|
ب بلدي ش شعبي ا أرضي ر روحي ... بشار
شعار رنان من الذي أطلق بالإستفتاء الأخير للقائد المفدى:
ب بلدي ش شعبي ا أرضي ر روحي بشار الأحرف الأولى لإسم القائد العظيم كونوا بها هذه الجملة... لكن ماذا حملت لنا الأيام من نتائج؟؟ بلد يسرق كل يوم شعب يظلم ويقهر كل يوم أرضي بيعت وأخرى أجرت روح حزينة حكومة فاسدة.. مؤسسات خارج الخدمة ... تعليم فاشل... مستقبل غامض... قمع بلا حدود اليوم وبعد الإجراءات القمعية الجديدة التي تضمنت حجب هذا المنتدى "الخطير عليهم" وبعد كل الإعتقالات المستمره وبعد المفاوضات مع إسرائيل وبعد الإنفتاح على فرنسا وبعد الإعتراف بلبنان ... طبعاً قد يسأل أحدكم مالرابط بين هذه الأمور؟ الرابط هو هذه السلطة التي امتهنت الديكتاتورية والكذب والتسويف... مللنا كذبة أنه لايعلم وكل الأغلاط التي تحصل تحصل من وراء ضهره.. وأن كل الفساد والقمع لا يعلم به... فإن كان يعلم فهي مصيبة أن هذاه الأشياء تحصل بعلمه وتدبيره وإن كان لايعلم فهي كارثة لأنه يكون مثل "رجل كرسي" وليس رئيساً... ولكوني لا أريده أن يكون بموقف "الأطرش بالزفة باعتبار مو حلوة بحقنا كشعب" فإني أحمله مسؤولية كل ما يحصل في سوريا... بوضوح: بشار الأسد اليوم أين يأخذ سوريا؟؟ بشار الأسد اليوم ماذا سيفعل بعد؟؟ |
اي ********* هالدولة اللي بالمواصفات اللي حضرتك حاطتها واساتها قايمة لهلق
|
اقتباس:
اقتباس:
ااذكر باحدى كلماته قال بما معناه انو هو بيعرف بوجود الفساد بمؤسسات الدوله و حكي عنّو و عن كيفيه مكافحته لكن هو للاسف ما بيقدر ينزل بنفسو يعمل كبسات كل يوم و التاني يعني حتّى بالمنطق مش معقوله .. اعترافه بوجود الفساد و عدم انكاره بيخليني اعرف انّه رايد يشتغل على هالنقطه بعرف جيدا انو لليوم ما تغيّر شي تقريبا و الوضع كل ماله لورا لكن لما بطلع على وضع سوريا الخارجي بشعر ببعض الطمئنينه و انّو هو مش نايم بالعسل و تارك البلد تشعل انما عم يشتغل عليها خارجيا و للاسف فالتواجد بأكثر من مكان من الصفات اللي الانسان لسّا ما قدر يتوصّل ليتغلب عليها و يمتلك القدره على انو يكون متواجد بمكانين سوا .. اتخيل سوريا خارجيا اليوم مأثبته مواقف يُفـتخر فيها .. سواء كنت مع او ضد الحكومه بتخيّل فيك تنكر هالشي .. غلط او صح يهتم بالوضع الخارجي على حساب الوضع الداخلي هي نقطه يكثر الحديث عنها و اكيد ما بأيدها .. برجع بذكّر انو حكي مش معناه اني بتفق مع القرارات الحكوميه و سياستها الداخليه لكن اذا بدي اطلع بوضوع على ما يجري فلازم ما انسى اني اذكر الصوره كامله و ليس من الجانب اللي بيجعل موقف يظهر على حساب بعض المواقف التانيه :D:D |
اقتباس:
بهي النقطة بدك تسمحيلي لأنو انتي عم تقولي ما بيصير نقارن سوريا بدول العالم الأول بإعتبارنا دول عالم تالت طب هل تعلمي إنو الإمكانات الي كانت موجودة عنا خلينا نقول قبل خمس سنين أو أكتر كانت بتسمحلنا نكون من دول العالم التاني ما بدي بالغ كتير والي هلأ ما صفي شي منها بس للأسف عدم استغلالها بالطريقة الصحيحة خلى الحلم مستحيل والي ما صفي منهن شي هلأ خليني أعطيكي مثال من دول العالم الأول