أخوية

أخوية (http://www.akhawia.net/forum.php)
-   الصـــــــــــالون (http://www.akhawia.net/forumdisplay.php?f=11)
-   -   تدريس الثقافة الجنسية (http://www.akhawia.net/showthread.php?t=109689)

ِAbu Alzooz 22/09/2008 05:33

تدريس الثقافة الجنسية
 
مرحبا اليوم ؟


هلق بفرض انو من فترة مو طويلة بلشت المدارس

بقا انا بدي اسئل

انو ليش ما عنا مادة

الصحة و الثقافة الجنسية

بينما عنا اكتر من نص المواد التي تدرس

مالها علاقة بالحياة

و كلها صف حكي و مالها علاقة باللياقة

و بمنهاجنا مالو متطرق

للموضوع اذا بكم صفحة و باختصار

- هادا غير الاساتذة يلي بيقرورو الدرس تقرير لأنو عيب الحكي بهالقصة ((خصوصي صف مختلط)) -

طيب انو بمجتمع مليان كبت

حتى ضمن الاسرة بيكون من المعيب انو حدا يسئل هيك سؤال

و بما انو المدرسة البيت التاني

ليش ما بيتم ادخال مادة

التربية و الصحة الجنسية للصفوف الثانوية -اضعف الايمان - ؟

و هل تدريس هيك مادة هوي فقس و قلة ادب ؟

و سمعت انو بعض العرب يلي عايشين برا طالبوا بإلغاء هالمادة لأنو مسيئة ؟


و اذا تم التدريس هل لح تخف بعض من حالات العنف الجنسي ؟

و يا ريت اذا في حدا درس برا يخبرنا عن طريقة التدريس يلي بتدرس و هل هي مبتذلة ؟

:D










boy freind 22/09/2008 06:18

لأ و ألف لأ

شنو نحنا بلا دف عم نرقص

SelavI 22/09/2008 10:26

يا سيدي بالنسبة لي

انا اؤمن ان والثقافة الجنسية مؤشر جضاري, هي من اهم المواد المدرسية

نحن نعرف اكيد مرحلة المراهقة وما يتبع عنها من ضغوطات نفسية و وساويس وكبت نفسي كله جراء الجهل

فيلجأ الطفل الى اكتساب معرفة جنسية خاطئة, ربما عن طريق الاصدقاء وهذا اخطر

مما سيأثر سلبا على الفرد وطريقة تفكيره وسلوكياته والاهم حالته النفسية

ينبغي التعريف عن الجنس . . هو شئ له احترامه ومكانه لأي شخص طبيعي

لما لا . . لما الغموض والخجل حيث نعرض الطفل الى كل تلك الظروف التي يمكن ان يخرج منها مشوها

نحن بشر وهذه غرائزنا . . ولكن نحن نخجل منها ونحقرها احيانا مع اننا نسعى اليها دائما

عنصر ايضا مهم يأتي بعد المدرسة وهو

الاب والام

يجب على كلا من الاب والام توعية الاولاد والتكلم عن الموضوع بدون اي حياء او خجل

الاب مع الولد
والام مع البنت


وهنالك يمكنك صقل طفلك كما تحب وبالطريقة التى تريد لطفلك ان يكون

بالنسبة لي . . انا درست في اكتر من 4 دول

الدول الغربية تدرس هذه المادة في العلوم, يتم التعريف بشكل دقيق عن الجهاز التناسلي

وهنالك مادة مخصصة للثقافة الجنسية يتم تعاطيها مرتان في السنة

هنالك يتم التعريف عن كل انواع الجنس والممارسة الصحيحة كما انهم يقدمون اشياء وقائية مجانية :oops: (فهمكن كفاية)

هذا غير المرشد الاجتماعي الذي متسعد الى ان يسمع كل شئ, ولن تتصور قدر الاهتمام الذي ستلقاه وكأنك جالس مع اجدر طبيب نفسي . .

ناهيك عن المراكز الصحية التي تتواجد في كل منطقة
وهي مجانية تمام
يمكنك الذهاب متى تشاء, فيتم حجز دكتور لك شخصيا حيث تستطيع ان تسأله ما تشاء
وتستطيع فحص نفسك كل يوم اذا اردت اضافة الى اغراض وقائية
وكله بالمجان

هم يعرفون مصلحة اولادهم ويهتمون لهم
مثلا فتاة في 17 من عمرها مارست الجنس ونتج عن ذلك حمل
اولا يتم توعية الفتاة مرة اخرى عن كل شئ
ثانيا يحق للفتاة تقرير حياة والطفل وليس الاب
رابعا ان كان الاهل متعصبون يتم حمايتها من قبل الدولة
والاهل كل يوم راحين جايين عل محاكم عم يتلطشو :lol:

اظن يكفيني كتابة:sick:

Reemi 22/09/2008 10:46

انا مع الغاء مادة الديانه واضافة التربيه الجنسيه

SelavI 22/09/2008 10:59

اقتباس:

كاتب النص الأصلي : Reemi (مشاركة 1117800)
انا مع الغاء مادة الديانه واضافة التربيه الجنسيه



معذرة
اسمحيلي علق

لا تنسي ان مادة الديانة مهمة
مادة الديانة في الغرب
بدرس الديانة لا يسألونك عن دينك ولا يتطرقون الى خوض نقاشات معك
الا اذا انت/انتِ بدك/بدكِ
يعني في الصف ممكن يكون في عشر اشخاص وعشر ديانات مختلفة اضافة الى الملحدين

مادة الديانة بتعرفنا على جميع الديانات وكل الحضارات التى مارست الديانات
اضافة لفهم شامل وكامل عن الديانات الحالية
مع تعليم النفس احترام الديانات الاخرى ووجهات النظر وان البشر مختلفون

هاد بالنسبة للديانة في الغرب
اما الديانة في سوريا . . . ممكن معك حق بس على الاقل ترميم مو حذف
يعني تغير نظام التدريس

*Marwa* 22/09/2008 11:14

أنا مع مع ومع تدريس الثقافة الجنسية لأنها مفيدة للطالب وخاصة في مراهقته..فـ بيعرف بالطريقة الصحيحة عن جسمو وعن الجنس الآخر..والتغييرات الهرمونية اللي بتصير معو..

ويعني هالحكي من تجربة..احنا بمدارسنا بعطونا دروس ثقافة جنسية لما منطلع على الصف السابع الابتدائي (يعني شي 13 سنة) وكتير مفيدة المحاضرات..بتساعد على التوعية للاشخاص اللي ممكن اهاليهن ما بيقعدوا معهن وبوعوهن او يمكن بيستحوا او بيتدايقوا!

بالنسبة لموضوع الصحة (الصحة بشكل عام)..تعلمت هالموضوع من صف اول ابتدائي..ولما صرت بصف عاشر علمونا اسعافات اولية (وكلو هاد داخل المنهاج الدراسي ما بعرف ازا بس مدرستي او وسطي بيعمل هيك) ..لكن بعتبر حالي كتير محظوظة اني تعلمت وعرفت هيك اشيا..ومجددا انا مع تدريس مواضيع :D

رجل من ورق 22/09/2008 11:14

اي اي مع والي رجعة لقول ليش

i m sam 22/09/2008 12:28

أنا وبكل قوتي مع تدريس مادة التربية الجنسية بالمدارس وحتى تعريف الاهل وتوعيتهم لكيفية الاجابة عن اسئلة الاطفال بهي المةاضيع
للاسف ما عندنا مراكز متخصصة بهيك مواضيع.
بالاضافة ان الشب أو البنت بعمر 10-13 عم يكون بعرف كتير شغلات من رفقاتو ومن الشارع ومن التلفزيون والنت
فطالما بيعرف وبيعرف ليه لحتى ما يعرف بشكل نظامي وصحيح وسليم .
من ناحية تانية بيصير في عند الشباب"صبيان وبنات" احترام أكتر للجنس واحترام أكتر بالتعامل معو واريحية أكتر.

فسحة أمل 22/09/2008 13:05

أنا مع وجود مادة التربية الجنسية بالمناهج, لأن هاد موضوع مهم بحياة الإنسان وضروري ينفهم بطريقة صح, يعني بطريقة غير مشوهة , أغلب الأهل بيهربو من الحديث مع الأبناء بهي المواضيع, وبالتالي الأولاد بيضطرو أنو يدورو على مصدر أخر للمعلومات لح يكون مشوه والصورة عندن لح تكون غير كاملة ومنقوصة ,
وبالأخير اذا ما أخدو هي المعلومات بالطريقة الصح لح ياخدوها بطريقة مشوهة فبالتالي اذا هيدا الموضوع لح يعرفو ولح يعرفوه فالأفضل أنن يعرفوه من خلال المدرسة ومن الأهل وبطريقة منهجية تربوية بدل ما يعرفوه من الشارع...


متابع

boy freind 22/09/2008 13:16

اقتباس:

كاتب النص الأصلي : Reemi (مشاركة 1117800)
انا مع الغاء مادة الديانه واضافة التربيه الجنسيه

انا مع الغاء مادة الديانة كمان

بس مو مع اضافة التربية الجنسية

روعة1 22/09/2008 13:51

انا برايي انو هي مادة مهمة كتير لتوعية الطلاب.. فانا مع انو تدرس بالمدارس بشكل علمي,
سليم و بحيث انو المعلومات اللي تنعطى تكون على حسب عمر الطالب لحتى يقدر يستوعب
هل الشي تدريجيا..
لانو متل ما نذكر ببعض ردود الاعضاء انو في كتير من الشباب و البنات اللي ما عندها المعرفة الكافية
(بالنسبة لاعمارهن) و بهل الحالة عم يتضطروا انو يلجئوا لاساليب غلط و يكتسبوا معلومات بشكل غلط, ممكن
من النت, الشارع و اكتر شي رفقاتهن..

هلأ بالنسبة الي.. (بما اني عايشة ببلد اجنبي) فهون النظام ببلشوا يدرسوا هل الشي من الصف السابع بشكل مبسط جدا بحيث انو الطالب يستوعب هل الشي و كل ما الطالب نتقل لمرحلة اعلى من التعليم كل ما كانت المعلومات اللي عم ياخدها مستواها اعلى..

و انا طبعا بوجهة نظري هدا الصح و المناسب و المفروض.. و يا ريت لو انو يتبعوا هل الشي بكل البلدان العربية..

اقتباس:

انا مع الغاء مادة الديانة كمان
مادة الديانة مادة مهمة جدا و خصوصي بزمانا هاد و لا يمكن الاستغناء عنها ابدا و ضرورية جدا لتنشئة الاجيال على دين سوي و واضح..

marioma alghzayala 22/09/2008 13:57

اي مع مع مع ....

i m sam 22/09/2008 14:08

اقتباس:

كاتب النص الأصلي : marioma alghzayala (مشاركة 1117908)
اي مع مع مع ....

:shock:
مع وحدة ما تشتغل يعني

باشق مجروح 22/09/2008 14:14

التربية الجنسية والتوعية الجنسية ضروري تكون موجودة بمناهجنا التربوية وتربيتنا لأطفالنا اما التربية الدينية فلا مانع تتدرس على شكل ثقافات ومعتقدات ولا تختص بدين او معتقد معين بل تتطرق الى نشوء الاديان و ماذا قدمت للحضارة الانسانية و كيف تطورت الى ما هنالك .

ysmn02 22/09/2008 14:33

أنا مع تدريس التربية الجنسية بالمدارس
وطبعاا لما منقدم هي المادة بطريقة وشرح بسيط ومناسب للعمر يلي قدامنا بتكون مفيدة كتير
كمان لازم ماننسى انو هالأولاد يمكن يكون أهلن ماعندن معلومات صحيحة ودقيقة 100% ليعطوها لأولادن
فهي شي ضروري متل ماالتربية الدينية ضرورية وأنا هون مالي مع الأشخاص يلي قالوا انها لازم تلتغى من المناهج فهي مهمة ومهمة جداا وماضروري أحط ناس من أديان مختلفة وأدرسن مقرر واحد بعد أجي اقول إلغوها أحسن

سوا ربينا 22/09/2008 17:01

هلأ انا مع انو تتدرس الثقافة الجنسية عنا .... بس المشكلة انو الطالب مش رح ياخدها كمادة متل هالمواد ... يعني معروف ماشاء الله عنا .... شعب بيوزع ثقافة جنسية ... بس بطريقتو الخاصة ... بس اكيد انا مع .... بس ما بتزبط عنا ... بعدين بيصير الطالب يطنش كل المواد ويحضر هالمادة .....:o

i m sam 22/09/2008 17:06

اقتباس:

كاتب النص الأصلي : سوا ربينا (مشاركة 1117990)
هلأ انا مع انو تتدرس الثقافة الجنسية عنا .... بس المشكلة انو الطالب مش رح ياخدها كمادة متل هالمواد ... يعني معروف ماشاء الله عنا .... شعب بيوزع ثقافة جنسية ... بس بطريقتو الخاصة ... بس اكيد انا مع .... بس ما بتزبط عنا ... بعدين بيصير الطالب يطنش كل المواد ويحضر هالمادة .....:o

هو كرمال انو الطلاب هيك وبينظروا للثقافة الجنسية بهي الطريقة فلازم تتدرس
بعدين هيك تعامل مع المادة أنا بظن انو بس اول مرة
بعدين بيصير الامر افضل

سوا ربينا 22/09/2008 17:08

اقتباس:

كاتب النص الأصلي : i m sam (مشاركة 1117993)
هو كرمال انو الطلاب هيك وبينظروا للثقافة الجنسية بهي الطريقة فلازم تتدرس
بعدين هيك تعامل مع المادة أنا بظن انو بس اول مرة
بعدين بيصير الامر افضل

صح ... بس اذا بتتدرس من الصفوف الاولى .. يعني لو مثلا من الصف الخامس ... لانو اصلا ما بيكون واعي كتير ... وبياخدها ع اساس انها مادة متل هالمواد ... وبيتأقلم معها كل ما يكبر ... وبتصير عندو مادة عادية متل اي مادة ....

*Marwa* 22/09/2008 17:10

اقتباس:

كاتب النص الأصلي : سوا ربينا (مشاركة 1117990)
هلأ انا مع انو تتدرس الثقافة الجنسية عنا .... بس المشكلة انو الطالب مش رح ياخدها كمادة متل هالمواد ... يعني معروف ماشاء الله عنا .... شعب بيوزع ثقافة جنسية ... بس بطريقتو الخاصة ... بس اكيد انا مع .... بس ما بتزبط عنا ... بعدين بيصير الطالب يطنش كل المواد ويحضر هالمادة .....:o

لأ مش شرط انها ما تزبط..انو اوك يمكن بالاول يكون في خجل وفوضى بالصف هيك انو يحسوه موضوع محرج !..بس بعدين بيتعودوا.
يعني بمدرستي متـلا ازا كان الحكي رح يكون كتير واضح وصريح وعن مواضيع حميمية وكتير خاصة كانوا يعملولنا فصل ..
بس بصف تامن تعلمنا بيولوجيا وكانت دروس البيولوجيا عن جسم الانسان وتحديدا عن التغييرات والحياة الجنسية وهالقصص (طبعا كان الشرح بمصطلحات علمية)..واكيد ما حدا بنكر انو كنا نحس بالاحراج (يعني صف شباب بنات وعم يدرسونا عن العملية الجنسية :oops:) ..
بس انو بعدين عادي وصرنا نتعامل معها كمادة جدية متل باقي المواد... هية شغلة تعويد وتوعية بتبلش من الزغر..

سوا ربينا 22/09/2008 17:17

اقتباس:

كاتب النص الأصلي : *Marwa* (مشاركة 1117995)
لأ مش شرط انها ما تزبط..انو اوك يمكن بالاول يكون في خجل وفوضى بالصف هيك انو يحسوه موضوع محرج !..بس بعدين بيتعودوا.
يعني بمدرستي متـلا ازا كان الحكي رح يكون كتير واضح وصريح وعن مواضيع حميمية وكتير خاصة كانوا يعملولنا فصل ..
بس بصف تامن تعلمنا بيولوجيا وكانت دروس البيولوجيا عن جسم الانسان وتحديدا عن التغييرات والحياة الجنسية وهالقصص (طبعا كان الشرح بمصطلحات علمية)..واكيد ما حدا بنكر انو كنا نحس بالاحراج:oops: ..واللي علمتنا كانت معلمة كمان :lol: ..بس انو بعدين عادي وصرنا نتعامل معها كمادة جدية متل باقي المواد... هية شغلة تعويد وتوعية بتبلش من الزغر..

كلامك صح ... بس اان كان قصدي بالحكي اللي قلتو انو مثلا هاد اذا درسوها بالصفوف اللي الواحد بيكون عاقل فيها .. يعني من التامن تاسع ...... ما بفضل انو يبلشو بهيك صفوف ... يعني لو بدها تزبط بحال انو يتم تدريسها من الصفوف الاولى ... متل الخامس سادس ... يعني يمكن الواحد ما رح يكون .. بيفهم كتير بهيك شي .. لهيك مش رح يحس بالاحراج الكبير من هالناحية ..... بس وهو كبير رح يكون في احراج ... طبعا حتى بالصفوف الاولى .. لازم يكون منهاج تدريجي يعني اشياء بسيطة ومع كل سنة يتعمق بالموضوع على حسب عمرو للطالب .....

i m sam 22/09/2008 17:24

اقتباس:

كاتب النص الأصلي : سوا ربينا (مشاركة 1117998)
كلامك صح ... بس اان كان قصدي بالحكي اللي قلتو انو مثلا هاد اذا درسوها بالصفوف اللي الواحد بيكون عاقل فيها .. يعني من التامن تاسع ...... ما بفضل انو يبلشو بهيك صفوف ... يعني لو بدها تزبط بحال انو يتم تدريسها من الصفوف الاولى ... متل الخامس سادس ... يعني يمكن الواحد ما رح يكون .. بيفهم كتير بهيك شي .. لهيك مش رح يحس بالاحراج الكبير من هالناحية ..... بس وهو كبير رح يكون في احراج ... طبعا حتى بالصفوف الاولى .. لازم يكون منهاج تدريجي يعني اشياء بسيطة ومع كل سنة يتعمق بالموضوع على حسب عمرو للطالب .....

(افففففففففف شو بحكي:pos: )

ماهو اصولا هيك معلومات تنعطى بالتدريج يعني كل عمر والو حد وطريقة للمعلومات يلي لازم يعرفها
وهي حصرا رح تبدا من الخامس أو حتى في مبادئ بسيطة يمكن يعرفها الطفل من قبل
مو هيك؟؟

سوا ربينا 22/09/2008 17:32

اقتباس:

كاتب النص الأصلي : i m sam (مشاركة 1117999)
ماهو اصولا هيك معلومات تنعطى بالتدريج يعني كل عمر والو حد وطريقة للمعلومات يلي لازم يعرفها
وهي حصرا رح تبدا من الخامس أو حتى في مبادئ بسيطة يمكن يعرفها الطفل من قبل
مو هيك؟؟

اه هاد الصح ... والافضل ...

اللامنتمي 22/09/2008 20:54




يَجب أن تضاف مادة التربية الجنسية كـَ مادة علمية تثقيفية

أفضل مِنْ أنْ يَتثقفَ أطفالنا مِنْ خلال التلفاز وَ الأصدقاء وَ .. وَ ..

ألا تعلمون أنَ الطفل فضولي جداً

أشبعوا فضولَ أطفالنا وَ علِموهم بـِ أسلوب ٍ علمي ٍ وَ تربوي

وَ لا تجعلوا الشارعَ مُعلمهم الأول ,.




leonardo_dicabreo 22/09/2008 22:03

هاي
 
والله بالنسبه الي انه موضوع كتيـــــــــــر مهم ولازم انحكى فيه من زمان! ! !!!
أنا مع تدريــــــــــس زي هيك ماده بالمدارس والكليات والجامعات كمان , لأنه بمجتمعنا الشرقي لو اتعلمو زي هيك ماده وتعمقوا فيها , كان بنكون متل أمريــــــــــــكا وهالمدن المتطوره!!!

مايا * 22/09/2008 22:11

قبل ما تدرس هيك مادة .. المفروض نهيئ المجتمع و عقول هلـ البشرية الي عنا أنها تتحمل هيك معلومات ..
إلا بتكون نتيجة معاكسة ..

Damask Rose 22/09/2008 22:11

هو لازم يكون في تعليم من هالناحية...بس مو يزودوها يعني..الشغلات الاساسية وخلص..مو كمان مايسدقو انو عم نعلمهم هيك شغلة;)
كل شي والو حدودو...يعني نعلمهم لحتى مانخلي عندهم جهل وبالتالي تكون هالشغلة شي طبيعي موشي يستحو انو يحكو فيه متل ماعم يصير هلأ....

leonardo_dicabreo 22/09/2008 22:19

اقتباس:

كاتب النص الأصلي : مايا * (مشاركة 1118170)
قبل ما تدرس هيك مادة .. المفروض نهيئ المجتمع و عقول هلـ البشرية الي عنا أنها تتحمل هيك معلومات ..
إلا بتكون نتيجة معاكسة ..

مزبوووووووط انتي عندك وجهة نظر كتيييييير منيحه ! !
ولازم يوخدوها بعين الأعتبار , لأنه مجتمعنا العربي منغلق على نفسه ولما يسمع هيك خبر رح يتفاجئ كتـــــــــــير !! !
فلازم يوخد الجرعه شوي شوي عشان يتقبل الموضوع!!
تحياتي الك:D

ابو ريتا 22/09/2008 22:19

هلأ ليصير الموضوع أشمل ، والكل يناقش فيه ، السؤال هو هل يوجد في اي منطقة بأوربا تدريس لهي الثقافة ؟ لمعلوماتكن بمادة العلوم الطبيعية بالثانوي عنا بسوريا وبظن ببعض الدول العربية فيه شوي عن هي الثقافة الي تشجعتوا إلها بس ضمن إطار معقول ومنطقي جدا ، لذا برأي علميا نحنا مانا مكبوتين من هي الثقافة ، و إذا بدنا نخلط بين الثقافة الجنسية والحرية الجنسية فما رح نتوصل لشي ، عنا عادات وتقاليد ما بتسمح انو نوصل للحرية الجنسية الي عم نشوفها بأوربا والعالم ، منرجع لموضوع الثقافة ، أنا برأي انو رحنا بسوريا مانا محرومين من هي الثقافة وعم ناخدها وزيادة ، بعدين تعوا لهون ، الأب بس يشوف ابنو صار قد الكديش وفهمان وواعي و قد المسؤولية ما بيتناقش هو وياه بهيك مواضيع ، ولا الامهات مع بناتهن ،
تسجيل متابعة...

ابو ريتا 22/09/2008 22:22

اقتباس:

كاتب النص الأصلي : leonardo_dicabreo (مشاركة 1118180)
مزبوووووووط انتي عندك وجهة نظر كتيييييير منيحه ! !
ولازم يوخدوها بعين الأعتبار , لأنه مجتمعنا العربي منغلق على نفسه ولما يسمع هيك خبر رح يتفاجئ كتـــــــــــير !! !
فلازم يوخد الجرعه شوي شوي عشان يتقبل الموضوع!!
تحياتي الك:D

يا أخي المجتمع العربي مانو منغلق على نفسو ، ومين قلك انو رح يتفاجأ
الدين إذا بدك فيه ثقافة جنسية ، بس الحرية يا أخي

ابو ريتا 22/09/2008 22:23

اقتباس:

كاتب النص الأصلي : Damask Rose (مشاركة 1118171)
يعني نعلمهم لحتى مانخلي عندهم جهل


ماعندهن جهل ، خديها من هالدقن

ابو ريتا 22/09/2008 22:24

اقتباس:

كاتب النص الأصلي : مايا * (مشاركة 1118170)
قبل ما تدرس هيك مادة .. المفروض نهيئ المجتمع و عقول هلـ البشرية الي عنا أنها تتحمل هيك معلومات ..
إلا بتكون نتيجة معاكسة ..

اية معلومات ، هي علم متل كل هالعلوم

leonardo_dicabreo 22/09/2008 22:26

اقتباس:

كاتب النص الأصلي : ابو ريتا (مشاركة 1118181)
هلأ ليصير الموضوع أشمل ، والكل يناقش فيه ، السؤال هو هل يوجد في اي منطقة بأوربا تدريس لهي الثقافة ؟ لمعلوماتكن بمادة العلوم الطبيعية بالثانوي عنا بسوريا وبظن ببعض الدول العربية فيه شوي عن هي الثقافة الي تشجعتوا إلها بس ضمن إطار معقول ومنطقي جدا ، لذا برأي علميا نحنا مانا مكبوتين من هي الثقافة ، و إذا بدنا نخلط بين الثقافة الجنسية والحرية الجنسية فما رح نتوصل لشي ، عنا عادات وتقاليد ما بتسمح انو نوصل للحرية الجنسية الي عم نشوفها بأوربا والعالم ، منرجع لموضوع الثقافة ، أنا برأي انو رحنا بسوريا مانا محرومين من هي الثقافة وعم ناخدها وزيادة ، بعدين تعوا لهون ، الأب بس يشوف ابنو صار قد الكديش وفهمان وواعي و قد المسؤولية ما بيتناقش هو وياه بهيك مواضيع ، ولا الامهات مع بناتهن ،
تسجيل متابعة...

هلأ بالنسبه انه موجود بأوروبا أو لأ أتوقع انه اه موجود .
وهوه كمان موجود بمادة الأحياء عنا بالأردن بس بشكل مختصر كتيــــــــــــــــــــــ ــــــر ما بتتصور أديه!!
ومن ناحية أنه الأبن يحكي مع ابوه بهيك مواضيع أو البنت تحكي مع مامتها هاي كمان في عليها علامة سؤال.
تحياتي الك:D:D

Damask Rose 22/09/2008 22:28

اقتباس:

كاتب النص الأصلي : ابو ريتا (مشاركة 1118185)
ماعندهن جهل ، خديها من هالدقن

انو ياعمي مشيها;)

leonardo_dicabreo 22/09/2008 22:33

اقتباس:

كاتب النص الأصلي : ابو ريتا (مشاركة 1118182)
يا أخي المجتمع العربي مانو منغلق على نفسو ، ومين قلك انو رح يتفاجأ
الدين إذا بدك فيه ثقافة جنسية ، بس الحرية يا أخي

أنا معك انه الدين بيحكي عن الثقافه الجنسيه , بس احنا بنحكي على مستوى الصغار!!!
تحياتي الك:D

ابو ريتا 22/09/2008 22:35

اقتباس:

كاتب النص الأصلي : *Marwa* (مشاركة 1117995)
لأ مش شرط انها ما تزبط..انو اوك يمكن بالاول يكون في خجل وفوضى بالصف هيك انو يحسوه موضوع محرج !..بس بعدين بيتعودوا.
يعني بمدرستي متـلا ازا كان الحكي رح يكون كتير واضح وصريح وعن مواضيع حميمية وكتير خاصة كانوا يعملولنا فصل ..
بس بصف تامن تعلمنا بيولوجيا وكانت دروس البيولوجيا عن جسم الانسان وتحديدا عن التغييرات والحياة الجنسية وهالقصص (طبعا كان الشرح بمصطلحات علمية)..واكيد ما حدا بنكر انو كنا نحس بالاحراج (يعني صف شباب بنات وعم يدرسونا عن العملية الجنسية :oops:) ..
بس انو بعدين عادي وصرنا نتعامل معها كمادة جدية متل باقي المواد... هية شغلة تعويد وتوعية بتبلش من الزغر..

حتى هون ببولندا بس ياخدو عن العملية الجنسية كمان بيصير خجل شي طبيعي ، بس الحرية الي هون بتوقيهن نسبياً من الخجل
الحرية بمعنى بعيد عن الكبت الديني

ابو ريتا 22/09/2008 22:37

اقتباس:

كاتب النص الأصلي : leonardo_dicabreo (مشاركة 1118195)
أنا معك انه الدين بيحكي عن الثقافه الجنسيه , بس احنا بنحكي على مستوى الصغار!!!
تحياتي الك:D

يا زلمي صغير وبدك تعرفو على الثقافة الجنسية:larg:ذكرتني بهديك النكتة ولولا الحيا لكتبتها

ابو ريتا 22/09/2008 22:40

اقتباس:

كاتب النص الأصلي : مايا * (مشاركة 1118170)
قبل ما تدرس هيك مادة .. المفروض نهيئ المجتمع و عقول هلـ البشرية الي عنا أنها تتحمل هيك معلومات ..
إلا بتكون نتيجة معاكسة ..

إذا بدهن يوسعوا بطريقة الشرح فهزُلت ، لك أنا درست علم الأحياء البولندي وفيه ثقافة جنسية بين هلالين ، لك هو نفسوالكتاب العلوم الطبيعية عنا .

ابو ريتا 22/09/2008 22:46

اقتباس:

كاتب النص الأصلي : ABU WILLIAM (مشاركة 1117766)
انو ليش ما عنا مادة

الصحة و الثقافة الجنسية

بينما عنا اكتر من نص المواد التي تدرس

مالها علاقة بالحياة

و كلها صف حكي و مالها علاقة باللياقة

و بمنهاجنا مالو متطرق

للموضوع اذا بكم صفحة و باختصار

- هادا غير الاساتذة يلي بيقرورو الدرس تقرير لأنو عيب الحكي بهالقصة ((خصوصي صف مختلط)) -

طيب انو بمجتمع مليان كبت

حتى ضمن الاسرة بيكون من المعيب انو حدا يسئل هيك سؤال

و بما انو المدرسة البيت التاني

ليش ما بيتم ادخال مادة

التربية و الصحة الجنسية للصفوف الثانوية -اضعف الايمان - ؟



كيف مافي عنا عن الصحة والعلاقة الجنسية ؟ لك من صف الأول ورحنا عم ناخد عن الصحة والأمراض وكانوا ياخدونا على اللقاحات والفحوصات الطبية ، وبالصف العاشر ما أخدت عن التكاثر تبع البني آدم والأمراض الناتجة عن العلاقات الشاذة ؟؟؟؟؟

ابو ريتا 22/09/2008 22:55

اقتباس:

كاتب النص الأصلي : ABU WILLIAM (مشاركة 1117766)

و سمعت انو بعض العرب يلي عايشين برا طالبوا بإلغاء هالمادة لأنو مسيئة ؟


و اذا تم التدريس هل لح تخف بعض من حالات العنف الجنسي ؟

و يا ريت اذا في حدا درس برا يخبرنا عن طريقة التدريس يلي بتدرس و هل هي مبتذلة ؟

:D

هون بدي أزعل منك ، ما في عربي برا حكى هاد الحكي ان كان متدين أو لا والسبب واضح الشخص الملحد هاد اذا كان ملحد مابيهمو حدود الحرية الجنسية وليس الثقافة ،بينما الشخص المتدين بيرفض عرض الثقافة الجنسية ضمن نطاق غير معقول .
فيلم تجربة دنمركية : الثقافة الي عم تعرضها نيكول سابا للشباب وهي فيلم إباحي هاد شي مسخرة ، لأنو ماعادت صارت ثقافة ، صارت شي غير أخلاقي وهالحكي محصور ضمن مبادئ وخلق وعادات الإنسان .

ابو ريتا 22/09/2008 23:02

اقتباس:

كاتب النص الأصلي : SelavI (مشاركة 1117794)

بالنسبة لي . . انا درست في اكتر من 4 دول

الدول الغربية تدرس هذه المادة في العلوم, يتم التعريف بشكل دقيق عن الجهاز التناسلي

وهنالك مادة مخصصة للثقافة الجنسية يتم تعاطيها مرتان في السنة

هنالك يتم التعريف عن كل انواع الجنس والممارسة الصحيحة كما انهم يقدمون اشياء وقائية مجانية :oops: (فهمكن كفاية)

هذا غير المرشد الاجتماعي الذي متسعد الى ان يسمع كل شئ, ولن تتصور قدر الاهتمام الذي ستلقاه وكأنك جالس مع اجدر طبيب نفسي . .

ناهيك عن المراكز الصحية التي تتواجد في كل منطقة
وهي مجانية تمام
يمكنك الذهاب متى تشاء, فيتم حجز دكتور لك شخصيا حيث تستطيع ان تسأله ما تشاء
وتستطيع فحص نفسك كل يوم اذا اردت اضافة الى اغراض وقائية
وكله بالمجان

هم يعرفون مصلحة اولادهم ويهتمون لهم
مثلا فتاة في 17 من عمرها مارست الجنس ونتج عن ذلك حمل
اولا يتم توعية الفتاة مرة اخرى عن كل شئ
ثانيا يحق للفتاة تقرير حياة والطفل وليس الاب
رابعا ان كان الاهل متعصبون يتم حمايتها من قبل الدولة
والاهل كل يوم راحين جايين عل محاكم عم يتلطشو :lol:

اظن يكفيني كتابة:sick:

هي نتيجة الحرية الإجتماعية الي بيمتلكوها ، عنا شو الي مانعنا المشكلة ما بدي دخل الدين ، لك عنا اذا حملت البنت بيشخطوها عالبالوعة متل الخروف


الساعة بإيدك هلق يا سيدي 11:29 (بحسب عمك غرينتش الكبير +3)

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.06097 seconds with 10 queries