|
17 قتيلا في انفجار بدمشق
قتل 17 شخصا على الأقل وجرح 14 آخرون في انفجار سيارة مفخخة قرب طريق مطار العاصمة السورية دمشق.
وقال مراسلنا في دمشق إن السيارة انفجرت على مفرق المحلق الجنوبي المؤدي إلى طريق حمص شمالا و طريق المطار والطريق المؤدي لمقام السيدة زينب في الضاحية الجنوبية وهي منطقة عادة مكتظة ويوجد بها موقف للحافلات. وذكر التلفزيون الرسمي السوري ان السيارة كانت محملة بنحو 200 كيلوجراما من المتفجرات. واوضح التلفزيون الرسمي ان "التحقيقات جارية من قبل وحدة مكافحة الارهاب المركزية للتوصل إلى هوية الفاعل". وقد طوقت قوات الشرطة مكان الحادث وأفاد شهود عيان برؤية سيارة محترقة. وتوقع متحدث باسم وزارة الداخلية السورية في تصريح لبي بي سي ارتفاع عدد الضحايا. ولم يعرف على الفور من كان مستهدفا من وراء الانفجار لكن محطة تلفزيون خاصة ذكرت انه وقع قرب مركز أمني، ولكن التلفزيون السوري اكد ان جميع الضحايا من المدنيين. ويعد هذا أول تفجير من نوعه في سورية منذ اغتيال القائد الميداين في حزب الله عماد مغنية في فبراير/ شباط الماضي. بي بي سي |
القنوات الخاصة تقول أن الانفجار استهدف مركز للامن السوري - لا تستبعدوا ممكن اصوليون سوريون قاموا به من الذين ذهبوا للعراق أو من عراقيين من أتباع القاعدة أو جيش المهدي ...
|
وزير الداخلية السوري يصف انفجار دمشق بالارهابي ويؤكد أن الضحايا مدنيون
27 أيلول 2008 وصف وزير الداخلية السوري بسام عبد المجيد الانفجار الذي وقع في دمشق اليوم بالعملية الإرهابية التي استهدفت المدنيين في منطقة مزدحمة قرب مزار السيدة زينب بدمشق، وأكد أن الضحايا جميعهم من المدنيين وأن التحقيقات جارية بهدف التوصل إلى كشف الجناة، وسيتم الإعلان عن نتائج التحقيقات فور اتضاحها. |
:jakoush:الله يرحمن
|
الله يرحمون ...
الغريب انو التلفزيون السوري كان اول من نقل الخبر من لحظة وقوعو...انو شو عدا ما بدا ؟! |
الله يرحمن
ولكن هل ستتبنى ما تسمى ب "المعارضة السورية" الانفجار .... كما تبنت خبر تفجير الحافلة السورية المزعوم منذ عدة أيام:jakoush: لا استبعد ذلك و خصوصا انهم يحاولون دائما ان يظهروا بان لهم تأثيرا مباشرا في الداخل السوري لادراكهم انهم ليسوا كذلك |
الشام صارت مستهدفة سواء من بعض العراقيين المغسولة ادمغتهم واللي عندهم مفهوم أن السوريين لازم يدوقوا من نفس الكاس اللي عم يدوقونا ياه .. أو من جماعة الحئيئة 14 حمار أو من جماعة جن ضراط اللي قال بمؤتمر بنيويورك انه بيشجع بارسال السيارات المفخخة الى دمشق .. أو من اسرائيل .. أو من بعض الامراء السعوديين الموالين لجماعة سعد الحريري .. واستبعد كل الاستبعاد المعارضة السورية يكون الها دور باعتبار ان المعارضة السورية على اختلاف اطيافها هدفها الاول بالوقت الحالي كسب ود المواطن السوري لكي تكسبه في صفها .. اقتباس:
مو مستبعد تكون انت مساوي هالعمل الارهابي الجبان لتلصق التهم عالناس اللي انت حاطط دابك من دابها ,, |
اقتباس:
مع أنو الانفجار صار قبل الساعة سبعة الا تلت .. لسا ما كان خلص أيام الولدنة المهم .. الله يرحمن .. ويكسر ايد يلي كانو السبب |
اقتباس:
بس انو سوريا مفرغه حالها هلا لهلخبر !! وعم تجيب مقابلات ومدري شو ..! ما الون بالعاده! الله يكسر ايديهون |
اقتباس:
|
اقتباس:
|
الله يكسر ايدين يللي كان السبب
يعني ناس ابرياء ومدنيين شو ذنبون ؟ |
عمل ارهابي.. قذر و دنئ و بشع... جدا
الله يكسر ايديهون.. و التعازي القلبية لأهالي الضحايا :akh: |
الرئيس الروسي يدين بحزم العمل الإرهابي الذي وقع في دمشق .
والله وميرسي الو |
يللي بدو يعرف تفاصيل يفضل ما بفوت عالعربية منعا من لعية نفس
بس هونيك في شي مركز امني او حدا مهم ساكن ؟ ما بظن ومع ذلك جايبين هالسيرة |
اقتباس:
طن الصوت بـ أدني عـ الساعة 7:42 ولساتو عم يطن وردة لـ روح شهداء 27-9-2008 :D |
اقتباس:
بس انو حدا مهم ساكن ما بتوقع لانها منطقة شعبية ومنطقة مصانع تانيا انو يكون المركز الامني هو المستهدف كمان مستبعد لانو في طريق بيمر بجانب البناء الامني ومسموح المرور فيه فما بتوقع انو القصد المركز الامني |
الله يرحم الضحايا
:akh: ويكسر إيدين أصحاب هالعمل الشنيع والقذر .................................................. ..... الله يستر :sick: |
الله يرحمهم
انشالله تجيب نتيجة التحريات ويعرفوا مين |
استصبحت ع الفيقة بهالخبر, الله يستر ويحمي الجميع
|
لك ضربو مدرسة واليوم مافي دوام من حظ الطلاب
لك مو حرااااااااااااااااااااااا ااااااااااااااااااااااااا اام الله لا يسامحهن ويكسر ايديهن بجاااه هالايام الفضيلة |
الله يرحمون.. و يجازي اللي كان السبب..
اقتباس:
|
يعني صحيح العمل ارهابي وما بيعرفو الله
بس بظن انو كانت مستقصدة انو يكون اليوم عطلة .. سواء موظفين أو طلاب مدارس |
اقتباس:
في شي غريب |
اقتباس:
|
في البداية اللعنة على تلك الأيدي القذرة التي نفذت هذا الاعتداء الغادر في بلدنا الآمن الجميل. و نتمنى أن لا تطوى هذه القضية دون معرفة الجهات المسؤولة كالعادة . نتمنى كشف الحقيقة ومحاسبة الفاعلين . الرحمة على شهداء هذه العملية . وابعد الله الارهاب عن بلدنا . |
عمل دنيء وحقير !
واللي عملو مهما كان هدفو ادن وأحقر !! الله يرحم الشهداء :D |
الله يكسر ايدهم للجناة الارهابيين ...
و الف وردة لذوي الضحايا ..... و نأمل ان يتم ايجاد الفاعل بأسرع وقت و محاسبته علنيا ..... على هكذا جريمة بشعة ... |
التفجير صار قدام فرع المخابرات فرع فلسطين والكل عنا بيعرف شو فرع فلسطين:sly:
بظن انو شي حدا من ضيوف الفرع الي عملها:larg: الله يرحم الجميع |
يا جماعة طمنونا في أ ي أخبار جديدة؟؟؟؟؟؟؟ لأنو مافي حدا جايب الخبر ع حد علمي
|
الارهاب يضرب من جديد
يا خوفي ترجع ايام الثمانينات عرفتو من شو خايف بعدين؟ الف رحمة عالضحايا سوريا لك السلام |
والله اللي خايف منه بكرا ايام العيد الناس كلو مسافر بالباصات والقطارات والرب يستر
بصراحة حسيت باحتقار كبير لما الاذاعات قاعدة تحط اغانيها الهابطة وبرامجها الاسخف وتلفزيونا العظيم حتى الخبر مخربط بكتابته وقال شو لغا برنامج يسعد مساكون كرمال التفجير بس ضلت الدعايات والمسلسلات \ |
اقتباس:
|
الحمد لله أنو اليوم سبت وما في مدرسة حسب ما فهمت انو المدرسة كتير متأذية
التعازي لاهل الضحايا فعلا حادث شنيع .. الله يرحمهن .. |
حرام .... راحت على الدراويش.....
|
هذا العمل اجا بوقت حرج جدا لتشتيت الانظار عن بعض تصرفات السلطة
|
شو قصدك؟
|
المشكلة انو هالعمليات ماالها فائدة إلا لفت النظر وشغل الناس وكركبتهم...لكن اهدافها بتكون خفية وغير تماما عن الظاهر لالنا..الله يحمي كل بلادنا من هيك عالم...
|
الله يرحمن اجمعين صراحةً تصرف السياسين مع الحدث كان دنيء
المسؤولين السوريين صار يلمحو انو هل عمل اجا مشان الممانعة والصمود والاخوان المسلمين (عل بي بي سي) صارو يقولو انو هل شي من النظام نفسو وتصفية حسابات بين فروع الامن لك عيب هدول بشر مو ارقام انا بحمل المخابرات المسؤولية بسبب التقصير لانو لو بهتمو بالامن قد ربع اهتمامن بالناس الشرفاء بحياتو ما كان صار عنا هيك بالاول كم تفجير بعدا اغتيال عماد مغنية وهلأ قتل 17 سوري بريئين الله يرحمن جميعاً وتعازينا الحارة لأهل الضحايا |
اقتباس:
يعني سورية من يوم يومها بلد سياحي وآمن جداً ....ومن البلاد الاكثر امناً بالعالم ... فإذا المخابرات او الدولة هني ورا هالشي .. بيكونوا عم يخسّروا حالهن أولاً وعم يخسروا سمعتهن تانياً ..... اقتباس:
والنظام هوي يلي بيأذي حالو اذا هوي ورا هالتصرف مو اكتر ... وبيأذي حالو قبل ما يأذي ايا حدا تاني ... كمان النظام مو بهالغباء .. لحتى يساوي هيك شي .. ما؟! انا قبل شوي وانا مارق من الطريق ... شفت نعوة تنين مستشهدين (عميد في الجيش .. وابنو ) ... الله يرحمهن .. ويرحم كل اضحايا .. من ورا هالعمل الارهابي الاجرامي الحقير .... ومنتمنى الشفاء العاجل لكل الجرحى والمتتضررين من هالعمل الجبان .... |
| الساعة بإيدك هلق يا سيدي 09:35 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
