|
. . . كيفَ يقبلُ العقل هكذا خزعبلات ؟!
في العام 1985 كنتُ طالباً في الإبتدائية وفي ذلكَ العام ظهرت حكاية ٌ مفادها : " أنَ هناكَ شخصاً حلفَ كاذباً فمسخه ُ اللهُ وتحولَ إلى ثعبان " وكانَ باعة الجرائد يبيعونَ صورتهُ بمبلغ خمس ليرات وهو مبلغ مرتفع آنذاك أنا اشتريت صورته صادف في العام 1990 أنني كنت قد ذهبتُ إلى السينما مع مجموعة من الزملاء في المدرسة " كنا هربانين " وكانَ يعرض فيلم عن ترويض سكان الفضاء كانت الصورة تلكَ هيَ صورة ٌ لشخصيةِ رجل ٍ فضائي يروضهُ الكائن الأرضي الإنساني فكيفَ تمرُ هكذا خـُزعبلات على عقول ِ الناس؟ . . حدثونا عَن آخر ِ الخـُزعبلات |
كان عمري حوالي 6 سنين
قالتلي بنت خالي شغله .. انو " الجن " بيظهر على أكتر من هيئه .. خصوصي على هيئة "بسه " وقال كيف ببين .. لما نشوف بسه نطلب منها تعمل أكتر من حركه بس بعد ما نحلفها .. مثلا أقسمت بالله عليكي تمشي .. اقسمت بالله عليكي تنطي .. وهكذا .. فـ بيوم شفت بسه وحبيت جرب هاللعيه وقول للبسه امشي ... تمشي قول للبسه وقفي .. توقف:? قول للبسه نطي على الدرج ... تنط :cry: هون انا بطل فيي عقل .. ومتل الصاروخ لعند امي على اساس شفت جن هلأ صراحه ما زلت بخاف من البسس .. وبصراحه كمان ..ما عندي استعداد نهائي ارجع كرر اللعبه مره تانيه لانو إذا رجع تكرر نفس يلي صار .. ما رح تتغير عندي ردة الفعل على الاغلب ملاحظه صغيره : مو لازم يكون في منطق بالشي لنصدقو .. بتصير الحياه كتير ممله إلك :D |
اقتباس:
أنا بزماني حضّرت الجن شخصي  و إذا ما بتصدقي شوفي الطريقة هــــــون |
اقتباس:
قريبة على قصتك انو وحدة مدري شو عملت ام الله مسخها لحيوان على شكل انسان وانباعت الصور وانتشرت على الشبكة العنكبوتيه بعدين طلع هاالشي مشروع تخرج لطالبة نحت باحدى لدول الاوروبية |
في إشاعة أنو في فيروس عم ينتشر جديد , عم يحول البني آدم لكلب ..
فا بقا ألله يستر .. ( حدا يقرا المعوزات و ينفخ ) |
والله انا مابسدق شي حتى شوف بعيني كل هي القصص.لحتى شوف حدا الله مسخو وحولو لقرد او لأي حيوان تاني ساعتعا بسدق
|
بس انا اللي يعجبني شلون تجي ببال مؤلف هكذا اشاعة تأليفها و نشرها
يعني بالعربي ....... ما هو الغرض ؟؟ |
اقتباس:
أنا أتكلم عن تجربة شخصية فقط أنا أتكلم عن تجارب مُجتمع تربينا على الخوف منَ الجان وَ الأشباح وَ لا أدري مَنْ ؟ مُجتمعنا مازالَ عقلهُ عَقلُ طفل وَ الطفلُ أشجع ,. |
اقتباس:
تعجبني السخرية اللاذعة التي استحضرتَ بها أرواحَ أؤلئكَ الدجالين موضوعكَ يضعُ اليد على الجرح :D |
اقتباس:
ألم تسمعي يوماً بـِ إرهاب الفكر إننا ضحاياه ! |
اقتباس:
ينفخ على شو :lol: |
اقتباس:
كل فترة وَ فترة نسمع بهكذا أكاذيب مُغرضة هل سَمعتِ بحورية البحر التي رأوها في الخليج وَ هناكَ واحدة أيضاً في أندونيسا ! |
انا بتزكر وقت كنت بدرس بالصف السابع قال انو في صبية شافت امها تقرا قران قامت حملت المصحف وكبتو او مدري شو عملت فيه فتمسخت وبتزكر وقتا نشرو صورتا بكل البلد وحتى عالانترنت
------------------------------------- بيني وبينك هيي يمكن خزعبلات بس انا بخاف كتير من هيدولي القصص >>> يعني ازا ظللي وبخاف منو فكيف مارح خاف من هيك اشيا الله يستر |
اقتباس:
الغرض واضح الترهيب أو لفت أنظار البُسطاء إلى أشياء تافهة لـِ يَنسوا جريمة تـُقترف بـِ حَق ِ أوطانهم رُبما هذهِ دعاية مُنظمة ! |
اقتباس:
يا صَديقتي نحنُ لا نريد العَبث بـِ كِتابِ أحد نحنُ أمامُ مُعضلة وَ هيَ جَهل المُجتمع لـِ تفسير الظواهر الخارقة التي تحصل عَلى الأرض ربما أصابَ تلكَ الفتاة مَرضٌ ما فاستـُغلتْ إعلامياً مِنْ أجل الترويج لـِ موقع أو قناة أو صحيفة ما رُبَما ! |
اقتباس:
بس عالاكيد هالخزعبلات صارت بكل المجتمعات العربية او الغربية والحل الوحيد لنتخلص منها انو الانسان يكبّر عقلاتو ومايفكر بجهل شووكرا |
هي اكتر قصة ضحكت عليها
شي حلو كتير يعني المؤلف شي كتير رايق لا وشو بيعرف بانو مشفى بس انه ليه نقلوها على المشفى ما فهمت :o :larg::larg::larg::larg:  |
صراحة .... تافه الي ممكن يصدق هل الغزعبلات .....
يعني انا انسانة كتير بأمن بالله وانتقاموا بس هو وعد بالعقاب في الاخرة مو على الارض ولو هل الكلام صحيح كنا شفنا كتيير من هل الاشياء علانية |
والله في كتير خزعبلات وحكي فاضي..:lol:
متلا انا ستي (هية وجاراتها الختيرّية متلها) كانوا يقولولي ما تاكلي لبان (علكة) بالليل قال عم تمضغي لحمة الاموات :? وغير عن هيك ما كانت تخليني اتفرج ع حالي بالمراية بالليل :shock: الله وكيلك ع قد ما بحب ستي (الله يرحمها) وبعرف قديش قلبها طيب بس انو كنت لما أروح أنام عندها كنت اسمع اشيا منها ومن ختيرية الحارة غريبة عجيبة يصير عقلي يلّف!! اروّح احكي لأهلي يصيروا يضحكوا :frown: |
إي إي رح احكيلكن قصة صارت معي شخصيا:larg:... إي مرة أنا ورفقاتي شفنا "جن" بالطريق:yahoo: وسلمنا عليه بحرارة:deal: (لأنو من زمان مو شايفينو) وعزامناه على كاسة متي ولعنبنا معو تركس وطرنيب:larg: (إي وحياة ولادي شو إلي مصلحة كذب عليكن أنا..) بس بعدين لقطناه وهوي ميطلع قص الكوبة من كم القميص...(إي وحياتكن:angel:) وعملنالو قتلي حشك ولبك:adal:.. وتبهدل البهدلي العجيبي يومها:gem:...(ما عم زل بحرف:angel:) يعدمني الشعب الفهمان:lol: Bay |
اقتباس:
اقتباس:
واهم شي عندون انو انا وانت ما نشغّل مخنا ونفكر لانو بوقتها ما عاد فيهون يتحكمو فينا.. واذا الواحد درس مجتمعاتنا منيح رح يلاحظ انو هالظاهرة موجودة بالدين والسياسة والأدب والعلم....الخ الخ وليكو اللامنتمي اعطاها المصطلح الصحيح - ارهاب الفكر- |
ما بتمرق عليي هيك خزعبلات..نهائياً..لانو لما ينقال هيك شي رح بطلب اثبات ملموس ومؤكد..سواء كان اثبات مرئي نظرياً او بالعقل كـ تفسير .. قالوا من فترة انو تعو شوفوا في اسد عم يلفظ اسم الجلالة فـ انا قلت لرفقاتي كلو كذب.. قالتلي بنت انو ليش كذب ، الله قادر ..قلتلها انا ما عم شك بقدرة الله انما عم شك بـ مدى صـحـة ومصداقية الخبر قالت اسمعي صوت الاسد..قلت طيب بنمشي معكن وبنسمع..سمعت صوتو..واضح في فبركة بالقصة انا شرحت بوقتها وجهة نظري وهون بقولها..هيك قصص انو اسد لفظ اسم الجلالة..والخ.. ما بتمرق عليي..مو تشكيك بقدرة الله.. انما معرفة بـ استغلال الناس.. للمعلومة من ورا هيك شي عم يربحوا مبالغ طائلة..بذكر مرة انحكى قصة انو مدرب حيوانات قال تعو شوفو يا ناس هالمعجزة واللي هي (قطة الها جوانح) فعلاً الناس شافت القطة واستغربت انو الوبر على جسمها يشكل شكل جوانح..اُكتشف لاحقاً انو المدرب مفبرك القصة من خلال انه ازال وبر القطة "الاصلي" وصار في عملية قص ولصق للوبر المـُـزال ، يعني طلع انو المدرب هو عامل شكل الجوانح للقطة عن طريق لصق الوبر يللي ازالو من مكانو الاصلي ..وربح من ورا هالكذبة مبالغ كتير من ناس اجت لتشوف "هالمعجزة المزعومة" يللي هني صدقوها بحقيقة الامر كلو بالعقل .. لذا..ما بتمرق هيك قصص |
هي صارت مع ابي وخالي .. لما كانو اول شبابون كانو بدون يروحو سوا من ضيعة لضسعة ومن زمان ما كان في لا باصات ولا سرافيس فراحو مشي وبما انو الشجر معبى الطريق ضيعوا بغابة واجا الليل. هلق هني خافو لانو بقول اهل الضيعة انو بهالغابة بيجتمعو الجن فخطر ع بالون انو بدون هني يعملو جن من شان الجن التانيين يخافو!! وفعلا شعلو نار وبلش الغنا والزلاغيط والصريخ والتهييص بهالغابة لطلوع الضو . تاني يوم وصلو ع الضيعة وكل اهل الضيعة بقسموا بكلشي مقدس انو الجن عملو عرس للصبح وانو عملو هيك وهيك بالناس المارة وماسلم حدا من شرون وروح اسال ابو فلان يلي كان هونيك وفلان يلي شافون بعيونو وانو وانو ........ وابي وخالي قاعدين مذهولين انو والله هني مو لهدرجة فظعوا:cry:......... شو رايكون:shock:
الشغلة ما بدها غير واحد عندو خيال واسع وشلةناس ما بتفكر وبتصدق كل يلي بينحكالها وما بتقصر بنشرو.. |
اقتباس:
ما ننسى ضمن هذه السلسلة ... ظاهرة انشر هذه الرسالة عشر مرات وطبعا الترهيب ة الترغيب من خلال هذه الجمل ... فلان مات ابنه لان اهملها ... و فلان بعثها لعشرة اصحاب وربح الجائزة الكبرى !! و هذه الرسائل تاتينا من المتعلمين و غير المتعلمين .... من الجميع ! حبذا لو نغير الشعار ..... العلم نور و الجهل ظلام .... الى ... الثقافة نور :D |
اقتباس:
حلوة هالقصة ع فكرة :lol: اقتباس:
بس كمان انا بحط احتمال آخر هوّ.. انو ممكن هالناس تكون ما عم تفكر باللي انقال لانها بتخاف يطلع معها انو هالحكي غلط ليش بتخاف يطلع الحكي غلط ؟ :? ببساطة لانو في ناس رح يقولو للي بيقول انو هالحكي غلط..رح بيقولولو انت عم تكفر بقولك هيدي مش معجزة وعم تكفر بالقول انو هيدي كذبة وقصة مفبركة..وانك بهيك بتكون عم تشكك بقدرة الخالق و و و ... فـ بتصير الناس تخاف تفكر بالحكي ليقوم يطلع معها غلط..وتطلع كافرة ع هالحال بنظر الغير :frown: |
اقتباس:
|
اقتباس:
ومابسدق هيك شي ابدا حتى شوف |
ييييييييي كتير صار معي خزعبلات ,,,وكنت صدق كمان ,,,:oops:
هاد وانا عمري تقريبا 14 سنة صاحبي قلي انو في بنت صاحب ابوه قال راكبها جن,,,وقال هاد الجن مش من النوع السيء ,,,,:o قال من النوع المحترم وهيك مفيد قال ما بيأذي و كان يغششها بالامتحانات ,,,:shock: لأا وقال انا صرت وقتها ادعي انو يارب يركبني واحد هيك محترم متلو مشان بس وصل توجيهي قال يغششني وجيب الاول عالمملكة ,,,:o اي وهاي احد الخزعبلات واللي صدقتها من كل عقلي,,,,:pos: |
والله صاير معي مقالب من ورا هيك قصص بتذكر لما كنت بصف التاني سمعنا أنا وأخي من رفقاتنا بالحارة أنو في ناس شافوا أقزام عالجبال :o وصار كل واحد فيهم يزايد بالأخبار اللي سمعها من ولد تاني .. وهيك مشيت القصة والنهفة أنو على أد ما كنت أنا آخدة القصة جد وعم بفكر فيها شفت قزم بمنامي بس طلعت براس أخي المسكين :lol: .. لأنو كات لساتو نايم لما أنا فقت من النوم .. وعلى أد ما كنت مستعجلة لأخبرو المنام قمت لكزتو بإيدو وقلتلو "لك قوم .. أنا شفت القزم ...... " ولسا ماخلصت جملتي ولسا أخي ما عرف أنو منام .. ما شفتلكم غير أنو قام المسكين ونط وصار بالسقف من الرعبة :p وأنا ضليت أضحك ساعة من هالشوفة :larg: شكراً كتير على هالموضوع الحلو اللي رجعنا لذكرياتنا الحلوة :D:D |
اقتباس:
ههههههههههههههههههههههههه هههههههههههههههههههههه 10 دقائق الي بضحك بالزبط ههههههههههههههههههههههههه ههههههههههههههههههههههههه ههه كم جبت المهم ؟؟؟ برجع اعطي رأي بكرا لاني نعست هلئ و بدي نام :larg: |
اقتباس:
جبت الاول عالممكلة بس من النص ,,,,:o |
تحيه كبيره لكل الشبيحه الموضوع عجبني وانا راح احكيلكون تجربتي بمتل هيك قصص
قصتي انو انا و صغير شفت واحد اعرج بلطريق امت انا صرت امشي متلو و متل كأني عم اتمسخر عليه ابي كان معي ما ضربني بس الي ليش هيك عملت ما بتخاف من الله انو يعملك متلو .. وانا من هداك اليوم ما عاد استرجيت اني اتمسخر على حدى و حياه الله كان عمري يمكن 7 سنين و لهلأ ما بنسيها يعني الخلاصه احيانا هل القصص بتفيد بتربايه الطفل و شكر كبير لصاحب الموضوع |
انا كانو يقلولي اذا ما بتحفظي بيجيكي ابو رجل مسلوخه :cry: وانا بلش ابكي واتخبا تحت الكرسي :cry:
هالشي يمكن عمل عندي رد فعلا لاني تخرجت من الجامعه وانا لسا مو حافظة جدول الضرب وما بتذكرو الا بطلوع الروح :lol: |
غــــــرررفه الـفيرااااان :ss:
|
كانوا يقلي صديقي ... لا تصفر بالليل .. حتى ما يطلعولنا الارواح الشريرة ...
بس انا على العناد كنت اصفّر بالليل ... و ما طلع لي :larg: اقتباس:
|
اقتباس:
وكان جدي الله يرحمو يقلي لا تتمري (تتفرجي ع حالك بالمراي) بالليل لانو بتفيقي الصبح بيكون طالعلك دنب :oops: |
نحنا لما كنا بالمدرسة الاعدادية كان منتشر عنا انو في يد حمرا كل من بينزل عالساحة يللي ورا الملعب بالمدرسة بتخطفو....كنا نخاف صراحة بس برضو كنا ننزل وما يصير شي ...بس ضلو مصرين انو في يد حمرا وقال انو عم تعطينا فرصة لننفد بجلدنا....
|
عصابة الكف الاسود .... وصلت لمدرستك :o
|
يعني عم نقول كيف يقبل العقل هكذا خزعبلات
المفروض بالعنوان . أنو بيسأل عن عقل كامل طبيعي بس من سير الموضوع من لاحظ أنو الخزعبلات يلي صدقها العقل . كانت بمرحلة الطفولة والموضوع صار حكيلنا شو كنت مصدق خبزعبلات بصغرك أما عن هيك قصص فهية كتيرة . وشي طبيعي تصير مع براءة الأطفال وحدودية تجاربهم بالحياة |
يا اخي ... ما تنسى هذا الحكي سامعيه الاطفال من اهاليهم او من اجدادهم .... و يعني ممكن تلاقي اهل مصدقين فيه فعلا ...
|
| الساعة بإيدك هلق يا سيدي 06:05 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون