الوجه الحسن و فتغطيه الوجه ؟!
 

أنا مع الحجاب تماما بس لفتني هالكاركاتور

صحيح شايفو من زمان بس نهفة . :lol:

أحلا شي تاعيت القبيسيّـات و جماعة أبو النور يحرق عرضون ..

هههه حلوين
خصوصا soudi style:lol:

:lol::lol:

احلى شي الحواجب.....:lol:


متل النسر....:o

سؤال الله بيعلم ماله اي غاية

انت بتعرف ليش القبيسيات وجماعة ابو النور؟؟؟
واذا بتعرفهم.....شو بتعرف عنهم
:D وهي لصفاء النية (مين صفاء النية):shock:

علــــــــــــــقت :lol:

عمرك اطول من عمري

لساتني بدي قول علقت :lol:

.
.

اي انو حلو الكاريكاتير

اجاك الموت يا تارك الصلاة... :larg:

مع أني نحنا بقسم الكاريكاتير بس بالعذر من شوش رح جاوبك لأجل وردة صفاء النيّة .. و رح أجبلك رد إلي كاتبو هون بلأخوية مدري قديه .. يعني و الله زمان .. :lol:

و يا أهلين ..

بهالحالة الانف يعتبر عورة :confo:

شو هالماسك هاد ؟؟؟ :shock:

لا مو عورة.. الوجه بشكل عام مو عورة.. بس يفضل اذا كان وجه المرأة فاتن انو تغطي كلو يعني مافي شي محدد متل الانف,التم......الخ..


مشان الكاريكاتير.. خيلة..
انو حسيت المرة السعودية متل ئطاعين الطرء ..:lol:

إنه البرقع يا فتاة :larg:

يعني يللي وجهها حلو تغطيه ....و يللي وجهها بشع تكشفو ...:jakoush:






يحرق اخت هالشغلة

هل الشي يفضل لمنع الفتنة و ليس المسخرة ..

فقط لا غير ;)

أيواااااااااا
طيب إذا كانت بشعة كلا بس أنفا حلو ؟

هههه راحت عليكم

مشكور للتوضيح :larg:

اي مانها كل هل الئد صعبة..!!
تغطي .. مبينة ما بدها الشغلة.. :larg:

مو شغلة مسخرة ..
بس شو ذنب الشعب أنو ما يشوف غير القباحة ..
يعني يغطوا الكل و يرتاحو كان أفضل
مو انو الواحد يا يشوف وحوش بشرية .... يا أما ما يشوف شي ..
وقتها رح يتقعد من صغرو ...
و رح تزيد حالات الاكتئاب و اليأس بالمجتمع :sick:

انا عن نفسي ما بتفرق معي :lol: ان كان فاتن او غير فاتن عالحالتين بجنّ وبتزحلق لعالم الخطيئة فوراً..
يعني عندي ما بتفرق وين بتكون العورة,,, لهيك اطالب بالحجب الكلّي والمحكم :jakoush: .... حفاظاً على سلامة المجتمع :clap:

اول شي.. ما حبيت التشبيهات اللي عطيتها ياها للمرة اللي ما بكون الله رازئها الجمال..
تانيا مانك كتير مضطر لحتى تطلع على هل "الوحوش البشرية" بما انو ممكن يصيبك اكتئاب..
تالتا.. الرسول(ص) لما قال اللي وجهها حلو الافضل انو تغطي ليمنع الفتنة اللي حضرتك ذكرتها بدون ما تنتبه..
و بنفس الوقت.. حتى اللي بكون الله مو رازئها الجمال بامكانها انو تغطي وجهها.. بس لما الرسول(ص) خصص بالذكر (الجميلات) متل ما ذكرت لمنع الفتنة..

بس غاب عن بالو شو رح يصير بنفسيات الشباب و اليأس اللي ممكن يتزايد بالمجتمع ;)

:lol::lol:

طيب و مشان الأذواق؟ مثلا الجمال أمر نسبي.. أنا الي ذوق بالنسوان مختلف عن أب سمرا مثلا.. اللي أنا بشوفا حلوة هو ما بيقدر يتطلّع عليها و العكس صحيح...

هون كيف يتقرر مين الحلوة مشان تغطي وجهها؟


ع فكرة... الكاريكاتير موجود كمان بغروب اللادينيين العرب بالفيسبوك

أول شي مبروك على صورة ساندرا كتير لابقتلك...

تاني شي ياريت توضحيلنا شوي مين يلي بيحدد مين هنن الجميلات؟؟؟

يعني لما "الرسول" قال الجميلات لازم بتلحفو ما نزل شي قياسات ستاندرد للجمال مشان مايصير غلط؟؟؟ لأنو بحياتي ماسمعت عن بنت عم تقول عن حالا بشعة... ومن وجهة نظر تانيه فالجمال الو كتير مقاييس وأنواع... بعدين بشرفك معقول هالحكي الحلوة تتلحف وما نشوف غير البشعين؟؟ يعني انتي بترضيلنا ياها؟؟

مع الاعتذار عن انو هاد قسم الكاريكتير وخربناه...

هلأ انا عم احكي جد مو مسخرة
أنو شو يعني فتنة ...؟؟ ..... و شو ماكنت بتعني معقول تصير من نظر لوجه حسن ..؟؟
طيب بدال ما يأمر البنت أنو ما تبين وجهها ( مشان ما تعمل فتنة ) ليش ما بيأمر الشب أنو ما تلفت نظرو هيك أمور بسيطة
و أنو يشوف الجمال من منطلق ايجابي ...مو منطلق غرائزي
بعدين ليش هالعنصرية ضد الغير جميلات ..
و أصلاً مين يللي بحدد مين حلوة و مين لا

الله جميل و بيحب الجمال...

حلو كتيير الكاريكاتير:D

هو بعتقد انو الشغلة فيها استخفاف بعقول البشر... ازا هالناس ما خرج تتحمّل شوفة وجه مليح بدون ما (........ ) فمعناتو مشكلة ... مشكلة كبير كتير...

بعدين طيب رح اجي معك ... خلينا نتفق انو في بنات حلوين هيك للكل.. طيب ليش بس هنن ليغطو وجوههون و القبيحات لأ؟ منطقك ما كتير جاي عالوزن و القافية تبعيت الفهم الادراكي تبعي ( و أنا ماني الوحيد)

بعدين أنا بعرف انو "الله جميل يحب الجمال"... فتغطية الجميل و ترك القبيح لا يتلائم مع الحكي اللي عم تحكيه+ أنا أشك و بقوة بالحكي اللي جايبتيه و عم تقولي انو الرسول قال هيك... يجوز هلأ تجيبيلي الحديث و تطالعيني بالخجلة.. و قبلان هالمخاطرة أنا... بس انو ما عم اقتنع انو في فكر بشري ممكن يدعو لهالشي.. و فوقها انو يلاقيلو تفسير ديني...

__________________

اذا النقاش مو مناسب للقسم ما عندي مانع شخصيا ينتقل على مكان ثاني.. بس حابب أفهم هالنقطة... يجوز بهالموضوع نلاقي الحلقة المفقودة تبعيت نظرية داروين

مافي فكر غير الفكر البشري فاضي لهيك أمور....

نقـلت نسـخه من المـوضوع لقـسم مناسب اكتر لطبيعه الحـوار اللي عم يدور فيه .
برأيّ الحجاب هو حريّه شخـصيه لكن تغطيه الوجـه هي بدعه اوجدها النـاس و لا ترتبط بالدين و على ما اذكر بدأت عاده تغطيه الوجه التام بما يسمّى بالملايه بسوريا عأيام الاحتلال و للتمـويه عن الثوّار اللي كانو يقومو بنقل الاسلحه بأنهم يلبسو الملايه و يقومو بالتجوّل بدون ما يقدرو الدرك يقربو عليهم و بذلك بدأت عاده تغطيّه الوجه للنساء ايضا كرمال يموهو و كان الجميع يقوم بتغطيه وجهه مسلمين مسيحين و طوائف كلّ من الدينين .. هي معلوماتي عن نشأه تغطيه الوجه بالملايه السـودا بـسوريا ..

فيفا.. ما حبيت هي صورة ساندرا.. لانو اظن لما اي مشترك هون بحط اي صورة ما بتطوب باسمو..
و لعلمك ما كنت بعرف انو هي كانت حاطتها.. و ما بهمني اذا هي كانت حاطتها..
اي صعي و الله يبارك فيك على اي حال..

اول شي لما فرض الحجاب و السترة للنساء كانت هي جميع جسم المرأة عدى الوجه و الكفين..
و لكن اذا كان هناك فتنة فــ حض الرسول (ص) على تغطية الوجه منعا للفتنة.. و لعلمك هذا الكلام لا ينطبق فقط على النساء فهناك بعض الصبية الذين لا ينبت لهم شعر في وجوههم و وجوههم جميلة جدا حض الرسول ايضا على ذلك و ايضا منعا للفتنة.. ولا يخفيك بالا بــ قوم لوط..

بالنسبة لقولك ان الله جميل يحب الجمال ليس معناه انو النساء بيطلعوا كاسيات عاريات و نحن نتأمل جمالهم فهدا اللي قال عنو الرسول.. انه سهم من سهام الشيطان.. أي النظرة سهم من سهام الشيطان.. و الجمال ليس معناه
اباحة المبيقات و لعلمك يوجد ممن يدعون الاسلام في مصر قال نفس القول و حاول تشويه الاسلام بهذا القول
و كان الرد عليه من قبل الشيخ عبد الحميد الكشك.. (رحمه الله)

و اخر شي.. انا جبتلك آية قرآنية بتثبت كلامي..

اقتباس:

: " وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوْ التَّابِعِينَ غَيْرِ أُوْلِي الْإِرْبَةِ مِنْ الرِّجَالِ أَوْ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ " سورة النور / 31

اقتباس:

أنو شو يعني فتنة ...؟؟ ..... و شو ماكنت بتعني معقول تصير من نظر لوجه حسن ..؟؟

اقتباس:

طيب بدال ما يأمر البنت أنو ما تبين وجهها ( مشان ما تعمل فتنة ) ليش ما بيأمر الشب أنو ما تلفت نظرو هيك أمور بسيطة و أنو يشوف الجمال من منطلق ايجابي ...مو منطلق غرائزي

هدا الكلام ما بتحسن طبئو على كل العالم و كمان حض الاسلام على غض النظر و قال الرسول (ص)
"النظرة الاولى لك و الثانية عليك"..
و نعم , ان النظرة تحدث فتنة ( نظرة فابتسامة فسلام فكلام فموعد فلقاء.... )
ان معظم النار من مستصغر الشرر ..


و اظن بردي هاد بكون شملت كل الردود اللي توجهتلي..

:D

:cry:يعني انا بشعه لاني مو لابسه خمار :cry:

اكيد مانو .. دليل او شي ثابت هاد الحكي .. .. وهون بتكون نقطة المعتقدات الدينية ... والاختلاف بين شخص والتاني .. :D

هاي الاية بتنحط دليل على انو الحجاب مفروض بس لو اجينا نفصلها شوي" وَلا يُبْدِينَ زِينَتَهُنَّ إِلا مَا ظَهَرَ مِنْهَا" شو يعني ما ظهر منها ؟؟!
"لْيَضْرِبْنَ بِخُمُرِهِنَّ عَلَى جُيُوبِهِنَّ "
شو تعريف الخمار وشو يعني جيوبهن؟
وَالْخُمُر جَمْع خِمَار وَهُوَ مَا يُخَمَّر بِهِ أَيْ يُغَطَّى بِهِ الرَّأْس وَهِيَ الَّتِي تُسَمِّيهَا النَّاس الْمَقَانِع . قَالَ سَعِيد بْن جُبَيْر " وَلْيَضْرِبْنَ " وَلْيَشْدُدْنَ " بِخُمُرِهِنَّ عَلَى جُيُوبهنَّ " يَعْنِي عَلَى النَّحْر وَالصَّدْر فَلَا يُرَى مِنْهُ شَيْء.

صراحة حسب علمي ما في اية قرانية او حديث صحيح يؤخذ به بيحكي انو الانثى لازم تغطي وجها والموضوع كلو بدعة !

تسؤ
انت حلوة بس واثقة من نفسيكي اوي عشان هيك ما بتغطي وجهك :gem:

اي يعني بفهم من هل الحكي الشاب لازم يتحجب ؟؟؟؟؟؟:p;)
وشو هي الفتنه الي بدها تصير من جمال المرأه ؟؟؟فتنه قوميه ولا وطنيه ولا امبرياليه ولا شو ؟؟؟خيتو بعدين الفتنه موقفه
بس عجبتني الفتنهبس ع الحجاب ....ما هي عم نشوف كتير من المحجبات والمنقبات وشو عم يعملو ....
بعدين دخلك القبيحه ما بتتغطى يعني هيك قال الله ورسوله ؟؟؟بس الحلوه ؟؟؟

بس عجبتني شغله الفتنه .:o

:D:D

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

و هي الرابط اللي فيو التفسير و فيكي تتاكدي بنفسك انو مو بدعة..

معك حق !!
كتير في محجبات ومنقبات تصرفاتهم مخزية كتير وهاد دليل انو الحجاب عند كتير ناس مظهر شكلي ولا الو اي علاقة بالتصرفات والاخلاق!

والله اذا انت من كل هل الكلام هيك فهمتي.. فــ اي نعم.:lol:
يا ستي تلاتتون.. قومية و وطنية و امبرياليه.. شايفة اديش خطيرة الشغلة..:p;)
اي والله يا دخلك.. هيك قال..
اذا بدك تعترضي عترضيلون الون..