 مشيها هالمره |
اقتباس:
لو ما شايفة انو كتير الناس هون متحمسين لهل المسلسل فلا بخليهون يصوروا .. بس ازا طلع في جزء خامس لا حدا يعتب عليي.. لانو خلص بكون طلع الامر من ايدي.. و صار بالايد التانية.. :pos: |
اقتباس:
من ايد لايد غير الله مابيعرف شو بيصير بس منوعدك مافي جزء خامس |
اقتباس:
يعني بالله شو قدم شي جديد باب الحارة لك السلاح يلي حكو عنو من ناحية وطنية حسيتون حشروه حشر بقلب خبريات المسلسل هاد يلي كل يوم والتاني بتحرد مرتو وهاد يلي بيخبط خطيب حبيبتو وهاد يلي مرة بدو يعرف مين قتل بيو ومرة ما بدو والتاني راحت من اول المسلسل عالاردن مارجعت لاخر المسلسل اي حاج بقا |
اقتباس:
:lol: |
اقتباس:
|
اقتباس:
شرنه و شاضومه ومدري شو ههههههههه:lol: |
اقتباس:
|
إذا بدهم يغيرو سامر المصري أنسب شخص لهادا الدور هو باسم ياخور ( العكيد الجديد) في باب الحارة 4
|
والله يا سفينة البر باسم ياخور ممثل ممتاز
بس بعتقد في مين يكون أنسب لهالدور ... |
.......:humm:.........:humm:.............:humm:... ............:razz:
|
بصراحه الجزء الثالث ما كان بمستوى الجزئيين الاوليين
يعني القصة ما فيها ترابط ........ ولا فيها حبكه ...... ولا فيها تشويق ايه والله الجزء الثاني على ايام ابو عصام الله يرحمو كنا ننتظر على احر من الجمر وقت المسلسل منشان نشوف شو راح يصير هالجزء تشوف الحلقه وما تفرق معك اذا شفت اللي بعدها او ما شفتها وفي شغلات حاشرينها حشر بالمسلسل مثل قصة ابو ديبو والداسوس الجديد وابو عرب وابو النار كما بهالجزء ما الو داعي .... يعني ما عمل شي ...... هدول كلياتهم ما كان لهم داعي في المسلسل |
هلئ الجزء التاني أخد شعبية كتيرة
و الجزء التالت صحيح ما كان بمستوى التاني بس لا تنكر يا اخ محمد انو نال المراتب الاولى |
| الساعة بإيدك هلق يا سيدي 01:53 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون