|
هل الفتاة أو المتزوجة التي تطالب بورثتها عاهرة
- بالصدفة استمعت لحديث تلفوني بين شخص و أمه .. .. قال لها بعد كل ما عملت و ضحيت به من أجل أخوتي جايي تطالب بورثة و حصة بالأرض .. اطرديها برات البيت للشوارع - هذا مكانها الطبيعي ، خليها برا .. هي مجرمة و مو أخت .. صدمني هذا الحديث و لا أريد أن أطيل كثيراً - لكن بكثير من المناطق في الساحل و الجنوب و السويداء و حمص و غيرها ترغم المراة على ترك حصتها تحت عوامل اجتماعية عديدة فما رأيكم ؟؟
|
طبعا هاد كلام فاضي و كلام ناتج عن الجهل تبع العالم اللي بفكروا هيك..
فالمرأة الها الحق بانو تورث و تاخد حقها و هيك المنطق و حتى الشرع بقول.. ان كنت مرأة لا يعني بان ليس لي كيان او وجود او حقوق..!! |
شو جاب الورثة عالعهر
هاد شي و هاد شي تاني :shock: عن جد ضحكتوني:lol: |
فعلاً هي شغلة موجودة وبلشت تنحسر تدريجيا وهي موجودة بالأرياف والضيّع وعند أخواننا العلويين والشيعة يلي بيحرموا البنت من الميراث وفي أمرأة متزوجة علوية صديقة من تاريخ وفاة والدها للآن تمت مقاطعتها من اخوتها الذكور لرفع قضية عليهم لحرمانها من الميراث وحكمت لها المحكمة بميراثها بالكامل موضوع مهم:D |
كانك تقلت على البنات شوي
عاهرة :shock::shock: لا بس هي خصلة جديدة من خصل الشرق :D:D:D |
هاي عادة موجودة بكل المناطق و بكل الطوائف على ما اعتقد.. و منتشرة جدا..
الحجة دائما تكون انو و الله الزلمة ما اشتغل و تعب لحتى الأرث تبعو يروح لزوج بنتو (طبعا لأنو بالفكر المتخلف بنتو مانها كيان و لا انها بني آدم.. هي زوجة زلمة غريب عن العيلة.. و من تزوجت ما عادت من العيلة و لا عادو مجبورين فيها انما صارت تنتمي لعيلة زوجها) طبعا هالفكرة لا يقبلو منطق و لا حتى يقبلو دين.... |
في جزءين بالموضوع اول شي انو حق البنت بالورث انا يللي بعرفو انو البنت متل الشب يعني بحقلها ترث وفق القواعد يللي بتبعها البلد او الدين للميت ...فيعني انا ما رح احكي انو ما عادت موجودة قصة انو البنت ما بحقلها ترث لانو لا يخلو مجتمعنا وغير مجتمعات من هالنظرة الدونية للبنت ...
وفي كمان شغلة وهيي لجوء الاهل من البداية لتزويج البنت حدا من العيلة بهدف انو مصاري العيلة ما تروح لحدا غريب وكأنو في قريب او غريب هالايام وكأنو مو كلو بيضحك عكلو بس الجزء التاني يللي كتير استغربتو ربط العهر بمطالبة البنت بالورث يعني اولا واخرا شو الذنب يللي اقترفتو ووين الشي يللي بنص انها اذنبت لما تطالب بحقها... عالهامش...المطالبة باي حق من حقوق الانسان صفت عهر ... |
إنت شو رأيك باللي عم تحكيه؟. بتعتقد إنو في داعي تطرح السؤال؟
1+1=2 وإنت عيني |
اقتباس:
بس والله انك تجي وتقلي انو هي الشغلة موجودة عند العلويين والشيعة فأنا بقلك لاتحكي شغلة مانك متأكد منا أو ما بتعرفا انا بعرف حالات صايرة متل ما قلت انت بالنسبة للميراث بس هادا سببو الجهل وليس الدين يا حبيبي |
بدءا
للفتاة كامل الحق بأن ترث ربما يا سادتي يكون للرجل وجهة نظر أخرى قد يقول بان الثروة التي ورثها عن أبيه أضاع عمره وشبابه في انمائها وتوسعتها وزيادتها لتأتي أخته على حين نظرة حسد من زوجها مثلا لتطالبه بالمجموع الكلي للثروة حتى بالارباح التي حققها ربما يعز على الرجل جهده و تعبه لا تخلو النفس البشرية من طمع |
اقتباس:
متأكدة متأكدة أنا من ابويين من طائفتين محتلفتين يعني علوي وسني ومتاكدة تماما العلويين مابيورثو البنت لا مال ولا عيلة ولا سلطة ولا حتى دين:frown: |
اقتباس:
اقتباس:
مانك حاسة انك كلما صار موضوع بتقلبيه طائفي :? |
اقتباس:
القصة مو طائفية ابدا ولا قصدت اقلبه طائفي ابدا هي حقيقة موجودة بالأرياف وللأسف العلويين والشيعة كمان مابيورثوا الأنثى أبدا لكن مع ازدياد الوعي ومعرفة انو قانون الأحوال الشخصية مبني على نهج الشريعة الأسلامية يلي بتقضي بتوريث الأمرأة صارت النساء ترفع قضايا ودعاوي على عائلاتهم لتحصيل ورثتهم |
ما بعرف شو المغزى من ذكر الشيعة و العلوية بشكل خاص يعني.. ما هالشغلة منتشرة بكل الطوائف و بنفس الدرجات... و مو بس أهل الأرياف يعني..
|
اقتباس:
الشيعه هنن المذهب الوحيد بالإسلام يلي بيورت البنت متل الشب بالظرف الطبيعي... ومشان البشر التانيين مو مشانك لإنو انتي أكيد ما بتكتبي شي مشان تفهمي بس بتكتبي مشان تعمليلك شوية نعرات طائفية وتستفزي العالم وتعملي أكشن ولفت نظر رح وضح شوية شغلات بموضوع التوريت عند الشيعه: أول شي في مقياس يعتمد بالورته من الصفر للعشره.. يعني ممكن البنت تاخد أكتر من الشب وطبعاً هاد الشي مو نقض للأية يلي بتقول "للذكر مثل حظ الأنثيين" بل على العكس هاد تكريس لهالأية.. باعتبار هي الأية تعتبر حد من حدود الله... يعني من وجهة نظر الشيعة الحد هو للذكر مثل حظ الأنثيين وانت طالع لفوق.. في مقياس بيتحدد على اساس الحاجة والعمر والوضع الاجتماعي والأسري كيف بدون يوصلو لأحسن وأعدل تقسيم للتركه... مارح وضح أكتر لأنو الموضوع طويل وبدو شرح كتير... منرجع لحضرتك عمي حاولي تقري شوي تتثقفي شوي تفهمي شوي قبل ماتحكي... حلو الانسان يعرف عن كل الطوائف والأديان قبل ما يناقش فيها... أحسن مايقولو عنوا فاضي وصفات تانيه... |
انو موجودة هاي العادة كتير
عنا هون كمان موجودة وما الها علاقة بدين او طائفة لأنو ما في اشي بيمنع الست من الميراث الا العادات القديمة.. البنت ازا ورثت بنظر كتير من الناس بتنقل ميراث ابوها واخوتها من حدا لحدا وبكتير مناطق بالارياف خصوصا مكانة العيلة بتتحدد بمتلكاتها لهيك بيعتبرو انو البنت تاخد من ورتة اهلها وتعطي لحدا تاني بيأثر ع مكانة اهلها واخوانها الذكور في العيلة.. هاي من جهة ومن جهة تانية المرأة من زمان ما بيعاملوها انها بني ادم عايش والو حقوق وبيعتبرو انو هي بتطلع من بيت ابوها لبيت جوزها للقبر فما الو لزوم تورت وتاخد حصة من مال ابوها لأنو جوزها اللي بيصير مسؤول عنها في حال تجوزت وازا لأ ابوها واخوانها الشباب !! هاد اللي بعرفو واللي شايفتو :) |
اقتباس:
بس أنو الشغلة بسيطة ... بتقدر تراجعي قانون الاحوال الشخصية عند المذهب الجعفري يللي يتندرج تحتو الطائفة العلوية و الطائفة الشيعية أما بالنسبة للأعراف .... فبتختلف حسب المناطق و مدى تطورها يعني يمكن تشوفي هيك كلام بالأرياف بكل المناطق السورية و عند كل الطوائف و بتقل هالأمور كل ما اتجهتي أكتر باتجاه المدن |
اقتباس:
|
المشكلة ليست في الميراث المشكلة هي في مجتمعناالذكوري في عقول النساء عندما تعتقد المراة بانها غير كافية لتكون انسانا وبانها غير اهل فعلا لتملك او تتصرف او تستقل ماديا عن سطوة اخوتها او زوجها او ابيها
مما يجعلها تمتنع مقتنعة عن المطالبة بميراثها او عنن الوقوف في وجه زوجها عندما يمنعها عن العمل او عندما يضربها على الرغم من وقوف القانون الى جانبها بشكل واضح.. نحن بحاجة الى اعادة تأهيل عقول النساء قبل الرجال.. |
اول شي هي العادة مش دينية يعني سبب انتشارها مش الدين بس من المجتمع الذكوري الموجود بالوسط العربي بالعكس في اديان متير بتساوي بين الرجل والمراة بكل شي مش بس الميراث
تاني شي هي العادة اسا بطلت منتشرة كتير يعني صار في وعي بس اكيد بعد في ناس بتمنع البنت من الورتة بس مش متل الاول |
نعم نعم ؟؟ شو عم بسمع ؟
هلاء شو دخل اللي يطالب بورثتو وبالعاهرة ؟؟؟ لك شو دخل هاد بهاد ؟؟ تخبيص والله انو الصبية اللي تطالب بحقا واللي هوي حقا الشرعي بتصير مو منيحة ويصير مكانها الشارع؟ انو ليش؟؟ شو الفارق بين الشب والبنت ؟ اي شو هالتفكير المتخلف هاد يا الله اللي هوي الله بيقول بكتابو انو للولد حظ الانثيين وهاد دليل ع انو للصبية ورثة وهنن مايورثوها يقطع عمر كل مين بيفكر هيك :jakoush: |
اقتباس:
يعني جزء كبير من المسؤولية عن وضع المرأة بمجتمعاتنا الشرقية ....بتوقع على عاتق المرأة نفسها يعني في كتير نساء ... مبسوطين بالموقع يللي موجودين فيه ...و مو حابين يغيروه |
اقتباس:
yemken ma fehem elkelma men asasou :o tajhalouf ou 3oukad ou jnan ou 3adat balya ou sarahatan achi yemken men hajethoun ou fakerhoun elmadi watakafi wal fikri wa edini :sick:talabat belwerta law kanet talabet belmousawat chou kan samaha |
اقتباس:
لأنو الدين اكيد امر بالتوريث مابدي احكي عن حالي لكن عدم توريث المرأة بالمذهبين موجود وهالشي اكيدة منو ورجعت اتاكدت منه من اهلي وبرجع بقول انهم مو بس بيكتفو بعدم توريث المال وعدة اشياء تانية وماعاد في شي ممكن ضيفه |
اقتباس:
مع العلم أنو هالطائفة مو معزولة .... بالعكس .. فيها تداخل كبير مع الطوائف الأخرى العرف بصير ببيئة معينة مو بدين يعني مثلاً ... في أعراف و عادات كتيرة مشتركة بين العلويين و المسيحيين بطرطوس أكتر من الاعراف المشتركة بين علويي طرطوس و علويي ....... الغاب مثلاً عالهامش ... عندك قدرة غريبة لتحويل أي موضوع لسجال طائفي |
اقتباس:
مابقدر كون طائفية وعمري ماكنت طائفية لكن الأنسان بشوف بالواقع قصص بتخليه يتعلم ويفكر اكيدمابقصد شي كل الناس خير وبركه والانسان هو المسؤول عن تقييم نفسه اتجاه الناس التانية بعرف بالنسبة لطرطوس باعتبار صافيتا دركيش اغلبها مسيحيين وعلويين فقط وطريقة التشابه بالعرف بتجي من المنطقةوتاريخها مو من البشر خلينا بصلب الموضوع |
اقتباس:
وشو هو الحد الادنى من القراءة او الثقافة اللي سيادتك بتسمح فيه النا لحتى نقدر نتشارك بالاخوية ونكتب من دون ما نزعج سيادتك وكمان حتى ننول رضاك عنا ؟ تؤتؤتؤتؤتؤ العالم مارح تكتب فقط متل ما انا بدي او متل ما انت بدك او متل ما اي شخص بدو ، الحكمة في انو كل واحد يعبر عن اللي بدو (واذا اخطأ في التعبير ، اللي بيدرك خطأ هالشخص يقوم يصحح الو على فرض انو بدو يصحح هالخطأ) لكن انو تقصر حق التعبير على "فقط" الي بدو يقرا شوي ويتثقف شوي يبقى على مايبدو انت اكتر واحد بحاجة الى انو يتثقف شوي ، هذا بغض النظر عن محتوى رد الشخص الي انتقدتو وبغض النظر عن مستوى ثقافتو او علمو ، الاخوية لا تبدو لي ملتقى العلماء والمثقفين والنخبة (مع مراعاة انو في اشخاص اكثر مني علما وثقافة ، لا اقصد تقليل حجمهم او انكار وجودهم بالاخوية ) ولكن الغالبية العظمى بالاخوية لا من النخبة ولا علماء ولا مثقفين . |
اقتباس:
قلعيها برات البيت و خليها بالشوارع .. . |
اقتباس:
كل اراضي حوران من السويداء و درعا من مسيحيين و اسلام محرم على الانثى ان تطال يدها ارثها من ارض ابويها |
انو انا ما عم افهم يعني وين نقطة العهر بالزبط... وشو الهدف منها هون...
وليش لحتى المرأة ما تطالب بورثتها؟ لانها كائن منقوص؟ اقتباس:
معك حق بانو جزء من التغيير ما بيجي الا بأيد المرأة نفسها... يعني بواقع هيك مجتمع اكيد ما رح يجي الرجال ويقول للنساء تعو تأعطيكو مساواة... يلي بدو شي المفروض يسعالو ويطالب فية هي عم نشوف انو المرأة قدرت تحصل على جزء كبير من حقوقها بعد ما تجرأت انو تطالب فيها... وتاني شي... مافي مرأة بتكون مبسوطة بالذل والاهانة والقمعية والدونية والقرف يلي عم عيشو الا لسبب واحد وهو الخوف... او بكل بساطة عدم الوعي للشي... يعني عدم الوعي للدونية هاي والسبب بيكون طبعا بأنو النساء رضعانين خليب تخلف بيفرض عليهن هشي وبيربو علية وكأنو اكثر من طبيعي... وتالت شي... الواقع صحيح ما بيتغير الا ازا النساء سعيت لهشي بس كمان مستحيل يتغير الا ازا النص التاني ساعد وساهم بهشي... وبس بهطريقة هي بيكون عنا مجتمع متمدن متكافئ... |
اقتباس:
|
اقتباس:
العالم رح تيجي تحكي على حسب ما هي بتعرف و على حسب ما هي مقتنعة مو على حسب ما انت بتعرف و مقتنع..!! و حتى لو كلامون كان فعلا غلط كان من الارجح يتم تصحيحو بطريقة افضل.. |
قد يملك الرجل حجة تدفعه لعدم توريث أخته فقد تبدو الخيانة مشروعة أحياناً |
هلاء ببداية الموضوع انو محطوطة كلمة عاهر لتلفت النظر مو أكتر
بس قصة عدم التوريث للبنت موجودة بالمجتمع كتيررررر وما لازم نحكي طوائف بهالموضوع بس وايت روووز صايبها فايروووس اسمو طوائف :p:p:p:p:p انو هالقصة بترجع ع تربية الشخص والمجتمع ككل ما بعرف كيف يعني والله انا شفت علية علوية مابتورث يعني هاد مو بيطبق على كل العلويين وشفت علية سنية ما بتورث كمان ما بتطبق على الكل هاد الموضوع راجع للبيئة بس كأني شايف روعة معصبة من فيفا :o:o:o:o:o أنفيغ شيفووووووووو عقولة زياد :p:p:p يعني غريب انا ما شفت بكلام فيفا تقييم لحدا انا شفت تصويب وكلشي ضمن حدود النقاش ممكن يعني هو ماحرم نسرين انها تحكي ولا قال لحدا ما تحكي بس اللي بدو يحكي يحكي بعقل انا من حقي اعطي رأي بأي شي هي بيجوز من قانون المنبر ولا كيف :?:?:? |
اقتباس:
اقتباس:
اقتباس:
أنا مصدوم لدرجة الانبهار و الانشداه و الانصراع و الانفلاج .. خيتي بحياة الله الي بتعبديه لا تحكي كلام ما بتعرفيه .. |
اقتباس:
من شو بدي عصب :o اقتباس:
اقتباس:
بس كل واحد بيحكي على حسب ما هو معتقد و على حسب ما هو بيعرف.. يعني مثلا انا ما فيني انعت كلامها لوايت روز بالمسخرة لانو هي هيك مقتنعة و هيك عم تحكي.. اكتر ما هنالك اني فيني ناقشها و حاول صححها.. |
اقتباس:
هلق هون اسمو المنبر صح بس مو معناتا نحكي شو ما كان انا ماحابب احكي بشكل شخصي بس ما حلوة قصة أضواء الشهر ة انو انا بدي احكي وخالف لأنعرف يعني مو معقول كل ما بتحكي سين من الناس وماعاد سميها بتحكي شي غريب والو علاقة بالطوايف ومنصير فاتحين هون تكية دينية وشيت طوائف يعني في ناس بتحكي لحب الظهور وهون منبر لكل كلمة وزن وقيمة ومعني واللي ماعندو بكلام الا كلام وعالفاضي لازم نغنيلوا غنية زياد يلاااا كشو براااااا يعني انو غريب انتي عم تدافعي عن هيك كلام فاضي بلا معني لتكوني من شيات أضواء الشهر :frown::frown::frown: |
هلأ البنت اللي بتطالب بحقها اكيد مانا عاهرة .. وهادا الشي اللي فيني قولو وبس ..
اقتباس:
لانو لو بتقري كتير كنتي شفتي شو الطرنيب .. بعدين فادي ما حكا شي .. بالاعتزار من وايت روز .. بس معروفة .. بتحويل الامور لغير مسارا .. وكمان مع احترامي وتقدر وشكري وامتناني .. كل موضوع بيكون فيه وايت روز بدو يقلب خناقة .. فما بعرف العطل اكيد ما من فادي .. مثال: اقتباس:
بس اللهم صلي عالمصلاية يعني وايت روز .. "يا جبل ما يهزك حكي " |
مو بس بيعتبرها عاهرة ومستعد يقتلها ويقول بدافع الشرف لحتى ياخد هوي الورثة
|
اقتباس:
اقتباس:
يمكن انا بها المضوع حكيت شي مالازم ينحكى اقتباس:
وهلا.. |
| الساعة بإيدك هلق يا سيدي 12:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
