|
الصراع الأبدي بين توم و جيري.......... الى اين.........................> انت جاوب
اجرت مجلة الخوبيس الإسبانية eljueves استفناء على سؤال اعتبرته غريبا و ملغوما
السؤال كان :اذا قُرر أن تُكتب الحلقة الاخيرة من مسلسل توم و جيري و أُوكلت هذه المهمة لك ماذا تكتب ؟ سؤال سهل لاكنه ممتنع اجرت الصحيفة هذ الأستفتاء مع الناس في الشارع فكانت الأجوبة على الشكل التالي من الكبار................ 5% لم يسمعو بهاذا المسلسل 25% لم يعرفوا بماذا يجيبون 55% قالوا إن الغلبة هي بالتأكيد لـ توم 15% قالوا ان الغلبة لـ جيري أما بالنسبة للصغار.............. 75% قالوا إن جيري سوف ينتصر 15% قالوا ان الغلبة لـ توم 9% انهم سيستمران هكذا إلى الأبد 1% قال إن الكلب المتوحش سيأكلهما (ملاحظة :النسب تقريبية) لكن السؤال هو ما الفائدة من هذا السؤال؟ قبل الاجابة على هاذا لسؤال تقول المجلة : أن هذا السؤال لم يكن فقط لمعرفة رأي الناس و ليس لمعرفة مصير توم و جيري بل ان الغاية الأساسية منه هو ايجاد معيار جديد لدراسة الشخصية حيث أن السؤال عن مصير توم و جيري هو سؤال عن مجهول غريب و محير و أحيانا مربك حيث قررت الصحيفة أن تعطي الشخص قدرة التحكم بمصير شيء الكل يعرفه و يؤثر به ان القدرة على التحكم بالمصير هي شيء ليس سهل أبداً و خصوصاً انك تتعامل مع مصير توم أو جيري أي أشهر الشخصيات على الأطلاق لقد أجريت الدراسة و درس النسب بعض من أشهر العلماء النفسيين اما النتائج فلن أنشرها إلا بعد أن أرى اجوبتكم فتفضلوا المنتدى لكم فرجونا نواياكم تجاه هل الحلوين توم و جيري يعني أذا سألناكم نفس السؤال اذا قُرر أن تُكتب الحلقة الاخيرة من مسلسل توم و جيري و أُوكلت هذه المهمة لك ماذا تكتب ؟ لمن تكون الغلبة؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟ |
أنا للصراحة بحب النهايات المفتوحة أو يتصالحو بما أنها الحلقة الأخيرة ... ويخلصونا من وجعة الراس ومشاكلهم :pos::p
مع أني بصراحة بتعاطف مع توم أكتر من جيري وبزعل عليه لأن دايماً خسران لهالشي بدي قول النصر لتوم :gem: |
انا عنّي رح تكون الغلبة للاثنين...يعني رح يقوم سلام ابدي بين التنين و يخلصونا من الصراع الدائم هاد :D
|
احيانا بيجي عبالي قوس جيري
|
بصراحة أنا بحب الاتنين و بعدين هن إذا ما تخانقوا ما بيصيروا توم و جيري هو صحيح عيب على شنباتي أخبركم بواقعي الأليم أنو عمري 29 سنة و لهلأ من عشاق توم و جيري بس هاد الواقع شو بدكم تعملو يعني تحملوني بقى
أنا ما بدي يتصالحوا و لا بدي يجي يوم و يقولوا هي الحلقة الأخيرة |
اسمعوا أنا بنت ها
مو تقولو قال عيب عشنباتو صار رجال أصلا مو كل أبو شنبات رجال |
هلأ اني لاحكي شي.. من اكتر المسلسلات يللي بتخليني روّق وبعيد عن الهموم وكذا..
هو مسلسل توم & جيري.. الكرتون بشكل عام بيروّق.. بس مسلسل توم & جيري الو صبغة مختلفة اني عن نفسي بالحلقات بفضل انو يللي يبدأ المشكل مع التاني هو يللي يخسر انو يللي بيتعدى على التاني هو لازم يخسر.. احيان جيري بيتعدى على توم وبيربح بس بقول يمكن هالربح هو تعويضًا لـ جيري عن واقعه المرير :lol: كـ حلقة اخيرة .. رح اربطها بالواقع شوي .. انو الصراع بين توم & جيري رح يضل مستمر الصراع بين القوي والضعيف.. صراع بين مـُـفترِس و مـُـفتـَـرَس..رح يضل مستمر لهيك النهاية بفضل تدل على استمرارية هالصراع...يللي مالو نهاية :D |
انا برأيي انو نجيبلنا شي مخرج متل نجدت انزور يخرج الحلقة الأخيرة
ورح تشوفوا انو النهاية رح تكون فايتة بالحيط لأنو بيجوز ينطلب منو جزء تاني |
ع فكرة : الخيار الاخير بالاستفتاء ما كتير مناسب.. اول 2 تمام..
برايي في ناس يمكن تفضل نهاية انو يتفقوا.. ( هالخيار ما موجود ) وفي ناس متلي انو بتفضل استمرارية الصراع.. وهالشي مو معبر عنه تمام بالخيار الاخير يعني بالخيار الاخير مكتوب انو يستمروا بالصراع بس مكتوب كمان ( ما بدي جاوب ) لهيك عم قول مو مناسب.. لانو احنا بهيك حالة عم نجاوب.. مش ما عم نجاوب وحتى السؤال مش زابط.. يعني هيك حصرتنا بخانة مين رح ينتصر توم ولا جيري بس مين قلك انو بالحلقة الاخيرة بدنا نختار واحد منهم ينتصر بلكي ما بدنا واحد يغلب التاني.. |
هلق في شخصية كتير بحبها وهي هي
 بدي اعرف شو بدو يصير في :jakoush: |
اكيد توم رح ينتصر لأنو بطبيعة الحياة القط اقوى
بس ما بتعرف شو بيجي براس المؤلف |
يحرق حريشك من وين حاكش هل موضوع
|
انا بقلكن كيف رح تكون الحلقة الأخيرة
المسكين توم بعد مايكون ختير (وجيري كمان ختير) يعني صار ختيار بيشوف جيري طالع ياكل قطعة جبنة من البراد بيقوم بسير بدو يلاحقو كالعادة بس الظاهر انو توووم نسي انو هو ختيار ورواحو السبعة خلصو ووموو ضايلو الا نص روح ........... المهم مالنا بطولة السيرة بيركض توم ليلحق جيري اى صح نسيت احكيلكن توم كان عم يشرب حليب كامل الدسم ولما بيعد يركض ورا جيري بتيجي جلطة وبيقوم جيري بينقلو عالمستشفى مشان يتعالج بس بما انو جيري التاني جتير وهو صغير الحجم بالنسبة لتوم بيتأخر ليوصلو عالمستشفى يعني بيوصل بعد فوات الأوان :cry: بيقوم توم المسكين الله يعطيك عمروو بمووووووووووووووت............. جيري مع الصدمة بينجلط جلطة حادة وبيموت بمطرحو :cry: وهيك بنكون ارتحنا من توم& جيري احم احم لسا ماخلصت احنا حنرتاح من توم وجيري بس نسيت خبركن انو بس ليموتو التنين وتطلع روحن للسما بتعد ارواحن تركض ورا بعضا وبسيرو يتقاتلو فوق :jakoush: بس احنا مارح نشوف لأنو ممنوع اصطحاب الكاميرات للسما:jakoush: |
توم لها والنصر لتوم النصر لتوم |
يعني بصراحة عطول جيري هو اللي بيتحركش بتوم ... و توم معو حق يخلص عليه عشان ما حدا بيقبل بفار بالبيت ... فنهاية توم هي النصر و نهاية جيري ببطن توم .. بس يمكن تكون النهاية هي الصلح عشان توم قلبو كتير طيب :sosweet:
|
يمكن تكون: نهاية توم الموت ونهاية جيري في بطن توم :cry:
نهاية مؤلمة :cry: |
اقتباس:
لييه هيك ... كيف ممكن يموت توم :cry:؟؟؟ |
اقتباس:
بدنا نهاية غيرهاااا ليش عندم النهاية دوما الموت ؟؟؟؟؟؟؟ ليش ما يتزوجو ويعشو بثبات ونبات :o:D |
حيرتني ;)
مش عارفة ايش اجاوبك بس اعتقد جيري لانو نسناس ، من تحت لتحت |
يعني تـوم هيك كبير وبتفكرو قوي بس غـبـي جدا..يعني من الاخر مجحّـش :lol:..متل هالدول بشـرقنا "الكبيـر"
جـيـري .. الفار اللي المفروض يكون فريسة القـط لانو ازغر منو بكتير ولانو هاد هو المصير المحتم..ولانو كمان كتير اوقات هو اللي ببلـش المخانقة وبحرقصو (ومن العدل انو مصير المفتري خسارة)... بس مع هيك هو اللي بنتصر دايما وبعمل من توم(نـا) فضيحة :frown: فيعني من دافع الواقع اللي عم نشوفو وظروفنا الشبيهة جدا بهالمسلسل الكارتوني..بتمنى من قلبي هالـ توم يصير عندو عقل بقى وينتصر :pos: بس انو للآن النـصـر لـ جـيـري :sick: |
انا بقول انن يتصالحو لانو متل منا شايفين انو مافي مشاكل بين القط والفار خلص سلام
وكل واحد فيون يرفع الراية البيضا ويتهنو بقا وتوتة توتة خلصت الحدوتة |
اقتباس:
ما بحب الشي يلي بيفرض على خيالي شو يفكر... هلأ بالنسبة للاستفتاء والسؤال عن "النصر لمين" بتوقع انو بيعكس شخصية المستفتي عن طريقو لانو الانسان بيتواصل مع الشي القريب لنفسو توم وجيري بالمسلسل مصورين ككتلتي قوة توم يمثل المخلوق القوي يلي المسلسل مصر دائما يعملو شرير وغليظ... وجيري بيمثل المخلوق الضعيف يلي ازا ما نصرتو قوتو الجسدية بينصرو حظو او ذكاؤة... هدف المسلسل انو يخلي الاولاد يتواصلو مع الشخصية الضعيفة بالمجتمع وينصروها مشان ما تبقى مستضعفة بس الطريقة يلي الشخصيتين مصورين فيها مش بالضرورة صح... |
يعتبر برنامج توم وجيري .. من البرامج المحببة لدى الجميع ...
ويعتبر مخترع هذا البرنامج من أذكى كتاب برامج التلفاز .. ويعبر عن صراع مديد غير منتهي بين طرفين ..يتعدى كونهما مجرد قط وفأر .. فهو يقصد منهما أكثر من مجرد ذلك .. ويعبر عنه بأسلوب مرح .. ومثير للإعجاب .. أنا بتوقع انن يضلو في حالة حرب أحلى .. مو هوي أساس البرنامج هيك .. |
النصر لتوم ... ما في شك مو انا اللي بعطيه النصر بس هيدي شريعة الغاب
|
انا الصراحة بزعل ع توم كتيير
المعتر دائما الدقة بتجي ب راسو |
اقتباس:
أي والله معك حق :? بس انو يتزوجو ما رح يتزوجو مستحيل;) |
اقتباس:
|
مابعرف انا بحب يصلو هيك
لا بقى اضحك عن جد هاد الشي الوحيد الي بيضحكني من قلبي :D |
لا النننننننننننصر اكيييد لجيري :yahoo: بازن الله ازاي يتجوزوا يا قلب يا دافئ وهما ولاد:oops: هههههه
|
القصه ياقبضاي مو قصه مين ياكل التاني بل مين اللي بموّل هالصراع ليعيش على حلقاتو ست مليارات بني ادم على اعصابهن:larg:
|
هلق أذا بدنا نصور توم وجيري على أرض الواقع فالصراع رح يكون للأزل والبقاء للاقوى ..
أما اذا طلعت عليون كشخصيات كرتونية بوجود خيال فكاهي رائع فأنا بقول انو لازم تكون النهاية لصالح جيري يلي عم يمثل الدهاء والذكاء يلي بتتفوق على القوة. |
في الواقع او بالاصح في حاكورة البيت تتاكد حلقات الفيلم الكارتوني
او ان الشخصيات ستكمل صراعها في "واقعي" حيث أن القوارض ما زالت تنتصر وتتقدم وترتقي بمضاداتها وتحصين مناعتها الذاتية والجسدية والعقلية على أحفاد الاسود .. فـ توم في تزايد مستمر واستمساك قوي بأسباب الحياة وجيري ينازع الانقراض البطيئ .. والفئران المتسممة التي سلمت رايتها لما يسمى "بالعِرّس" تلك الفئران وهي ميتة بالسم لا تترك القطط المسكينة التي ما ان تقترب من تلك الجثث حتى تسقط في مكانها تصويتي للأسف لصالح تومي ....... |
برأيي انو بالاخير رح تكون النهاية بموت المخرج و المؤلف و ..................:lol:
|
انا بفضل انو يضلو عم يلحقو بعض و يتخانقو... لانو ما بيلبقلن غير هيك
و الى اين...........الله اعلم:p ((يمكن يموتو عالطريق)) |
لك توماااااااااااااااااس وبس والباقي خص
|
اقتباس:
|
يجي شي يلهي توم..يعني بلكي بنزوجو وبحل عن جيري:p..وبظن المشكلة وقتها بتخلص..لانو توم هو الي مدئر عقلاتو..............
دايما ازابدك تخلص من حركشة حدا بحدا جيبلو شي تلهيه فيو..شي بهمو يعني:oops: |
أفضلُ أن لا تكونَ له نهاية لأنها لن تكون ! فـَ توم " يُمثل الشر وَ الشخصية القوية " وَ جيري " يُمثل الخير أو الشخصية المُستضعفة " هذا صراع أزلي لا نهاية َ له صوتي لـِ " جيري " للأسف يا أرسلان :lol: وَ أحب حلقة " المُفرقعات " :lol: |
اقتباس:
لا تخاف في كتير |
من زمان انا بزعل لأنو توم عما ياكول اتل
الله يفك اسرك |
| الساعة بإيدك هلق يا سيدي 00:54 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون