|
كبرلك شي سنة ..... خلصنا ولدنة
اتنين ماشيين مع بعض يعني تمشاية المسا يعني اول ما اتغيب الشمس و عم يحكو قال الاول : لك جاية على بالي زت حالي من الشباك من الملل قال التاني : اي و انا كمان بس مو لهدرجة شو رأيك نلعب شي لعبة نتسلى فيها الاول : لأ دخيلك دايق قلبي من اللعب التاني : معناها بدك تعزرني انا رايح عالبيت امي علمتلي عالموبايل تشاو بشوفك الاول : يلا باي الاول ( بقي لحالو ) : و عم يقول بقلبو : يقطع عمرك شو غليظ منيح يلي رحت و انقلعت العمى مليت منك تاني يوم بيشوفو بعض بالماسنجر الاول : شلونك حبيب مشتقلك خيرات الله وينك مو مبين ( مكولك هادا كتير ) التاني : كنت مشغول شوي نزلت عالسوق واشتريت كم غرض . شو اشتريت ؟؟؟ يتبع.......... |
هههههههههههه
كترانة موضيع النقد الغير ذاتي الله يستر :adal: |
اشتريت سيدي برامج و كم غرض تانيين بيدخل رفيقهون التالت عالماسنجر مرحبا شباب اهلين والذي منو التالت للأول : كيفك الاول: منيح التالت للتاني ( على انفراد ) : شو رأيك نحكي لحالنا لأنو هالغليظ فايت معنا التاني : لأ عيب مو حلوة التالت لأ حلوة التالت للأول حبيب انا لازم روح شنو بدي اتغدا سلام بيروح صاحبنا بيحكي مع التاني بالسر : هادا كتير غليظ يا ريت نخلص منو التاني : مو لهدرجة التالت مبلا ايمنا من سيرتو التالت :شو اخبارك انت التاني : منيح كل شي تمام ( لهلأ اكيد لاحظتو العلاقة بين هالتلاتة و مين بيحب مين و مين عم يكذب على مين ) يتبع........ |
تشاء الصدفة انو يجتمع هالتلاتة بمقعد دراسي واحد التالت عم يخدع التاني و الاول عم يروح فكرو لبعييييييييييييد و يغار و التالت مو قاصد شي و حالة .... الاول بيلوم التاني و هي لقطة للتوضيح : ماشيين بالباحة تبع المدرسة التالت مشنغل التاني و الاول عم يراقب التاني عطا التالت علكة التالت : مو طيبة منوب التاني : طيب جاملني اريضة التالت : اي بس لأنو منك صارت طيبة ( طبعا كلو كذب و نفاق ) الاول اتجاكر بس ما فتح تمو . طلعو عالصف التالت صار يحكي مع التاني بالهمس الاول افتكر عم يحكو عليه اتجاكر اتجاكر كتير و قام قعد بغير مقعد ( هون حطلي الجملة يلي بالعنوان ) يتبع ....... |
استمرت الحياة و الاول مصر على موقفو و ضل قاعد بعيد العلاقة ساءت بين التالت و التاني ( طبعا الاول عمل عرس ) و هي لقطة مشان التوضيح التالتمو معبر التاني منوب بعد ما عملو البحر طحينة التاني انطمز ( كمان حطلي الجملة يلي بالعنوان ) بعت ايميل للتالت ( عتاب مع مفردات شوي قوية ) التالت انطمز طبعا التاني و التالت علاقتون منيحة بالاول بس الاول حاقد عالتاني التاني بقا التجأ للأول و صار يفضفضلو الاول راح فسد للتالت شو عم يحكي التاني ( كمان حطلي الجملة يلي بالعنوان ) يتبع ........ |
هالشي وصل انو العلاقة بين التاني و التالت تخرب كتير الى درجة فظيعة ( الاول طار من الفرحة ) اجا الاول نكت الخمير و الفطير ( فرصتو الذهبية و اجت لعندو ) التالت حقد عالتاني يعني بالنتيجة التاني محقود عليه من جميع الجهات و هو الخاسر الوحيد التالت و الاول صارو صحبة كتير بس اذا بترجعو لأول القصة و شوفولي هالجملة مين قالها و عن مين قالها اقتباس:
التالت عم يلعب بالاتنين يتبع ..... |
ههههههههههه
انا دخت بس متابعة |
لنشوف وين بدك توصل :D
|
هههههههه يلااا بدنا التكملة .... لوين بدكم توصلونا انتو ؟؟ ....
|
أي يلا انا متابع لشوف لوين بدهم يوصلو...:gem:
|
شوي شوي عليه لزين
ازا عصب ما بيعود يكمل روءو والله دوختنا حطلن اسماء يسلمووووووو |
اهااا حطلنا اسماء بكون افضل ... ^_^ ...
بالانتظار |
اقتباس:
بلكي بطلعلنا شي ملخص.. شكلو القصة حقيقية |
يخرب مطنك وبعدين
|
تالت تاني اول.اوا تاني تالن...والله التخمت:shock:
بانتظار البقية:D |
صاير معي للاسف هالقصة بس بغير تفاصيل و النهاي لازم تكون انو كل واحد لازم يصير بشللي جديدي
|
انقطع الوحي :p
|
هلأ رح وضح كيف العلاقات انفكت و اتدمرت مشهد بالطريق : الاول عم يسأل التاني : كيف علاقتك بالتالت ؟ ( طبعا السؤال مو بهدف الاطمئنان ) التاني ( و كان حمار يعني واثق من الاول و اعمى مو شايفو على حقيقتو ) : و الله مو كتير ( و اتزكر احد الفصول الناقصة يلي عملها التالت و قال بدون قصد ) : الله يلعن اليوم يلي شفتو فيه الاول : هههههه روق مافي شي محرز ( طبعا سجل العبارة بالحرف و رجع عالبيت و بهرها و ظبطها و فورا عالتلفون و سلخها تاااااااااازة للتالت ) تاني يوم التاني قرر يحاول يصلح يلي صار و سلم عالتالت قام ما رد ( طبعا التاني هون ما بيعرف انو الاول عم ينقل الحكي ) يتبع ........ |
و بيوم بيكون التاني قاعد بالمقعد لحالو ( لأنو التالت يلي كان قاعد جنبو قام و قعد عند الاول - جكارة- ) بيجي التالت بيقول للتاني ( طبعا التاني انفلج شنو مافي بالعادة ) : صحيح اللي سمعتو ؟ ( لاحظو طريقة السؤال الماكرة ) التاني : و شو اسمعت ؟؟ التالت: قال انت قلت انو اتعس يوم بحياتك لما شفتني ( طبعا التالت جاب معو الاول مشان التاني ما ينكر ) - هون عرف التاني انو الاول عم ينقل حكي و اذا بتلاحظو هون انو الاول بيعرف اذا التاني عرف انه عم ينقل حكي رح يقاطعو و مع هالشي ضحى بالتاني بس مشان يدمر علاقة التاني بالتالت معناها التاني ما بيعني شي للأول و هاد يلي عرفو التاني متأخر - التاني عجز و ما عرف شو بدو يقول و الاول عم يحاول يحط على عينو التاني بدو يقول للتالت انو مو قصدو و قالها لأنو كان معصب بس ما رح يصدق التاني عجز قام التالت قال : اي معناها خلص كل شي انتهى . و طلع و لحقو اللئلوء ( الاول ) و التاني التحش لحالو بالمقعد . يتبع ............. بس ملاحظة : انو هون بتشوفو انو التاني ما في منو و مظلوم بس كمان عامل كم شغلة بزمانو يعني انا ما عم حاول نزلو من السما |
هلأ التالت مشان يضمن انو الاول يصف معو كان لازم يكره الاول بالتاني بطريقة حقيرة كتير كما يلي الاول اتفق مع التالت انو الاول يكتب ورقة للتالت يكتب فيها اي كلام ( علاك ) و التالت يمشي مع التاني و يطلع الورقة و بصبر يقرأها و يقول للتاني انو الاول كاتب عليك حكي التالت : يا حزرك شو فيها هالورقة التاني : ما بعرف التالت : بدك تعرف ( لاحظو تقل الدم ) هادا الاول كاتب عنك التاني : شو كاتب ؟ التالت : ولا قلك ما رح اعطيك ياها ( بدو ياه يترجى و يتوسل ) التاني ضل يقلو شو فيها و بليز ( بس عبس ) قام قلو التالت طيب بقلك شو فيها بس بشرط انك تقاطع الاول التاني ( كان رح يطق على ما يعرف ) : اي ماشي قام قلو التالت : اي معناها ما رح قلك . و التالت فورا راح قال للأول انو انا خيرت التاني بينك و بين الورقة و اختار الورقة طبعا بعد ما بهّر الخبر و هيك التالت رح يضمن انو الاول رح يصف معو ( لاحظو اديش خبيث و ملعون و حية من تحت تبن ) يتبع ............. |
حلو .. بانتظار اليتبع :larg:
|
اقتباس:
|
عم نستنا . ليش طولت كتيير :jakoush:
|
اي شو هل الثلاثي المرح هدول.. شي شغلة و تسالي ع الاخر..
يلا منتظرين.. :D |
نحن بانتظار النهاية...
بس و الله دخت.. الاول ,التالت,الاول, التاني,التالت.....الخ... الخ... الخ |
اقتباس:
نحنا منسلي اكتر من كيلو بزر :o |
حلوة كتير وأنا بانتظار التتمة بس الصراحة نفسي اذا شفت هلتلاتة لاسلخن قتلة :aah:وخصوصي تاني وتالث والأول
|
اقتباس:
يلا هلأ عم اكتب التتمة بس ذاكرتي ضعيفة :sick: |
ضلو على هالحالة انو التاني منبوذ و الاول و التالت صحبة بس يعني صحبتهون ما نزلتلي على معدة ولا فهمتها شنو التالت كان يحكي عالاول كتير متل هالحادثة : الأول : كيفك مع التالت . التاني : والله ما بعرفو منوب ( و كان لسه ما اتعرف عليه منيح ) الاول : والله انا مو كتير التاني : ليش الاول : اي لأنو كان يلهيني بحصة الرياضيات مشان ما افهم و بعدين بيرجع عالبيت و ابوه بيشرحلو كل شي التاني : مو معقول الاول : والله حتى آنسة الرياضيات قالتلي انو اتحسن مستوايي بعد ما بعدت عنو ( لاحظو التناقض كيف بالاول عم يحكي عليه و هلأ صار صحبة معو معناها منافق ) يتبع ........... |
في ناس بتتغير و بيتغير رايها على حسب ظروفها.. يعني مع السوق بتسوء..
حلو.. متابعة.. :D |
اقتباس:
|
التاني : اي مو لهدرجة الأول : مبلى و اكتر كمان هو بيعمل هيك قاصد . التاني : ممممم ممكن تكون ظالمو الاول : اصلا هو بالاصل ما بيحبني و كان يتمسخر عليي و يقول للعالم تدايقني التاني : هههههه غريبة , طيب ليش . الاول : اي شو بيعرفني التاني : اي الحمد لله انو انا بعيد الاول : اي احسنلك يتبع .......... |
وحيااااااااات الغالي انا دخت :cry:
بس يلا بالأنتظار ;) |
ابو الشباب... مطولة القصة لتخلص!!! :?
|
هههههههههههههههه
لك انتا عبقري يا مان كيف بطلعلك تألف هيك افكار ما بعرف .. يلااا بنتظر البقية انا ..... |
ولى شو هاد :shock:
دخت والله العظيم بس بدى اشوف النهاية شو بدوا يصير |
اقتباس:
بس يعني مو كلو مجرد تأليف قصص |
هون حابب وضح هيك متل حادثة زغيرة التاني : تعا لعندي الاول : لأ ماني فاضي التاني : اي معلش يلا منتسلى الاول : ( بعد صفنة ) اي ماشي الاول جاية عالطريق دق عالانترفون التاني : اهلين الاول : الباب مسكر التاني : هههه مو معقول ( شنو قبل شوي التاني نزل و فتحو ) الاول : والله التاني : ماشي ( و نزل يفتح ) الاول انطمز و رجع على بيتو ( عقلو زغير ) التاني نزل ما لقى حدا تاني يوم شافو بعض قام الاول ضرب بوز يتبع ......... |
حبيباتي هي القصة بس للتوضيح انو صغر العقل و العناد بيدمر اكبر علاقة بين اي اتنين مهما كان بيحبو بعض بس يلا قربت تخلص |
على حساباتي ممكن خلصها شي يومين كمان
بس يلي ما استوعب منيح يقرأها من الاول ;) |
| الساعة بإيدك هلق يا سيدي 22:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون