|
حملة لايقاف جرائم الشرف
استكمالا للي قام فيه كهربجي
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - حبيت ارجع اطرح الموضوع من جديد كرمى لعيون كل من اتسرقت حياتها باسم الشرف شو فينا نعمل ؟ شو فينا نقدم؟ لا حدا يقلي ما بيطلع بايدنا شي بيطلع الكتير والكتير بس خلونا نفكر نحط افكار اقتراحات اللي بدكون لنتحرك اللي خلاني اعمل هيك هوي القصة اللي خبرونا ياها الشباب هون - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - شباب بدي منكون شي خلينا بصلب الموضوع ضروري وصدقوني بيطلع معنا الكتير souraqia |
شريك جرائم الشرف لتنحل اول شي بتمنى نحدد مفهوم الشرف
((هادا حل نظري ))) الحل العملي الغاء المادة 548 من قانون العقوبات التي تنص على اقتباس:
|
اقتباس:
اقتباس:
طيب شو برايك نعمل؟ بتحبوا نجهز عريضة؟ نتواصل مع نساء سوريا(الموقع) مع الهلال الاحمر مع هيئة شؤون الاسرة يعني عطوا افكار |
انا مع انو يصير في نص بالقانون يقضي باعدام كل شخص قام بجريمة باسم الشرف ( بالخازوق ) وفي الساحات العامة .. من اجل العبرة والتشهير ..
ومن شان هيدا الموضوع لازم اول شي نقنع النساء اي النساء .. ببشاعة هي الظاهرة ومدى انتقاصها من مكانة المراة .. لانو من اول المحرضين على هيك جرائم ضد النساء هني النساء انفسهم وهون الطامة الكبرى .. المرأة اولا... ومن ثم المجتمع هني يلي بيربو بنفسية اولادون هالنزعة للقتل بهيك حالات .ز بتعرف الرجال ما بيكون رجال الا اذا حافظ على قشور المجتمع .. بس هوي معلش يعمل السبعة .. واكتر من ذمتها .. هيك الشب عنا بيتربى فخلونا نغير ناشر هي التربية |
المرأة وفق فكر هؤلاء هي مجرد الة بالبيت لا رأي لها ...
اكيد سامعين بالفصل العشائري اللي يلغي دور القضاء و القانون ... و احيانا الفصل هو نسوان ... يعني مو بس فلوس ... و بذلك المرأة رح تصير زوجة لأي شخص ... كتعويض لجرم اخوها او ابوها .. متى رح تتحرر المرأة من التقاليد البالية ؟؟ |
لما يتحرر الرجل من مخه المتنك
|
النجاح في تكوين ندوات ولو متواضعة تتكلم عن ذلك الشيئ وبواقعية
اكثر الزوار يجب ان يكونوا من الجيل الجديد في مبدء العمر الجيل القديم. . لا امل تعريف مفهوم الشرف متل ما ذكر ابو ويليم العنف, عنا عنف كتير وافكار العنف مسيطرة علينا يعني القتل صار عادي, الضرب شئ عادي جدا لازم نبعد عن العنف حتى يستطيع الجيل الجديد يحس قليلا شو يعني قتل وتشويه تعريف عن حق المرأة برأي هي الافكار الاساسية لازم يتم تداولها |
اقتباس:
حيث يلاحظ أن معظم الجرائم التي ترتكب تحت شعار الشرف تكون في اغلبها قائمة على الشك. وللأسف أن مجتمعنا ربط الشرف بالأنثى ونقاء سيرتها بأية علاقة غير مشروعة بالرجل، الأمر الذي يبرر قتل الأنثى غسلا للعار وحماية للشرف المزعوم. |
الأسباب والدوافع لهذه الجريمة:
1. ضعف الوعي الديني لدى الجزء الأكبر من الناس حول كيفية معالجة الشريعة الإسلامية لقضايا المجتمع خاصة فيما يتعلق بكيفية معالجة جريمة الزنى سواء ما يتعلق بوسائل الإثبات أو طرق العقاب. 2. ترسيخ بعض العادات والتقاليد الاجتماعية الخاطئة والتي تشكل نوع من أنواع الضغط الاجتماعي على أسرة الفتاة التي تثار حولها الشكوك مما يدفع أعضاء أسرتها لقتلها استجابة لهذه الضغوط الاجتماعية. 3. التفكك الأسرى وانعدام الرقابة والمتابعة للأبناء. فبعض الأسر لا تتابع أبنائها ولا تستمع لمشاكلهم بحيث يتورط الأبناء في الكثير من المشاكل والتي قد تصل إلى حد الانحراف دون أن يجدوا من يوجههم ولا تتذكر هذه الأسر أبنائها إلا بعد وقوع المحظور. 4. التنشئة الاجتماعية الخاطئة والتي تركز على التمييز بين الذكور والإناث ومنذ مرحلة الطفولة حتى يكاد الاجحاف يصل الانثى وهي في رحم أمها، فيبدأ العذاب والخوف منذ هذه اللحظة. 5. عدم تثقيف الأبناء الثقافة الجنسية المطلوبة والتي تجعلهم قادرين على التمييز بين الصواب والخطاء، حتى أن الآباء أنفسهم يجهلون بعض الأمور الجنسية. 6. ضعف الثقة والصراحة بين الآباء وأبنائهم. 7. عدم وجود ملاجئ خاصة للنساء اللواتي يقعن ضحايا لمثل هذه الجرائم. 8. وجود بعض النصوص القانونية التي تخفف من العقوبة والتي يستفيد منها الشخص الجاني، وبنفس الوقت لم تمنح هذه النصوص نفس الحق للأنثى إذا ما ارتكبت هي نفس الجريمة وبنفس الظروف. |
اقتباس:
لما يتحرر المجتمع من كل شي بالي ,,,, و من يتحرر القانون تماما ...... و يمنع العادات اللي تؤثر على سيادة الدولة و القانون |
اقتباس:
بتوقع انو الندوات ما كتير رح اتكون فعالة لانها موجودة بالاساس بس تبقى حبر على ورق الشغلة بدها سند قانوني يحفظ للمراة هيدا الشي وبعدين بتجي دورات توعية وتغيير لفكر النساء و ارجال بس من دون رادع قانوني قاسي جدا ما رح تنزاح هي الظاهرة او في حل تاني انو كمان المراة تصير يحقلها تعمل جرائم شرف .. بس مو فقط من شان الشك بالخيانة الجسدية ( ما بعرف انو ليش الشرف كلو محصور بمكان واحد ) .. لا كمان شرفها انها تشحد وتنذل وتستخدم كوسيلة لجلب الاموال وعقد الصفقات .. لانو كتار نساء يتم استخدامون هيك واذا قتلو مستغلينون يحاكمو كمجرمات |
شباب
روقوا شوي هون نحنا عم نبحث حلول مو بوراد ندور للنتائج والاشباب عم نطرح حلول انو شو بنقدر بالاخوية نعمل |
اقتباس:
|
:lol:بس هيك؟
|
انت بس بلش فيها
بعدين بيصير في مجال للبحث بالامور اخرى ولو اني اولا بشوف انو القانون عنا بشكل عام بدو تفعيل لانو مهمش بكتير حالات وحالات الفساد فيه متفشية بطريقة مقززة |
طب انتوا جاهزين لنوقع عريضة ومعها مقترح قانوني لتعديل القانون ونرفعها؟
|
اقتباس:
وهي أول توقيع باسمي أنا ابو ريتا وبالأحمر :larg: |
وهيدا التاني
بس صدقني من دون دعم حقوقي لهيك عمل يعني يشارك فيه محاميين ومن على الشاكلة رح اتمون العريضة ما سابقاتها محلها الارشيف |
الاصح انو يتعدل الفانون لمعاقبة الرجل كمان في حال خيانتو لانو كمان مو حلو الواحد يشوف مرتو عم تخونو شو يعني بيقعد يصفق و يقول للزلمي اللي مع مرتو احسنت يا وحش ياقبضاي؟؟
مين فيكم بيرضا يشوف مرتو مع حدا تاني ؟؟ العدل انو الطرفين يتعاقبو |
اقتباس:
عالهامش: ما بدك توقع .:larg: |
شباب بدها تكون غير لانو بدنا نستعين بمحاميي الاخوية
وبعد اذن الحكيم نتواصل مع موقع نساء سوريا ونرفعا للوزرا والبرلمان وهي اسمي الثالث |
ثواني انتو ليش عما تبلشو الطريق من اول و جديد
مرصد نساء سوريا عمل حملة لتجميع التواقيع ضد جرائم الشرف نحن ليش لنعمل وحدة تانية لازم ندعم الاولى و مو مهم مين بوصل للهدف المهم يوصل الهدف و هلق و بما انو " أخوية " من المواقع يلي زوار يوميا كتار اذا حطينا البنر للحملة بظن لح يزداد التوقيع و بعدين منفكر شو بدنا نعمل كمان و بتمنى من الاداريين يحطو اقتباس:
:D |
على هامش الموضوع
أبو وليم سؤال ... موقع مرصد نساء سورية سمعنا انو انحجب صحيح هالكلام ؟ |
اقتباس:
ما بظن ينحجب و هي لينك حملة نساء سوريا - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وصلو ل 10658 |
طيب منكمل حملة تواقيعنا وندعمها مع حملة نساء سوريا
ومن جهة لازم اللي فوق يحسوا شوي بالسيرة |
الجرائم باسم الشرف...أسمها جرائم بالبداية بغض النظر عن الدافع...ومالازم أبدا نبرر الدافع للقتل...أيا كان السبب...أيا كان السبب...أيا كان السبب
|
عندك توقيع ....
|
وهي تالت توقيع
بتمنى من كل قلبي يعمل شي ولو اني شخصيا بشك |
قصة حقيقية...ما بعرف إذا حدا سمعان فيها شي...
في إلي صديق عم يدرس طب...(هلق تخرج وصار طبيب)..هالحكي من أربع سنين عندو صديقو بالمدينة الجامعية طالب طب سنة تالتة من مدينة الرقة...وصديقي حكالي قصتو أهلو للشب (اللي من الرقة) اتصلو فيه وقالولو يجي ضروري عالبيت...الزلمة سافر وإذ بيتفاجأ أنو أهلو جابوه كرمال يكون حاضر على غسل عارهم....كانو جايين يدبحو أختو..بحجة أنها حامل....وهيي غير متزوجة الشب بيعارض أهلو...وصار يقلهم أنو هاد مو حمل...هاد مرض بالأمعاء ومسبب انتفاخ البطن...ما حدا صدق..((كونو لساتو طالب..شو بيفهمو)).. المهم بيقنعهم يروحو لعند طبيب مختص وفعلا بيطلع معو متل ما طلع مع هادا الشب..وأنو البنت بريئة.... بيرجع الشب على الشام ومطمن أنو أختو عم تاخد الدوا....لكن أبى التخلف إلا أن يأخذ مكانه..ليأتي الأخ الآخر ويضرب أخته بنصلة حديدية ليقتلها فورا...ليأتي الطب الشرعي ويؤكد عذرية الفتاة..ويجن أخوها المثقف ليتحول إلى مشفى الأمراض العقلية.... |
وأنا برأيي لازم هالجحش اللي ضرب أختو وقتلها لازم ياخد إعدام..بدون أي حكم مخفف..حتى لو كانت الفتاة قد مارست الجنس حقا
|
اي وبيقلك انو الطبيب مزور التقرير
|
اي اي احلى شي بهدول الناس انو دائما بيلاقو فتوى لتصرفاتون
استنو بس لاتخرج من المعهد |
اقتباس:
خيي هدول بدون ابادة الله يرحمو لهيتلر لو ضل رسام |
هني حلين مافي غيرهن
الاول والاهم هو نشر الوعي في صفوف الشباب... التوعية الاجتماعية بتقودنا نحو التحضر وبتطالعنا من القوقعة يلي عايشينها... والتاني تعديل قانوني ع السريع وحملات حكومية ضد هشي... وانا تضامنا ضفت توقيعي بنساء سوريا على امل يساهم بشي |
اي بشرفي يا ابو وليم
|
أخوتي :
هاي توقيعي حتى لو كنت من بلد آخر واسمحولي أضيف إقتراح إذا تم وضع شعار للموضوع بالاخوية فأقترح أن يتم وضع استفتاء إجباري (وليس تصويت اختياري ) وعلى جميع المشاركين الاجابة عليه (بطريقة ما ). وعند ظهور النتائج تتبنى الاخوية الموضوع وبشكل جدي ليصبح أحد شروط تسجيلها ؟ ( الكثير من المواقع تتبنى عدم المساس بقيم دينية معينة مثلا ) بالاضافة لمشاركة موقع نساء سوريا أرجو أن أكون قد اجتهدت بالمشاركة |
هلق فيني اسال سوال واعتبروني متخلف؟
ان الحملة الي علي جرائم الشرف مشكلتها ان القانون بيسمح بس للرجل بقتل زوجة اذا شافها عم تخونوا مع حدا وما بيسمح للمراة بنفس الحق او ان يعني ضد فكرة تبرير القتل عند حدوث هيك شي من ارض؟ يعني فيك تفوت عالبيت بتشوف جارك نايم مع مرتك وتاخدها كتير كووول وعادية وتحمل حالك وتستني ليخلصو وبعدين بدق الباب وتنتضر ليسمحولك تفوت اسمحولي اذا كان الشق الاخير هوه هدف هالحملة لتغير القانون ...فبلو واشربو ميتو :frown: |
اقتباس:
المشكلة وقت الاخ و اختو ابن العم و بنت عمو و بنت خالو و بنت ست عمتة جدو و هيك |
قبل فترة كنت بورشة عمل مشان نفس الموضوع : حملة ضد جرائم الشرف
بالبداية اخدت موقع الحياد ,, الكل عارضني بعدين حكيتلهم ؛ " لو انت تدخل على زوجتك او اختك مع واحد غريب شو اول رد فعل رح تعمله انا لو كنت شب بتوقع ردة فعلي الأولية بتكون اني بقتلهم الجوز " الكل صاح فيني متل ما انتو هلأ ممكن تعصبوا او تسبوا بس انا هاد حكيتو حكي افتراضي و بس لحتى شغل الخيال عندكم المعروف انو لازم هالشي يتغير ، مو عالم بتقتل و ما بتنحبس ولا بتاخد اي عقوبة بس برضو احنا مو صح >> مو لشي بس لأننا ما بنعرف غير هيك انو ما في ست بتخون زوجها ولا في بنت بتحمل بلا زواج طب هلأ لو التغى شي اسمو جريمة شرف هدول ممكن يصيروا موجودين ؟؟؟؟ لو اني عندكم كنت وقعت ع العريضة :larg: |
إنني أعجب كثير من هؤلاء المسلمين الذين يقدمون علي مثل هذه الافعال..أين الدين..أين الصلاه..أين الإسلام..أين كلمة أشهد أن لا إله إلا الله و أن محمدا رسول الله..أين كتاب الله...كل هذا امتلكه شياطينهم و صاروا عبادا لشياطينهم بدلا من أن يكونو عبادا لخالقهم و لخالق شياطينهم.أعتذر لقد أطلت عليكم و أقترح حلا بإذن الله سيكون مجديا لمعظم هؤلاء الذئاب و هو أن نقوم بشرح مفصل أشد التفصيل لعذابهم في الاخره و بطريقه سيئه وفي منتهي القسوه فلربما يشعرون بالخوف قليلا قبل أن يقدمو علي فعلاتهم وإذا سألتم عن الطريقه سأقول لكم هناك مئة طريقة و لكن إذا كانت هناك إمكانيه لتنفيذ اقتراحي سوف اطرح عليكم بقية ما يدور في مخيلتي.شكرا لكم لاهتمامكم بمثل هذا الموضوع
|
| الساعة بإيدك هلق يا سيدي 10:47 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون