|
فتوى سعودية بجواز بجواز قتل ملاّك القنوات الفضائية
أفتى رئيس مجلس القضاء الأعلى في السعودية الشيخ صالح اللحيدان بجواز قتل ملاّك القنوات الفضائية وذلك خلال مقابلة أجرتها معه إذاعة القرآن الكريم في برنامج نور على الدرب الذي تبثه إذاعة الرياض الرسمية التي حرصت على إذاعتها ثلاث مرات منذ صباح اليوم. وبموجب هذه الفتوى فان كل حكام الخليج وبعض أمرائها يقعون تحت طائلة هذا "الضوء الأخضر لتصفيتهم" كونهم يستحوذون على النسبة الكبرى من بين مالكي القنوات الفضائية. وتأتي هذه الفتوى التي من المتوقع أن تثير الجدل داخل الأوساط السعودية في تزامن مع الذكرى السابعة لأحداث الحادي عشر من سبتمبر. والشيخ اللحيدان، الذي رفض إدانة الإرهاب بشكل صريح، حريص على اتخاذ مواقف متطرفة نتيجة عزم الدولة السعودية على إصلاح القضاء السعودي الذي يعيش أسوأ أوضاعه التنظيمية رغم محاولات وزارة العدل المدعومة من قبل عاهل البلاد الملك عبد الله بن عبد العزيز بغية تطوير القضاء وتقنين الشريعة. إلا أن مجلس القضاء الأعلى الذي يرأسه اللحيدان وقف أمام كل هذه الخطوات بالمرصاد. ولم يتوقف عند هذا الأمر وحسب بل أنه عارض الخطة الملكية الرامية إلى تطوير المسعى لاستيعاب الأعداد الهائلة من الحجاج والمعتمرين التي تأتي إلى المملكة كل عام. وعمت الساعات التي تلت فتوى الشيخ السعودي المتطرف اتصالات خليجية على ارفع المستويات للتعرف ودراسة الاحتياطات الأمنية تجاه تطور الفتوى وترجمتها عمليا من المتطرفين ومؤيدي تنظيم القاعدة. وعلم أن أوساطا دولية تلقت هذه الفتوى بالدهشة المشوبة بالقلق نتيجة انها تتناول العائلات الحاكمة في الخليج التي تتولى رعاية المحطات الفضائية وتمويلها وتعرضها لخطورة الاغتيالات، خصوصاً وأنها الاولى من نوعها التي ينطق بها اللحيدان جاريا على عادة بن لادن والظواهري اللذين اهدرا دماء اغلبية الزعامات العربية. عن إيلاف
|
الله يثبّت علينا العقل
|
:jakoush: يبدو انه حال الامة مرهون بهاى الفتوى .........................!!!!
|
اي ان شاء الله يعمل بهي الفتوى
بلكي بنخلص من الوليد بن طلال وكم راس من روس السعودية وهيك بتسكر روتانا مش حتقدر تغمض عنيك وart وmbc ياهووووووووووووووو |
اقتباس:
يعني اذا منشان فيهون برامج سخيفة و فاضية فالقنوات الباقية بنوب مو انظم.. |
يا سلاااااااام ...... خلص نحلو كل مشاكل العالم بهاي الفتوى :frown:
|
يعني أقل ما يمكن شخص بمنصب حكومي مثل هذا او أي شخص آخر يحرض على القتل بهذا الشكل الإجرامي - يجب اعتقاله و وضعه بالسجن و إن لم أكن متحامل يجب إعدامه لانه رجل دين أيضاً و يروج للحقد و إهلاك البشر من دون وجه حق - ما حد جابرو يحضر تلفزيون هذا الوهابي ..
|
قديش صرلي قاعد بالسعودية ومخالط عالم وأمم هون ماسمعت هيك فتوى !!!:shock:
كمان انت ماعرفت تجيب الاخبار الكاذبة الا من موقع ايلاف المحظور بالسعودية :jakoush: حاجتك استحمار للناس حاج :jakoush: |
وهاي فتوى للشيخ صالح اللحيدان ينتقد فيها تنظيم القاعدة ويقول عنه انه سبب للبلاء والشر وسبب لهدم الامة وتفرقتها وتنظيم القاعدة لاخير فيه ولاهو سبب صلاح او اصلاح - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هون بنشوف التناقض بكلام صاحب الموضوع اقتباس:
|
اقتباس:
|
لله درو لهالشيخ شو رجل, شو ابن حلال, هيك الغيور ع الاسلام بيتصرف, هيك الصح والباقي كلو كلام فاضي.
بس مايواخذني هالشيخ الجليل المقدس لما بعمل مقارنة بينو وبين علم من أعلام الإسلام وهو محي الدين ابن عربي واللي وجه بعدم سب أو لعن أي إنسان لأنو ماحدا بيعرف بأي لحظة ممكن يرحع ع الطريق الصح, فسبحان الله, شخص حكم بالموت وخلصنا وشخص عندو كل شخص هو مشروع مسلم و مؤمن ولو بعد حين فيحترمه لذلك كحد أدنى. أين الثريا من الثرى أين النور من الظلام. سبحان الله. سبحان الله. بالله يا جماعة ماحدا يحط هيك أخبار عن هيك أشخاص بيندى الجبين لذكرهم وتحمر الأوجه خجلاً من أرائهم. |
اقتباس:
وما عدنا نبطل قصة (( كلكم كذابين وكل مصادركم غير موثوقة )) خيو ايلاف كبّه متل ما بدك عندك مشكلة مع العربية ؟!؟! هي رابط الفتوى على العربية نفسها تفضل ... - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - العربية اقتباس:
ما بدي اظهر كشخص عبدافع على لوست مان .. بس حاج (( استحمار )) للعالم بحد تعبيرك وخلينا احسن ما نطمر راسنا متل النعامة .. خلينا شوي نتحلى ببعض الصفات اللي بنتغنى فيها متل الشجاعة ونوقف ونقول " نحن غلطانين " ... على الأقل بصير في بصيص امل للتقدم ... |
طبعا ما عندي تعليق على الخبر...
______________________________ هامش: اقتباس:
|
اقتباس:
والله اني عم احلم اكيد لأن صالح اللحيدان معروفة مواقفه من محاربة التكفيريين والخوارج ومواقفه ضد القاعدة يقول هالحكي وكمان عالملأ ؟:shock: شغلة تانية ليش هون بالسعودية ماسمعنا عنها لا بصحف ولابجرايد وبالتلفزيون ! :? والله شي بيحط العقل بالكف :jakoush: |
اقتباس:
|
اقتباس:
ولوتشوفي شو بيعرضو بافلامون الاجنبية وبرامجون كنتي عرفتي شو قصدي على كل الحديث عن ملاك تلك القنوات :D |
قناة العربية تبث هذه الدعوة الشيطانية لرجل الدين السعودي خلال نشراتها و سوف أزودكم بنسخة صوتية عنها قريباً حتى تتأكدوا من هذا الشخص الإجرامي - إذا كان هذا قاضي و يمارس الحقد بهذا الشكل بدل أن يقوم بتشجيع حرية التعبير فماذا ترك لغيره ؟؟
|
اقتباس:
بعدين قلتلي يمارس الحقد أنت شو عم تمارس بهالمنتدى من لما سجلت |
اقتباس:
اقتباس:
|
اقتباس:
أهم شي ان تكون انبسطط انو افحمني :larg: |
اقتباس:
بس انبسطت لأنو رأيي بالشيخ صالح ...... ما طلع غلط |
اقتباس:
|
اقتباس:
شخص يدعو للقتل العلني ببلد يعاقب فيها القاتل بقطع رأسه أمر غريب مو هيك خصوصاً أن هالفتوى طالعة من مفتي كبير بالسعودية يمكن يكون الو اتباع يسمعوا كلامو ويقوموا باعمال القتل هاي اللي دعا اليها هذا المفتي ساعتها بيختل الأمن وبيصير الأمن غير مستتب بأرض الحرمين اللي بيزورها كل سنة 6 ملايين جحي ومعتمر والحق كلوا على الحكومة اللي ماعاقبت هذا الشخص باقالتو من منصبو على الاقل لكي تخلي مسؤوليتها من هالموضوع ؟! بكل الاحوال انا لساتني متفاجيء أن هالفتوى هاي تصدر من صالح اللحيدان :shock: يمكن العمر بيلعب دور باعتبار ان عمره صار فوق ال 85 سنة ,, |
اقتباس:
بس .. ليش وقت الحكي بيكون عسورية .. فورا بتنطو .. وبيكون هادا الحكي مزبوط .. ولازم يخففو الحريات شوي .. وكزا .. اعربيلي ياها حبابة .. ضعيف بالعربي انا .. ..................................... اقتباس:
اقتباس:
بالنسبة للكلمة اللي بالاحمر .. اصدك عالعمر .. ولا شلون؟ بالنسبة للكلام الي بالأخضر .. يعني انتي ما منون بفهم من حكيك؟ |
اقتباس:
مو جاية عبالي افتح حوار اديان ,,, بس رح قلك الحلال بين والحرام بين ... الصح بين والخطأ بين ... وكل شخص عقله في راسه بيعرف خلاصه ... والكلام اللي لون باللون الاحمر بيدل على مغزى معين ,, بس رح ارد عليك بالمشرمحي انا من اتباع الحق اللي هو كتاب الله وسنة نبيه اتباع للحديث الشريف "تركت فيكم ما إن تمسكتم به لن تضلو بعدي أبدا،كتاب الله وسنتي" لهالسبب مارح اربط نفسي بشيخ افتى بقتل نفس او ماشابه من الاغلاط التانية ,,, لأن بالنهاية هالمفتي انسان ,,, والانسان معرض للخطأ ,, كان من يكون ,, واذا صار اني اتبعته واستمعت لفتواه ونفذتها والفتوى طلغت غلط ,,, فذنبي بالنهاية برقبته ,,, باعتبار اني من الرعية وهو كان مسؤول عني وبالنهاية لايصح الا الصحيح |
اقتباس:
اقتباس:
شبك شبك روق شوي .. لك روحي ..انا ما عندي مشكلة انشالله تعبد المكيف .. وتتبع اللي بدك ياه بس في شغلة وحدة بس .. حبيت استوضح بعض النقاط والله ما مشان شي انا .. مشان القارىء |
اقتباس:
المهم اني بقيت البحصة اللي بتمي خيو انا لست من اتباع هذا الشيخ الجليل ... |
الله يثبت علينا العقل
من خوفي احدهم هلق ياخد صورته ويحطها كصورة رمزية بس ما وضح شو هني القنوات اللي تثير الفتنة يعني مثلا العربية منون ؟ المجد؟ اقرأ ؟ ميلودي تتحدى الملل؟ روتانا ومش حتقدر تغمض عينيك؟ الجزيرة؟ يعني شو هني لنفهم شو مقصده لانو كلمة تثير الفتنة بتحمل الف باب وباب |
اقتباس:
 و أنا كذلك لا يمكن أن أفكر أصلاً بهذه الشخصيات المجرمة التي لا تحترم الحياة و لا الإنسانية و لا الحريات الشخصية و الفكرية .. |
اقتباس:
على تطرفه يبقى ارحم من تعصبك وحقدك الأسود الذي لانهاية له |
القتل هو ضعف وهروب . والقنوات الي بيسميها بتنشر الرذيلة هي بنظر غيرو الها وظيفة تانية تماماً . وقنوات المشيخة الي بتعلم الدين ما بتعني شي لكتير ناس . يعني المسألة كتير بسيطة . كل واحد بيشوف الي بدو ياه . طبعاً الشيخ متطرف ودموي و جبان وملاك الفضائيات ما حدا رح يقتلهون من هيك فتوى فايتة بالحيط بس نحنا منحطها بالحسبان كدليل على سياسة هيك تيارات في حال استلمت سلطة بشي بلد وبشي يوم.
|
تحف....فتاوى تحف
|
اقتباس:
هو كان ناوي إذا بيطلع رأيك فيه هيك . رح ينتحر . أنشالله مايعملها :o يحرق حريشك شو بتسلي :lol: |
اقتباس:
سواء المنقول على ايلاف او على العربية واذا اعتبرنا ايلاف عديم المصداقية بحسب العربية مكتوب بالحرف الواحد : اقتباس:
وبطريقك جاوبني حتى قنوات " البورنو " بأي حق ومن اي منبر بحق له يدعو لقتلهم ؟! شو ما كانوا يكونوا يعني حتى لو كانوا " بورنو " ما من حقه يشجع او يحرض لقتل اي انسان كان . |
اقتباس:
بعدين البورنو مو فتنة ؟. شي بيشجع على الجنس بغريزة متل الحيوانات وبيصورها على أنها أمر طبيعي . هاد شو أسمو . الا إذا أنت بتشوفها فن |
اقتباس:
ما بعرف ليش صرنا عمنحكي على نقطة ما الها علاقة بالموضوع من الاصل الصلة الوحيد اللي انتي قدمتها انها بتثير فتنه .. بتحب افتح لك المنجد واعرفك على معنى كلمة فتنة !؟!؟! ما بدي ينقلب الموضوع على مصطلح الفتنة مشان ما ينزل فيديويات بتحمل هاد الاسم وتصل الحمير للاسطحة . ايدي على راسك انت انت برايك البورونو فتنة ؟! :shock: هاموش : مع انه الهاموش هاد لازم يكون هوي صلب الموضوع والحكي اللي فوق عبارة عن هامش لفكرة " ملبسة " بالموضوع تلبيس هل يوجد اطار شرعي بيسمح لانسان يقرر الحفاظ على حياة انسان ما او هدرها ؟! هل من حق انسان على وجه الكرة الأرضية ان يعلوا منبر ما ويصرّح بجواز قتل انسان ما على الكرة الارضية ؟! يا زلمة بن لادن اللي برقبته مدري كام الف قتيل ما حُلل قتله .. هي وزلمة ارهابي بكافة المقاييس غربية كانت ام عربية وباجماع كافت المذاهب الدينية فاذا كان زلمة بيمتلك قناة .. هاد سبب منطقي انه يُحلل قتله ؟! لك حتى لو كان بورنوا لك حتى لو كان مخرج فذ في عالم السكس هاد بيسمح لي امنح نفسي الشرعية بالقضاء على حياته ؟!؟!!؟!؟!؟!؟!؟!؟!؟!؟ |
هلأ أنت ناقشتني على الكلمة يلي أنا كتبتها . وشرحتلك قصدي
أنا قريت مقالة العربية . وماشفت فيها تحديد نوع الفتنة المقصودة . ولا شخص او قناة معينة مقصودين . يعني كلام عام وبس |
اقتباس:
المرة الجاية فكر شوي قبل ما تحكي احسن ما ينقال عنك " بتعلك " وبتحكي حكي مانك فاهم شو معناه واذا كان جاي على بالك تعطي امثلة فخليها قريبة ولو بخيط رفييييع عن الموضوع . اعرب الجملة التالية اقتباس:
|
اقتباس:
هي نص كلام الشيخ . مشان تقراه قبل ماتناقش أولا هو أشترط محاولة المنع . إذ لم يستطع فيكون الأمر قضاء . أكيد ماقال أنو كل شخص مابتعجبو قناة يقتل صاحبها |
ما ناوي ادخل معك ببنقاش بروح له شي عشر صفحات على كلمة انت مفسرها بطريقتك الخاصة ، من بعد ما نقلت للشباب مسلسل مافي امل كتير اثر على مفاهيم ونظرتي للاشخاص .
بس بحب اهمس بدانك : فكرة البورنو مش موجودة على القنوات العربية لأن الخبر محدد بشكل كتير واضح : اقتباس:
لكن السؤال اللي صار لتالت مرة بسألك عليه وكأنك لهلق ما قريته اقتباس:
ومشان ما تنتقل لي على غير نقطة تستوردها من مدري وين عبحكي بالتحديد على هاد السطر اقتباس:
للمرة الرابعة بسألك هل يحق للانسان تقرير انهاء حياة شخص تاني .. شو ما كان الشخص "" وما بتختلف معي انه البورنو ما عبضر حدا بالاخير ما حدا جابرك توقف على القناة ... الا اذا كان انت بدك ... "" الافكار الدموية هل تصلح لانسان عايش بالقرن الحالي ؟! في زمن عبتحاول فيه منظمات حقوق الانسان تمنع وتنفي الحكم بالاعدام بناء على ان حق الحياة حق لكل انسان شو ما كان يكون حتى لو كان من ابشع المجرمين فكيف اذا كان انسان ما ارتكب بحياته اي ذنب او اي خطئية او اي جريمة بمعنى الجريمة ؟!؟! |
| الساعة بإيدك هلق يا سيدي 23:52 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
