|
مفارقات عجيبة!!!
:?
مفارقة1: لما البنت بنت بتسافر لتشتغل فهي خارجة عن المألوف .. لأنو البنت ما الها غير بيت جوزها .. و ما بيصير يكون عندها طموح ... بس لما الشب يسافر، فهو شخص قبضاي، عميحاول يبني مستقبلو و يحقق طموحو .... :? مفارقة2: لما البنت بتكون بالغربة، إذا طلعت مشوار مع حدا فهي فلتانة و ما عندها أخلاق، يعني مهما حست بالغربة و بحاجة لإنها تحكي مع حدا ضمن اي اطار منطقي بعيد كل البعد عن اي نوايا سيئة فلازم تنكتم و تنقبر و أكتر ما فيها تعمل انها تحضر اوبرا وينفري و دكتور فيل على ام بي سي 4 ... بس لما الشب يكون بالغربة، و بيصير يعمل السبعة و ذمتها و ما يوفر حدا، يعني حرام، الزلمة ضايق خلقو و حاسس بالغربة و الوحدة و لازم يفرغ طاقاتو الكامنة ... انو يعني لو كان ببلدو كان عمل هيك !!!! :? مفارقة3: لما البنت بيفشل زواجها و بتنفصل عن زوجها لأي سبب كان، يا حزركن شو أول كلمة بتنقال عنها: "أبصر ليش اتطلقت" انو يعني ما بيكون الحق غير على البنت "المرأة" ؟؟!!!؟؟ انو يعني يعني اذا زوجها كان ابن حرام ضروري هي تتحمل ؟؟؟ بس لما الرجل يطلق ... بيصير ضحية من ضحايا المجتمع .. انو حرام .. مرتو ما جابتلو ولاد و نكدت عليه عيشتو ... الله يعينو .... :? مفارقة4: عطفاً على المفارقة السابقة ... لما المرأة بتكون مطلقة، فهي هدف لكل المحاولات الدنيئة لاصطيادها ... لأنها طريدة دسمة من مبدأ انها مطلقة و وحدانية و بدها حنان ، و اذا طلعت مشوار الله يستر، و اذا حكت مع حدا يا لطيف، انو يعني ضروري تقبر حالها بالحيا ؟؟؟ بس لما الرجل بيكون مطلق، فهو من حقو انو ينطلق و يبحث عن حب جديد، حرام خلوه يعبي فراغو العاطفي. :? مفارقة5: لما المرأة "بتطلع" مع حدا خارج اطار الزواج (و كلمة بتطلع تتحمل أوجه عديدة يعني يمكن مشوار و يمكن أكتر) فهي (مع كامل احترامي) ساقطة بنظر الشريحة العظمى ... بس لما الرجل بيطلع مع دزينة من النساء خارج اي اطار، فهو ذكر (يعني قبضاي) .. و الرجولة منه براء ... |
ببساطة ...
بتقدري تختصري كل المفارقات الخمسة اللي كاتبتيهم بجملة مجتمع وعقلية ذكوريان بامتياز ... |
المحتمع العربي اليوم هو عبارة عن مجتمع ترسخت فيه القيم الفكرية والاجتماعية الغلط والسبب الرئيسي بيرجع للتطبيق الأديان بشكل سيئ ومتخلف.. وهاد السبب الرئيسي لتحول المرأة لمكان استعراض لرجولة الرجال.. لأنها ببساطه آخر حصون الشرف العربي لأنو مافي مكان تاني يثبتو وجودهن فيه غير على حساب النساء...
|
اقتباس:
|
اقتباس:
|
ميرسي عالرد وبتمنى كلياتنا زكور و اناث يكون النا هدف اسمى بهالحياة بلكي بينعدل حالنا شوي و منصير مجتمع اقوى |
اقتباس:
اقتباس:
بس بتاني رد وضحت اكتر فكرتك من خلال الكلمات اللي لونت لك ياها . بحسب اللي انت شايفه ان التطبيق السيء للدين هوي سبب مشاكلنا ... وتحميل المعنى للنصوص هوي سبب مشاكلنا ... ووضع التشاريع على كيفنا هوي سبب مشاكلنا .. بس نسيت نقطة .. ان التطبيق " الغلط " متل ما انت سميته للدين ما صار قبل يوم وليلة حتى تجي تقول انه هاد هوي سبب التخلف تبعنا . كان منذ وجود الدين ومنذ وضع التشاريع سارية المفعول وبفس الطريقة ... فشو عدا ما بدا ؟! تاني شي ليش دائما منحاول نحمي الدين ونمنعه من المحاسبة ونحمّل الاخطاء كلها للبشر التابعين اله والمطبقين تشاريعه ... خصوصا وقت بكون بين ايدينا تشاريع واضحة وضوح الشمس ما بدها 2 يحكوا فيها فأي تطبيق غلط للتشاريع ... مثلا : في تقسيم ورثة الميّت .. النصوص كتير واضحة وما بعتقد في " تطبيق غلط " فليش معتبر العطل من العالم اللي عبتطبق التشاريع الإلهية وما عبتجيب شي من عندها ؟!!؟ والمجتمع اللي واصفته الاخت بالمفارقات ليس مجتمع خاطئ دينيا وهوي مجتمع " متمسك " بالقيم الدينية فليش اعتبرت العطل من العالم بتطبيق واحلال هاد النوع من المجتمعات ... بيكفي لهون حكي . |
كابي حبيبي أنا هاد الرد رديتو بموضوع بالصالون... وبتخيل انو انت تحديداً لازم تعرف انو الرد نوعاً ما منمق ومزبط بشكل ما يلاقي هجوم ويستمر النقاش بدون فتح مواجهات دينية وهاد السبب يلي خلانا حمل التطبيق تهمة التخلف :frown:... بالنهاية انت أذكى من أنك تحاول تخليتي جاوب بشكل يفتح علينا بواب مشاكل ماصرلنا مسكرينا كم يوم... وانت تحديداً بتعرف شو وجهة نظري بالموضوع.. فما تحاول ترسم معي لأنو نحنا يلي لوننا السما أزرق...:larg:
|
اقتباس:
بس لما بدك تدخل تحمل الدين كل القصة او بالأحرى " تطبيق الدين " كل القصة لازم تكون بالمرة الجاية محضر رد اكتر من هيك لأن رد واحد ما بيكفي .... وفهمك كفاية .. " بس ما حبيتا هي تبع السما والتلوين .... " |
مين فينا فيه يلوم او يحاسب الدين؟اكيد ما حدى واكيد نحنا يالي منطبق الدين و منؤوله بطرق غلط و الموضوع الي طرحته ما قصدت فيه الدين لان لا انا و لا اي حدى فيه يناقش فيه بس اللفتة الي قصدتها ليش منطلع على امور الحياة البسيطة و منعمل منها قضية؟ يعني سياسة الكيل بمعيارين عحساب الحياة عم تتطور فليش بتوقف عنا بهالتعقيدات؟ بدي ينفهم من كلامي انه لازم نمشي الامور بموازينها الصحيحة وان كان بدنا نبدي فالدين و المنطق اقوى من العرف السائد الي و للاسف بحالات كتير بعيد عن الصح وهالشي بياكده لما مواضيع حلال و منقول يييي لا تعمل هيك عييييب و بالنهايه ميرسي لردودك |
اقتباس:
|
يا ريت كان ردك مجهّز وحاضر بشكل افضل من الرد تبع توضيح خيوط " نظرية مؤامرة "
_____________________________ قرب لوشوشك " ما كأنك عاطي لحالك أهمية زايدة شوي " |
اقتباس:
|
شباب روقونا :sly:
|
مافي شي الموضوع كلو مزح بس بصيغة الجد... :larg:
|
الظاهر الشباب جايين يتمرجلو على بعض
|
اي لانو نحنا عايشين بمجتمع ذكوري متخلف ومتقوقع وبيعتبر الالة هو الذكر والانثى هي الآثمة...
|
اقتباس:
|
كل المفارقات الي انذكروا .. لازم ما يتم التفريق فيهن بين الشب والبنت ..
بس طبعا .. ما بحب مساواة البنت للشب .. او الشب للبنت .. لانو كل واحد منهم انخلق بصورة ثانية .. يعني عمل ومقدرة الشب مو مثل عمل ومقدرة البنت .. لهيك الاثنين بكملوا بعض .. وكل واحد فيهم ضروري للثاني .. |
اقتباس:
|
هلئ نحنا ما بنقدر ننكر أنَ مُجتمعنا ذكوري وَ حق الأنثى مَهضوم مقارنة ً بالذكر لكن يا عزيزتي هناكَ أعراف وَ تقاليد لأي مُجتمع كان فنحنُ تربينا في مُجتمع لهُ أعراف خاصة وَ عندما تقارن الأنثى الشرقية نفسها بالأنثى الغربية تجدُ أن لا حقوقَ لها مقارنة ً بغيرها وَ لا تستطيع الأنثى أن تثور ثورة ً واحدة وَ تقول " لا " وَ إلا فقدتْ عائلتها وَ أصدقائها وَ أحبائها كلُ ما أستطيع قوله أنَ رياح التغيير لا تأتي دفعة ً واحدة وَ إلا كُسِرَ الغصن مُجتمعنا بـِ حاجة لـِ مَزيدٍ مِنَ الرُقي وَ تـَعلم مَفهوم الحَضارة وَ الأهم مِنْ كُل ذلك " الإنسانية " تحياتي :D |
نوار... يا صديقي ما عندي اي اعتراض علي عم تقولو... انا تربيت بهيك مجتمع ومضطرة اني حافظ على العادات والتقاليد على قد ما تمردي وغضبي وثورتي بيسمحولي... زمشان ما افقد عيلتي واصدقائي واحبائي... بس بتعرف وين بتصير لمصيبة؟؟؟ لمصيبة بتكون ازا انا بدي ربي بنتي بحسب العادات والتقاليد والموروثات البالية يلي انا تربيت عليها... مشان هيي كمان ما تفقد احبائها بالمجتمع..... ساعتها بكون عم اكد استمرارية الشي وبكون وحدة من حلقاتو... وانا مش ممكن اسمح بهشي ويستحيل اني ادعم فكرة انو الوحدة تربح عيلتها وناسها واقاربها وبالمقابل تخسر نفسها...
|
اقتباس:
هلئ بالنسبة النا نحنا ما بقى نقدر نخرج مِنْ بوتقة الأعراف وَ التقاليد وَ إن خرجنا مِنْ هذهِ البوتقة نخرج منها بحذر وَ بأساليب مُعينة بالنسبة للجيل القادم يا مروى لا نستطيع أن نربيهم على ما تربينا عليه من أعراف تقاليد ذلكَ لأنَ العالم وَ المُجتمع كلهُ يَتغير وَ نحنُ مازالنا نتغير وَ تأكدي أنَ أصدقائهم وَ أحبائهم لن يهجرونهم أو يَنبذونهم ذلكَ لأنهم مِنْ صِغرهم قد كونوا المجتمع الخاص بهم وَ انتقوا أصدقائهم بحسب ما يُناسبُ تفكيرهم صَدقي لو أنَ المُجتمع يؤمن بـِ الإنسان الأعلى لما اتخذ هكذا أعراف وَ تقاليد تميز الذكر عَن الأنثى ,. |
اقتباس:
|
اقتباس:
انا مع اعطاء المرأة حقوقها .. بس المساواة في كافة الامور ما بعتقد انو رح تصير .. لانو مثلا .. لو بدنا نساوي المرأة للرجل .. لازم الاثنين يشتغلوا نفس المهمة ويوخذوا نفس الوظائف .. مثلا .. المرأة ما بنشوفها بتشتغل في الاشغال الشاقة .. مثل البناء او المحاجر .. او حتى بتحارب في الجيش وبتتعرض للخطر .. لهيك على حسب رأي المرأة ما بتقدر توخذ كل الاشياء الي بحصل عليها الرجل .. مثل القيادة مثلا .. لانو طبيعة المرأة ضعيفة في شخصيتها غالبا .. لهيك القيادة دائما بتكون للرجال .. وبعدين ليش انتي بتشوفي التعامل مع المرأة من نظرة سلبية وبس .. يعني مثلا .. في فرق بين ما اسمع انو اخي انسجن او انضرب او صار اله مكروة .. وبين ما اسمع انو اختي وقع فيها نفس الشي .. فليش يعني ما في مساواة في هالشي كمان .. نظرتنا للبنت انو لازم نحميها ونساعدها في كلشي .. ونتحمل اخطائها .. وندافع عنها .. |
اقتباس:
كلام سليم .. 100% .. بس مو لازم نوخذ كلشي من الغرب .. |
يا اخوان ... الموضوع مو على المساواة بين الرجل و المرأة ...
الموضوع على ظلم المجتمع للمرأة بشكل دائم بسبب اعراف عتيقة مربوطة بالدين و العرق ... و لازم نتخلص منها بشكل تدريجي ..و مدروس ... |
بتفق مع هذا الكلام بس مو السبب ذكورية المجتمع فقط انما خنوع المرأة وخضوعها
اذا المراة عندها اصرار تبنى شخصيتها المستقلة وفق حريات تضعها لنفسها راح تقدر بس تتحمل بالبداية اضطهاد ومواجهات جبلية و بيتوقف الامر ع اكون او لا اكون وصدقونى ع الرغم من معارضة المجتمع للمرأة االمستقلة باراءها وشخصيتها الا ان المجتمع بيكن فى ذات الوقت الاحترام لكل ما هو مختلف |
اقتباس:
|
اقتباس:
مروى !! يعني انو تكون المرأة قاضية بتسميها مساواة .. انا ما قصدت انو تكون قاضية او موظفة عادية .. لانو القاضية والدكتورة وكل هذه الاشياء بأمكان المرأة وصولها بدون اي اعتراض .. يعني انا ما شوفت حدا بعارض انو تكون المرأة قاضية او دكتورة .. لانو هي من المجتمع .. انا الي قصدتة الوظائف الصعبة على المرأة غالبا .. يعني مثل رئاسة دولة .. قيادة جيش .. يعني حتى باميركا .. هيلاري كلينتون .. ما تم اختيارها بس لانها مرأة .. مروى .. بس سؤال بسيط يعني .. يا ريت توضحيلي اياه .. كيف بدك تكون المساواة بين المرأة والرجل .. !! يعني ممكن اعرف شو هي الاشياء الي مظلومة فيها المرأة ..!! |
اقتباس:
و نفس الشي على زواج الارملة مقابل زواج الأرمل من جديد ... هذا هو برايي احد اهم اسباب التفرقة بمجتمعنا |
اقتباس:
يعني الصراحة .. انا ما بعرف انو نظرة المجتمع للمطلقة غير عن المطلق .. او الارملة غير عن الارمل .. لانو المطلقة والمطلق والارمل والارملة .. بقدروا يتزوجوا .. ان كانوا صغار في الجيل .. يعني انا بعرف كثير مطلقات بتزوجوا بعد ما يطلقوا .. وكمان مطلقين .. على فكرة .. يعني انا بشوف انو في الحياة الزوجية .. المرأة اهم من الرجل .. طبعا مو بكثير يعني .. |
راودتني مفارقاتك كثيرا أيتها المتسعة ضيقا كنت أعود للبيت وقد أُنهكت الساعة تثائبا والحر يطرد الدجاج من ريشه فمابالك بالناس داخل بيوتهم المسوَّرة / ستائر! والكهرباء امتصتها يدٌ خفية,فلا مراوح ولا قشر خيار بارد عندما ضاقت البيوت شهيقا وزفيرا.. لفظتْ ساكنيها... / طبعا / من الرجال فقط , المفارقة ان المرأة اذا ما لاحت خصلة من شعر ظلها خارج أسوار البيت المسكون بجهنم سوف يحكم على ظلها بالبتر |
اقتباس:
wa moutajhalef wa hamaji wa mou3akad wa mejhou bedou tahwya ou bedou i3adat taehil 3akli ou fikri ou takafi |
على أُنثانا الا تطالب بمساواتها بالرجل
عليها ان تبحث عن حقوقها المتفردة بذاتها هي تختلف عن الذكر وحقوقها تختلف ايضا هكذا قالت لي امراة فاعتنقتها حباً |
[quote=ارسلان;1066535]
اقتباس:
an tabhata chey wa an toutaha laha elfoursa liatjida chey akhar ou sawa habitou am la fa elmoujtama3 edoukouri ma bifid la eniswan wala lerjal اقتباس:
akid bes hal wajada erajoul el 3arabi houkoukahou elmara habet kerhet 3eycha taht jnah erejal fama baloukoun taht jnah moukabal maksour |
مرحبا
مع احترامي لجميع الاراء اللي انكتبت بس انا شايفه انه الانثى ماخده حقها وزياده بس هادا ما بيعني انه كل الاناث ماخدينه بس النسبه لكبيره ماخدتو وكمان اكتر من الذكور وبالنسبه للمساواه اكيد ما في ولا يمكن يكون في مساواه لانها انثى وهو رجل:jakoush: |
اقتباس:
|
اقتباس:
|
اقتباس:
بالأول بتهتم الوحدة وبتنقهر وبتكون مهتمة لإرضاء الناس وتثبتلهم عكس هالفكرة بس فالج لا تعالج أحسن شي أنو تصير مو فارقة معها وما كتير لازم يأثر عليها هالآراء المتخلفة |
| الساعة بإيدك هلق يا سيدي 02:12 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