ألمانيا طلعت من الحرب منهارة هتلر لعن أبو أنفاسها الألمانيتي رجعو اتحدو بسنة التسعين شو عندون موارد عندون شوية حديد وخشب وملح وزنك وغاز طبيعي بس الفرق بينا وبينهم انو عرفوا يستغلوهون منيح ومشي ضمن منهج ممعين حتى صاروا من أقوى إقتصاديات العالم فهاد موضوع المقارنة لازم يصير وإذا دائما بدنا نقارن حالنا بدول العالم الثالث بحياتنا ما بنصير ودائما لازم نطلع لفوق والي بيطلع لتحت مدري شو بيصير برقبتو |
اقتباس:
كل دوله و اعظم دول العالم الاوّل اليوم هنن دول كانو بيوم من الايام بوضع يرثى له و حققو نجاحات هائله لكن لو بتنتبه بشكل جيد اكتر بتشوف انو مش عن طريق الحكام انما عن طريق الشعب و الشعب عنا مشكلتو مش متقبّل حالو و ما بيقدر يلتزم و يغار على مصلحه اكبر من مصلحتو الشخصيه ولا بشوي - طبعا بقصد نسبه كبيره من الشعب و ليس كل الشعب - لو بترجع لردّي بتشوف اني قلت انو حلو نحلم و نطمح لكن خلينا نكون واقعين و منطقين شوي كرمال ما نضيّع الواقع الاصلي .. بدنا نبلش من تحت الصفر و نحط اهداف مبدئيه و اهداف على المدى البعيد لنقدر نوصل بشكل صحي .. يعني و نحنا خلينا نقول عند العشره تحت الصفر صعب فورا نطلع عالميّه فوق الصفر و نقول بدنا نصير متلهون .. بنقدر و نحنا عند العشره تحت الصفر نحط الصفر كـهدف - اللي هو الهدف المبدئي -و بس نوصل عالصفر بنحط الخطوه البعدها الرقم عشره فوق الصفر و بس نوصللو بنطمح بالعشرين و هيـــييك لنوصل للميـه و المـيتين - اللي هنن اهداف عالمدى البعيد - لكن عشوائيّه الحديث بانو ننط فورا للميه هي مش واقعيه .. :D |
اقتباس:
وأنا ما عم قول نطلع كل عشرين درجة سوا لاء أنا من جماعة طلاع السلم درجة درجة بس انتي عم ترجعي وتقولي انو الشعب الي عمل هالشي هاد كلو طيب خلينا نعمل مقارنة بين الشعب قبل خمسين سنة والشعب هلأ قديش في فرق بالتصرفات وقديش في فرق بالتعامل بينات بعضون طب مين السبب بإختلاف طريقة تصرف هالشعب خلينا ناخد مثال إذا عمرك راقبتي شوفير مكرو هو وعم يسوق بتلاقيه من حاجتو للمصاري بيشوف الراكب خمس ليرات وبتلاقيه عم يطحش وبيوقف بنص الشارع وماهمو الي وراه ليش لأنو بحاجة هالخمسة لحتى يعيش ويعيش ولادو نفس هالمثال هاد خلينا نحولوا لواقع أكبر الي هو الشعب الشعب من الحالة الإقتصادية الي وصلونا الها صار ما بيفكر انو أنا لازم اعمل شي ينهض بإقتصاد بلدي أنا لازم اعمل شي لحتى آكل يعني كل الهم والتفكير برغيف هالخبز الي بيخلينا عايشين... وبالتالي مين الي خلق سياسة التجويع هي ومين الي خلَى الشعب يكون همو الوحيد التفكير بلقمة عيشو بخلي جواب هالسؤال لإلك... وشي تاني مسؤولية التطوير الإقتصادي الشعب مو لوحدو مسؤول عنها الدولة كمان شوفي قديش بيطلع عنا عجز بالموازنة تبعنا وشوفيقديش في سرقات عم تصير عنا بالبلد قليلة الزعبي قديش سارق وقليلة خدام وقليلة وقليلة |
يمكن انت ما فهمت وجهه نظري تمام ... انا معك باللي عم تحكيه او اساسا انا ما اطرقت اله لكن قلت خلينا نشوف الصوره بواقعيه اكتر و ما بس نلجأ لانو نلقي التهم يمين و يسار بدون ما نحمل بعض من هالتهم و المسؤوليات ..
:D |
اقتباس:
:D |
انا عندي طلب وحيد من الحكومه ومن الرئيس ......
الله يخليكون حدا يوصل الطلب ....ياريت تدهنو واجهه المطار ....وتنضفوا ....من جوى ان كان من الوسخ او من البشر الموجودين فيه وفي حرف ناقص بكلمه المطار الموجود ع الحيط امانه صلحوها ...........واذا الميزانيه ما بتسمح انا بعمول جمعيه تبرعات .........:shock: ولا قلكون حطولنا خيمه بدل هل المطار بكون احسن ............... ;) يعني انا بعدت شوي عن الموضوع بس كون الموضوع بخص الشباب الطيبه حبيت فش خلق :pos:وصل رساله |
اقتباس:
اقتباس:
اقتباس:
القدرة على الالتزام هي وليدة تربية.. و 60% أو أكثر حتى من أفراد الشعب السوري تربو في عهد البعث الميمون.. بهالعهد شوية.. شوية هيبة الدولة اللي كانت موجودة راحت .. و هيبة الدولة تعني هيبة القانون.. هالهيبة مو موجودة. الفساد صار أسلوب حياة و صرنا نعرف انو القانون ينشرى بالمصاري, و مقابلو صار في مفهوم النظام و مفهوم الولاء للنظام اللي بيحكي انو معليه تكون فاسد و حرامي لكن اذا انت عندك وفاء و ولاء لصنّاع القرار انت امورك ماشي.. و خليك شريف مكة لكن اذا انت مشاغب -بمنظورهم- مكانك بأحسن الأحوال انو تتعذب بحياتك و بأسوءو انو ولادك يكبرو بدون أب في مثل جزراوي بيقلك :" اللي تعرف وديتو اقتلو" .. بعتقد هالمثل كتير نافع لمثالنا... كيف بدك اللي من جيلي و جيلك يحترم القانون لما أول من يخالفو هو اللي يفترض رح يسهر حرصا على احترام القانون؟ كيف بدهون الشوفيرية يلتزمو لما أوائل المشفطين و المفّحطين و المخالفين هنن المسؤولين و أبنائهم و عناصر الشرطة؟ كيف بدك الناس ما تشتري تهريب.. اذا المهرّب ضابط بالجمارك؟ لو مافي حدا يقبل الرشوة.. مافي حدا يرشي.. مزبوط؟ كيف الجيل الجديد ما رح يكون فاسد؟ لما من نحنا صغار نشوف و نتعلم انو الفاسد هو اللي ماشية أمورو.. مو بس هيك عم يطلع من منصب لمنصب أعلى... كيف ما رح نشوف انو هو الصح (بمنظورنا).. كيف ما رح نغش بالتاسع و البكلوريا و بتشجيع أهالينا لما أول واحد يتغشش و يتهافتو عليه المراقبين هو ابن المسؤول عن حسن سير العملية التربوية.. حاميها حراميها... فاجباري بدنا نتعلم نعيش بشريعة الغاب و بلا ضمير و بلا بطيخ مبسمر أما عن قبول الرأي الآخر... هيهي.. حدّث و لا حرج.. كيف بدنا نتقبّل الرأي الآخر لما بالمدرسة بدل ما يربونا على مفهوم المواطنة عم نتعلم من الابتدائي تربية الفكر الأوحد و الحزب الأوحد و القائد الأوحد.. لما عم نتعلم نقول كلمة خاين بدون ما يرفلنا جفن.. لما من عمرك ست سنين و سبع سنين عم تتعلم تقول بالروح بالدم.. قبول الرأي الآخر تربية و تعليم... الوضع الحالي للشعب السوري هو الوضع اللي اشتغل الحكم من أجل يصير و يترسخ... المواطن الصالح هو المواطن الساكت.. الجاهل و الفخور بجهله و الحريص على جهله.. هاد مفهوم موروث من الناصرية و مطوّر على ايد الأنظمة العربية... انت يا مواطن لا تحشر حالك (فيما لا يعنيك.. تسالي هاي فيما لا يعنيك) و خليك ساكت و بدون حركات و انت بأمان.. نخليك تاكل خبز و مسموحلك تشكرنا.. لكن قول لأ.. أو قول ليش.. و أشباح الليل رح تلاحقك لو وين ما تروح... |
اقتباس:
اقتباس:
بموضوع سابق لإلي بالمنبر قلت نحنا موافقين انو نطلع درجة درجة... وقلت انو هو يحدد الوقت يلي بدو ياه ومنتظره ومنخرس... بس اليوم السلطة بعد عشر سنين من عهد الحاكم الجديد القديم بشو عم تطلع درجة؟؟ أنا بقلك بشو عم تطلع درجة بال‘عتقلالت.. عم تطلع درجة بالفساد... عم تطلع درجة بالديكتاتورية... عم تطلع درجة بقهر الشعب... مابعرف اذا هي بوجهة نظرك الدرجات ولا يمكن الدرجة هيه انو زفتو شي شارع؟؟؟ ياريت تطلعي على الصورة اقتباس:
اقتباس:
اقتباس:
اقتباس:
اقتباس:
اقتباس:
سلامات |
مو بشار الاسد هوي السبب السبب هوي من قديم الزمان و بشار شو بدو يصلح ليصلح اي الحمدلله بعد في هالحد الادنى و الحمدلله ع نعمة الحياة كيف ما كانت ...
|
اقتباس:
وبحب قلك من وجهة نظري إنو هاد قمة الضعف وبحب قلك كمان انو هاد الي بدهن ياه هنن وبحب قول ليلَي عم يراقبنا هلأ تهانينا حصلتو عاللي بدكون ياه.... مو المهم رغيف الخبز الي عم تاكليهم في شي اسمو كرامة |
اقتباس:
هالمصطلح من ايام جدي و وجدك .. |
اقتباس:
فبحب قلك انو أنا كرامتي لسا موجودة والي بيقرب صوبها بدعس عليه |
اقتباس:
|
ياريت يلي بدو يناقش هون على القليلة يكون حامل الجنسية السورية لأنو الموضوع داخلي بحت.. أما يلي فايت يوزع سمايلات ويزيد مشاركات يرحلو على شي موضوع تسالي ... الموضوع شأن داخلي بحت يناقش هموم وطنية صرفة وليس للتسلية...
بلدنا هيّ نقطه انتهى |
اقتباس:
انا ماني عم قول لا تلوموه و اجي نادي بشعارات و ما عم انفي اغلاط الدوله او او او انا عم قول فقط انو بيوقع بعض من اللوم عأطراف تانيه منها الكبير المتسلّط و منها الصغير متل الشعب .. |
اقتباس:
أوكي معك انو مافي شي بينحل بين يوم و ليلة.. لكن صارلو العهد الجديد 8 سنوات.. بغير دول بالعالم ممنوع رئيس يستلم أكتر من هيك.. يعني قديه بدو وقت العهد الجديد ليثبت فعلا انو بدو يعمل شي؟ 30 سنة كمان؟ أوكي الأمر طويل .. بس في خطوة اولى انمشى فيها؟ لأ طبعا.. سكرو القسم السياسي بتدمر بس وسّعو صيدنايا.. و لليوم الناس يتم اعتقالها مافي قانون احزاب (صرلون يحكو فيه من عشر سنين.. عدلو الدستور بعشر دقايق مشان يستلم بس لهلأ ما قدرو يعملو هالقانون المسعدة) مافي قانون مطبوعات ( نفس الحكي فوق) سياسة الحجب و التعتيم بالانترنت هاي من منجزات العهد الجديد.. اصلا يفترض انو دخول الانترنت ع سوريا كان برهان شخصي من الرئيس لما كان رئيس الجمعية.. ما عم نقول عن شي صار من زمان.. امبارح رجعنا انحجبنا.. اقتصاديا؟؟ منحكي اشتراكية و مدري شو و عم يمشو بخطوات جبارة نحو الرأسمالية بأبشع صورها... اللي نهبو على مدى 30 سنة هلأ بدهون يستثمرو مصاريهون و لسى لازم نصفقلهم و نقول رجال اعمال... يعني مو ناقص غير يقولو انو الاستقلال صار برعاية شام القابضة.. نعد كمان... و الله بكتئب.. أكيد كلنا النا واجبات.. لكن مو مشكلة البلد انو ابدأ بنفسك و لا تكب المحرمة بالشارع.. المشكلة أعمق.. مشكلة جيل ورا جيل عم يطلع مؤدلج بشكل محدد و بنوايا محددة .. و هاد أخطر أمر.. يعني مو حرام نسمع من شب بالعشرينات يقول الحمد لله في خبز و خلونا بحالنا و مالنا بالمصايب؟ هاي روح شباب هاي؟؟ |
اقتباس:
بمقابلة مع العماد أول مصطفى طلاس نسيت بأي قناة المهم بعد فترة من وفاة المرحوم قال مصطفى طلاس انو لما سمع الرئيس حافظ بأمر الزعبي والأعمال اللتي قام بها من نهب موارد الدولة وغيرو وغيراتو قال المرحوم لمصطفى طلاس نحنا لازم نطلع مظاهرة ضد الحكومة فرد عليه طلاس متفاجئ كيف سيدي مو انتو الحكومة فقال المرحوم شو اللي عمبيصير بالبلد ... ولو ضالل المرحوم سنة أو سنتين زيادة خدوها مني كانت البلد كتير تحسنت و من كل النواحي لانو كانت رح تصير تغييرات جذرية تطال غالبية الحاشية اللي حوليه وتطال كافة الامر الاخرى بالبلد وهادا كان رح يصير بالمؤتمر القطري اللي كان رح ينعقد بس توفا قبل المؤتمر بفترة وأنا ماني عمبرر بس هي المعلومات مزبوطة 100% وبالنتيجة كان بشار استلم الامور بشكل أفضل وعليه فقط المتابعة بس هو استلم البلد بوضع مأساوي والله يعينوا وأكيد في كتير أخطاء لساتا موجودة وصعبة تنحل بس انشالله مابتطول وبتنحل ... |
اقتباس:
قال ايش قال ما بيعرف حجة بايخة وبتأسي من كتر ما بتفسي |
اقتباس:
معقول لهدرجة نسينا حقوقنا ؟؟؟ غريب والله غريب |
اقتباس:
اقتباس:
اقتباس:
اقتباس:
|
اقتباس:
|
اقتباس:
|
ممكن تخبرنا كيف متأكد من هالنكتة 100% ؟؟؟ لتكون كنت قاعد معن يعني.
قال حافظ الاسد عم يشكي لمصطفى طلاس من فساد الزعبي ,,, قال يعني طلاس بيك أنضف من الزعبي ومافي منو !!!! ولك يا حبيبي هدول كلهن مافيات اجرامية فاسدة قابعة على صدورنا من 40 عام ونشالا قريبا يخلصنا الله ونرتاح |
اقتباس:
يعني هلأ طلاس شو دخلو بقصص الفساد ...ما زال هوي رئيس للجنة الحزبية العسكرية .. يعني ما دخلو لا بالحكومة ولا بفسادها ... عم يشتغل بالجيش ...... ليكون بالجيش في فساد ورشاوي ومالنا دريانين !!! :pos: بعدين شو هي مافيات اجرامية ... اي منيح انك قاعد بالشام وعم تتفتل بالبرامكة وعم تتنقل من كافي لكافي منشان تكتب هالحكي وما حدا مقرب عليك !!!!!ا:frown: شكور ربك على نعمة الامان يلي عايش فيها بهالبلد ... مو احسن ما تنشحط وتروح فيها !!؟ ;) كمان اذا حابب تقيم هالـ "مافيات الاجرامية " على حد تعبيرك يالله روح اعميل مظاهرة و اغتال العطري متل ما اغتالو هداك سليمان ... ونحنا ناطرينك .. الله وايدك ...:pos: |
اقتباس:
طلاس قعد فوق الخمسطعش سنة وزير دفاع و نائب رئيس وزراء و عضو لجنة مركزية بالحزب.. شلون مالو علاقة بالحكومة.. بعدين بالجيش مافي فساد و رشاوي؟ ليش مانك سمعان بمصطلح التفييش؟؟ مانك شايف أحلى سيارات البلد نمرة الجيش؟ بتعرف قديه مخصصات الجيش بس بعثات دراسية و لوين عم تروح؟ بتعرف محروقات الجيش لوين عم تروح؟؟ يا زلمة بالله عم تحكي جد؟ ما عم صدق يعني و عودة لطلاس.. كمان الطفل المعجزة فراس طلاس دبر كل ثروتو لأنو بصغرو كان أبوه يفتحلو بسطة بسكويت قدام الحميدية ما هيك؟ طلاس الو كتاب (هو مسبة للثقافة يتسمى كتاب) بس منيح لو الواحد يقراه... فيو اعترافات حلوة كتير... اقتباس:
دخيل الأمان أنا... وين عم يكتب هو؟ مو بموقع محجوب و ملتعن سماه بسوريا؟ اقتباس:
|
أولا بدي أشكر فيفا على الموضوع و الحمدالله أنو لسه في بالبلد شباب واعية متلكم عندهم القدرة على النقد,,,
النقد هو أول خطوة نحو التغير.....أما أنو نقول نق !!! فمعليش اللي عما يتهم النقد و المطالبه بالتغير و الأصلاح نق عندو مشكلة بللغة,,,, مع الأسف الي عما يدافعوا عن بشار الأسد و جماعته فههنن كمان متبنين مبدأ النعامة اللي حاطة راسها بلأرض !!! على طول !!!! أهنئ سوريا على وجود امثالكم ,,,, ياس و فيفا و كل الشباب تكاتفنا و رفضنا هو أدنى شئ ممكن نعمله اتجاه ما نمر به,,,,بستغرب أنو في ناس حتى ماعندهم القدرة أنهم يستنكروا أو يقولوا لا !!!!! مع الأسف نحنا السوريين صرنا حديث العالم ,,,و مضحتكهم,,,مع الأسف لا نفعتنا بلدنا و خربت علينا حياتنا,,,, أنا بالخليج..و خريجة جامعة ,,,قدمت أوراقي لأكمال الدراسة بره مع العلم أني من المتفوقات على الجامعة,,و وفرت جميع الطلبات من أوراق و شهادات بنكية وووووووووو ,,,و بلآخر رفضت و بصريح العبارة جنسية غير مرحب بها!!!! طيب أي بلد و أي رئيس بدي حبه و لا احترمة !! لا خلاني أدرس ببلدي ,, ولاخلاني أدرس بره !!!! يعني شو جابرنا نعيش بره ,,, و يتحكموا فينا خلق الله و نشتغل عند الناس...تاركين أهلنا و بيتنا و بلدنا,,,ليش!!! لأنهم ماتركونا شئ حتى نعيش,,,و زرعوا بقلبنا كرههم !!! بيكفي عبارات رنانه يا سيادة الرئيس,,, اقتباس:
شكرا لكم و الله يقويكم ياأخوية ........ |
اقتباس:
خيو عن جد سياسة استهبال الجميع والله كتير بشعة, يعني بتتخيل شو شعور اي سوري بيقرا هالكلام اللي كاتبو فوق قال شو ما في رشاوي ولا فساد بالجيش؟؟؟ بعدين شو بدك بالزلمة قاعد تتمسخر علي لو كان قاعد يبيض صورة النظام ويمسخ جوخ متل غيرو اكيد ما كان هيك رح يكون رايك في :jakoush: |
اقتباس:
ما بين لبعد ما توقى الرئيس ليش هالشي :adal: |
اقتباس:
ومن ناحية انو عميشكي لطلاس لانو طلاس صديقوا من أيام الكلية ورفيق الدرب معوا ... والله لولا هالمافيات ماكان في شي اسمو سوريا كان متلنا متل العراق وفلسطين وانشالله لسا بضلوا 400 سنة روح ... |
اقتباس:
|
ماذا تتوقع من رئيس لم يختارة الشعب ورث الرئاسة من ابوة
وجزء من بلدو محتل ومش قادر يعمل شي ولا يوجد شي يحدث في البلد الا وكان الرئيس يعرف بها وهو المدبر كمان |
اقتباس:
ما اختلفنا انو ورث الرئاسة بس كمان انا بأكدلك انو أكتر من نص الشعب بدو ياه وموافقين عليه ومن دون ضغوطات اقتباس:
اقتباس:
يعني تفضل وروح قعود محلوا لشوف شو بيطلع معك يعني هي الشغلة الوحيدة اللي ماحدا بيطلعلوا ينتقد فيا الرئيس او المرحوم حافظ لأنو معروفين بوطنيتون والكل بيعرف هالشي شو مش قادر يعمل شي يعني بفتلك بحرب ضد اسرائيل و أميركا والعرب بصفوا معون كمان و نتائجا معروفة مسبقا لحتى تنبسطوا يعني بحرب ال 73 لولا خيانة السادات كنا حررناها من زمان بس ايد وحدة ما بتزفئ فالله يخليك لاقيلك شغلة تانية تنتقد فيها يعني حلو الواحد ينتقد بس نقد موضوعي وهادف اقتباس:
|
اقتباس:
عم نشتغل برا عند الناس لانو هالناس صاروا يحترمونا اكتر مانحني محترمين ببلدنا لانو بلدنا بطل اسمو سوريا صار مرتبط ببيت الاسد وصار اللي بينكر هالشي يعتبر خاين لازم فورا يتحاكم |
يا حيف
اقتباس:
انو دوله وشلون قايمه عليي الطلاق , انه هالبلد بدل ما تولد ابطال عم تولد طنطات , وجبناء واللي مخللي هيك ........ يحكمنا انه راح زمن الرجال راح |
اقتباس:
الله عليك يا شيخ , كلام حلو |
اقتباس:
اما عن انو بيعرف كل شي اقصد بانو يعرف كل شي عن الي بيصير من نهب الدولة وتعذيب السجناء وسجن اصحاب راي او من يعارضة وهو المسؤول عنها |
اقتباس:
اقتباس:
اقتباس:
اقتباس:
انا بالكتير من الأحيان بؤيد السياسة الخارجة الللي بيمشي عليها (مو دائما ) بس ورجيني شو عمل للشعب (رفعلن راسن بين شعوب العالم ) بشو ؟؟؟ بسياسته !!!! ياعيني البلدعما تخللي الناس تطفش و تهرب و ماعاد في وظائف !!! و لاتقللي هيدا وضع العالم,,,اطلع حواليك,,,, شوف التعليم,,,(قال شو هنجار!!! و الله ضليت ساعتين و انا عم دور على هنجار بجامعة دمشق و بعدين فهمت انو هيدا الشئ المسقوف متل باركينغ البيت هو قاعة المحاضرة!!! طبعا كانت أول محاضرة و آخرها !! -ماكان في جامعات خاصة بوقتها) و لا الطب!!!! شو المستشفيات و لامبنى وزارة الصحة !!!!! و الله ببكي,, و لا و لا وووو كل هادا مين بدي لوم الشعب !!!! بدي لومك ...؟؟لا أكيد بدي لوم الرئيس اللي مو قادر يوفر لشعبه حياة كريمة و خلينا نعيش ببلدنا بأمن و سلام!!! أنا بحب بلدي ,,,و بعشقك الشام,,,لكن ياحرام رايحة بين الرجلين و بين غبار و دخان المازوت,,,فحاجة تقارنا بأوروبا ,,بدنا 10000000076888 سنه حتى نصير ملتلهم ....شوف المدارس,,شوف التعليم,,,شوف الطب,,,لك حتى المقابر بشتهي تفوتها !!!1 :D:D |
| الساعة بإيدك هلق يا سيدي 15:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
