|
مجلس الشعب يقر قانون تخفيض مدة خدمة العلم من 24 شهرا ً إلى 21 شهرا ً..
دمشق ..
تعديل المادة /3/ من المرسوم التشريعي /30/ لعام 2007 المتضمن قانون خدمة العلم كان العنوان الأبرز لنقاشات مجلس الشعب في جلسته التي عقدت مساء أمس برئاسة الدكتور محمود الأبرش رئيس المجلس بحضور وزير الصحة الدكتور ماهر الحسامي ووزير الكهرباء الدكتور أحمد قصي كيالي حيث تمت مناقشة مشروع القانون والذي تقضي المادة الأولى منه بتعديل المادة المذكورة بحيث تصبح مدة الخدمة الإلزامية واحد وعشرين شهرا ً تبدأ من تاريخ سوق المكلفين من المناطق التجنيدية إلى معسكرات السوق وتنتهي في اليوم الأول من الشهر الذي يلي تاريخ انقضائها وتعد الأيام الزائدة عن الواحد وعشرين شهرا ً خدمة إلزامية باستثناء المكلفين الذين لم ينجحوا في الصف الخامس من مرحلة التعليم الأساسي وما دون فتبقى مدة الخدمة الإلزامية أربع وعشرين شهرا ً ونصت المادة الثانية على أن ينشر هذا القانون في الجريدة الرسمية ويعتبر نافذا ً من تاريخ 1 / 1 / 2009وبعد ذلك تم إقرار المشروع وأصبح قانونا ً وجاء في الأسباب الموجبة لهذا القانون أنه لما كانت القيادة العامة للجيش والقوات المسلحة تولي اهتمامها الكامل بالمكلفين بالخدمة الإلزامية من كافة النواحي ومعالجة أوضاعهم بما فيها مدة الخدمة الإلزامية طالت أم قصرت والتأكد من تناسبها مع ظروفهم وفقا ً للهدف والغاية منها وتماشيا ً لمصلحة القوات المسلحة فقد ارتأت تخفيض مدة الخدمة الإلزامية للمكلفين السوريين ومن في حكمهم المشمولين بأحكام المادة المذكورة مع الأخذ بعين الاعتبار المؤهل الثقافي ودرجة التحصيل العلمي .وتساءل عدد من الأعضاء عن أثر تخفيض المدة على البدل النقدي كما عبروا عن الدور الكبير للقانون في القضاء على الأمية وأوضح فجر عيسى رئيس لجنة الأمن القومي في مجلس الشعب بأنه لم يتم تحديد أي تخفيض في قيمة البدل النقدي كما أوضح أن المكلفين الذي هم في الخدمة حاليا ًو قضوا فيها مدة 21 شهرا ً لغاية 1/1/2009 سوف ينطبق عليهم القانون .  - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :larg: |
مبروووووووووووووووووووووو ووووووووك
وعقبال ماتصير سنة ونص بيكون احلا واحليين |
لك الله 3 شهور تخفيض دفعة وحدة؟؟؟ ليش هيك كتير جايين على حالون؟ ومجلس شعب ومرسوم؟؟ انو بفرد مرة ما يعملو مؤتمر قطري للحزب مشان يقروا هالتخفيض الخطير...
بشرفي تسالي. |
اقتباس:
|
اقتباس:
|
اقتباس:
الله ستر يلي ما كنا متل أميركا فاتحين 3 جبهات حروب وناشرين جيشنا بكل الأرض كنا عملنا الخدمة الالزامية 45 سنه... برجع بقلك تسالي |
اقتباس:
أنا بقلك السر هنن بيخافو الشعب ما يستوعب.. حتى خدمة الجيش بينزلوها بالتنقيط... بتعرف شعبنا مابيلبقلو الدلال المفاجئ. |
لك هني ما يخفضو الوقت ويعملو عسكرية متل الناس .. يعني مو ذل لهالشباب وودفع رشاوي اللي بيكون متعلم كلمتين بيطلع نسيانن من العسكرية |
اقتباس:
بيطبّق عالأردن أو السعودية .:larg: |
اقتباس:
|
اقتباس:
بشرفي هالموضوع تحديداً بيضربلي عالعصب ... انو جيشنا تحديداً يلي هو رمز لكرامتنا وسيادتنا لعنو ربو... خلصنا دخيلك |
كتير معذبين حالون ...شو تلت شهور؟
شم ولا ادوق يعني ... شو عم يعملو الشباب بهالجيش غير عم تتوقف حياتون عالفاضي وتتكسر نفسياتهون والي بيسوا والي ما بيسوا يتمقطع فيهن! بس لو بايدي :sly: |
على ما يبدو في عالم انمحت من ذاكرتها انو في 14 الف جندي سوري استشهدوا بلبنان
على كل خطوة كتير مليحة وعقبال ما تصير سنة |
اقتباس:
14 ألف شهيد بيبررو سرقة الجيش؟؟؟ بيبرروا سرقة مصطفى طلاس وولاده للجيش 30 سنة؟؟؟ احكيلك عن مجموعة ماس الاقتصادية وانجازات فراس طلاس بالمرتديلا؟؟ احكيلك عن ثروات قادة الفرق وقادة الألوية عنا؟؟ لك احكيلك عن رتبة عقيد ومافوق؟؟؟ احكيلك عن 70% من موازنة البلد كانت عم تروح لوزارة الدفاع ولليوم العسكري عنا بيلبسوه كل فردة بوط شكل.... احكيلك عن العسكري عنا يلي كل همو يأمن بالشهر 10 تالاف ليرة لمعلمو مشان يقعد بالبيت؟؟ لك أخ بس انو ايمت بدنا نصير صادقين مع حالنا مابعرف... |
اقتباس:
هيك الظاهر يا حبيب تناسوا :jakoush: بعدين ليش مننسى انو اسرائيل دولة توسعية ولا كمان هاد الحكي تأليف الحكومة عنا :larg: |
اقتباس:
موضوع عدم المحاسبة عنا غصة بقلبي الله وكيلك :sick: |
اقتباس:
|
أنا برأيي أنو العسكرية لازم تكون بس سنة لن بعد الدورة الي مدتها 6 شهور بيقعد الشب يعد أيام لتخلص عسكريتو لا شغلة ولا عملة , بعدين اوفر اقتصادياً للدولة .
|
اقتباس:
معك حق مرسيل .. الأهم أنو يهتموا بأوضاع المجندين ... قبل التفكير بتقصير المدة خاصة أنو مدة الخدمة بتدخّل فيها عدة أمور و و عدة اعتبارات لأنو جيشنا معظموا من المجندين ... مو من المتطوعين ( المحترفين ) يعني تخفيض 3 أشهر من المدة .... بيعني إخراج 1\8 من المجندين أو 1\9 من الجيش ككل .... خارج الخدمة و هادا ما بصير يكون قرار اعتباطي يعني ممكن هالقانون .... يكون بالاساس عبارة عن قرار لتخفيض عدد القوات المسلحة .... بس بشكل ما يثير التساؤلات |
اقتباس:
منرجع للمشكلة الأكبر الموجودة عنا هي عدم المحاسبة اللي بتخالي العالم تطمع بزيادة :x |
انو غريب اذا بنكون مش راضين على تصرفات ضباط الجيش نقوم نطلب حل الجيش
وانو لما جيش مابيحارب نروح نطلب حلو جد انا احيانا بفكر كيف الناس بتقيس الامور مستقلين كتير بتلات شهور تخفيض هلق بنحكي انو في كتير فساد بالجيش بس هاد ما بيعني انو نلغيه في كتير فساد بالدولة بس هاد ما بيعني انو نلغي كيان هالدولة بنحاول نصلح والاصلاح ما بيكون بحل الجيش انا بعتبرو كلام بالهوى |
وشو مشان طلاب الجامعة اللي خدموا المعسكرين التدريبيين شقد صارت ؟!
|
اقتباس:
سنة وتلات شهور على ذمته ها:lol: |
المعسكرين لا لا انا ماني محشش لهي الدرجة .. انه بعد الساعة 1 ما بيفصل القاطع عندي لهي المرحلة بس من فترة صار لخبصة بهي القصة شي بقولوا لنا كل معسكر بقلل من العسكرية 3 اشهر يعني المعسكرين = 6 اشهر تخفيض وبمعنى آخر العسكرية للجامعي سنة ونص
شي بقولوا لنا انه المعسكر بخفص من العسكرية قيمة ايامه يعني المعسكر الاول مدته 15 يوم والتاني 15 يوم صاروا شهر وبتصير عسكرية الطالب 23 شهر ب 24 فهلق بعد ما صار الوضع هيك ضرب الحامي على البارد وفصل القاطع عندي نظامي :larg: |
بسيطة مانها القصة معقدة
روح عاشعبة التجنيد واسال |
أنا اكره بيع الوطنيات وبائعي الوطنيات....:sly:
|
يا جماعة اليوم سمعت خبر تازا و حابة أتأكد منو ..
هل صحيح انو طلع مرسوم لغى حكاية دفع البدل لجماعة الخدمات الثابتة !!؟ |
اقتباس:
الله يبشرك بالخير على هالخبرية إن شا الله ماتكون مزبوطة |
هلأ بس خفضوا 3 شهور وما خفضو البدل
ما استفدنا شي... |
| الساعة بإيدك هلق يا سيدي 04:19 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون