|
اول مرة بعمل هيك شي
مرحبا شباب وصبايا انا جديدة كعو بس من زمان بتابعكن
حابة اخد رايكن بشغلة انا من فترة شي 7 شهور تعرفت على شب على النتوكان كتير كويس وهيك ضلينا شي شهرين وبعدين حكينا على الهاتف وبسبب البكلوريا انقطعنا ولما خلصت رديت حكيت معهوانا ما بعرف شو اعمل انا ما بحبه بس هو اول شخص بتعرف عليه بكل حياتي وبيفهمني كويس نحنا بس اصحاب انا اهلي كتير واثقين فيني ولما خبرت البابا (قبل ما نقطع الحكي مشان دراستي) زعل كتي انا حاليا عم حاكيه من ورا ضهر اهلي وكل احاديثنا بريئة وهو مو طالب مني اي شي حتى انو ما طلب يشوفني الامرة وحدة ولما رفضت تركني على راحتي ما بعرف شو اعمل واذا عرفو اهلي شو رح يصير بكفي احكي معه ام لاء بليز دلوني شو اعمل |
ليش اهلك ما بدهن ياكي تحاكيه؟
|
شو قلك؟؟؟؟
يعني ما دمتي ما بتحبيه وفيكي تستغني عن علاقتك معو فالافضل انو تردي عاهلك وصدقيني بعدك صغيرة يعني فيكي تتعرفي عكتار وفيكي تكوني صداقاتك بشكل اعمق وتكوني اكثر وعي. بما انهن بثقو فيكي ما تخلي الثقة تروح عولا شي لاحقة يعني |
انا برأيي انو لا تكفي
علاقات النت بين شب وبنت علاقات فاشلة من أساسها بس انو ليش حاطة الموضوع بالتشريفات .. |
مممممممممممممممـ
علاقات النت 99.9 فاشلة و الواحد بالمئة ضريبة الفشل أقلك شي كمان ما تستعجلي ممكن يكون كتير منيح كتير كتير كتير بس لو قابلتي ع الواقع ما يكون هيك أو ما يفهمك متل ما بفهمك ع النت لان الشخص لمن يكون قدامه شاشة و كيبورد بكون مساحة التفكير عنده أوسع من لما يكون ع الواقع بقدر يفكر بالشي الي رح يقوله و بشوفه أكتر من مره و بقدر اذا بنفع او لا فما تحكمي انه هو كتير منيح و كتير طيب ع فكره أنا بحكيلك عن تجربه و بالنهاية الشخص الوحيد الي خسر هو أنا فما تستعجلي بشي و إعرفي أنه العمر لسا ئدامك طويل إنتِ لسا ما دخلتي جامعة حياتك قبل الجامعة شي و بعد الجامعة شي تاني تماماً و إعرفي شي إنه اذا الك نصيب بشي بتاخديه لو كان أبعد من أبعد شي و انه لو مالك نصيب فيو فلو شو ما عملتي ما رح تاخديه ;) هاد رأي و ديري بالك ع حالك كتير لانك غالية و ما بتستحقي أي شي :D |
حاكيه طبعا شو فيها
|
حطي عقلك براسك تعرفي خلاصك:larg:
|
من شهرين تعرفتي عليه و صعر بيفهمك كويس:shock: ؟؟؟؟ غريبة!!!! :? صراحة شغلات التعرف ع النت ما خرطت مخي ممكن الواحد يتعرف ع ناس ويحكي معون بس هيك حب عن بعد؟؟؟؟ ما كتير بفهما . وبكل الاحوال طالما حكيت لاهلك ليش عم اتخبي هلق؟؟؟؟ اكيد لانو عندك احساس بالخطأ فنصيحة بلاها :deal:
|
والله متل ماقالو الصبايا والشباب شغلات النت احيانا ماتكون صادقة
ليكي حبيبتي هالمدة مش كافية لتعرفو بعض عادي انتي كفي معو حديث وشوفي لوين بتوصلو ماتفكري لا بالحاضر ولا بالستقبل بس انتي عالاكيد لازم تكوني اخدة احتياطاتك ايواه |
بعمرك لاتصدئي شب وخاصة اذا كانت طريئة تعارفك معو عن طريق النت
:D |
مو دايما قصص النت بتكون فاشلة
انا معكن انو اغلبها بيكون مبني عالكذب بس صدقوني في ناس طيبة والدليل اعضاء اخوية ياما قصص حب بلشت بالنت و بعدين حبو بعض وتزوجو وانبسطو انا برايي انك تحاولي ترضي الطرفين .. واذا حسيتي حالك بتحبيه تمسكي بحبك لانو الحب ما بيجي ع طول |
يا بنت التفتي لدروسك ..بكرا بالجامعه ما بتعودي تلحقي وبكرا كمان او الي بعده بتفوتي عهالموضوع وبتصير تضحكي ..
(لعند اب سمرا الورد) |
مافي شي اسموا حب عن طرين النت والتلفون .. الحب كلمة كتير كبيرة وما بيجي بهل السهولة .. انت يمكن تكوني معجبة فيه وبأسلوبوا بالحكي لكن شخصيته الحقيقية كا بتنعرف الا لما تشوفي ...
انت لساتك صغيرة وبهل العمر اي واحد يجي يقلك كلمتين حلوين هتفكري حالك بتحبي.. سمعي الكلام وخليكم اصدقاء انترنت بالوقت الحالي وما بتعرفي الايام شو بتخبي .. ويمكن متل ما تعرف عليكي وعم يحكي معك يكون في غيرك .. |
انو ازا انت ما بتحبية انا مش فاهمة لشو عم تعارضي اهلك مشانو... ازا ما بدك يا, اللة معو بيجي غيرو... وازا بدك يا, كفي معو تعرفي علية اكتر ما فيها شي...
|
طيب هي وينها ما بدها تشوف آرائنا :pos:
|
اي هاد لانو النصيحة ببلاش
لو كانت بالمصاري ااااااااااااااااااااااااا اخ |
اقتباس:
|
أنا صوتلك لأ ...
بصراحة أنا ضد التعارف عالإنترنيت:frown: من إساسو لا صداقة ولا حب:?... هلئ في كتير عالم بحاكيهم عالنت:lol: بس أنا بعرفهن من قبل... هيدا رأيي... يمكن محيطي الاجتماعي هيك بخليني فكر.... لأنو كل اصدقائي بعرفهن من لما كان عمري ست سنين ولساهن لهلأ... يمكن ميشان هيك ما بقدر اوثق بحدا عفرتو من سنتين مثلا فكيف إذا ما بعرفو غير عالنت:shock:.. أما شغلة حب عالنت هي مستحيلة:pos: كلمة حب هي كتير كبيري:jakoush:...... ومستحيل يصير عالنت...الشي يلي اسمو "حب" ببلش بنظرة بعدين بلمسي... مستحيل عالنت:?... ولساكي صغيرة ... (هوي أنا عمري 17 بس ... بس بحب اتفهمن:p:p) |
:hart: :hart:
احساسك هو الاصل وما بنصحك تزعلي اهلك |
اقتباس:
بعدين الصداقة كيف ماكانت بتضل صداقة ومش بس انا اللي بحكي هالحكي كتير ناس نجحت صداقتن عالنت شكرا:D |
اقتباس:
انا بدي قول شغلة..سبق وحكينا كتير عن قصص التعارف على الماسنجر بس مشكلة الصبية وخوفها الاكبر بعتقد لانو هالشي بدون علم اهلها..وانو اذا عرفوا شو رح يعملوا انا ما بحبذ ينقام بعمل بدون علم الاهل..بس بالمقابل هالجيل كلو هيك ماشي ما فيكي تحصري حالك بخانة معينة كانت على دور الاهل هي الخانة المزبوطة بس هلأ لاء فوتي معهن ب"نقاش" واخد وعطى.. بس شغلة بدك تحسبي حسابها..اذا تعلقتي بشخص عن طريق النت وحبيتيه..خاصة اذا من غير بلد..بدك تعرفي انك ممكن تكوني زوجة لشخص آخر بالمستقبل وفي حال صرتي لغيرو...شو مشان يللي تعلقتي فيه عن طريق النت؟! |
انا بامن بالصداقة ع النت والحب عبر النت
لانو هاد كل شي بايد الله بركدن ما رح تتجوز الا عن طريق النت ؟ اه وبركدن ما ر تتجوز منووووب منغير القدر؟ تسوء تسوء خلي امرك لله وبضلني قلك حطي عقلك براسك تعرفي خلاصك والنصيحة سانوديشة شاورما بمييونيز:pos: ---------------------------- متوووش نطي ع المسن بسررررعة |
اقتباس:
أنا قلت هيدا رأيي:? وأني متأثرة بظروفي:adal: اقتباس:
أو بين الرفيق والصديق.. ممكن يصير في عندي صحاب ما بعرفهن غير عالنت.. صحاب... بس صديق !!!:adal: ما بظن.... كمان كلمة صداقة كتير كبيري:?... الصديق أو الصديقة بالنسبي إلي هوي شخص أنا بعرفوا من زمان:deal: وبعرف كل لحظة بشو متفكر وهيي كمان بتعرف.... بقلها كل شي بيصير معي... مهم أو عادي.... بتعرف كل تفصيلات حياتي وأنا كمان بعرف كل تفصيلات حياتها... وبتكون بتعرفني وبتعرف وأمي وبيي وقرايبيني وكل شخص بحياتي وهني بيعرفوها... عإنها هاي صديقتي.... بس يصير معي شي مشكلي وكون منهارة بتصل فيها بقلها تعي لعندي بدي شوفك... وهيي يلي بتفهمني و فيها تريحني وتفتح أدامي مليون باب بدل يلي تسكر... هيي يلي بقلها صار معي هيك كيف بدي اتصرف... وبتكون عطول موجودي ومشاركتني بكل شي بعملو... صديق عالنت....مابظن:pos: |
انو كل قصتك فايتة بالحيط ... وشو قصدك شو بتعملي ما نحنا ما فهمنا شي ... انو هلأ انتي عم تحكي معو ولا لأأ ... وبكافة الأحوال إذا بتقدري روحي شوفيه بالأول وخدي معك حدا من قرايبينك ... بيكون أفضل ...وبعدين رديلنا خبر ..
|
بكرا بس لتفوتي عالمقصف الكليبة بتلاقي شي 1234053شب بدون يحكو معك
:deal: اسئليني ايلي |
اقتباس:
هيك بكون الصديق.. ويلي مفكرين أنو عندهن اصدقاء عالنت... مابيعرفوا معنى الصداقة:fk:.. أما بالنسبي للحب عالنت فهوي مستحيل ... أكيد أكيد مستحيل لأنو كمان بتكونو ما بتعرفو شو يعني حب:hart:... ما أنا مستحيل حب حدا إلا إذا ما كنت بعرفو وعايش معو من كام سني وفيني كل يوم شوفو واحكي معو وما بعرف كيف فيكن تحبوا حدا..عالإليلة إذا ما شفتوه:shock:.. |
عــم تــئـول المخلــوئــه بالبــدايه .. انو رفــئــه .. وطحــــش الشــعــب ع الحــب .. المــهـم .. عــادي .. لاتعطــيه اكــبر من حجــمو للــموضـوع .. بــكـرا بــتعدي الايــام وبيــسرئكـ الوئــت من الكــل .. ويمكــن يــزيــد معكـ وئـت تــعدي ع المــوضوع وتضحكــي .. المــهم تضــلي واعيــه لكــل شــي .. بكــل الاوئــات اقتباس:
لا وحيــاتكـ لــو بتــكون سنــدريلا الــعرب مــا حـدا بيــئرب .. وئـت بتــكــون راســمه الخــط الاحــمــر بـوضــوح . |
حلو الواحد يتبادل الأراء والأفكار مع ناس مابيعرفهن بس مو شرط نسميها صداقة الصداقة هي أكبر من حكي وتبادل افكار بعدين ليش مستعجلة الحياة أمامك وصار الاحتكاك بالحياة اليومية شبه عادي خليها الأمور تجي لحالها وشغلي تفكيرك بأشياء أهم لبناء مستقبلك :D
|
انا يا آنسة رأيي من رأيي اغلبية اللي مرئو ابلن مني .. يعني بظن مافي داعي تكفي معو
لأن علاقات النت متل ما آلو كلون انها غير ناجحة .. وغالباً او دائما ما بتكون واضحة المعاني لكلا الطرفين ... يعني فيا وجع راس ومشاكل .. وشغلة انو اهلك معارضين .. هالشي لحالو بيدلك على انو الشغلة فيا وجع راس .. لأنو الاهل ما بيكرهو المنيح لأبنون او بنتون ودائماً بدن مصلحة ولادون وبعدين لساتك صغيرة وبكير على هيك حكايات ... يعني لسا ادامك حياة الجامعة والشغل ... الطريئ ادامك طويل .. لا تخلي اختيارك من اول لقاء ... فكري منيح ..وعدي للعشرة بالنهاية القدر والنصيب لحالو لح يتيسر ويجي لعندك سواء كان هاد الشخص او غيرو .. تقبلي تحياتي ومروري ... فارس ..  |
اقتباس:
و هلق الاحمر هلق ما اختلفنا انو ما بيقربوا بس اذا هي بدا ياهون ما يقربوا |
| الساعة بإيدك هلق يا سيدي 01:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون