|
وكلاء الله الحصريون...
لا سلاماً عليكم و لا منكم...
يا من امتهنتم التكفيرَ والتّخوينَ... يا مَن امتهنتم الحقدَ والإرهابَ بكلّ صوره وأشكاله... يا من جنّدتم أنفسَكم لصالح خنقِ أفكار البشرِ ووأدها... يا من بجهلكم تُعيدوننا كلَّ يومٍ ألفَ سنةٍ إلى الوراء... يا مَن تُحرّمونَ وتُحلّلونَ في هذه الحياةِ الدّنيا وكأنّها ملكٌ لكم... يا مَن تظنّونَ باطلاً أنَّ اللهَ لكم وحدَكم، وأنتم وكلاء إرادته على هذه المسكونة... يا من رجالُكم تُطلقُ لحاها ونساؤكم تُسدل نقابها... لا محبّة بدينكم بل جهلاً وتخلّفاً آنَ الأوانُ لتعلموا: مللنا جهلَكم وحقدَكم وكلَّ شيء فيكم... مللنا كلَّ ما تفعلون في خدمةِ الأعداء... أعداء الإنسان والإنسانيّة! مللنا أفكاركم البالية يامن لا تملكون أفكاراً.. ما كنّا مثلكم ولن نكونَ... إليكم رسالتنا فافتحوا آذانكم واسمعوا كونوا بشراً كما الإنسانُ يكون... كونوا عدلاً كونوا شيئاً.. كونوا و كفى.. |
كل الشكر للعزيز قرصان الأدرياتيك على ماقدمه من أجل إغناء هذه المشاركة...
|
هي مشكلة كتير كبيرة واقع فيها عالمنا العربي
الا وهي التعصب التعصب لاي شي لاي فكرة لدرجة تجريم الطرف الاخر وحتى الطرف المحايد او الوسطي انا بضم صوتي لصوت فيفا ويا ريت كل واحد متعصب او متشدد لاي شي يحترم وجود الراي الاخر انا ما عم احكي عالتعصب الديني بس لانو هاد تعصب من ناحية وحدة بس ولو انو هوي التعصب اللي منتشر كتيير ومنتشر معو كمان ردة الفعل المعاكسة القوية يللي انا بسميها التعصب للفساد الديني هون فيفا عم يحكي عن التعصب الديني يللي هوي اخطر على الدين من الانحلال والفساد يعني هي رسالة يا ريت كل متعصب ومتشدد يفهمها مو بس انتو بيحقلكون تعبرو عن رايكن وكمان العالم التانية بيحقلها ويا ريت تحترموا اراء الغير |
اقتباس:
|
معك كلمة كلمة.. يا صديق ..
وبحب احكي شغلة عن صنف من الوكلاء "المزعومين".. انو لما بيقوموا بـ شرح اية او حديث او قول مقدس..بيشرحوها على حسب رغبتهم ووفقاً لمصلحتهم ولما (وسمعتها من قبل لهالقصة) انو لما ناس يقولو انو يا شيخنا او مفتينا او ما شاكل.. انو فهمني ليش هيك هيك هيك شرحت وبناءا على شو..بيقلو الوكيل المزعوم "دخلت في المحظور" السائل بيعتقد انو اي يمكن عنجد دخل في المحظور..بس ما بيخطر لبالو انو شيخو ما بيعرف يشرح ليش هيك شرح .. وما بيخطر لبالو انو شيخو او مفتيه مدعي لا اكثر ... وانو اذا بيجاوب رح يظهر كذبه .. (في حال فهم يجاوب) عجباً..من اللي بيتبعوا هيك عقليات متقوقعة في جهلها وتخلفها.. زاحفة نحو مصلحتها على حساب ضرر الآخرين دون اي اكتراث من قـِـبلهم .. يتبعونهم بالرغم من جهلهم الجلي..والواضح .. |
بدك تدير بالك من جماعة الامر بالمعروف والنهي عن المنكر بكرة بكفروك وبهدرو دمك وبطالعوا فتوى بجلك الف جلدة قبل الموت لاني انت خالد مخلد في النار ليش مالك خبر في ناس عندن مفاتيح النار ويدخل مين بتريد ع النار بس الجنة خلقت من شان حضرتهم دستور من خاطرهم المتعصبون المتخلفون الذين لا يعرفون الا الزنا والفجور والخمور ولكنه من خلف ستار العباءة والنقاب وأطلاق اللحية ولاتنسى صيام الاثنين والخميس وحضور جلسات الدين يعرفون كل شي ولكنهم لا يعرفون معنى كلمة انسان هم لا يملكون قلب ولا روح ولا يعرفون كيف يحب الانسان اخيه الانسان
|
السّلامُ على من اتّبعَ هدى العقلِ والحقِّ، أمّا بعد...
بلغني أنَّ حاملَ شعارِ الزّعيم شكرني قبلَ القولِ والكتابة، فكانَ أن ابتللتُ بالماءِ قبل هطولِ المطر!!! وكي لا أبقى مُبتلاً دون أمطار، فها أنا أسألُ القلمَ أن يمطرني غيثاً بلا انتهاء. رائعتك يا عزيزي "تحيا سورية" موجّهة إلى كافّة أنواع الظلم والعدوان التي تظهر في أشكالها الدينيّة والسياسيّة والثقافيّة، لا بل في صورها الاجتماعيّة والعشائريّة فالعائليّة والفرديّة! وبهذا فهي تعبر الواقع البشري وتتخطّاه لتبلغ منابع الفلسفة خارج إطاري الزمان والمكان. وبرغم هذا إلا أنّها حملت المسحة الدينيّة الواضحة في بعض التعابير، لا بل أشارت بقصدٍ أو بغير قصد إلى فئة معيّنة مرتبطة بثقافة معيّنة... يقسم فيفا واقعته إلى ثلاثة أقسامٍ يُعبّر فيها عن أسباب ثورته ثمّ عن الضّيق بهذه الأسباب وأخيراً بالغاية منها. وكم كنتُ آملُ لو توسّع في قسمها الأخير، وجسّده على أرضِ الواقع طارحاً حلولاً عمليّة تطبيقيّة. شكراً لك ولقلمك ودمتَ ودمتم بسلام :D. |
إني أعجَبُ مِنْ شـعوبٍ ترعبها فكرةُ الحُرية وَ المعرفة حقاً همُ مَهوسـونَ بـِ الخوف وَ التخويفِ وَ التعصب مَهوسـونَ بـِ الإرهاب الديني مَهوسـونَ بـِ الانطواء ِ على ما يعتقدون وَ على ما يعيشون وَ يفكرون إنهم جُبناءٌ يَتسترونَ بـَ رداءِ الجَهل ِ وَ القمع ِ وَ الفضيلةِ الزائفة !. يَخشـونَ المُرتفعات المَعرفية التي تطلُ على الآخر وَ فكر ِ الآخر وَ تـَقبل ِ الآخر وَ تطلُ على العلوم ِ التي تفجعهم أحياناً وَ غالباً !. |
اقتباس:
بعد الشكر لك و الثناء عليك و على قلمك الذي يعينك دائماً بأماكن لايعيننا فيها... صديقي لو كنت أملك الحلول لما طرحت الموضوع بالمنبر لأناقشك أنت و أمثالك به... لو كنت أملك الحل لكنت باشرت بتطبيقه لا بطرحه... طرحت المشكلة هنا لنتناقش بها و نصل سوية إلى الحلول تمهيداً لتطبيقها على أرض الواقع. |
اقتباس:
كلام رائع.. شو الحل ياصديقي لوقف هالهجمة الهمجية يلي هاجمينها بكل المجالات.. حتى وصلنا لمرحلة تحريم الفكر و الكتابه!! |
انا برايي الحل الوحيد هو انو كل انسان يتعلم دينو بنفسو وما يلجأ لهيك عالم
بس المشكلة مو من عندون لوحدون المشكلة مبلشة من عنا لو نحنا من الاول ما تركنا مجال لهيك عالم يسيطروا على عقولنا ما كانوا وصلوا لهيك مرحلة انا برجع بقول انو الحل باعطاء مجال كبير لحرية التعبير بس طبعا مع احترام المقدسات الدينية كمان لازم نحنا ننشر ثقافة احترام الاخر يعني انا ما بيهمني هنن شو بينفذوا على حالون بس انا بحترمهون وبجبرون انو خليون يحترموني ويحترموا ارائي شو ما كانت وبظن انو لو نحنا منعرف ديننا مزبوط ما في داعي لهيك عالم تتدخل وتهيمن على حياتنا |
هؤلاء يريدون ان تعيش كما يريدون هم لا كما يريد الله ...
يريدوك ان تكون نسخة منهم .... نسخة طبق الاصل ... يخيفون البشرية من كل شيئ ... يتخيلون كل العالم ... تركوا اشغالهم و اعمالهم ... فقط ليحاربون معتقدهم ... لأسبابٍ مجهولة ! فهمت منهم شيئا واحدا ... لا تفكر ! |
يعتقد البعض ان اكثر من يهين الذات الإلهية هو الملحد او الاديني او العلماني
لكن في الواقع المتدينين هم اكثر من يشوهون الذت الإلهية وهم من يلحقون بها العار ويحقرونها فوقت بقول " الجهاد في سبيل الله " الحق بالله صفة " المتعطش للدماء " وبالتالي قيس على هاد المقياس وشوف شو اللي بده يطلع معك --------------------------------------- صدقا فيفا سيريا == دم جديد بالاخوية :D |
اقتباس:
|
اقتباس:
|
اقتباس:
تاني شي هالجملة مورودة بالقرأن وبالاحاديث النبوية ,,,,وغير هيك هلأ الناس اللي ربنا بيقول انو نجاهد في سبيلو مشان نقتلهم لشو بدنا نقتلهم يعني هيك من الباب للطاقه ,,, |
اقتباس:
هادا الجهاد حسب مفهومو (وانا عم احكي من منطلق حيادي للغاية ) اي حسب مفهومو هو جهاد منشان اعلاء كلمة الله بالارض ونشر راية الدين .... هادا معناتو جهاد في سبيل الله ... مو معناتها نحنا عم ندافع عن الله ..... لانو حسب ايماني ... الله ما بدو حدا يدافع عنو ... وهو بيغنى عن هالشي ..... بعدين الجهاد في سبيل الله ... مو شرط دايماً يكون في سبيل الله وبس ..... كتيييير من الأحيان والشي يلي عم نشوفو هلأ هو جهاد في سبيل الأرض وفي سبيل الانسان .... يعني ما عم لاحظ هالراية عم ترتفع .....الا وقت بدهن يعملولهن شي تفجير ارهابي بشي منطقة مدنية (هادا حسب مفهوم وكلاء الله الحصريون ) هنن يلي بيرفعوا هالراية وبناشدوا فيها ... وبس ....:pos: سوري عالسبام .....:oops: شكراً كتييييييير فيفا سيريا :D عنجد كلام بالصميم ومعبر جداً عن الواقع المزري يلي عايشين فيه .....:frown: |
اقتباس:
انه اللي عبدافع عن ارضه ورافع لي راية " الله " بغض النظر عن شو مانه عرفان ان الله ابعد ما يمكن عن هاد الواقع ؟! وما بكون عبحقر بالذات الالهية وقت بسمّي باسم الله وبينحر واحد من الوريد إلى الوريد ؟! مع انه معتبر حاله متحدث باسم الله او وكيل حصري لله متل ما عبر اخوي فيفا سيريا بس بالحقيقة هو اول مين عبشوه صورة الله وصورة الروح اللي يفترض تكون قمة الايجابية :D |
اقتباس:
يعني النقطة يلي كاتبها انت .... مستحيل انو انا اعتبرها تحت راية الجهاد في سبيل الله ومو ممكن اتقبلها .....لانو ما بتمت لله بصلة ...... اقتباس:
|
اقتباس:
وبيستغربوا وبقولوا لي ليش بتحب الاخوية ومتعلق فيها :lol: :D |
اقتباس:
باعتبارك شاركت بهالموضوع حابب إفهم منك كم شغلة.. شو مفهومك للدفاع عن الدين؟؟ يعني هالدفاع "يلي هو بالحقيقه هجوم" ضد مين؟؟ و بناءً على أي معتقدات؟؟ مين هاجم على هالدين؟؟ و مين عطاه راية "الدفاع" عن الدين لهالمدافع؟؟ و شوالأساليب يلي ممكن تستخدم" بهالجهاد"؟؟ |
موضوع بقمة الروعة وبيصف الوضع اللي عم بينعوشا بوطننا العربي
وانا برايي هيدولي مش متخلفين انما في منن دارسين ومثقفين هالئد بس بينكرو العلم وبيحللو الاشيا لئلن وبيحرموها ع غيرن وانا شايفة هالحالة عند كتااااااااااااار ويمكن عم يلجؤوا لهيك وضع مفكرين حالن وكلاء الله بسبب اشيا عديدة اثرت فيون يسلمو فيفا سيريا |
صديقي ياريت تتقبل رأيي
بس رغم الزخم يلي كانت عمتتناولو مواضيعك . بس أخر فترة صارت كلها مستنسخة . وفلك أفكارها واحد |
اقتباس:
طالما عميعالج مشكلة موجودة بمجتمعنا وعيمتطرق الها ... بشكل محترم وراقي وين المشكلة بهالشي؟ :? |
اقتباس:
أما بخصوص الاستنساخ فهو و من باب التوضيح أفكار مواضيعي مستمده من الواقع يلي عم نعيشو بكل همومه السياسية و الإقتصادية و حتى الفكرية.. فيمكن هاد السبب يلي انت مشانو معتبر انو مواضيعي مستنسخه.. و غلى فكرة رأيك بحترمو و بيعطيني حافز للتجديد.. وياهلا |
اقتباس:
حلوة هي وياهلا :lol: |
اقتباس:
المهم ما عطيتني رأيك بموضوع التشدد و التعصب و الإرهاب الفكري.. |
اقتباس:
أنتقادهم أو تغليطهم . ويمكن يصلو لمكان يحسوا نفسهم أنو عنجد هنن حاملين لواء هاد الأسم ( كجيش المهدي ) وأنو كل يلي بيخالفهم هو على خطأ . وأنو هنن ماشين لأنتصارات للمهدي .وبسهنن الصح طبعا هاد الكلام بينطبق على كل أحزاب وتوجهات فكرية كتيرة من كل الأديان ومن كل الطوائف |
اقتباس:
بس صديقي ما جاوبتني على سؤالي.. شو رأيك بمحاولا البعض لفرض أفكارن بالإجبار؟؟ يعني يلي اصطلحنا عليه الإرهاب الفكري؟؟ حتى لو كان فكرو صح برأيك بيصير يجبر الناس عليه؟؟؟ |
اقتباس:
أما بالنسبة لفرض الأفكار بالأجبار فأنت بتعرف أنو أنا ضدها تماما من وين ما أجت . وأصلا هية غير ناجحة |
اقتباس:
|
عزيزي فيفا سيريا
أنت على حقّ في طلبك المشاركة وإبداء الرّأي وطرح الحلول وسآتي عليها كما أراها في هذا الردّ الصّغير: اقتباس:
هذا الكلامُ يا عزيزي إذا افترضتُ صحّته معك في انطباقه على أحزابٍ وعقائد من مختلف الأديان والطوائف، فعلينا أن نميّز بشكلٍ بيّن بين تلك التي تقوم بما تقوم به بناءً على أفكارٍ وآراءٍ خاصّة، وبين تلك التي تستند على نصوصٍ دينيّة ثابتة مدى الدّهر... وهنا مربطُ الفرس!!! فأينَ يُمكنك على سبيل المثال أن تعثر في دينٍ ما على نصّ يشير إلى قتل المرتدِّ عن دينِه؟!!! أينَ تستطيع أن تقرأ عن الذين عليهم فريضة أبديّة في محاربة كلّ من لا يؤمن باللهِ وباليوم الآخر... إلخ؟!!! أين نقرأ من بين نصوص الأديان السماويّة وغير السماويّة عن مساواة المرأة بالغائط في موضوعٍ واحد؟!!! وآلاف الأمثلة التي نقرأها في نصوصٍ واحدةٍ فقط، لا في كافّة الأديان والطوائف على حدّ قولِك! في المسيحيّة وأناجيلها تقرأ: أحبوا أعداءَكم... باركوا لاعنيكم... وصلوا لأجل الذين يضطهدونكم... إلخ. أنا آسف إذا كان كلامي محصوراً في حقلِه الدينيّ، ولكنّ الموضوع برمّته مستندٌ إلى هذه الأصول. ولا مفرّ من الكلام عنه. خلاصةُ الكلام يا صديقي فيفا سيريا هي أنَّ المشكلة ليست في البشر بل في الإيديولوجيّة الدينيّة التي ترفض الآخر وتكفّره، لأنّ النصَّ المقدّس هو سبب البلاء، وبما أنّه ثابتٌ لا يتزعزع، فما على أصحابه وأبنائه إلا ثورة العقل والحقّ. وعليكم السّلام ولكم الكلام :D. |
اقتباس:
بالنسبة الي باعتبار انه ما كتير بتدخل براسي فكرة النصوص المقدسة قريت الكتب " المقدسة " بنفس الطريقة اللي قريت فيها الكتب الأخرى من روايات ومن حكم ومن اساطير وصلت لقناعة شخصية ان المسيح انسان عظيم جدا انسان ما حمل سيف بحياته انسان قتل من دون ذنب بغض النظر عن فكرة الوهيته يمكن واحد يقول انه كان معه " جنون العظمة " كونه ببعض الاحيان حكا بجرأة مخيفة " انا هو القيامة والحياة " " انا هو الطريق والحق والحياة " بالنهاية كانت جراته فظيعة وقدر بكلمته يغير البشرية بالنسبة لعصره . بالنهاية انسان حلو انك تطلع على حياته بغض النظر عن الدين لكن بنفس الوقت منشوف الكهنة من ابشع النماذج في الحياة وما ننسى انهم بفترة من الفترات اعتبروا نفسهم " وكلاء الله الحصريون " لا بل قعدوا يبيعوا من اراضي الجنة كمان :lol: متل ما قال القرصان بركز انا على الفكرة يوجد من وضع نفسه " وكيل " وهاد مشكلته عويصة لكنها ليست مستحيلة الحل ويوجد من وضعه الله وكيل وهاد مشكلته ما الها حل . |
كم يؤسفني ما آل الية حال العرب... وكيف شوّهت العروبة وكل صورة اخرى علقت على جدران ذاكرتي... انا اضم صوتي واعلن مللي ومقتي وحنقي على المذكورين... هؤلاء الوكلاء المزعومون, لا يهدفون الا لتأكيد عجز الأنسان وتأكيد ضعفة امام قوى مجهولة باطشة في السماء او قوى مدمرة داخلية في نفسة... هذا بدلاً من مساعدة الانسان على تقوية نفسة وتأكيد قدرتة امام هذة القوى, وتعريف الانسان بحقيقة هذة القوى وليس تجهيلة بها... فمن المفروض ان يرتكز "وكلاء اللة" على القضاء على كل الظروف التي تقهر الانسان وتجعلة اداة او شيئا او وسيلة, وعلى مساعدة الانسان في الوقوف امام القوى الاجتماعية والاقتصادية التي تهددة او تهدر انسانيتة... وليس العكس!!!
|
معك حق بكل ما قلت..هدول اللي بنصبوا أنفسهن وكلاء على الله وعلى الدين بحسّسوني بالتقزز وبالشفقة عليهن في آن واحد..لأنهن تايهين وجاهلين بأبسط أمور الدين وأيسرها وفوق هيك بدهن يرموا بلاهن وتخلفهن ع العالم!
بينما الله والدين براء منهم... |
سلامٌ ومحبّة...
بالنهاية انسان حلو انك تطلع على حياته بغض النظر عن الدين لكن بنفس الوقت منشوف الكهنة من ابشع النماذج في الحياة وما ننسى انهم بفترة من الفترات اعتبروا نفسهم " وكلاء الله الحصريون " لا بل قعدوا يبيعوا من اراضي الجنة كمان نعم يا صديقي ويا للأسف! فكهنة اليوم صاروا من أبشع نماذج المسيحيّة... ولكنّهم مهما فعلوا فلن يغيّروا شيئاً في وجه المسيح الطّاهر. كلُّ دينٍ أوعقيدة تُخضع أتباعها لمبدأ الحرام والحلال أو للشريعة، فهي إيديولوجيّة تقتلُ في الإنسان حريّة اختياره ومحبّته، وتجعل منه موضوعاً بدلَ أن يكونَ واضعاً... أُحبّك يا مَن أعادَ لي حريّتي ومحبّتي بلا حدود أو التزام... يا حبيبي المسيح. شكراً لردّك الواقعي يا جبروت اللهِ وعزّته. |
اقتباس:
تاني شي هلأ مفهومي للدفاع عن الدين هو انو ادافع عنو ضد كل مين بيعاديه وكل من بدو ينقص من شأنو وكل من بدو يخلص على هالدين ,,, والسؤال التاني نفس الجواب للسؤال الاول,,, وتالت شي المعتقدات الللي انبت عليها برضو الدين تبعي ,,,يعني كل شي مذكور وبالوقت تبعو كمان ,,,والمناسبة تبعتو ,,, رابع شي اللي هاجم على هالدين كتير ناس طبعا همو اعداؤو للدين ,,, خامس شي اللي اعطى راية الدفاع ,,برضو الدين يعني هو الدين بيقلونا متى بدك تدافع ومتى لأ,,, الاخيرة هاي مش كتير فهمت عليك فيها,,, وبالاخير يعني نحنا طلعنا عن الموضوع يمكن بالكامل بس انو الكل هون بيتفق على انو في ناس بتوكل حالها لحالها ,,وانا معكم من هالنقطة وللاسف همو نفسهم ما بيعرفو اشياء كتيرة بالدين وبيجهلوها وعندهم معتقدات وتفكير كتير غريب وفي نوع من التعقيد ,,,,يعني بيخلوك بدل ما تحب الدين اكتر وشكرا كتير اخ فيفا سيريا ,,,:D |
اقتباس:
يبدولي انو اسألتي ما كانت واضحه لدرجة انو ما أخدت منك و لا جواب.. أو انو اجوبتك كتير ذكية لدرجة انو أنا ما استوعبتا.. فرح ارجع عيد الأسئلة بصيغة أوضح على أمل إنو اقدر لاقي أجوبه.. شو معنى الدفاع عن الدين ضد كل شي بيعاديه؟؟ يعني أي حدا بيخالف هالدين أو بيحكي عنو شي هاد صار عدو لإلك؟؟ و بالنسبة للسؤال التاني ياريت تفهمني هالأوقات و المناسبات يلي رح تواجه فيها؟؟ و السؤال الأخير كتير واضح بدي إفهم منك شو الطرق و الأساليب يلي ممكن تستخدمها بهالدفاع عن الدين.. يعني ممكن توصل معك "للجهاد" ابأي نوع من أنواعه؟؟ بعدين سؤال هلأ انت برأيك اذا حدا مو عاجبو دينك و هاجمه هل هاد سبب لتعلن الهجوم عليه.. و ياهلا.. |
اقتباس:
تاني شي رح اعطيك مثال زغير هلأ مثلا مجرد انو حدا اتعرض لبلدي بهجوم ما فانا هون بيحقلي اني هاجمو ,,,اول شي ارضاءا لله وتاني شي حفاظا على كرامتي وعلى ارضي وعلى عرضي ما بعتقد في حدا بيقبل انو يتهجم على ارضو او بيتو وبيضل واقف ,,, وبالنسبة للسؤال الاخير اذا شخص مو عاجبو ديني اكيد ما بيحقلي هاجمو ولا لأ ي سبب من الاسباب كونو ما اعتدى علي ديني فانا ما الي اي حق بانو احكي معو ,,, بس اذا تهجم علي ديني اكيد بدي هاجمو لانو هاد هون حقي انو دافع عن ديني ,,,وما بعتقد انو في بني ادم عندو دين ومهما كان دينو انو بيقبل انو حدا يتهجم علي دينو ولا بأي شكل من الاشكال,,, ان شالله تكون فهمت علي ,,,, |
اقتباس:
و شكرا |
| الساعة بإيدك هلق يا سيدي 20:23 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون