|
لماذا لم يخلق الله المرأة بـِ حِجابها؟
لماذا لم يخلق الله المرأة بـِ حِجابها ؟ صارت الأوطان مُحتلة فكرياً وَ اقتصادياً وَ عسكرياً وَ صارَ الأمريكي يبيع النفط للمواطن العراقي وَ قريباً لكل شعوب العالم وَ صار الدخول للقدس يلزمهُ تصريح مِنَ المُحتل وَ صارت السَـفارات الغربية هيَ مصدر السـيادة وَ القرار في عواصمنا العربية وَ نحنُ مَشـغولونَ في معركةِ الحِجاب فلماذا لم يخلق الله المرأة بـِ حِجابها ؟ تحياتي :D |
السؤال هو : لماذا خلق الله للإنسان العقل أصلا ؟
كان كل ما كتب فوق لم يكن .... عبدناه والسلام ... |
اقتباس:
|
العقلانية صفة من صفات الإنسان وَ لماذا لا نشغل عقولنا إلا بـِ الحِجاب وَ تداعياته وَ ننسى تداعيات البلاد وَ خفوت صوت الحق بينَ أؤلئكَ العُقلاء !. wild_angel |
اقتباس:
إذا قصدك ليش تركنا المهم و انشغلنا بالامور التافهه أو خلينا نقول أقل أهميه .. برايي غلطان كلو بنفس الإطار انا مو بس عم اتنازل عن حقي بقطعة هالقماش لغطي راسي وبس .. مبدأ انو عم اتنازل صدق لو ما تنازلنا بالصغيره كان الكبيره ما حد قرب عليها وما بحكي عن الحجاب بالزات ..اي حق مهما كان التنازل فيه رح يجر تنازل أكبر ** وبالنسبه لـ " فلماذا لم يخلق الله المرأة بـِ حِجابها ؟ " وكان خلق البني آدم لابس كامل مكمل .. مو أريح |
اقتباس:
نحنُ مَشغولونَ بـِ الغدر ِ وَ الحِقدِ وَ الكُرسيِّ الأعمى ,. |
اقتباس:
لأنو الناس مضحوك على عقولها ..... الناس أغلبها ما بدا وجع راس ... الحيط الحيط ويارب السترة .. والحجاب من ضمن السترة.. وتاركين الحرية والسياسة والصوت على الله ... مع كل هل القمع ولسا بدك الناس يكون إلها صوت ؟؟ اذا ضمن البيت الواحد في قمع شلون على المستوى الأكبر ... منيح الي تاركين للناس شوية حرية عشان يفكروا بالحجاب ... حط في بالك هي كلها سياسات كبيرة مصتقصدة بهدف الإلهاء |
اقتباس:
وَ لماذا توقف زمن المُعجزات ألسنا بـِ حاجةٍ ماسّة لها ؟ |
اقتباس:
بس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟ |
اقتباس:
صراحة أنا بظن أنو حقيقة إحنا محتاجين ليرجع عصر المعجزات لأنو الناس بلشت تشك بقناعاتها .... |
لأنو الناس مضحوك على عقولها ..... الناس أغلبها ما بدا وجع راس ... الحيط الحيط ويارب السترة .. والحجاب من ضمن السترة.. أسترة ُ الرأس أهم مِنْ سترة الوطن وَ رجالُ الدينَ ألسيو صوت الربِ في الأرض لماذا لا يَتكلمونَ في المنابر عَنْ الأوطان المُغتصبة وتاركين الحرية والسياسة والصوت على الله ... مع كل هل القمع ولسا بدك الناس يكون إلها صوت ؟؟ اذا ضمن البيت الواحد في قمع شلون على المستوى الأكبر ... منيح الي تاركين للناس شوية حرية عشان يفكروا بالحجاب ... حط في بالك هي كلها سياسات كبيرة مصتقصدة بهدف الإلهاء نحنُ قومٌ نائمون أو خائفون حُبِ الوطن ِ عِبادة لماذا لا نمارس تلكَ العِبادة ؟ |
اقتباس:
وَ لماذا توقفت وَ هل هذهِ النهاية ؟ |
اقتباس:
walah sadakti bes elmechekla enou enas yali menchaghla bhik tfahat ou mawadi3 sathya 3am tet3amad hachi lahat telhi enas elbousata 3ama ouwa aham biktir ou henen yelhafou khirat hadenya ou i3ichou beljana ou henen bedenya bes ma rah itol hachi bala mou3jizat rah yetmarad echa3b wel ouma el islamya leanou edin mou hik kelou mantik ou 3aklanya bikafi nhakem el3akl la ne3ref chou esah ou chou elghalat u elmou3jizat ya rit tbalich bi falastine leanou jad haram yali 3am bisir batel |
اقتباس:
والشغله فعلا ما بدها معجزات متل ما نقال برد سابق .. بدنا عقل وبكون كتير منيح وخير من الله |
ببساطه لم يخلقها بحجاب لأنه لايريدها أن تكون محجبة.. لكن التخلف والجهل الأعمى نسبو إلى الله فروضاً لم يطلبها..
والأضرب انو البنات المحجبات وصلو لمرحلة يدافعو عن فكرة الحجاب دفاع مستميت.. طبعاً هالشي مشان يحسوا حالون صح ومايحسو انهون مختلفين عن البنات الغير محجبات.. الأخلاق والشرف غير مرتبطه بقطعة قماش توضع على الرأس وكم من المحجبات لا يتمتعن بأخلاق حميدة وكم من الغير محجبات يتمتعن بأخلاق رائعه وذلك نتيجة تحضرهم وفعلهم لقناعاتهم... طبعاً أنا لا أشمل الجميع هنا... |
اقتباس:
عزيزي ... إحنا شعب بلا صوت ... بأفواه مكممة ... مخنوقين .... دع رجل دين واحد يتكلم عن الأوطان المغتصبة ولن تجد مؤمن واحد ليسمعه ... أصبح الهرب هو الحل الوحيد لإكمال الحياة بشرف .... الناس تعيش ليس لأنها تريد الحياة بل لإنها مجبرة في انتظار الموت ... خلي الإنتحار يطلع حلال وهتشوف نسبة المنتحرين قديش هتكون .... اقتباس:
نحن لسنا قوم نائمون بل منومون ... حب الوطن عبادة .. هه ... ان كنا لا نمارس عبادة الدين بشكل صحيح فكيف تتوقع ان يمارس الناس عبادة حب الوطن ؟؟؟ |
اقتباس:
أنا ما بظن انو بعد كل هل الزمن هترجع صحوة الشعب ... الشعب صاحي بس مطنش ... -------------------------------------- عالهامش: ياريت تكتبي او انكليزي او عربي ... بس هاد الانكليزي المعرب صعب ينقرا |
اقتباس:
أنا مو مية بالمية بأيد هل الكلام ... كان حتى اللبس اقتصر نفس ايام زمان على ورقتين شجر بحجة انو الله خلقنا عريانيين فلازم نضل هيك وبعدين اذا بدنا نفكر بالموضوع حتى النساء ايام زمان ومنون مريم العذراء وكل الي كانوا معاها كانو يغطوا شعرون... الله أمر بالستر بس احنا عم نبالغ بتفسير هل الشي ... خاصة بالنسبة للأماكن الي بيفرض فيها تغطية حتى الوش ..... لكن صح انو الاخلاق والشرف ما بيرتبطوا بماذا نلبس ... بنرجع لنقطة انو الناس بلشت تشك بقناعاتها ... صار حتى الصح والغلط مشكوك فيهم... الصح عندك غلط عند الاخرين والغلط عندك صح عند الاخرين ... |
اقتباس:
|
اقتباس:
وقياسا عليه .. فالانسان لم يخلقو بملابس لانو لا يريده بثياب ولم يخلقو بحذاء .. لانو يريده حافي ولم يخلق معو بيت ( على شكل مرفق يعني بيجي البيت ) .. لانو يريده ان يعيش بالعراء ما قلتلك نظريه رهيبه :lol: |
اقتباس:
و عن فكرة الاخلاق و الشرف غير مرتبطة بقطعة قماش اكييد و انا معك في هذه الفكرة لانو كتييير في مجتمعنا بنلاحظ المحجبات عم يسيؤو لفكرة الحجاب و هذا ناتج عن تربايتهم و اخلاقهم...مش لفكرة الحجاب يعني العيب فيهم مش في الحجاب الله لم يخلق المراة محجبة...اجل لكن ترك لها حرية الاختيار في ان تتحجب...و كلٌ حر في اختياره :D |
اقتباس:
بعيدا عن مسألة الحجاب بأي مسألة الانسان أمامو الاختيار بين الصح والغلط ومابيجي مرفق بالصح دايما أو مرفق بالغلط .. وإلا ما كان في ثواب وعقاب وحساب على الأعمال .. :D اقتباس:
بس الحجاب مانو مجرد قطعة من القماش . . يعني المعنى أعمق من هيك والجملة الغامقة .. أكيد أنت حر بآرائك وأفكارك .. بس فيك بجملة وحدة تجرح مشاعر كتير ناس وتثير استفزازهن متل ما أنت مو مع فكرة الحجاب أكيد الباقي لازم يحترمك.. وأنت لازم تحترم يلي مع فكرة الحجاب لأن هنن حرين بمعتقداتهن وبرأيي ما لازم تسفهها :D |
اقتباس:
أنا مو مقتنعة انو الانسان مخير وليس مسير ..... مادام متل ما بيقولوا كلشي مكتوب وهاد قدر ولازم تشوفوا فكيف الانسان مخير ؟؟ |
الحجاب هو حجاب الروح عن القبح..هو حجب الدناءة عن أنفسنا ..هو سترة اجسادنا بالاخلاق والمبادىء العفيفة :)
الحجاب ولا مرة كان الهدف منه مجرد قطعة أقمشة تلفنا وقد تبعدنا عن الاخر..الحجاب أسمى وأرقى..لكن بدك ناس تفهم الحجاب بصورة اعمق وتعرف شو يعني حجاب قبل ما تتفلسف بالدين و يا اما تفرض الحجاب بالقوة يا اما توصفو بالتخلف..وبالحالتين بكون تصرف جاهل!! واكيد مش معنات وحدة محجبة يعني خلوقة وماشالله عليها وانو الغير محجبة ما عندها اخلاق..ولكن الاحتشام مطلوب ومرغوب في كل الديانات..لكن منرجع منكرر انو اسباب تشويه صورة الحجاب ناتج عن سوء فهمنا الو وللدين بشكل عام... :D |
اقتباس:
|
اقتباس:
حدا جابرك تختاري أي من الطريقين ؟ مو أنتي حرة بخياراتك ؟ مثلا : تدخني أو لا ؟ تآمني أو لا ؟ ...الخ بما أنو ما حدا جابرك تختاري شي فأنتي مانك مُسيرة القصة أنو " الله " بيعرفك شو رح تختاري من قبل ماتختاري مشان هيك كل شي مكتوب .. بيعرفك شو رح تختاري بس مو جابرك شو تختاري .. :D |
اقتباس:
*وآسفة عن الخروج عن الموضوع الرئيسي..:D |
اقتباس:
tamam fiha wejhat nadar ma3nata hik rah tlaki enou hata elkatel alah khalakou katel ou elmoujim aman fi chaghlat 3ama houwa mousayar fiha bes fi chaghlat elou fiha elkhayar |
اقتباس:
الإنسان مارح يمسك ويفهم الدين بصورة صحيحة لحتى كل واحد يعملوا عن اقتناع وليس الإجبار بحكم العادات والتقاليد ... لو احنا صلحنا هاد الشي من اساسو كلشي تاني بيتصلح ...لكن مادام الاساس ملعوب فيه صعب تروحي للنهاية وتصححي فيها هونيك .. |
اقتباس:
معلش خدوني على قد عقلي .... اذا كان القتل حرام والله بيعاقب عليه في الأخرة فيا ترى هل مكتوب على انسان معين انو يموت مقتول او كان مكتوب اله يموت طبيعي وبالصدفة (( بحكم المخير والمسير )) واحد اجا واقتلوا ؟؟؟ طيب اذا مكتوب يموت مقتول معناتها الله كتب انو فلان رح يقتلوا .. هل هاد الفلان كان مخير بقتلوا ؟؟ والنظام الكوني المتوازن انو في هل الوقت لازم فلان يموت مقتول او بحادث سيارة مثلا مارح يختل لو احنا فجأة قررنا بحكم انو مخيرين انو ما نقتل هاد الشخص ؟؟؟ طيب ... كيف حقيقي الله بيعرف اختياراتنا مسبقا ولا هو الي حطها من البداية واحنا عم نمشي على حسب ماهو اصلا مكتوب ... وليش لينكتب من بداية الخليقة ليش ما بينكتب في نفس اللحظة الي بيصير فيها الشي ؟؟؟ هل انت حقيقة مخير في انك تجيب أولاد أو لأ ؟؟؟ |
ممكن الرجوع لصلب الموضوع اللي طرحو كاتب الموضوع
فكرة الانسان مسير ام مخير لازمها جلسة خاصة لانو احنا نناقش موضوع حساس و متشعب كتير ... فياريت نحترم الموضوع :D |
اقتباس:
ou fi oumour ma hada elou ajweba 3aliha ila alah yali ma bne3ref lich ou kif bana hal3alam bhachekel ou yemken rah yeji elyoum yali rah nefham fih bes bedi kelek chi ktir mnih enou elwahed yebhat bes rah tet3abi ktir sadkini ou men ghir ma tlaki chi moukni3 tahyati |
المرأة لم تخلق بحجابها... لان شعرها ليس رمزاً جنسيا تخجل منة... ولأن جسدها ليس مسرحاً لتهيؤات شهوانية... لأنها كائن سامي... بشعرها... بجسدها... لانها فادرة على ان تكون فاضلة بالخلق والتعامل, دون حجاب يغطيها... لان سلوكها هو الحاكم وليس قطعة من قماش... ولأنها امرأة.............. لا عورة...
|
الاخ قصدو انو ليش الله ما خلق المراة بحجابا تيصيرو هالائمة ما كتير بياخدو يو يعطو عالحجاب و يلتفتو لامور اكبر من هيك مو ؟؟؟
ما كل هالشي من المراة الله وكيلكون ... مو بينقال المراة تلات رباع المجتمع ازا مو كلو ؟؟و زاا صلحت المراة صلح المجتمع ؟؟؟ |
اقتباس:
|
لبس الحجاب امر ديني يتناقض مع السياسة بين هلالين التنظيم المبجل عند بعض العوام
|
اقتباس:
|
اقتباس:
|
انو يا زلمي بربك بتسألوا هيك اسئلة..
انو يعني حدا بيعرف ليش انخلق حدا هيك وليش ما انخلق هيك.. ادا بدو يقعد الواحد يحلل بدو يكون بناءً على اشيا دينية واقوال موثوقة وكذا لنقدر نتوصل لجواب مش والله انا " برايي" لانو الله هيك فكر.. او لانو الله ما شاف بعدم وجود هالشي مشكل وما بعرف شو حاجة بقا حاجة.. تحاليل مبنية على لا شيء.. او اذا كانت على شيء فهي مبنية على نظرة شخصية مانها مبنية على اساس متين يدعمها .. وما بتزبط بهالحالة |
اقتباس:
تاني شئ مروة المعروف ان المراة خلقت للرجل و شو هو الشئ اللي يجذب المراة للرجل اذا ما كان الها مفاتن يعني اكيد انتي بتفهمي عليّ...قصدي المفاتن اللي تثير غريزة الرجل غير العورات...هلا الحجاب يحجب المفاتن عن الرجل لحتى ما تصير الاثارة... المغزى من لبس الحجاب عند المسلمين هو طاعة الله و ما بعتقد رح ناقش موضوع الطاعة لان هذا معتقد متلو متل كل المعتقدات...هلا ليش المسلمة تلبس حجاب رح تلاقي كذا مليون اجابة لان كل امراة مسلمة رح تجاوبك جواب حسب قناعاتها و ايمانها بهالشئ...ورح تلاقي كذا اجابة لمسلمة غير محجبة و اكيد الها راي في الموضوع و الها قناعتها بنحترمها هلا الحجاب رمز للاسلام...لمّا تشوفيه تعرفي دغري انو في هون اسلام...بس كمان انا ما بعرف كتير في الديانة المسيحية رغم اني بامن فيها بس ليش بشوف في كتير من الاخوات بيحطو طرحة فوق الراس؟؟؟ :D |
| الساعة بإيدك هلق يا سيدي 11:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون