|
معزومين على أكلة جوقات (بس لا تقربو عالمخاخ)
يا هلا يا هلا
احلا ضيوف واحلا عالم ... العزيمة مقدمة مني ومن القرصان، صرلنا اسبوع عم نحضّر...:deal: ترا هي أكلة محترمة ها! ويلي بياكلها مرتين بالسنة رح يعمر لفوق الـ 100 سنة... والعرق! ياعيني عالعرق مع الجوقات/الجئات/الكوارع/ المقادم متل ما بدكن تفضلو ولا تخجلو.... بس ترا ما حدا يقرب عاللسان وعالمخّ ايوااااااااا!! بقتل قتيل مشانن أنا :larg:  شوية صبر يا اهل الصبر.... بعدنا عم نحشي :pos:  قلنالكن صبر صبر!! بعدنا عن نحشي..  شمّرو ها!  والأكل بتلت أصابع.... غير هيك رح يكون في طمع :clap:  وبالختام وبعد ما يتعبى الكرش... لابد من المخ مع كاسة>>>>  صحتين وهنا ..... والعزيمة الجاي رح تكون مفاجئة كبيرة كبيرة.. |
يسلمو على عزيمتك أنت وقرصان الأدرياتيكو
هلا لنشوف طبخكم ونعطيكم علامات :p بس هي مو نفسا عند أهل حلب واسمها سندوانات بس غير حشوة بعتقد |
أووووووووووووووووووووخ!! هاي أكلة عظيمة جدا جدا جدا
موجودة عنا كمان و يقولولها "كلال" ... بس ما بتزبط عند كل الناس.. و متعبة شوي مانها أكلة سهلة.. بس فخامة عالآخر... |
:sick: .
|
وعنا بيقولولها سجقات
عمي هي اكلة عظيمة ... وكمان مو بس متعبة بالشغل .. متعبة بالاكل :lol: خصوصا ازا كان في معها شوية مقادم محشوكين بطنجرة يبرق :p( هاد السمايلي إن دل .. فهو بيدل على انو شاطة الريالة ولهيك طالع اللسان ) والمرحوم جدي كان يقلي هالاكلة لا تاكلها الا يوم عرسك .... لانو في احتمالين ... وبكلا الاحتمالين ما بتقوم الا محمل :lol: |
يحرق حريشكون عند هالصبح
عالهامش لو هالموضوع برمضان ...كنت أكلت مخالفة شنو رح تسد نفس العالم عن السحور :sick: |
اقتباس:
لا تطلعي على طريقة التصنيع وبصراحة شكل الحشوة استغبرتو أكيد والمخاخ إذا ما كنت غلطانة بينعمل منهم عجة كمان |
طيب بتسمح بهي هلئ |
أورهوي بيك...
المخاخ مو بس ألك... دير بالك على حالك أحسن ما نقلبها مجزرة! هلا إذا بدك اللسانات أنا ما عندي مشكلة لأن لساني طويل ومو بحاجة ليطول كمان! هلا بالنسبة للجوقات فهي أطيب أكلة عندي وهلا بس أرجع عالبلد رح آكلها بعزيمتين... من هلا حاضرة. بتعرف لما كنت صغير كنت ساعد أمي كتير بشغل البيت، فتنظيف الجوقات كان عليّ... يعني القسم الأوّل مالتنظيف... كنت قول لحالي وأنا عم نظّف أنّو عجيب يا زلمة هالإنسان بيطالع منن أشيا وبعد شوي يحط رز أو برغل وتطلع معو أطيب أكلة... ولي حاسس خبصت بالحكي... كان عن الأكل ما هيك. إي صحتين وعافية :p. |
سندور من كل العزيمه انا بدي هيدي بس :sick:انا وابن العم اب سمرا:cry:
اقتباس:
|
بحكيلكن سيرة بهالمناسبة .
هاد أيام ما كان الوالد والوالدة مخطوبين:oops: قالت ماما أنو هي مستحيل ترتبط بشخص ممكن يكون بيحب هالأكلة ومستحيل تطبخها يعني - من باب المزح أو الجد مابعرف-:? فالوالد أعلن صراحة كرهو لهالأكلة.. وتزوجو الجماعة ..:lol: من كم سنة بس اكتشفت ماما انو بيحبها كتير هو لهالأكلة .. وانصدمت :pos: غشها بمواصفاتو يعني :p بس لهلأ بحياتي ما شفتا شخصي أنا وما بتخيل أحسن حبها :sick: |
اقتباس:
هلا كنا عم فيها أدام الأجانب :pos: وصحتين على قلبك ولو .. بتضل أنت صاحب العزيمة وما بدنا نخانقك :oops: |
اقتباس:
بس رح تاكليهن ندم :lol:. |
اقتباس:
لأنو صرلو كل هالسنين ... حارم حالو من هالأكلة ( الله يجعلها أكلة ) كرمالها |
اقتباس:
خاصة انها ميماس ... شنو هي من عند مريوم  |
اقتباس:
صاحب العزيمة أورهوي بس أنا اشتركت بس بالتشجيع :p. وبعدين أنا حكيت عن التنظيف يعني شرح زيادة بس الهيئة نزع القصّة :cry:. تعدل شوي... |
من الذ الوجبات
لكن دون المشاركة في تنظيفها * فتحتو شهيتنا على وجه رمضان |
اقتباس:
هات لأشوف شو أول يوم بدك تفطر |
على حد علمي دجاج
فخر التربية المنزلية * كان في نفسي أفطر على دم القتلة |
شايف الاكلة عجبتكن وفتحت جروحاتكن :sick: وطلعت الأكلة داخلة بقصص غرامية :lol:
اقتباس:
اقتباس:
اقتباس:
اي هيي الاكلة تراثية ومعروفة بكل المناطق، لهيك الصور ممكن تشوفوها غريبة، انا كمان ما شفت بالنت نفس الحشوة الي بتعملها امي ... اصلا مافي غير صورتين تلاتة لهالالكة العظيمة :jakoush: هي لازم تتدرس بالمدارس أصلاً... لازم تنحط بكتب التاريخ.. هاي جزء لا يتجزأ من التراث السوري... قرصان الادرياتيك: طيب انا باخد اللسان :p والمخ بنقسمو بالنص أو بنقسمو ل 3 أجزاء الي والك ولاحمد (اذا ناوي يتجوز :lol:) وفي سلطة ومقبلات للي عامل دايت;) |
انو بحلب اسمها السندوانات وبيحشوها رز وحمص حب ولحمة انا عني بحبن مقليات :lol: |
اييييييييييييييييه ايييييييييييييييييييييه على ايام "المصارين" (هيك بيسموها عنا بالضيعة )
يا سيدي من اطيب الاكلات بهالدنيا انتو لو تشوفو كيف بيغسلوها بيحطو المصران تحت المي اخواتي واللي عم ينضف بيحط تمو عالمصران وبينفخ في مشان يفتحو ويخلي المي تنزل لتحت فانو تسالي كتير بس شو بدنا اللي ما بيحب هالاكلة بيكون ما بيعرف طعمة تمو :mbc2::mbc2::feat::eat::eat: |
هه يا جماعة هاي الاكلة ما اسمها جقات ...عم تغلطو كتير بحق الاكلة ...
الاكلة اسما سختورة ..اي نعم و السختورة ممكن تتألف من كل او بعض ما يلي : 1- الجقات ..و هي امعاء الخاوف, مصارينو يعني ...الرفيعة و الغليظة على السواء ..طبعا بدها شطارة بالتنضيف ..لانو غير هيك بتكون العالم عم تاكل خ...... هه 2- الكرشة ..و هي الكتلة البيضا الكبيرة المبينة بالصورة التالتة ....و هي معدة الخاروف ...و بتكون مخملية الملمس بعكس الجقات اللي بتكون ملساء الملمس ..و هي طبعاً اقسى و اسمك من الجقات و بتعلك بالتم ..و انا شخصيا ما بحبا منوب 3- النخاعات ..و هي ما يوجد داخل عظام الخاروف ..و تشمل المخ ...يعني كلو نخاعات هاد الحكي ..اطيب شي فيها هو مخ ( دماغ ) الخاروف ...و يتم تحضيره بطرق مختلفة اشهرها السلق و الشوي و قد ما فيك حطلو بهارات يعني ..مشان الزنخة قال ...و هو هيك طري .يعني بتحسو متل اللبنة ...اي و الله 4 - اللسانات ...و هي لسان الخاروف .....ببساطة يعني ...و هو من افخم الاكلات ..يعني هاد اللي بكون قاعدبالعزيمة و بيعطو اللسان ..بكزن شيخ نظامي ..و شغلتو كبيرة ..لانو ما مين ما كان بياكل اللسان 5- المقادم او الكوارع ..و هي ارجل الخاروف ...بصراحة ما بعرف شو بياكلو فيهن لانو ما فيهن شي ....بس بتشوف العالم قاتلة حالا ع المقادم !!!...انا شخصيا ما بيطقن منوب منوب 6 - الراس ...هيك بحطولك راس الخاروف قدامك ...و كول يا حباب ...طبعا منظر راس الخاروف عالطاولة بيعملي ازمة نفسية ... خصوصي هيك اذا سنانو مبينين و شكلو عم يتضحك ..انو ع شو عم يتضحك ابن الحرام ما بعرف ! على كل حال بالشام بيعملوه فتة..يعني فتة راس ( ليك على هالاسم !! ) . يقال انو لحمة الراس من اطيب اللحمة ...بس انا مشتهي اعرف وين في لحمة بالراس !!! طبعا ما بعرف بالصورة شو عم يحشو الجقات و الكرشة ..بس بمناطقنا بيحشوهن رز ..يعني متل بقية المحاشي .رز و لحمة و بهارات و توم و هيك قصص ..و غالبا السختورة بتجي مع بقية المحاشي ..يعني بكون حدا كوسا محشي و ورق عنب ..مطبوخين مع عضام و لية ..مشان الكوليسترول يوصل للمعرة :lol: اي و هيك يعني ..تسالي ...هلأ بدنا تحطولنا شي موضوع عن المعلاق ...لانو الدرن ..و هيك قصص تحياتي الكوليسترولية |
يعني لو كنت عارفة اني رح شوف هيك موضوع كان حسبت حساب صدت النفس وكنت فطرت قبل ما اجي :sick:
ما بتخيل حالي باكل هيك اكل.. |
بـصراحة يــع :sick:.. عنا بسموها "تراف" وإيخ ما حدا بالعيلة عنا بحبها..لا ابي ولا امي ولا اي حدا..
الحمدلله يعني :sick: |
مدرس شلون بتاكلوها ؟
|
اقتباس:
و سويناها نحنا بالعيلة مرتين .. و طريقة التنضيف اظن كمان متل ما قلت .. مو متذكرة منيح.. لاني ما برضى فوت ع المطبخ بنوب بنوب وقت تنضيفها.. و بخصوص الحشوة نحنا منحشيها رز و لحمة.. هو الصراحة الاكلة من المنظر بتشهي.. و انا اللي خليت امي تسويها اول مرة لانو وقتها شفتها ع التلفزيون بمسلسل ليالي الصالحية (وقت بيعزم المعلم عمر كبارية الحارة و بكون مسوي هي الاكلة).. و انا من وقتها بلشت زن على راس امي لساوتها.. بس بعدين لقيت طعمتها عادي يعني... انو رز و لحمة و صلى الله و بارك.. منشان هيك ما عدت طلبتها.. بس بليالي الصالحية كانت مبينة طرية .. اما وقت اللي سويناها طلعت شوي قاسية :pos:(يمكن من الرز و اللحمة) اقتباس:
|
يع يع يع جد يع
عنا بس امي وابي بيحبوها بصراحة مابعرف كيف حدا ممكن ياكل مصارين حيوانات :sick: يعني ماخليتو شي غير الشرج... قرف!!! |
اقتباس:
أنا أهلي بعتقد بيطبخوها طبخ ومو قلي وكل ما كان المصران اصغر كلما كان أطيب وبتصير خناقات عليه :eat: |
بحياتو ما حد عملها بضيعتنا :sick:
|
اقتباس:
ما بتعملو معروك ما بتعملو هالأكلة شو بتاكلو انتو ؟ :shock::shock::shock: |
اقتباس:
السجق كمان معمول القشر الخارجي من المصارين.. يعني بعد ما يتنظف و يظل مدري كم ساعة عم يغلي... أي يعني عادي.. |
عذرا من صاحب الموضوع ... بس ما إلي نفس قرب على هيك أكلات .. مع العلم انو نعمة الله ..
بس بفضل ضل شهر بلا أكل ولا دوق هيك أكلات .. يعني العالم ما عم تخلص باللحم العادي .. منين جبتولنا مخاخ وأمعاء ومدري شو .. نحنا هالأكلات بيسموا عنا (كروش - كرشة ) من الكرش .. أي المعدة .. بس الله وكيلكن المحل اللي بيكون فيه هيك أكلات بآخد منو مسافة أمان كذا ميل .. وبالإضافة بلبس مضاد للأشعة النووية مشان الأمان الزايد .. وكامن فوقو طبقة من المادة اللي بيحطوها بلباس رواد الفضاء .. :cry: عالهامش ..: يعني هيك اجزاء من الجسم كتير تعتبر .. (غير صحية وغير آمنة علميا وعمليا ..) حيث يعتبر الكرش والأمعاء من أماكن تكاثر الدود (الشريطي وغير الشريطي .. ) بالإضافة هيي مكان هضم الطعام وعصره .. ويعني كلنا منتخيل منظر طعام معصور ومهضوم .. وكيف بيكون منظرو .. ف ما بقدر اتخيل حالي عم أكلها :sick: :frown: |
اقتباس:
|
اقتباس:
عم تحكي عن الدودة الشريطية.. طيب بيوض الدودة الشريطية و جزء من دورات تكاثرها موجود بعضلات المواشي.. يعني باللحم اللي بتاكلو, و هاد الخطر مو لما توصل الدودة للمصران .. بعدين المصران يتنظف و ينطبخ بشكل منيح جدا و مستحيل يبقى منو شي بعد هالتحضير.. يعني علميا مانو أوسخ من اللحمة.. بالعكس عم ينطبخ أكتر منها..الكبة النية بتخوّف أكتر من هالأكلة بألف مرة .. ازا حكينا عن أحياء دقيقة و بويضات و هيك امور.. لذلك ازا قرف نفسي فأوكي.. بس رجاءا العلم على طرف.. |
شو هالموضوع الحلو الي بفتح النفس :o
احنا عنا بسموها كرشات او فوارغ (المصارين) بحشوها رز و حمص حب و لحمة و قبل كم يوم كنا طابخينها يا سلام مع اللسان و الرووس بس انا بحب لحمة الراس مو المخ اما اللسان كتير زاكي :yahoo: لو بعرف انكم بتحبوها كان بعتلكم شوية منهم يلا للمرة الجاي ان شاء الله بس مو برمضان ;) |
اقتباس:
وعم يجي اللي عم يعمل هالأكلة عم يغليها .. وعم يحط بدال هالفضلات رز وبرغل وحمص .. انو عفوا يعني ماني حابب قرف حدا ... بس الفكرة .. ما استنضفتها ..:cry: .. :sick: |
لك دخييييييييييييلل ربببببببببببببببببببببببب ببببببببببببببببببببببببب ببببب الجقاات
بس هي اسمها سختورة كما اوضح ابو نهلة .. متحمصنا واحلى واطيب شي .. هيي الفتة تبعيتا ياااااااااااااا ابييييييييييييي شو بحبا خلص اليوم بدي روح لعند بيت جدي مدري بيدت جدوو مدري جدودنا والله ما بعرف المهم اليوم .. رايح آكل جئات .. تفضلو اورهي .. بدي عزيمة جئات حي الله بني آدم بدي عزيمة جئات |
اقتباس:
انو وحيات ربي ماعم افهم كيف بتاكلو هشي... لكو شوفو صورو منيح... تأملوهن طيب... حدا بياكل هيك شي؟؟؟ عم اتخيل وحدة عازمة حبيبها على عشا رومانسي... يجي يلاقيها طابخيتلو هلأكلة :o قولتكو شو رح يصير!!! |
اقتباس:
|
| الساعة بإيدك هلق يا سيدي 08:06 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
)