|
فيران المكتبات!
هون بدنا نبلّش لعبة أو مسابقة خفيفة ظريفة... صرلنا فترة بنلعبها بالمدونات الاسبانية مع مجموعة أصدقاء و كتير ظريفة...
اللعبة على الشكل التالي: أجي أنا هلأ بحط مقتطف من كتاب .. سطر أو سطرين أو أكثر.. حسب.. يعني لازم الواحد يحاول انو بالمقطع يكون في شيء دال على الكتاب أو شي علاّم ممكن يساهم بمعرفتو... و الشاطر هو اللي يعرف شو الكتاب و مين الكاتب (و بطريقة يحكيلنا شوي عن الكتاب) .. هاد اللي حزر يجي بعدين يحط هو مقتطف من كتاب يختارو.. و هكذا.. المقتطف يظل كحد أقصى اسبوع (تالت يوم اذا ماحدا حزرو لازم اللي حط المقتطف يحط مقطع تاني.. أو يعطي اشارة أو مساعدة تسهيلية).. اذا ما حدا حزرو فـ مشرفة القسم أو منسقتو يحطو هنن مقتطف.. أو يختارو عضو لحتى يحط مقتطف جديد (طبعا اللي حط المقتطف اللي ماحزرو حدا لازم يكشف شو هو الكتاب و يحكي عنو شوي).. المسابقة للتسلية و للفائدة.. و الشغلة مانها تعجيز أو شي من هالقبيل.. لذلك لازم نحاول تكون كتب نوعا ما شهيرة مشان تكون المسابقة سلسة و سريعة.. و هيك تكون أحلى... يالله ببلش هلأ  |
أول وحدة كتير كتير سهلة... مشان التشجيع عالمشاركة:
"....و بعد أن انتهى المنجم من رسمه سأل أمي عما تبحث عنه. و تناول حروف سؤالها واحدا واحدا و سجّل قيمتها العددية, و وجد بحساب معقّد جدا العنصر الطبيعي الذي يتوافق مع كل حرف. و بعد ساعة من الكتابة و التسطير وصل إلينا جوابه شعراً: سوف ينقضي الموت, ثم أمواج البحر, و عندئذ تعود المرأة و ثمرة أحشائها ...." |
أنـا مش تماما فـاره كـتب انّما بحـب هـيك اجواء - اجواء اللعبه - فأنّو نـــاطره بــتشـويّق
 |
اقتباس:
|
اقتباس:
هلا عن جد عم تحكي؟؟ بالله عليك بحلفك باللات والعزّة ومنات كمان روح جخ مانك قريانها بالإسباني؟!!! عندي سؤال: هل النصّ مقتطف من كوميديا؟! هل هي "المنجّم"؟! |
اقتباس:
قريتها بالعربي.. و بالاسباني.. و فوق العشر مرات (و المقتطف حرفيا جاي من النسخة العربية) .. و أكاد أراهن انو انت قريانها.. و أكثر من نصف اللي يفوتو على الأقسام الأدبية بأخوية (بصراحة كان بدي حط مقطع تاني.. لكن هداك كان فورا رح ينحزر) لأ مو المنجم.. و مانها كوميديا |
الخيميائي لباولو كويلو |
اقتباس:
همممممممممم..... لأ بس شهير بنفس المرتبة |
ما في غير جابرييل جارسيا ماركيز شهير متلو...
عجزت حاجة وماني قريانها. |
اقتباس:
متأكد انو قريانها... طوّل بالك بس هلأ يبلشو الجماعة يعطو خيارات شوي شوي ممكن توصللها ... بس حدا يحزرها تحكيلي ازا قريتها .. و اذا احتمال الواحد بالمية تحقق و طلعت مانك قريانها بدك تقراها اجباري :lol: |
طبعا الكتاب موجود بمكتبة أخوية ( و يكون منيح لو نتفق على انو كل الكتب اللي تنحط تكون موجودة بالمكتبة.. مشان يقدر اللي ما قريان الكتاب انو يحصل عليه بسهولة)
|
لأ مو غابرييل غارسيا ماركيز (هاي لغينالك كاتب كامل)
متأكد انو قريانها... طوّل بالك بس هلأ يبلشو الجماعة يعطو خيارات شوي شوي ممكن توصللها ... معك حقّ أنا بصلتي محروقة... مفكر حالي قارئ تاريني هايشي بنوب، ماني هون ولا هنيك!!! هلا الــ "هلأ" رح تروح كتير لأن الشباب نايمين وليفيقوا بكرا ويجاوبوا تكون البصلة استوت وعين الله عليا... راحت. بس حدا يحزرها تحكيلي ازا قريتها .. و اذا احتمال الواحد بالمية تحقق و طلعت مانك قريانها بدك تقراها اجباري  مو تكرم عينك أصلاً روايات حالياً ما في شي بين إيديّ بعد ما خلصت "أولاد حارتنا" من أسبوعين تقريباً. على فكرة أنا خلصت والمكتوب صار بين يدين الجماعة. رح أبعتلك ياه هاليومين. رحت جبت كاسة نيسكافيه قد البغل وبدي لف شي صاروخ بلكي بطالعها قبل ما نام. |
اقتباس:
سلامات |
مــثــبــت :D |
اقتباس:
|
ياس ليش مسهلها لهالدرجة؟؟ :?
خيو ساعدنا شوي يعني أنا شاكك بتنين ألبرتو مورافيا و إرنست همنغواي... قربت شوي؟ |
أنا متأكد انو بس ينعرف اسمها راح تصيرو تلطمو حالكون... لك سهلة سهلة كتير!!!
طيب هاي مساعدة عالبيعة ... بداية هالرواية تدور أحداثها بنفس المكان اللي ولد فيه بطل احدى روايات باولو كويلهو المذكورة بهالموضوع |
المقطع قريب من موقف فى ( الجبل الخامس ) لكويليهو
بس انت قلت مو كويليهو طيب سهلها شوية ياس بشى مقطع تانى |
اقتباس:
مانو كويلهو.. و لا غارثيا ماركث.. و لا مورافيا |
كنت شاكة بكاتب عربي أنا :oops:
|
يعني محل ما انولد سانتياغو " الخيميائي "
الاندلس ، اسبانيا تقريبا عجزت |
يعني هوي مو كاتب عربي مثلاً؟
|
اقتباس:
بس لما قال اقتباس:
|
اقتباس:
مافهمت نفيت كل الاحتمالات الا همنغواي؟؟؟ |
يعني.. ازا قلت انو كاتب عربي بكون ما عم احكي بشكل دقيق.. و ازا قلت انو مانو عربي كمان ما رح كون عم احكي بشكل دقيق...
اللغة اللي انكتبت فيها الرواية... مانها عربي... خلص ما بئا اعطي تسهيلات كمان :lol: |
اقتباس:
|
شباب على الاغلب الرواية لجبران.. على اعتبار عربي ومو عربي والرواية مو مكتوبة بالعربي.... جاري البحث لنتذكر شو هيه.. شباب يلي شاكك بالأجنحة المتكسرة ينسى لأنو أبداً ماني متذكر هيك مقطع فيها
|
اقتباس:
|
يعني مين متلا ؟؟
ألبير كامي ؟؟ مع انو مستحيل بس " الغريب " ؟ |
بتوقع ليون الأفريقي أمين معلوف ... |
اقتباس:
أي نعم.. ليون الأفريقي لأمين معلوف :gem: |
اقتباس:
|
يعني هلق بينزل مقطع جديد؟
ومين بينزله؟ |
اقتباس:
في الحقيقة لم تكن سهلة على الإطلاق! كما وقد غلب الواحدُ في المئة فأنا لم أقرأها ولم أقرأ شيئاً لأمين معلوف حتّى اليوم... لأنّي في الحقيقة أتابع الكتب المتعلّقة بدراساتي أكثر برغم عشقي للأدب والأدباء وألمي لعدم توفّر الوقت المكرّس للأدب إلا في ما ندر. ننتظر بترفلاي من أجل المقطع الجديد! |
قبل ما حط المقطع بس حابة .. حط كام رابط للي حابب يتعرف على أدب أمين معلوف.. الكتب اللي لأمين معلوف الموجودة عنا بالمكتبة : سمرقند سلالم الشرق الحروب الصليبية كما رآها العرب القرن الأول بعد بياتريس حدائق النور الكتاب اللي كان منو الاقتباس : ليون الأفريقي واللي حابب يتعرف أكتر على حياة أمين معلوف : حياة امين معلوف ( من أسبوع وكاتب ) :gem::gem: برافو أنا ... 1/0 لألي .. بكرة بحط اقتباس جديد :mimo: |
اقتباس:
|
طيب الاقتباس هو : اقتباس:
:fthink: |
رسائل غسان كنفاني لغادة السمّان؟ :o
|
اقتباس:
كل الناس رح تتوقع اني حط شي الو علاقة بغادة .. بس تسؤ |
هففففففففففف طيب
الآن هنا, عبد الرحمن منيف |
| الساعة بإيدك هلق يا سيدي 05:23 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون