|
الحكي ما عليه جمرك
هلق الحكي ما عليه جمرك يعني انو الواحد في يحكي شو ما بدو بس انو يعني عما فكر يصير جمرك على الردود لأنو صاير بالموقع بشكل عام سباق مين بكتب اطول رد حبيباتي قلبي تطمنوا مالح تفوتوا بكتاب غنيس اذا كتبتوا اطول و على فكرة يمكن يصير كل رد فوق ال 8 سطور عليه ضريبة رفاهية 50 ليرة يعني الواحد بيفوت مشان يريح راسو و عيونو اي بيجعوا عيونو بالزايد و كمان على تلوين الخط جمرك على الحركات في جمرك الضمة ب 20 الفتحة ب 15 و الكسرة ب 10 و السكون ب 5 شو فهمنا |
بس بتعرف كان لازم انت كمان تلون الرد تبعك مشان تكون أول مين طبق هل النظام وكان لازم تشكل الكلمات وتطول النص أكتر
مشان تكون تبع جماعة خالف تعرف |
بما انو السكون ارخص الحركات وما تفهوا الرخص بشكل غلط هاااااااا
فلازم يقرروا السكون هاموش اهم مما سبق...هاد يا سيدي اذا الرد طويل والو معنى يعني مو فزلكة وسقالة فبالعكس كتير بيكون حلو وكتير رح بيفيد متل كتير ردود لو كانوا عشر صفحات رح اقراهن...اما في ردود والله مجرد ما شوف اللون والا شوف كاتب الرد ببعد لانو بعرف انو عم يفرد قدراتو عالبسطة وما بدي نفسي تلعي |
ياسيدي بشرفي
معك حق :D:D:D:D |
اقتباس:
__________________________________________________ __________ طيب خلينا نيجي للجد و نمشي خطوة خطوة و نشوف اديش بيطلع علينا جمارك.. *هَلأ مِن جِهةْ الحَرَكاتْ أَنا ما بَستَّخدم حَرَكاتْ يَعني نَفَدْنا مِنَ الجُمركْ شيتْها.. *اما بخصوص التلوين فــ انا مني و عليي ما عاد استخدمو بتاتا ابدا .. لشو البعزئة بالتلوين .. بكرا بيخلص التلوين من اخوية و مننئطع .. يعني هدا الشي بسبب مشكلة مادية و معنوية .. يعني كمان خلصنا من هي الشغلة و طلعنا خالصين و ما علينا ايتها شي.. *اما اخر شي و اللي هو الحكي الكتير و الردود الطويلة فانا شوفة عينك يعني بالزور بيطلع من تمي كلمة.. بتسحبها سحب لتطلع يعني.. فــ كمان من هي الناحية طلعنا خالصين و ما علينا جمرك ولا من يحزنون.. يلا بخاطركون لكان ..:lol: |
اقتباس:
انتي عندك مشكلة مع الضمة يعني ليش خيو الضمة لتكون عشرين والفتحة بس ب 15 انو معقد انتي وصغير من الضمة مثلا اكلة شي ضمة على راسك او مثلا ابوك زاربك بالحمام وهات على ضرب بالضمة فحضرتك اسعتها مأثرة فيك الشغلة وعم تفش خلقك هلأ انو احكيلي اخي احكيلي نحنا اخوات و انا بفهم عليك (ما بوعدك بس بحاول ) بعدين خيو انتي عم تنق على كترة الحكي و التلوين والتشكيل وهالقصص هاي يعني قصص العجقة والضجة لانو بس تصير في عجقة وضجة هادا اللي بين كتافك ما بقى يجمع وهدول الضواوي الزرق (اللي ما يبلو الهي ) اللي مركبهن براسك بيطفو من كتر مانك عم تقرا هلأ خيو انا عندي سؤال الضجة شو عكسها ؟ السكون مهيك طيب ليش حاطط ضريبة عالسكون انو حيرتنا معك ان حكينا بيصير ضريبة وان سكنا مناكل ضريبة شو هالحكي هادا بعدين خيو انتي حددت نظام الضرائب بس ما قلتلنا هالضرائب هاي شو رح يصير فيها رح تروح عالجنوب او عالجيوب يعني مشان نعرف نتأمل وننبخع بالنهاية او ما نتأمل عالخالص ونتاكد انو هالضرائب متلها متل بقية الضرائب وضحلنا خيو وضحلنا خلي هالعالم تفهم وتتعلم وتضل على نور احسن ما عم تقضي وقتها على نور وسنوات الضياع بعدين خيو ...... او قلك حاجتك اليوم يللا انصراف (بالاجر اليسار يا ابني ) :cry: |
اقتباس:
التاء عليها ( ّ ) اش بيك خيتو ؟ بعدين ازا سمع فيكي اللامنتمي بيكتب فيكي عريضة شكوى الها اول ما الها آخر بعدين اب ويليم شو الهيئة عم تقسّم الحكرات والردود الطويلة تقسييييم من لحمك خطي يا سيدي كل واحد يصطفل بركدن الزلمة او البنت بدها تفضفض وتفش خلقها؟ بيجوز كل شي بيجوز عمي .. |
اقتباس:
بس يعني انا ماني متاكدة اذا التاء مشددة ولا لا .. بس على حسب ما بتذكر باللغة العربية انو التاء مشددة.. فما بعرف بجوز صح متل ما قلتي.. و انا كتير سعيدة انك صححتيلي بس يا ريت تعطيني السبب ليش ما بينحط عليها شدة.. |
أبو وليم شو الوجع بالضبط :?
|
صديقي ابو وليم ..
بجد شو عم يصير معك .. يعني وضعك مو تماام هاليومين .... انتبه لصحتك حب ..................... واحلى ابو وليم على خط الوطن ............. |
اقتباس:
عملتها ارخص شي و تاني شي ذكرتني بالياء الحمصية هي ضريبتها دبل يعني 125 على كل ياء نفس الشي مع الجيم الحلبية بس الجيم ب 150 على كل جيم هيك جكارة بأهل حلب تالت شي نحن على الضوجة مناكول و على السكون مناكول يعني طالع واكل نازل واكل و مشان الضرايب لح تروح لأغراض أسااسية و مهمة متل تغير اللابتوب و الموبايل تبعاتي :yahoo: و هي حضرتك سلختنا رد اطول من الموضوع ب 3 مرات هادا شو اسمو مو جمرك :pos: |
اقتباس:
كان شي رائع لو بتفهموا بس بالأساس مو مطلوب منك تفهموا :lol: منيح معلم نجيب |
اقتباس:
3500 + 10% ضريبة |
شو عم تنصب ع الشعب :larg:
|
اقتباس:
|
خيتو لازم نحن نلاحق التطور
بقا حتى الشدة عليها ضريبة 25 |
صديقي ابو وليم هاد الحكي مابيصير وماكنت متوقعك هيك بنوب
بتعرف ليش؟ لأحكيلك ليش يصير كل رد فوق ال 8 سطور عليه ضريبة رفاهية 50 ليرة يعني الواحد بيفوت مشان يريح راسو و عيونو اي بيجعوا عيونو بالزايد و كمان على تلوين الخط جمرك على الحركات في جمرك الضمة ب 20 الفتحة ب 15 و الكسرة ب 10 و السكون ب 5 يعني الاسعار يلي حاطتها اقل من تسعيرة التموين شو بدك ضارب على الحكومة؟؟ بعدين العالم معها مصاري . الشهر الماضي صارت مظاهر احتجاجآ على الرواتب العالية بتمنى تغير اللائحة الأسعار |
اقتباس:
لك دعم المحروقات نقام من هنيك نحط هون |
أبو الول......جايبلك هدية ...:isb3:
|
زياد .. وبكل صراحة .. وبكل ثقة .. بقلك .. بعترض :larg:
اي نعم .. بعترض .. قال بدو يحاسب ع الحركة والسطر واللون قال .. معليه.. حاسب الكل الا انا .. وبشوفك آخر الشهر بنتقاسمهون :larg: لكن انو يكون المحاسبة للكل.. فـ بعترض |
.........
|
اقتباس:
و وصلو شي بيسطل منين ناكشو للكاسيت |
اقتباس:
الك معنا 15 ليرة حوافز |
اقتباس:
عميمة كلون على حسابك |
اقتباس:
لكان ادا كلو على حسابي..فيك كمان تخلي المنسقين يدفعو ضعف يللي بيدفعوه الاعضاء بـ حكم راتبهن اعلى :larg: |
طيب فيك تخبرنا التسعيرة بغير عملة , بالدولار او اليورو مثلا لأنه ما بعرف أديش بتسوى الليرة مقابل الشيكل ;-) |
اقتباس:
مستعد دائما عروبة |
اقتباس:
|
اقتباس:
و الا بدنا نصير نحاسبكون متل السوق الحرة |
اقتباس:
شو وضعن؟ |
انا رح موت من الشوي رح انفلج رح انجلط
وانا بكره الكونديشن بكرهووووو بكرهووووووو شو اعمل :cry: |
اطفيه بالريمون كنترول
:lol: |
طافيتو...لهيك مشوبه :x
|
شعليه .. بتكرهيه .
طافيتيه .. مشوبة قلنالكون ذوات القبعات الخضر بيحكو اكتر .. ما سدقتوني |
حيرتينا طيب شغليه
|
طرحت عليكون مشكله حلوها وخلصوني مو شايفيني مشوبه وكرهاني حالي انا ما بحب الـac وما بشغلو ومطرح الي بيكون شغال انا ما بكون يا انا يا هوي... والمروحه ما بتكفي ...غير انو صوتها بيزعج مع انو مو عالي بس هيك انا بنزعج ... شو اعمل بحالي شو ...
قديش الفاتورة؟ |
:dabeek::dabeek:
ما لقينا مروحة هدول بيشتغلو |
بما انو ابو وليام ما هون ..
رح استلم محلو هلأ في عندك 500 ليرة طرح مشكلة .. 400 محاولة انو تلاقي حل 100 ليرة لانك ما لقيتي حل 1000 ضريبة رفاهية .." خضراء اللون " 2000 TVA هاتي لنشوف مدي ايدك على عبك خلي الله يحبك |
اوكي عُلم ...ابعتها لياسين
|
لا يا الله ..
يستر على اختك .. بطلنا بطلنا .. على حسابنا خيتو :o |
| الساعة بإيدك هلق يا سيدي 11:55 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون