|
نصائح صائم
بما اني بصوم من زمااااااااااااااان يمكن من شي 18سنة فقلت اعطيكم خلاصة خبرتي بالصوم
رمضان هالسنة اكتسبت عادة جديدة بجربها من اسبوع تقريبا وهي اني اشرب باخر ساعة قبل الفجر كميات كبيرة من المياه وهاد بغرض تقليل العطش بالنهار والحمد لله التجربة نجحت وقدرت أشرب كميات كبيرة من المياه بس في شغلة بسيطة وهي ان بعد شرب هذه الكميات الكبيرة من الماء كنت اروح عالحمام اكتر من مرة واخسر كميات كبيرة ايضا يعني اكتشفت (ان الجسم بياخد احتياجه وبيصرف الباقي خارج الجسم ) واضح انو اول تجربة ما الها دخل بخبرة ال18 سنة صيام (بس هي تجربة مهمة وكان بدي انقلها إلكون ) في النصائح القادمة رح احاول اركز على شيئ من خلاصة الخبرة الطويلة ، خلاصة هالنصيحة : الجسم بياخد كفايتو وبيصرّف الباقي للخارج . |
النصيحة الثانية : لا تحكي كتير ولا تفوت بنقاشات حادة .
تسألوني شو هو الشيئ اللي بخليني اقلق على الصائم منو ، أرد اقول انو يحكي كتير ويرفع صوتو او يفوت بنقاشات حادة (هاد بياخد كتير من طاقتو ومن مجهودو وبيخليه يعطش بسرعة ) وحلقو رح يجف ويـتأثر بشدة . وخلاصة هالنصيحة : لاتحكي كتير ولاتفوت بنقاشات حادة ولا ترفع صوتك . |
النصيحة الثالثة : عند الافطار بعد المغرب ، لاتشرب مياه كتير كتير كما هو شائع ، شرب المياه الكتير رح يشغل حيز من بطنك (حيز كبير ) وطبعا سيادتك كما هو معتاد رح تاكل كتير طبعا ورح تشغل حيز اخر كبير من بطنك !!!
خبرني يامعلم اديش بقي لبطنك منشان تدخل اوكسجين الها ولا مابدك تتنفس ؟؟!!! هاد غير انو رح تحس انك اتئل من الفيل وما اقدر تتحرك ورح تكون بطنك اد المرا الحامل بتوأم في الشهر السابع !!! خلاصة النصيحة : اشرب مياه بكميات قليلة ومعقولة وكل عالأد ، هاي ما اخر مرة رح تاكل فيها ، اطمن مارح تموت الا لما عمرك ينتهي !!! واترك حيز في بطنك للهواء منشان تتنفس . |
اقتباس:
اقتباس:
|
اي و مشان الدخن نعمل متل المي
و نشرب كميات كبيرة على السحور |
والله حلوة هالنصائح...انا اليوم شربت كتير مي عالفطور وماقدرت اكل متل العادة...............والله كني ماكلة عشر وجبات:sick:
|
عني بتصوم وعمرك 11 سنة يعني بالصف الخامس هيك شي!!!لك والله مفكرتك مالك دخل وما بتصوم ليش ما بعرف,,,
بالنسبة لنصايحك فانا بعمل فيهم بشكل دقيق ما بتسحر وما بشرب مي قبل ما يبلش الصيام وما بفطر غير على تمر هندي وشوربة يعني وضعي غير شكل,,,, ناطرة نصايحك لانو بصراحة حكيك صح بس يعني العادة بتغلب ابو حميد:D |
اقتباس:
بس حلاوتن هدول انو بيعبو بالمخ وبيخلو الواحد مسطل .. بس انتي لا تعمل بهي النصيحة:jakoush::jakoush::jakoush::jakoush: :jakoush: بتعرف ليش:sly: |
اقتباس:
لا اعتقد أن الجانب الروحي بيظهر اكتر في الصيام لما نجوع اكتر !!! انما بيظهر لما نتحكم في غرائزنا اكتر وارادتنا تكون قوية وساعتها بيحس الانسان انو اقوى وقادر يسيطر على نفسه . اقتباس:
اقتباس:
|
اقتباس:
|
رمضان يا رمضان أنا بدي علق ع نقطه إلي هي نقطة التقليل من شرب الماء هلأ من الصح انه الانسان ما يشرب كميات كبيرة من المي مباشره لأن هيك ما بعود عنده مساحة لحتى يتنفس متل ما قلت بس لازم يقدر انه لازم يشرب مي بباقية السهره لمقدار لتر و نص للترين لأن جسمه بحاجة كمية كبيرة من المي و لاحظة شي تاني قلته إلي هو انك بتشرب كميات كبيرة من المي و الباقي جسمك بصرفه هاد كمان غلط لأن جسمك ما بستفاد غير من ثلث الكمية الي بتشربها أما البقية بصرفها جسمك للخارج ع شكل عرق أو بول و لحتى جسمك يستفاد من كل الكمية الي بتشربها لازم توزعها خلال ساعات يعني مثلاً كل ساعه تشرب كاستين هيك بستوعب جسمك الكمية و بستفاد منها أكتر عم بحكي كتير ما :lol: إذا الي تعلق ع شي برجع شكراً ع الموضوع محمد و عجبني الموضوع :pos: |
حلو الموضوع يسلمو ايديك محمد
سؤالي لابو وليم انت بتصوم ههههههههه ؟؟؟؟؟؟؟؟؟؟؟؟؟؟؟؟؟؟؟؟؟!!!!!!!! !!!!!!!!!!! |
اقتباس:
بس رح اختص المدخنين بنصيحة عامة بعد شوي منشان عيونك ، بس مابعرف شو بدك من الصيام !! قال يعني بتصووووم !!! اقتباس:
|
اقتباس:
وبالنسبة للصيام ، بصوم وانا بصف أول يعني ماني ختيار :lol:، لاني ولدت بعيلة أغلبها متدين وطبيعي اتأثر بأسلوب حياتهم ، لذلك قلت بدي صوم ومن جانبهم قالو مش لازم اصوم هلاء لانو لسى صغير بالسن وغالبا مارح اقدر اتحمل ، بس صممت ونفذت اللي براسي وكملت الشهر كلو من أولو لأخرو صيام. لذلك ربما تلاقيني كتير مابصلي برمضان بس مستحيل ما اصوم (رغم هذا التناقض بين عدم الصلاة وبين الصوم الا اني حريص على الصيام جدا) الحمد لله رمضان هالسنة كتير مختلف بالنسبة الي بحافظ على الصلوات اكتر من اي سنة وبتمنى ربنا يكرمني واكمل الشهر افضل مما بدأتو ، وسعيد كتير وحاسس اني افضل كتير من اي وقت عشتو باي شهر اخر بالسنة معاملتي مع العالم بصفة عامة افضل كتير وانا مع حالي حاسس اني براحة وعلى الصعيد الانتاجي انا افضل كتير من اي وقت سابق ، اللهم الا شغلة وحدة لم اقرأ قرءان هذه السنة وهذا لم يحدث باي سنة سابقة !! . |
اقتباس:
بالنسبة لشرب المياه ، هو في فرق بين شغلتين الاولى انو الاكثار من شرب المياه عالافطار قبل الاكل هاد ضار ، التانية هي على مدار ساعات الافطار شرب المياه شيئ مفيد اوك (ماقلت اصلا شيئ ضد هالمعنى ) انا بحكي عن الاكثار من شرب المي عالافطار ثم انتقلت الى الاكثار من شرب المياه قبل الفجر بساعة لكن ما حكيت شيئ على باقي ساعات الافطار . |
بعتقد كمان أنو شرب الشاي بكميات كبيرة كمان بيلعب دور .. أنا شخصياً بشرب 3 الى 4 كاسات شاي كبيرة باليوم ومابحس بالعطش لمن اكون صايم مع العلم ان الحرارة بالمنطقة اللي انا قاعد فيها مابتنزل عن 40 درجة .. وبضيف نعنع حساوي للشاي باعتبار أن النعنع مريح للمعدة وللجهاز الهضمي |
انا بقول نصيحة بالاخص للى تلات ارباع نهارهم بالشمس وبيفقدوا مخزون ( المياة الجوفية ):o مثلى
اللى بيحس العطش الزائد فى رمضان ياخذ دش مياة ساقعة بسرعةلان ( ويكأن ) :shock: الجلد بيشرب مية فمبنحسش اوى بالعطش استحموا كتير كتير وتخرب شبكة المياة ولا يهمكم...تحياتى... الدش:D |
بالاضافة للنصائح السابقة
نصيحتي نامو كتير انتو وصايمين :lol: وسهرو لوقت السحور هيك نظام عكسي يعني |
اقتباس:
|
وتاني شي
شو؟ |
اقتباس:
لأنو تاني شي بيتعلق بأول شي ممكن أفهم شو سبب ال هههههههههههههههههههههه بعد اسمي يعني كأستفسار لأنو بينقال الضحك بلا سبب قلة أدب نهارك سعيد |
اقتباس:
هي تفسير الـ ههههه وبعدين قارن بين ضحكتي وضحكتك بتلاقي حالك اضحكت اكتر مني ونهارك أسعد ...وامجد ورضوان و... |
اقتباس:
و الغريب انو اكتر من عضو مرئوا و ما حداااااااااااااااااااا ههههههههه اقتباس:
ههههههههههههههههههههههههه ههههههههههههههههههههههههه هههههههه هي تانيا |
طيب وتالتا ؟؟؟؟؟
|
تالتا ..
شو وجعك هلأ .. شبك ليش مثلا فايقة عم تناقري .. شايفة منام مزعج مثلا؟ ولا ما فقتي عالسحور ؟ حكيلي بالضبط شو صار معك |
اقتباس:
عندي تساؤل حول انو ليش معتبرين البول و التعرّق هو عدم استفادة من الماء؟ ما هدول وظائف أساسية جدا جزيلا للماء بجسم الانسان عدا التوازن الهيدروألكتروليتيكي (و حياتكون هيك اسمو ما عم اخترعو :lol:) البول مانو طرح ماء زائد مانك بحاجتو.. مع كل ليتر بول عم تطرح كمية من الشوارد و العناصر اللي لازم تنطرح بر اجباري, و مشان تنطرح لازم تطلع مع ماء.. (قصدي من هالكلام انو غلط انو الواحد ما يشرب مشان ما يبول, لأنو البول مانو مجرد طرح ماء زايد عن حاجتك كان ممكن ما تشربو). لذلك.. اشربو و اشربو و اشربو (مو بجنان.. بس ازا عطشان اشرب.. العطش هو نظام انذار مبكر بيقلك انو جسمك محتاج يشرب.. و يجوز محتاج يشرب مشان يطرح فضلات عن طريق البول). أما التعرّق.. هالأمر المزعج... فألله يخليلنا ياه لأنو بدونو كان فطسنا من زمان :lol: في طريقة بنصحها دايما لجماعة الريجيم (و أنا ما بطبقها.. بس نافعة جدا) هو انو ازا بتحس انو ما قادر تضبط نفسك و تاكل كتير و انت جوعان.. فقبل الأكل خدلك كاسة عصير كبيرة (أو أي سائل تاني مانو مي, الشوربة بتنفع كمان) و انطرلك دقائق قليلة قبل ما تبلش هجوم... بينفعك بتعويض السوائل و بينفعك مشان ما تاكل كتير. التفسير العلمي لشغلة كاسة العصير: الجهاز العصبي يستقبل رسائل الشبع بجانب كبير عن طريق "قياس" مدى تمدد المعدة بسبب الأكل اللي فيها.. هالرسالة مانها آنية انما ممكن تتأخر لحظات أو دقيقة دقيقتين (لأنو مانو منعكس عصبي بحت انما في تداخل هرموني بياخد وقت) .. فلهالسبب انت بتكون دحيتهاو وصلت لحجم معدة ملائم لحتى تكون شبعان بس جهازك العصبي لسى ما وصلتلو الرسالة لذلك تكمّل أكل.. فلبين ما توصل الرسالة تكون قضّيت دقيقة و نص تقريبا أكل زايد عن اللزوم (و لذلك بعد ما توقف أكل بدقيقة دقيقتين وقت "بتكبس أكل" بتحس حالك رح تنفجر... لنفس السبب السابق لما تكون عطشان كتير و تمسك قنينة مي ام الليترين وتبلش تشرب بجنون و بسرعة بس تخلص تحس بطنك توجعك... لأنو مديت معدتك أكتر من حاجة جسمك من الماء و جهازك العصبي ما لحق ينبهك انو أخد حاجتو و ما بدو أكتر (لذلك, خصوصي لما تكون عطشان كتير.. اشرب مي كتير أوكي بس شوي شوي.. نص كاسة, عشرين ثانية, نص كاسة تانية... و هكذا لبين ما ترتوي) كاسة العصير الكبيرة و انتظار فترة زمنية قصيرة هيي مشان التمدد اللي رح يصير بسبب كاسة العصير يوصل للجهاز العصبي, و نسبة التمدد اللي بتوصللو قبل ما تبلش أكل هي اللي رح توفرها بعدين.. و ما تحس حالك رح تنفزر جربوها و ادعولي :D |
اقتباس:
بالمناسبة في كم عامل مشترك بيناتنا بس في شغلة تماما عكسي وهيي انو رمضان السنة اتعس رمضان بعيشو بحياتي عالهامش...ياس ما في عندك اسلوب للي بدهم يسمنو بهالشهر؟؟؟:cry: |
يا انسة هيلين ، مابيمشي الحال هيك ، طالما مافي مزح بينك وبين الشب ابو وليم ، مافي داعي لهالاسلوب اذا سمحتي واضح انك انسة مزوقة ومحترمة وبنت اصل .
وكل عام وانتي بخير يا هلين . ولا ابو وليم امسك حالك شويتين قال صايم قال وجاي تقاتل بموضوع مولانا الصائم هيك !! بتعرف اذا ما اتوقفت شو رح يصير معك بالمعبد :lol: اقتباس:
وبخصوص وصفة لزيادة وزنك !!! كلي 3 وجبات باليوم نفس الاصناف اللي كنتي تاكليهم بكميات اكبر وقللي المجهود اللي بتعمليه (شهر واحد وبعدين تعي خبريني شو صار معك ) الكشف اللي بعدو ، :lol: |
اقتباس:
الحكمة الدراجة بتقول ، كل شيئ ان زاد عن حدو انقلب ضدو ، من هالمنطلق الكميات الزائدة من الماء او الطعام عن حاجة الجسم هي ضارة للجسم ، انا من محبي ومؤيدي شرب الكثير من الماء لان عندي الاملاح عالية شوي (لذلك بشرب الماء بزيادة شوي بيكون مفيد الي ) هامش: كلمة هيدرو .......... تيكي ذكرتني بيونس شلبي لما قال لسعيد صالح في مسرحية مدرسة المشاغبين ودا انكليزي دا يامرسي !!!:lol: عنجد ما احلى حكي الاختصاصيين (نصيحة طبيب ولا نصيحة من ميت عيان :o) مشكور عالمعلومات الهامة :D |
النصيحة الرابعة مدري التانية او السابعة ، المهم
البصق : هاد تصرف غير حضاري اذا مابيهمك الحضارة خلينا نروح على موضوعنا ، انت صايم وبعرض نقطة مياه ،ليش الاستغباء بقى ؟ برضاي عليك حافظ على كل نقطة مياه بجسمك وبلاش بصق ، اها بدك تعرف شو هو البصق ؟ هو البزق هو التف (يا مقرف ) طبعا هاي للشخص كثير البصق وليس لكل شخص بيبصق مرتين تلاته باليوم . |
النصيحة اللي بعد اللي فاتت
بخصوص السحور : من الافضل انك ما تاكل اكل مالح كتير ودير بالك من كتر الملح في الاكل ، لانو رح يسبب الك العطش تاني يوم ، في نصيحة للمدخنين هاي خص نص ابو وليم بما انو الزلمة مارح يدخن 13 ساعة عالاقل من الفجر للمغرب (طيب ما يجرب يقلل من معدل التدخين ) يعني اذا ممكن يشرب الشخص سيكارة كل ساعة او كل ساعة ونص او كل ساعتين ، حسب مقاومتو وقدرتو عالتحمل . ومافي داعي للكميات الكبيرة بعد الفطار ، مع الوقت رح يقدر يقلل الكمية اكتر واكتر ورح يكون سهل عليه يتوقف عن التدخين نهائيا ، انا بشوف شهر رمضان فرصة للتوقف عن التدخين نهائيا ، وبتمنى من كل انسان انو يحاول جديا منشان صحتو ، وربنا يديم عليكم صحتكم :D |
اقتباس:
مشكور :D اقتباس:
اقتباس:
عنجد اسهل شيئ والواحد يريح بالو وكانو مافي شيئ مأثر عليه بس وقت يكون في مشوار او دراسة او شغلة برا البيت بهالجو الشوب وبتاخد وقت طويل (بيكون الواحد مانو مستعد وبيحس انو بالاخرة ووصل لاحد انواع العذابات :o) بس بيمشي الحال اذا كان طول الشهر مضمون انو جوا البيت ، يا سلام على هالنصيحة "مافي متلها" |
اقتباس:
اقتباس:
بعدين بتوصل لقبل شي ساعة و خاصة اذا فايق طول النهار و الأكتر مضطر تتعامل مع عالم مخون سميك يعني مثلا (( ما عنا بتقلون على شغلة ما عنا لا كرمال صيامك فوت دورنا جوا لك و ربي ما عنا منها لك يا خيي كرمال الله شفلنا جوا يعني طيب عنا و ما بدنا نبيعك منيح هيك هيك بتحسو انبسط الزلمة )))) اي بتوصل على اخر ساعة بدك سيكارة من عند الله لو لو يونايتد او الشرق مستعد تدخن :jakoush: |
اقتباس:
:pos: لزوم الشغل أنا وضحت الفكره ما قلت انه في شي بكلامك غلط :larg: اقتباس:
مممممممـ إسمحلي رد بما إنه الإقتباس مني :lol: جسمنا لمن يتعرق أو يخرج بول هو بتخلص من كمية أملاح في الجسم بس بزياد كمية المي الي بتدخل للجسم .. الجسم بصير يصرف المي بدون شوائب و ممكن تلاحظ انه العرق بكون بدون رائحه كمية الاملاح فيو بتكون قليلة جداً و هاد بضر ما بنفع لأن الخلايا العرقية بضل بشغل مستمر ممكن تسبب التهابات بس :D |
اقتباس:
اي زيادة بالملح في الاكل او اي اكل ذو طبيعة تميل للملوحة (من الافضل عدم أكله بالسحور) وهاد لصالحك . طيب بخصوص التدخين (بيني وبينك ها ) روح ليبيا ودخن هنيك بالصيام (معون فتوى بتبيح التدخين :o) مش من مولانا دير بالك . شوف بخصوص العالم اللي تخرج الواحد عن هدوءو وعن تيابو ويمكن عن دينو كمان " هادول جيب معون من الاخر" وريح اعصابك ، حط اعصابك بتلاجة واتصرف معون على هالاساس . اقتباس:
وبخصوص الفكرة وضحت عالاخر تمام :larg: يامدخن !!! |
نصيحة كمان :
على السحور ياريت اكل الزبادي لانو بيساعد على الهضم هاد اولا وثانيا وهاد الاهم انو بيساعد على عدم الاحساس بالعطش ، يعني الو اكتر من منفعة . |
اقتباس:
لبن عادي و لا حليب و لا لبن مصفى يعني شو الزبادي |
اقتباس:
فوت هون طريقة عملو - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - بس دير بالك هالركن ممنوع دخول الرجال فيه (فوت عاطراف اصابعك من دون مايحسو فيك الصبايا) |
اقتباس:
بقولو كمان في السوس بروي كتير و ما بشعر الشخص بالعطش بعد ما يشربه :larg: اقتباس:
الزبادي هي الشمينيت الي هي قشدة الحليب الحامضة هي >>  :gem: |
اقتباس:
انو هلا رجعت عالخيمة وشفت الموضوع يخرب بيتكون شو مشان ................صباحو للكل انا عم امزح شبكن |
| الساعة بإيدك هلق يا سيدي 04:37 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
