|
دورها دور دور ... حشيش ( 2 )
سقيفتنا .... عمّرها ونفوخ الراس منيح ( حشيش )
ورب العزة وآلهة الاغريق من زمان جاي على بالي انزل هاد الموضوع بس لبين ما اخدنا الضو الأخضر من الادارة منّي وعليّ ما انفخ سيكارة وما اشعل حشيشة الا بداخل هاد الموضوع واذا حدا شافني عبدخّن بشي محل غير هون يستناني اشلف السيكارة ويجيب لي الفلينة ومستعد ادفع لكل واحد ( 25 ليرة ) دورها ... ________________________________________ مشان ما يتكرر معنا متل آخر مرة على يسمح الاحتكار ويمنع ومدري شو بصير بسما ربه انا منّي وعلي بدي امسك الاركلية وما بدي فلتها فكل مين يجيب اركيلته معه لأن ما جاي على بالي شحّد حدا سيكارة او فحمة او راس اركيلة او خرطوم او معسّل تضربوا بهال شكل شعب ما بيستحي :jakoush: |
تركتني المقلاية والقبابيس وجبتني لهون لما شفت السيران بلش...
دور خاي دور لقلك... :larg: |
اييييه يا غابي
الله يزكرك بالخير يا نيرفانا |
عـم اسـأل حــالـي .. تحــشــيـش ... ! ... ارجــع ..!.. فــينــي .. مــافــينـي ..؟... |
طيب .. يعني بدك تسلمني .. الارجيلة .. :frown: ولا نمشي .. شنّو مالي عالشم هلّأ ..
|
دورها لقلك ابو الكاب..... صار وقت تعباية الراس
 وبالسهرة اذا حدا قلّي ليش عم تـ  بدي قوصو من سقف حلقو وبعدين بعلقو بالمروحة وخليه يغني اغنية ( دارت فينا الدار ونحنا ولاد زغار, والحشيش جمعنا, وما فرّقنا القمار).... |
اقتباس:
الحشيش بتجي (( هواية )) اكتر منها حرفة في عالم بتشيلها حرفة بس ما تشدي ايدك اغلب الزقت ما بتزبط باعتبار انها بتجي صبة من فوق وهلق صرنا بوقت كل شي منفوق مغلوب على امره ملتعن دين سلافه فيعني ابحثي لي عن هواية اقوى واذا بدك اهوي هون شوي بهوايات الشباب الله يذكرك بالخير يا ابو ريتا الموضوع نازل طلطميس الك سعدو يسوقك يا تارك الحشيش :cry: |
اقتباس:
|
صراحة جاي على بالي دخل فعل جديد او كلمة جديدة للغة العربية الفصحة
بعرف القصة صعبة شوي وبالأول بدي ما تفهموني غلط بدي دخل الكلمة تدخيل يعني سموها متل كلمة متطفلة او كلمة مدحوشة دحش يالعبطة والقصة مجرد دحش كلمة لا اكتر ولا اقل يعني لا بدي عدل بقواعد اللغة ( لأن بالأصل مانها قاعدة ) ولا بدي ضيف شي على النصوص المقدسة وتدخيل الكلمة ودحشها بالمضمار اللغوي اجا نتيجة مطالبات جماهيرية واسعة لمواكبة الاحداث فقط لا غير وسعدو اللي خلق جرة الغاز اللي هلق عبشوي عليها عرنوس البليلة انا ما الي علاقة هنن هيك بدهم معناها اتفقنا على شرعنة القصة وبقائها ضمن اطار المقبول تحشيشيا بسبب مطابقتها لمواسفات ال ( ج ر ب ) اللي اخوية فرضتها علينا فالكلمة قلبا وقالبا محققة للمواصفات باقي بس نعرف شو هية الكلمة وبتكمل القصة معنا |
بما انو
تفرق معاي تفرق ما بتفرق ما بتفرق مش فارقة معاي... مش فارقة معاي... وبما انو الحالة تعبانة يا غابي وخطبة ما فيش وكلو ما فيش.... غصب عن اللة بدو حدا يشحدني شحطة... |
بيطلعلنا شحطه ولا لأ ؟؟؟ ......
هلأ صحي انا من غير حشيش محششه ......بس تضامنا معكم ...:larg: منجرب |
انت بوادي ونحن بوادي كل لحظة بتبعدنا زيادة
هلق هون بتجي زيادة مرته لزياد يعني ولا زايدة دودية هلق من فين اجت دودية شكلها دودة مثلا ؟ انا شفتها شخصي واقسم بتابوت سعدو لو ما قالوا لي انها دودة ما كنت بحياتي حزرت شو هية انه حتى ما بيخطر لك انها حيوان بتحسها بتشبه انف جارتنا ... اصبعة رجلي .. بس دودة ؟!؟! |
لك آآآخ ع ايام زمان وقت كنت عم حشش
هلاء رجعت للشرب مع اممي الله وكيلكون هوي نقللي العدوى غابي حباب انت بيطلعلنا شفطه ولا لاء؟؟؟ :shisha: |
سبق وقلت
اقتباس:
|
- بتتعاطى ؟!؟!
- اي بتعاطى ... |
فاشلمظت على اثر ندها عقص كالخيلميص محنجل بقرندسي
الهيكذوب الكيكذوب تعيمهت من ركوة كالقلعبوط المحنجل الأص معي والجويزة مع مين ؟؟! |
اقتباس:
معناها نفذوا الوعد وسقفوه متل ما خبروني .... امممممممممم بس انا نصحتهم بالكشف بيجي ازبط مع لون الحيطان ... كانت النصيحة بجمل :frown: |
لك حكيك غلط
بعرف بس بدي احكي.. ياعمي ليش تحكي بتضحك الناس عليك... لاء بدي احكي بلكي بيقتنعو لك ياعمي كيف بدهون يقتنعو بالغلط؟؟ مابعرف المهم احكي وحس حالي فهيم... بالفعل انك حيط... |
أنو ليش ه الاثراة يا زلمة
كنا بمصح اعادة التاهيل الله وكيلك صرلي نص يوم ما شرب ولا كاس ولا دخت ولا حشيش انوضوروي ه المووع زكرتنا بالايام الخوالي يا بيك:cry: |
لعفاااااااا
تعي قعدي عالطاولة معنا كعبو ابيض |
انا لا بدخن ولا بأرجل ولا بعمل اشي
بس فقعت مرارتي وصار بدها حشيش عنجد!!!!!!!!!!!!!!!!!!!!!!!!!!!!!!!!!!!!!!!!!! حاليا رح اكون مدخنة سلبية راسي مقلوب عنجد فكترو حشيش عشان ينعدل راسي مشااااااااااااان الله |
اقتباس:
|
منيح بستنى
انتو بتحششو وانا بشم الدخان وبسطل!!!!!!!!!!! |
حاجتك... وصلي اياها
عند الاشارة تكون الساعة الخامسة مساء واربعون دقيقة و.......ثمانون ثانية
ثمانون ثانية؟؟؟ لعما شو هالساعة الرملية هي؟؟؟؟ هي مشاكل الرقميات(الديجيتال يا فهيم) واعطيني شحطة وغني قبل ان يأتي الواصلون من مكانهم بعدما ذهبوا في رحلة الى النور ولم يجدوا شيئا كان النور ينتظر شعوبا وامما أخرى وانتم تأخرتم كما تأخرت لبيبة... كان لديه امورا ومواعيدا اخرى ليقوم بها..نعم.... مواعيد,,,, مواعيد مع صديقته الشمس,,,,مواعيد.... حاج تعيد.. والسلام على من صنع السلام...تفو عليه شو نوري وما بيحترم حدا... صار كل ما بدو واحد يفوت عالحمام (حاشى المدخنين) بدو يزت سلام وعود بقا لاقي عالم تستلقى هالسلامات,, بتقول انو قاعدين بعرس والله وهالصبايا وهالحناش ناطرين المزهرية تبع العروس لتنزت وراكدين وراها متل شي كلب لاحق مخطاية اجلكون, يعني انو بدكون توزعو شي؟؟؟ وزعو ورد يا خيو.. هداك في مين يستنا... متلكون تماااااااام..تمااااااام...ت اااااام...يا سلام ........... وتسعون ثانية عند الاشارة تكون الساعة...................................... ........................ |
عسيرة البيتنجان .. حابب انو يعني اسردلكن ئصة حدثت معي .. بكرا .. اي والله
هادا يافلهوي منك ئلو ئلي .. بكرا .. وانا عم اتمشا على ضفاف النيل .. وهلحسناوات .. كيف بدي ئلك ياها .. يعني .. عمتتهاوا ئدامي .. إنبهاراً وسوسحتاً .. ومحسوبكن .. عم يتمايل مع هلنسمات والعليلات .. وكانت الساعة وقت إذن تئريب الـ 10 .. بس العتب علي بيزكر صبح ولا مسا .. وإذ .. بيمرء مذنب .. وكيف بدي ئلك يعني .. شفت حف .. مافي بينو وبين هلراس غير شي 16 كيلو فا نسينا الموضوع .. وهي آخرتنا .. العفة ؟ |
بعد هيك عن طريئ عيوني يا زلمة مو شايفني اعدة على الكرسي..!!
منتصب القامة امشي مرفوع الهامة امشي في كفي اطرميز زيتون و على كتفي مكدوس..!! و انا امشي و انا امشي و انا و انا و انا امشي.. لك كل شي مشي الا الحال ما مشي.. عجب..!! |
ما بعرف ليش اجا عبالي حشش وهلأ عالصبح... يمكن لاني تذكرتك...
قلت بلا ما خلي شي يثير اشمئزازي وبيكفيني انو جارتنا وعتني على ريحة البصل المحروق قبل الشحادة وبنتها... المهم انا كنت عم قول انو جاية عبالي اخترع مثل بيوصف حالة ال"طز" المعتريتني هليومين... صحيح انو مش فارقة معاي بس هيك بدي شي يعبر عن الطز يلي فيي وما عم اقدر ياعمي انو كيف فيي قول هيك لشي حدا طز فيك وعليك بطريقة شوي محترمة؟؟؟ انو هرشتو لمخي وما طلع معي شي غير "طز" هيك بحسها لانو بحسها طالعة من قلبي وصماصيمووو... هيك بيكون شعور الواحد بعد ما يحس انو كان مفعول بة منصوب على ربو بالفتحة الظاهرة على آخرة... يعني وحياتو لربي انو هيك بلمحة بصر هال"طز، تعش، تنتعش" خلتني كون فاعل مرفوع الى مطرح اعلى من مناخيرك... بس بتعرفي جارتنا... في باب غرقان بريحة الياسمين طغى على ريحة تمك وريحة بصلك المحروق... انو يعععع كلمة كنت قولها كلما اتذكر طقم سنانك يلي شفتو بالكباية ع الطاولة لما وصلتلك ضمة لملوخية يلي جبلك ياها عمي عطى الخوضرجي... وال شو كمان بتعزميني على كبة من ايديكي وبدك ياني اتغاضى عن تبربق امعائي الدقيقة... بس بجد يا محلى اليعععع تبعت طقم سنانك حد اليعععع تبعتووو... وانت... بتعرف شو اكتشفت؟؟ اكيد لاء... اي بعرف... طيب انا بقلك... اكتشفت يا سيدي... انو ازا ببدل وحهك بـــــــــــ **** بطلع خسرانة... لهيك لغيت الصفقة كلها وبرجع وبقلك طزززز واللة يرحمك يا علي يا ابن الناس الأوادم... |
وتسعون ثانية...... توت, عند الاشارة تكون الساعة...........
الى حضرة الباشاية مروة الموقّرة تحيّة لذيذة وبعد: طز الجرة عتمّا بتطلع البنت لامها وانظري بعين الحسود الى قضية : بحصة بتسند جرة... وداع لذيذ وقبل والسلام على اي كوم |
حشيشكون متتن وماخرج الواحد يشارككون فين أيام رفاعة رافع الطهطاوي
وين أيام كوستا ونيرفانا وهاني واب سليمان وزكي جمعة مين زكي جمعة؟؟؟ بس في ناموسة هلى إزا مسكتا بدي أشرب من دما عوفتني الله |
اليوم كان الجو حر بارد على مستوى الخط تبع الازودواجية اللي قسموا فيه الارض لنصين..
النص الاول كان للشوب.. و النص التاني كان للبرد.. فــ لسوء(مو سوق) حظنا نحنا ما رحنا لا ع النص الاول ولا التاني.. ضلينا على الخط و مو معروف شو رب المناخ شيتنا .. يعني بالمختصر ما عرفانين وين الله حاططنا.. شه اي فهموها بئا..:pos: |
اقتباس:
الله لا يوفقو و منو لالله و المسامح كريم.. |
مرحباتكون خير يا شطار
شو عاملين عم شوف طمطوم والاقزام السبعة ....طمطوم؟ لاء لاء لاء ههههههقهقهقهقهقه تاريني انا المخربطة هاد فندريلا والاقزام التسعة نشف ريقي هاتولنا شي نشربو يا اخوان وربي بطني عم يوجعني كتييييير لحد ما اصفرو دينيي واحمرو مناخيري وهرهرو سناني من البكي ...قصدي عيوني مدري لساني عموما ناطرين ..............وبعدني ناطرين |
الزلمي حلفلي شي مية يمين ....و بعرض اختو كمان !!
قلي انا ما بدي حدا غير من سوريا ...الاردن ...لبناني مثلاً...فلسطيني ...حتى عراقي مافي مشكلة ...خلينا نقول بلاد الشام ...انا ما رح جيب حدا الا يكون من بلاد الشام . و نقطة ع السطر يعني و اذ بيجي بقلي ...ازيك يا باشا !!!! قلتلو بس يعني بلاد الشام مافي مصر ....!!! قلي بالضبط كدة يا باشا ...هي مصر ام الدنيا ..واخد بال حضرتك !!! مع انو هو اكدلي |
اقتباس:
المرة الجاي خد بالــك :hashish: |
يا سلام رجع التحشيش
|
اقتباس:
ضروري يقتلها مشان تسدئو :hashish: يا حيام ضيعانة الصبيي راحت بشربة...دم:nirvana: |
الساعة عند الاشارة هي....
لعما وقف الزمن.. اوف شلون وقف الزمن وبعدني عم احكي؟؟ و اذا وقف الزمن... لعما مين هالاكابر يلي وقفو... وشو الها علاقة وقفة الزمن بقطعة الكهربا.. لعما وين الساعة.. ووينني انا اصلا؟؟ يا سيدي هي اسمها معجزة.. مو باقي غير شوف الدم عم يكت من دماغي وبسدق اني قديس لعما وليش لحتى ما كون قديس.. وبكون قسيس كمان.. لك بابا او اعلى او ممكن كون الله.. وااااااااو... هي ضوا الاصنصور بتعرف شو تفسيرها هي لعما هي شغلات الاضوية ما بتصير غير مع القديسين.. وين العباد؟؟؟؟؟ |
تحشيش جديد وعمر جديد ...صايرين متل المسلسلات السورية
دائما في جزء تاني بينسي نكهة الجزء الاولاني .. بس هي هيك الحياة ببساطة كل شي فيها ببساطة .. ببساطة بتلاقي حواليك عالم ببساطة بتعيش وبتتعايش مع العالم .. ببساطة بتعيش حب ... ببساطة بتمرق اللحظات ببساطة .. بينتهي كل شي .. ببساطة بترجع بتعيش ... ببساطة ..ببساطة ... ببساطة دقلي بودعك ... |
من اليوم قررت ابدا اتمرن على كتير شغلات
اولها على التمثيل شنو التمثيل بينفع كتير وهلق صار وقته ... قريبا يعني لازم امارس هاي الهواية بس المشكلة انه ما عندي مشهد محدد او بالأحرى مشهد محدد بس مكرر بمدري كام الف مرة ومدري كام الف موقف يمكن هاد مانه حكي تحشيشي بس وسعدو اللي اخترع هال كيبورد اللي نازل طحبشة فيه ما بدك تفهم قصدي غير اذا طلعت للقصة من المنظور المحشش هلق شو هوي المنظور انا درست مادة رسم ونجحت فيها وما كنت افهم قصدهم بالمنظور يعني ضروري اناظر انا هيك شغلات واتحملها يا اخي الحياة بتروح وبتجي الشرف بروح وبيجي النجاح بروح وبيجي وان ما كبرت ما بتصغر تحيات ابو ريتا وشركائه اجمعين (( سعدو يذكرك بالخير يا ابو ريتا ... وكالة الأخبار تتحدى الملل )) :sick: |
يسعدو , ويبعدو
يما أنو ماضل بو شي نضيف وحتى الحشيش , وبما أنو المجنون ابن عم المحشش والفرق بين التنين هوّي شوية حرية يعني المجنون محشش رغماً رغماً عنه والحشاش بس رغماً "واحدة "عنه , والفرق التاني أنو العاقل بيحشش ليصير متل المجنون , بس المجنون إذا حشش , معقول بيرجع لعقلو , ولك ياشباب وحياة اللي جمعكون على هالتحشيشة عديت عالعشرة , عالمية ,عالألف , ولك عالعشرطغش ألف قبل ما خش لعندكون , ومن أول شمة قبل ما أدخل مدري شو صار يتحكم بكل كياني , وصرت نص على نص و يعني رجل لورا ورجل لقدام , يا ترى يا مجنون بيدخلو باليمين واللا باليسار , والله الشغلة مو سهلة و غلطة وحدة بتخسر الآخرة وبالأساس الأوّلي خسرانها , وصارت فكرة تجي وفكرة تروح , قلت لحالي بلا هالفوتة يامجنون وبلا هالعقل , بلا ولا شي أريح رجاع يا ولد رجاع أحسن ما تعلق وتصير مدمن , والعقل بهالأيام آآآآآآآ بينفع , لو بينفع كان نفع غيرك , والهربية تلتين المراجل باي شباب |
| الساعة بإيدك هلق يا سيدي 20:23 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون