|
أمثال سورية
مرحبا
هون بدنا نحط امثال شعبية بتنقال بالحياة بسوريا ونقول بينضرب فيها المثل بشو؟ |
يا اخد القرد على ماله راح المال وبقي القرد لحاله
بظن بيتقال على اللي بياخد شي عاطل كرمال المال او يمكن اللي بيكون بشع او كبير ومدسم وبده ياخد وحدة صغيرة |
ياداخل بين البصلة وإشرتها ما ينوبك غير ريحتها
بتنقال للحشري , على ما أظن يعني ما تحشر أنفك بشغلات ماإلك فيها:larg: |
طول عمرك يا تينة مجعلكة
بيتشابه مع فكرة ما افي امل / دنب الكلب اعوج |
الخنفسة شافت ولادا عالحيط قالتلون تسلمولي متل اللولية بالخيط:lol: بتنقال عن الاهل يلي بشوفوا ولادون حلوين وهني مو حلوين:lol: |
حط الجره على تمها بتطلع البنت لامها
يعني حركات البنت وتصرفاتها رح تكون نفس حركات امها سابقا |
بالوش مراي وبالقفا صرماي
يعني شغل كزب ونفاق |
الكبير كبير ولو حشرتو تحت السرير
بينقال للشخص يللي بكون زعيم بين اهل ضيعته بس ظروفه المالية خلتهن يطنشوه وما يوجبوه |
سكتنالو .. دخل بحماروووووووووووووووووووو ...
فهمكم كفاية |
طنجرة ولاقت غطاها
بتطبّق على عاشق ومعشوق عاسبيل المثال:larg: |
دق المي و هي مي
بتصور واضح المعنى هاد المتل كل يوم بسمعو |
يا مآمنة ب الرجال متل المي بالغربال بيعني انو الرجال ما بيتامنلهن
|
بقلو تيس ....... بيقلي احلبو!!!!!!!!!
هيدا المثل بنطبق على كل التنحين من دون ما يشغلو عقلون :o |
قالوا للبغل مين أبوك ؟ قال الحصان خالي:o = بينئال ع حدا شايف حالو وهوي ولا شي
|
قالو للفرعون مين فرعنك قلون ماحدا مسكني
|
اقتباس:
|
القرد بعين امو غزال وفهمكن كفاي
|
عالوعد يا كمون
قصتو على حسب زمة اب سمرا انو الكمون ما بدو سقاية مي كتير بقا كل ما يكون المزارع عما يسقي بيوصل لعند الكمون وهوي ما بدو كتير سقاية و على اساس بكرا و بكرا و بكرا و بيموت الكمون بلا سقاية اي بقا عالوعد يا كمون |
خود البنات من حضن العمات ....
انه البنات دائما بيطلعو لعماتهون مهما صار ...... في متل تاني بيحكي عن هل الجيل الجديد بقول : هل الجيل بيروح وما بيرجع ...بياكل ما بيشبع ...بتعيطلو ما بيسمع ... |
اقتباس:
هادا متل : القرعة بتتباهى بشعر بنت خالتها :lol::lol::lol: |
كل ما حدو خيل السلطان مدت الخنفسة (الخنفساء) رجلها
فهمكم كفاية |
خبزي ذره وخبزك ذره فعلى شو هالأنبره؟!!
(بتنقال لشخصين بنفس المستوى و واحد فيهم عم يتكبر عالتاني) |
حبلى و مرضعة و وراها أربعة و طالعة عالجبل تجيب دوا للحبل
  بظن ما في داعي للشرح ... |
الحلو حلو ولو فاق من النوم والبشع بشع ولو تغسّل كل يوم
|
لا تندم ولا تشكر إلا بعد سنة وست أشهر
|
الجمل لولا الفزة كان حمل المزة
|
طلع من بيت ال..طز مأدّن
لما بتكون شي عيلة كلها بهايم و بيطلعلو واحد من بيناتون فهيم شوي..بيشوفو حالن فيه الناس بتقول ....ولي عليهن على شو شايفين حالن.. يعني طلعلو من بيت الطز.. مأدّن |
صار للدباني دكان و صارت تسكر عبكير..
|
حط العدس واشعل تحتو مو متل الخال إلا ابن اختو
|
اقتباس:
|
قلو يا عبد القادر قوم اشتغل قلو مالي قادر, قلو اوم كول قلو وين معلقتي الكبيرة
|
أبوك بصل و أمك توم .. منينلك هالريحة الطيبة يا منظوم ؟! ;)
|
اقتباس:
|
طولو طول الفارة و صيتو معبّي الحارة
و تقال للي ما بيتاخد بالعين بس مفعولو كبير :lol: |
يعني انا ما عندي امثال سورية مالي حافظة
المهم عندي تركي ازا بدكون ( إيت إيتّا بيورور إيت قويوقرنا بيرور ) =):lol: هلى فكرة المثل موسيقي بس لو تقرأو صح انا ما كتبي بالتركي لا نوما رح تفهمو |
الحجر يلي ما بيعجبك بفجّك
بتنقال لواحد شايفك مو مهم! |
اقتباس:
على راسي ... بس شو يعني ؟!!؟ :oops: |
يعني لما حدا يكلف حدا بشغلة بيروح التاني يكلف التاني
يعني بالمشرمحي ( الكلب يأمر الكلب والكلب يأمر ديلو ) حاشاكون يعني |
عيش يا كديش لينبت الحشيش
مو لازمها شرح ما؟ |
الله يلعن هالزمان اللي خلا النونية شمعدان
:lol: |
| الساعة بإيدك هلق يا سيدي 22:28 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون