|
ناجي العطري يسحب راتبه من الصراف الألي.. وإعلامنا يهلل
لا أدري إن قرأ بعضكم المقال الذي نشره أحد صحافيي السلطه وهو يتشدق بمناقب رئيس الوزراء ناجي العطري... وقد كان محور هذا المقال أن الصحفي استطاع أن يرصد وبالصدفة العطري واقفاً على أحد مكنات الصراف الألي في دمشق يسحب راتبه البالغ ستون ألف ليرة سورية...
وكيف أن رئيس الوزراء "العظيم" يمارس حياته الطبيعية كموظف في القطاع العام... وقد استوقفني هذا التعليق في موقع "كلنا شركاء" عن هذا الصحافي وماكتبه: صحفي سوري فتحت له طاقة القدر وشاهد راتب " العطري " لا أعرف من هو الصحفي الذي قيض له رؤية مايشبه ليلة القدر بمشاهدة راتب رئيس حكومتنا ، ولا ادري من شكى له اننا لاننام كوننا لانعرف مقدار راتبه ، وكأن الزميل الصحفي يندب عن " العطري " قلة الراتب واصفاً اياه بالحرف الواحد : (بأنه يعيش حياة بسيطة هو وعائلته بعيداً عن امتيازات المنصب ومايمكن ان تقدمه من ترف) ، هل يجب ان نصفق وننظم الشعر له ، اليس هذا مايجب ان يكون عليه ، أم ان العيش على الراتب وحده بات " منة " وعلينا ان نفتح افواهنا تعجباً ودهشة . ماالرسالة التي يراد لها ان تصل الينا غير مشاهدة ذاك الصحفي المحظوظ للصراف الالي وهو "يدز" راتب العطري البالغ 60 الف ليرة سورية ، كي يعزز لنا بالعين المجردة ان لارصيد اخر لرئيس الحكومة . ورؤية السندباد لم تنته بل قارن راتب رئيس الحكومة مع راتب اي موظف قطاع خاص في شركة قابضة او تأمين ..ألم يلاحق " العطري " الصحفيين كي لايعملوا في القطاع الخاص حتى يعيش على الراتب الحكومي فقط ، أم ان الصحفي "" الشاهد " استثني من ملاحقات اداراته كي يوقع تعهداً بأن لايعمل خارج عمله الرسمي . نتمنى ان لاتتكرر صدف هذا الصحفي الجهبذ ،وكما تقول ام كلثوم في احدى اغنياتها " انت فين والحب فين " ، خلي الطابق مستور ولاتقف مرة اخرى امام الصراف الالي "مو حلوة بحقنا " هل انتهت قضايانا ، اختر اماكن اخرى اكثر فائدة. إنتهى النقل هل وصلنا إلى المرحلة التي حتى الصحافة فقدت فيها أدنى درجات المصداقية وأخلاق المهنة؟؟ هل وصلنا إلى مرحلة من الكذب تجاوزت حتى بديهيات عقل المواطن السوري؟؟ هل وصل إعلامنا إلى مرحلة من الشقاق مع المواطن حتى لم يعد مواطننا يميز هل مواضيعه جادة أم هزلية؟ |
اي ودخلك ليش ما حضرته خبرنا ...امتى بفوت عالتواليت وامتى بيتحمم وامتى بياكل ها ...
مو مشان شي مشان العالم والشباب الي ما فيها تنام بدون ماتسمع اخبارو ...(لانه صاير متل مهند)( انا مو متابعتو لمهند ها ):pos: صايرين مسخره ...كل هل الشي عم شوفوا العالم صغيره يعني ...ولا عن جد مصدقين حالهون انه عن جد يعني الموضوع :shock: |
اقتباس:
اقتباس:
اذا قصدك ع الصحافة بسورية .. هي المرحلة وصلنا الها من زمااااااااااااااااااااااا اااااااان ... ع شو مستغرب :shock: بعدين الزلمة حب يعبر عن رايو زسعادتو ان نفسية الامة ما رح توهن ولا الشعور القومي . ..... شو نحنا صرنا ضد حرية الراي ؟؟؟ معقول هيدا بالله؟؟ خلينا ديمقراطيين ولو.... شايفين انو ما بتلبقلنا الديمقراطية؟؟؟ |
دخلكن شو هادا الصراف الآلي :shock:
|
ال Atm .. ابو الهن ..
|
اقتباس:
وفي حال صار بسوريا ATM معقولة يكون فيها 60 الف ليرة ؟ اي شو عم تضحكو علينا عمي :pos: |
اقتباس:
ما فهمت عليك .. ؟ اي صار بسوريا .. وشو المشكلة يعني ؟ وبعدين كيف يعني يكون فيا 60 الف ليرة ؟ كل واحد وحسابو .. وبحقلك مبلغ ما معين انو ينسحب .. ما فهمت ؟ ! |
اقتباس:
طيب حدا سأل ميرو منوينلو المليار ليرة اللي كان مشغلهون عند الديري بالزمانات؟ (ازا مشغل مليار عند واحد بس فمعناتو قديه عندو؟) طالما عرفنا انو راتب رئيس الوزراء 60 ألف.. |
اقتباس:
|
اقتباس:
|
ايه عرفتو قديش راتبو؟ خلص لكان كل مشاكل الشعب السوري نحلت وما عاد في داعي للحكي
شي ببكي وحياة سعدو :cry: |
اقتباس:
|
اقتباس:
|
اقتباس:
|
اقتباس:
|
_______________________________________________
اقتباس:
ما بعرف اذا لساتو بالبلد |
اقتباس:
|
اقتباس:
|
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
بس ال ATM مانها موصولة على خزنة البنك ليكونو المصريات بقلبها ما بيخلصو يعني المصاري اللي بقلبها بتخلص وبيجي واحد بيعبيها بس مين الفهمان اللي بدو يحط فيها ستين الف ويتركها بالشارع ؟ فهمت عليي |
اقتباس:
ومن الاول فهمان عليك .. بس قصدي كمان انو لو كانت ال ATm .. موجودة بنفس البنك اصلا .. يعني عطرف البنك .. بكون هاد الحكي .. بيمشي حالو .. انا عم احكي على المثال الموجود هون عندي .. نفس الحكي .. موصول بالبنك بكون .. انو عطرف البنك ...لزلك قلتلك انو عادي .. |
اقتباس:
بيكون في حدا عم يعبيها بس طريقة تعبايتها بتختلف بعدين تخيل حالك رايح تسحب 60 الف ليرة من ال ATM قدام كل الشعب اي اذا بتكون بابا الفاتيكان بدك تتشلح القصة كلها ما خرطت مشطي بالعون انو هاظا الصحفي شذوب هلأ بقدر انتفك مقالة لقينا السيد محمد ناجي العطري لابس الشورط وقاعد على برندة بيتو وعم يشرب القهوة الصباحية فهو يمارس حياته بشكل طبيعي متل بقية المواطنين و و و و الخ الخ الخ |
مــا اقتنــعــت .. لــيـه ؟ لأنــو ممـنوع تســـحــب مــن الصـراف اكــتر من 25 الـف .. خلال 24 ســاعــه .. الا اذا كــان فــي قــانــون خــاص بالعـطـري ... |
هالقصة ذكرتني اول ما استلم بشار الاسد, كل يوم تطلع قصة شكل, يوم شافو بالمطعم الفلاني قاعد عم يتعشى مع مرتو وبلا حرس ويوم شافو بحلب مدري شو عم يساوي ويوم عم ياكل بوظة عند بكداش
يعني عن جد كل ما حاولوا على اساس يلمعوا صورتن عم تبين وساختن اكتر |
اقتباس:
فيك تسحب من الصراف 100 ألف ليرة بالـ 24 ساعة ولا تعاندوني لأنو لما كنت بسوريا كنت فاتح الحساب و كنت اتعامل بهالاسلوب |
اقتباس:
اساس الموضوع انه عم يسحب راتبه من الصراف؟؟ ولا انه راتبه ستون الف |
اقتباس:
هو ما بعرف السيستيم بسوريا كيف.. بس هون عنا حسب نوع بطاقة الائتمان.. في بطاقات الا حد, في بطاقات الا حد سحب بالصراف بس ما الا حد بالشراء... هاد حسب تفضيلات الزبون بس بالبنوك دائما ينصحو انو تكون حاط حد أو على الأقل تكون حاط تنبيه (أنا حاط تنبيه.. كل سحب بعملو يوصلني مسج عالموبايل.. و أكتر من 100 يورو ما فيني اسحب لبين ما ادق على رقم مجاني و احط فيه رقم هويتي و الرقم السري تبعي.. هاد يرجع للبنك.. و عروضو |
اقتباس:
انا مع خيي مازن بهذه النقطة وكمان من تجربة شخصية وحقيقية يعني في اشخاص عنا بالشركة رواتبهم تتجاوز ال 100 الف ليرة سورية يعني هل من المعقول لما بدهم يسحبوا راتبهم كل يوم بيسحبو خساعشرين الف ورقة مو زابطة؟ على 4 ايام :shock: ثم البنك بيلعب دور وبتخيل هلىء اقوى بنك صفيان بسوريا وبالعاصمة دمشق تحديدا هو المصرف العقاري وبتخيل اول الشهر بيكون بكل صراف مبلغ خيالي |
اي بس في فرق بين اجهزة الـ Atm تبع البنك العقاري والتجاري... في واحد منهن ما بيسمح اكتر من 25 الف مزبوط
بس انو واحد ماني متذكر بس بظن التجاري بس 25000 |
كنت حطلنا النص تبع الصحفي الجهبذ...ووين كاتب هالحكي...من شان المصداقية
|
اقتباس:
وكــمـان مـن تــجـربــه شــخصيـه بــعـرف انـو مـا فيـني اســحب اكــتـر مـن 30 او 25 بالـ 24 ســاعـه .. كــ بنـكـ خــاص كلامــكـ صـح فـي حــال ئـدمت طــلب .. او مــا لحــئكـ هــاد الشـرط وئت كــنت بسـوريـا .. اقتباس:
الــعـامـل الرئــيسـي اللـي بيـحدد المـبـلغ المســموح حـسـابـات البنـكـ اولا .. والعــروض ثــانيــا .. لأنــو هـدف البنــوكـ .. ربحــيـة البنـكـ اولا .. وخــدمــة العمـيل ثانيــا .. اقتباس:
اولا .. المـوظـف وخـاصـة بقطـاع الدوله .. بيكــون راتبــو مقســم /5 الف ـــ 10 الف _ 15 الف __ 20الف ___ 25 الف / وئــت بيــتجـاوز المبلغ المزكــور بيتــوجـب عليــه ســحبـو مــن البنـكـ .. المـوظـف بقطـاع الخـاص وئـت بيتجـاوز راتبــو المبـلغ 25 او 30 الف بيــئدم طــلب رفـع السـقف المسموح للــ مـا يقــارب 60 الف ... ( اعــلى او اقــل شوي بغـير بنوكـ ) .. وفيــه يســحبو مــن الصــراف تـانيــا .. ( ع سيرة بتخـيل .. رح ادخـل مع حضـرتكـ بالتوقــع أأقــرب شوي للواقــع )ما بتــوقـع راتــب حضــرتكـ اعـلى من المبلغ المزكــور فــ وين جملتكـ ( تجـربـه حقيقيـه وواقعيــه .. مــن الواقــع ) تالتــا .. كــون عـم تحكـي بكلامكـ من تجــربه .. كـان لازم تفوتــي بتفــاصـيل .. رح ازكــرها بــ آخــر الرد اقتباس:
صــح ... هــلئ بــدي ئـول /بسـوريـا /للتوضـيح بالقـطـاع العـام او الخــاص .. بيكــون فــي مبــلغ وســطـي مـا يقــارب 25 محــدد .. حسـب حسـابات البنكـ .. اللي بيهمـو الربحيــه .. يعــني مو مــن مصلحــتو يســخر مبــالغ كبيــره لبطــاقـات السـحب .. الربحيــه الاكــبر .. يسـخـرها لتشغيـلها واقـراضــها .. والفـوائد .. بيخــتلف المــبلغ مــن بنـكـ لــآخر .. ومــن نــوع بطــاقـه لآخـر فــي حــال العمــيل مــا نــاسـبو الـوضـع بيـراجـع اي فـرع مــن فــروع وبيـزيد المبلـغ ..* كــ قطـاع عــام* ( البنكـ التجـاري1 مثلا ) بيحـئلو العمـيل يطـلب رفــع السـقف للـ 200 الف بـس كــ موظـف .. مجــرد مـا اتجـاوز المبــلغ 25 الف يشــترط عليـه سحب الراتــب حصــرا مــن داخــل البنكـ وليــس أجـهزة الصـرف المـؤتمتــه // وهـون النئطـه الي مـا اقتنعـت فيـها بالخـبر تبـع الصــحفي // كــ قطــاع خـاص اللي بعـرفو مـن البنكـ اللي بتـتعامل معـو حـاليا لا يحـق صـرف اكــتر من 30 الف بالـ 24 ساعه .. وببنكـ غيرو .. 25 الف ... فــ رح يكــون المبـلغ المســموح بهــي الحـدود او بيــئدم طــلب رفـع السـقف المسموح للــ مـا يقــارب 60 الف ... ( اعــلى او اقــل شوي بغـير بنوكـ ) .. وفيــه يســحبو مــن الصــراف كـ موظـف وعمـيل وممكــن حـدن يضـيف لمعلومــاتي او يصحح .. بــس بـ اقــناع عــن الوقـت الحـالي .. عــن معـرفـه مو يكــتب كلامكـ غلـط .. لانــوما بتــخـيل .. ومو معــئول ع كـلن رح ضــيف لــ اخـويه الاقــتصـاديه موضـوع بيحــكي عــن الاســاليب المصـرفــيه الحـديثـه ( بعــرف مـا حـدا رح يهــتم بـس بعمــل اللـي علـي ) |
ما عم اقتنع انو ممكن بال ATM يكون في مبلغ اكتر من 60 الف (في حال سحب 60 الف معناتا في اكتر من هيك )
قلولي وصل الامن عنا لدرجة تخليهن يحطو 100 الف ليرة بالالة ويتركوها وما يخافو عليها تنسرق او واحد يروح يسحب تلاتين الف او حتى عشرة تالاف قدام كومة من العالم بدون ما يخاف انو يتشلح |
بإعتبار الموضوع انقلب لموضوع حول ألية عمل الـ ATM بسوريا وكيف الموظفين بيقبضو رواتبهون من الـصراف.. حبيت وضح شوية قصص بعد ما استفسرت عنها تماماً.. بعرف انو الكل اسمالله علماء وعندهون خبرات شخصية بهالمجالات بس معليش خدونا على قد غقلنا:
رواتب موظفين الدولة من الفئة الأولى والثانية لدى الجهات التالية : القصر الجمهوري - رئاسة مجلس الوزراء- الهيئات ( الرقابة والتفتيش- الطاقة الذرية-الإذاعة والتلفزيون)... توطن رواتبهم بالمصرف التجاري السوري ويصدر لهم بطاقة ATM يضاف الراتب آلياً إليها أول كل شهر.. يستطيع أي موظف من المذكورين أعلاه سحب راتبه كاملاً بنفس اليوم ونفس الدقيقة من أي مكنة صراف ألي الا اذا لم يتوافر بها المبلغ المطلوب (وذلك باتفاق خاص بين هذه الجهات والمصرف التجاري السوري)... بحكم انو هاد الراتب مادخلو بنظام البنك بل هو مستحقات للموظف عند الحكومة تستحق أول كل شهر. بقية موظفين الجهات الحكومية تعامل بطاقاتهم بحسب اتفاق وزاراتهم أو مؤسساتهم مع المصرف التجاري أوالعقاري أو الصناعي أو أي مصرف خاص.. إن وجد هذا الاتفاق... هامش: مكنات الـ ATM بالشوارع بتحتوي بين 200 ألف و500 ألف حسب منطقة وجود المكنة والضغط عليها... وبتتشيك مرتين باليوم.. هلأ هي المعلومات الدقيقة عن هالموضوع.. يلي عجبتو ماشي يلي عندو خبرات غير هيك يفتح موضوع تاني.. وخلونا بقصة الفساد الاداري والإعلام المسير عنا بالبلد. |
كـلنـا منـعـرف هيكـ الآلات بتــنوجـد بمــركــز المـدينــه .. بالقـرب مــن جــامعه .. مشــفـى الخ .. يعــني اماكــن مزدحمــه بالبشـر .. والبعض مزوّد بكـميرات .. هــي غــير تركـيبتـها الصـعبـه بــئى كيـف تنســرئ .. مســتـغـربـه الكــلام يطـلع منـكـ ... امــا الشــخص الي عـم يسـحب هيكـ مبــلغ رح يســحبـو حكمــن للــدفـع مبــاشرة .. هـلئ بيئلــي بينــسرئ بيــن ما يـدفـع .. كمــان لأ .. لانو غالبـا بينـط ع سيارتـو وبيطــير .. وبكـل الاحـوال مـاحـدا مسـؤول عــن المبـلغ بـعد مـا تســحبـوا .. بـعديــن ليـه مسـتغرب .. انـو عــنا امــان ! |
اقتباس:
اقتباس:
:shock::shock::shock::shock::shock::shock::shock: SURPRISE SURPRISE |
اقتباس:
مـا بيمــشـي الحـال هيكـ لازم نناقـش والعصـايـه بأيـدك معلم .. بس ضــيف هامش لمـواضيعـكـ لـوين مسـموح نناقش وحـدود الموضوع اقتباس:
هــون شــرحـت بتفصــيل اكتــر اقتباس:
بتســمح لنفــسكـ تحكــي هالحكــي وئــت منطــلع عــن الموضـوع .. بس مــا زالنــا بالمـوضـوع .. او ابأبــعـادو .. اذا بتآمــن بشــوية بعـد فكــري .. واللي مـا عجــبو ليكــو زر المشــاركـه العـاطـله |
اقتباس:
موظفين الدولة مابياخدوا رواتبهم إلا من المصرف التجاري أو العقاري وموظفين الدولة مقسمين لفئتين فئة أولى تأخذ رواتبها من المصرف العقاري باعتبار الفئة الأولى رواتبها من الضروري وصلت لل ثلاثين ألف ليرةسورية باخر زيادة اجت من شهرين والفئة الثانية تاخذ رواتبها من البنك التجاري السوري يلي اعلى راتب فيها ممكن يكون 25 الف ليرة سورية اقتباس:
كيف زبطت هي معك؟؟؟ اقتباس:
ولسه الدولة عم تشتغل بجعل رواتب مو ظفيها عن طريق البنك اقتباس:
انا مو ظفة بسيرياتيل:larg: وباخد راتبي عن طريق المصرف العقاري ومارح قول اديش كرمال العين:p اقتباس:
هلىء النظام الجديد جميع الرواتب للموظفين بأي قطاع خاص عام حولت لحسابات جارية والحسابات الجارية ما عليها فوائد ولا ارباح ابدا التغيت الفوائد عن الحسابات الجارية من زمااااااااااااااااان :o اقتباس:
الدولة تفرض على اي بنك خاص على انه تكون الفوائد والارباح موحّدة الاختلاف بس بالعروض فقط |
اقتباس:
شو رأيك فوت على موضع أسعار الذهب تبعك واحكيلك عن مكونات الدهب وتفاعلاته وعناصره الكيميائية وتاريخ وجوده بالأرض؟؟ كمان بكون بأبعاد الموضوع.!!! هامش صغير: بلاها هي قصة زر المشاركة العاطلة لأنو قدمت موضتها شوي كرد زكي... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ منرجع لناجي العطري وإعلامنا السوري المغيب والمسخر لخدمة مصالح السلطه |
هلىء المشكلة انه المعلومات قديمة شوي
بنوك الدولة غيرت كل نظامها مجاراة لنظام البنوك الخاصة وعندما الغيت الدولة الفوائد والأرباح عن الحسابات الجارية التي غالبا ما يستعملها رجال الاعمال لانه حساب مفتوح جاري يعني معاملاته جارية على ال 24 ساعة ولهيك التغيت عليه الفوائد لانه ممكن ينقص كتير بلحظة ويزيد كتير بلحظة لانه هو الحساب الذي يصرف عن طريقه الشيك كانا بخمسين الف نعمل دفتر شيكات هلىء صار 100 الف مافي شي بضل على حاله كل شيء بيتغير وكل يوم في قرارونظام جديد طفولةمشكلتك بس انه معلوماتك قديمة :D |
:lol: يسعدلي ربو ... يعني رئيس وزراء متشرد بهالراتب ...
بداية لكي لا يتشتت الموضوع ... واجابة عن الاسئلة المطروحة للنقاش ... * لا يوجد اعلام صادق ... هاي قاعدة ... لان الاعلام في العالم كله اليوم عبارة عن مؤسسات مرتبطة بمصالح معينة ... وبالتالي فهي رح تكون مأدلجة ومبرمجة لخدمة هاي المصالح وبالتالي مصالحها هي ... مثلا ما فينا نتكلم عن اعلام حكومي حيادي او ذو مصداقية ... لانه ببساطة مرتبط بالحكومة وما يرضي الحكومة ياللي هي الرب الاوحد ... حتى الاعلام الخاص ... مالو مصداقية ... لانو ايضا مرتبط بمصالحو الاقتصادية ... وبالتالي اي كلام عن مصداقية اعلامية هو كلام من اليوتوبيا .. او كلام خيالي لا وجود له ... لا في غزة ... ولا في المريخ ... ولا حتى عند الآلهة ... * هلا تزكرت كتاب علي شريعتي ... النباهة والاستحمار ... الاعلام فعليا احد ادوات النظام لاستحمار الشعوب من خلال ما يطرحه الاعلام ... فهو فعليا يقوم باعادة برمجة عقول بعض البشر .. العوام والرعاع لتصديق كل ما يقال ... لذلك فالحكومات نعم تفعل فعل منظم ومبرمج لتجهيل المواضع ... وتضييع وتشتيت انتباهه فيما لا يهمه من القضايا ... وابعاده عن القضايا الرئيسية التي تمس حياته مباشرة .... لهذا يسمونه " اعلام " |
| الساعة بإيدك هلق يا سيدي 01:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
