|
بقعة ضوء
الساعة هلا 5 المسا بتوقيت الشام. وطلع ع قناة شام مسلسل بقعة ضوء لما خطر ببالي خاطر.
ليش دوماً الأشياء الأولى أحلى؟؟؟؟ النسخة الأولى من بقعة ضوء أحلى من هلا. أغاني عمر دياب ومصطفى قمر و ...... الأولى أحلى من هلا. باب الحارة الجزء الأول أحلى من هلا. الحب الأول أحلى من اللي بعدو. ليش تجربتنا الأولى على بساطتها وأحياناً سذاجتها أحلى. ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ع فكرة الحلقة اليوم حلوة وهيي عن التوووووووووووووووووووووت شوفوها |
اقتباس:
|
لأنو لما منكرر الفكرة ما عاد بتضل عفوية...وخصوصا بأعمال متل بقعة ضوء..المنتج ملزم بأنو يعرض تلاتين حلقة...فها الشي صعب...فكيف وقت اللي بدو يعمل عدة أجزاء.
|
اقتباس:
وشو رأيك بالجزء اللي عم ينعرض هلا, مو حاسيتو بنوب بين الرجلين؟؟؟ أنا هاد رأيي مع احترامي للجميع |
اقتباس:
|
The new one is never like the old one because you get the old one first
|
اقتباس:
We are talking about the best, I mean, what do you think? which on is the best ? the old one or the newest? The is the question, any way, thanks |
اقتباس:
|
اقتباس:
|
المُتعة الحَقيقة دائِماً تأتي في المَرةِ الأولى هل أصلُ الوردة قـُبلة ! |
اقتباس:
|
اقتباس:
يعني مثلاً ... لو ما نجح كتير الجزء الأول من بقعة ضوء ... ما كانوا عملوا أجزاء التانية و الصعوبة بتكمن بالحفاظ عالنجاح و استهلاك الفكرة مع أنو أحيان بينجح التكرار ... بس لحد معين ... بعدين لابد من الاستهلاك |
هلأ ما بعرف ..
بس انو بقعة ضوء .. احلىى شي .. احلى شي بينحضر .. عنجد .. ما في فرق .. بس بالعكس انا شايف انو عم تصير احسن واحلى بكتييييييييييييير .. لانو كل مالا عم تتعمق شوي شوي .. وعم تنصقل .. بس زعلان .. على ما في امل ;) |
منلاحظ دايما انو اي عمل فني او اي مطرب بينطلق بافكار جديدة و اعمال تكون مميزة
لحتى ياخد موقع منيح بالساحة الفنية و بمجرد ما اثبت وجودة المطرب او العمل الفني و نشهر ما بعود في شي جديد و مميز يتقدم و بضلون هنن متمسكين بالفكرة انو لازم يتقدم هدا العمل كل سنة فبصيروا يتضطروا يقدموا اي شي من خلالو و ما بكون على المستوى الجيد او على مستوى اللي بتدأ فيه.. لذلك عم نلاقي فيه اختلاف كبير عن بداية هدا العمل.. |
هلأ بالنسبة لبقعة ضوء .. بالعكس أنـا شايف أنو هالسنة و بالجزء السادس في تطوّر كتير كبير وملحوظ! إن كان بالناحية الفنية و الإخراج و التصوير و طريقة الإخراج .. و حتى بمحتوى الحلقات ! هالسنة لاحظت دسامة الحلقات كـ محتوى .. يمكن في كتير حلقات خفيفة .. بس رسالتها كتير قوية! أما بالنسبة لبقية المسلسات .. فـ صراحة ما أخدت شرف متابعتي إلها .. و بالنسبة للمطربين .. يا عزيزي .. يلي عنده قاعدة و تاريخ و أرشيف .. بيضل محافظ على مكانته في كتير أسماء .. ضلت محافظة ع مكانتها و مركزها لحد هاللحظة .. (كاظم الساهر , جورج وسوف , ملحم بركات ... وفي كتير) و أنا بسمع لهن من بدايتهن حتى هاللحظة .. أما عن المطربين هلأ .. فـ هنن مجرد فقاعات .. بتطير و بتعلي .. و بتروح بعدين تحياتي , |
اقتباس:
عم نحكي ع التغيير .. ممممم أبو وديع , مزبوط أنو صوته تغير من فترة لفترة .. بس أنا بلاحظ عليه كل مرحلة من صوته إلها ستايل معين من الأغاني يلي بغنيها تناسب صوته يعني ما بتخيل هلأ .. أنو يغني بصوته الحالي الأغاني يلي كان يغنيها قبل الـ 2000 !! ممكن نقول هون أنو بطل متل أول و .. و .. بصوته الحالي .. عم يغني أغاني بتليق بصوته و طبقته .. مشان هيك ما بحسن قول أنو فقد أصالته .. لأنو لابقه لصوته الحالي تحياتي إلك .. وبتمنى تتقبل الإضافة ,, |
مسلسل رائع فعلا
|
تجاربنا الأولى في الأمور التي أحببناها، فيها شيءٌ من الـ :o باللإضافة إلى شيءٍ من الـ :).
والأمور التي تحتوي على شيءٍ من الـ :o والـ:) تترسخ في عقلنا الباطن أكثر من الأمور التي فيها فقط شيءٌ من الـ:). :ss: :hashish: |
وما الحب الا للحبيب الاول !!
:) |
لانو الشيئ الاول ما يكون خاطر على بال حدا فلما يجي يسلب القلوب قبل العقول الشيئ الاول يدخل القلب اولا خيو والشيئ التاني نحنا تلقائيا نقارنو بالشيئ او الجزء الاول ونتفاجا انو السحر تبعو ما كان يضاهي السابق فيفشل العمل بنظرنا
شكرا على الطرح |
لم يعد الموج يحب صخور الشاطئ لانه بعد ان قبلها القبلة الاولى صارت اقل مقاومة لقبلاته اللاحقة...
|
انا بشوف انوا التمسليات صحيح عم تعرض كزا جزء بس كل جزء الوا سنتوا وكل جزء بكل سنه عم يظهر معيشه الناس وماسأساتها حتى لو كانت كوميديه
|
في الخطوة الاولى يكون الممثل ما يُريد
في الخطوة الثانية يكون ما يريده المشاهد فيبدأ التصنع والمبالغة والتمثيل كُن بخير |
لانو كل شي بيكون اول بيكون على عفويتو يعني مامخططلوا
من قبل والأجزاء الأولى بتكون احلى لانو بتكون لسا مامواكبة التطورات الي عم تصير هلا |
الاجزاء الثانية
اضن ان هناك الكثير من الاجزاء الثانية افضل من الاولى مثل THE GODFATHER2 برايي افضل بكتير من الاول ونفس الشيئ بالنسبة لLORD OF THE RINGS صحيح هناك افلام اخرى اجزاؤها الاولى افضل من الاخرى وهذا راجع الى ان المنتجين اعتمدوا فقط على شعبية الجزء الاول فجاء الجزء الثاني بدون اي فكرة اما باب الحارة فالجزء الثاني افضل بكثير من الاول والرابع افضل من الثالث وشكرا.
|
| الساعة بإيدك هلق يا سيدي 07:32 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون