|
تراجيديا الشارع السوري....
· بلغ عدد سكان سوريا 20929000 نسمة في عام 2007
· بلغ عدد السيارات في عام 2007 723229 سيارة سياحية وسيارات نقل وسيارات أجرة · حتى نهاية 2005 بلغ عدد السيارات 1897955 ولم يستقر عدد السيارات عند هذا الحد · ترسم مديرية نقل دمشق 250 سيارة يومياً · 350000 سيارة تتجول في شوارع دمشق لوحدها وتنفث 19 طن من أوكسيد الرصاص و 3000 متر مكعب من ثاني أكسيد الكربون · دمشق وحدها لعام 2007 حدث فيها 4000 حالة وفاة وأمراض تنفس مزمنة بسبب الدخان المنبعث من السيارات · عام 2001 جاء ترتيب سوريا في المقياس البيئي esi 107 من بين 142 · أوضحت دراسة علمية بان هواء دمشق بلغت العوالق فيه 222 ميكروغرام/م3 بينما النسب المسموح بها عالمياً 70 ميكروغرام/م3 · يقضي المواطن السوري 5 سنوات من عمره في وسائل النقل بينما المعدل العالمي 3 سنوات · دمشق مصممة مرورياً لمليون وستمائة ألف نسمة وهي تضم اليوم 4 ملايين نسمة !! · يوجد في سورية 17 ألف لوحة إعلانية وأكثر من مليون لوحة تخص الأطباء والمهندسين والمحامين وكل هذه اللوحات غير منظمة وغير خاضعة لضابطة موحدة ناهيك عن الضجيج و...و....و....و... وزحمة يا سوريا زحمة....... فلوين رايحين....لوووووووووووووووي ن ؟؟؟؟؟ |
اي والله معك حق
احسن شي يرفعو اسعار السياراة او يمنعو استيرادا او يحسبو لكل بيت سيارة وحدة بس :pos: |
المشكلة مو هون المشكلة كلمازالها بتزيد
وما في حل او حدا يدور حل |
اقتباس:
وبالــ2007 صار العدد 723229 شو مشان السيارات عنا بتزيد ولا بتنقص :shock: |
اقتباس:
لانو ما في لا تخطيط ولا تنظيم وما حدا بيعرف هالبلد كيف ماشية .. (عالسبهللة) |
اقتباس:
|
لوين رايحين؟
امممم عالمجهول شريك بلد ماشية بقدرة قادر |
مشوار رايحين مشوار .. تا نبرم العالم بنهار .. بشي سيارة :oops:لعل وعسى منقدر شي يوم نشتري وحدة:o
|
اقتباس:
2007 1897955 بعدين لحالك........ |
شباب وصبايا...........
الفكرة هي نبلش التصحيح من حالنا ويلي حوالينا يعني مشوار قريب بلا السيارة خلينا نروح مشي أحسن (( وأوفر )) |
اقتباس:
او سرفيس او مكرو ؟؟ معقول تمشي بالشام ؟؟ |
هلا مثلاً بأوروبا كتبر دارجة قصة البيسكليت
بتختصر وقت ومو مكلفة وما بتعمل عجقة سير بس تخيلو بحلب مثلاً البنات يطلعوا عالبسكليت لتصير مظاهرة وراهم :pos: |
اقتباس:
|
أكيد لما منسافر برا البلد بيصير معنا ضيق تنفس وحساسية من الهوا النضيف
|
هييييييييييييييييييي
خدونا بحلمكون شوي |
اقتباس:
لك انت اش عم تحكي طيب سؤال شو بيعملو اللي ساكنين بالطابق الاول وفي بالبناية مصعد.....الاكترية بيركبو المصعد بقى مشوار برا باب البيت ..؟ هادا بدو تخطيط قبل ساعة اذا مافي سيارة :D بس فعلا دايما بنرمي مساوئنا عالحكومة وبننسا انو هادا شغلنا من الاول قبل ما ينفتح باب اسواق السيارات...كانت العالم تسب الحكومة ليش مانعتها عن الشعب بعدها...صرنا انسب عالحكومة ليش ماعم تعرض شوارع البلد...لانو الشوارع بالشام او بحلب قابلة اصلا للتعريض واذا عمرو جسور...بتصير العالم بتقول هيك مشاريع بتخرب منظر البلد اي بس بقى يـــــــــــا...... نعيب غيرنا والعيب فينا...وما لغيرنا عيب سوانا |
اقتباس:
|
يعني زاد عدد السيارات في حين الشوارع مو مصممة لبمشي فيها كل هالعدد وهاد نتج عنو زحمة مو طبيعية
وصاير اللي عندو سيارة متل كأن جاب هم جديد بدل ما تكون مصدر راحة كل ما بدو يروح مشوار بيقضيها لف ودوران ليلاقي محل يصف السيارة فيه ما عدا انو وسائل المواصلات العامة مو منظمة ابداً |
اقتباس:
|
اقتباس:
أنا عم أحكي عن عدم وجود مواعيد للباصات على سبيل المثال السرافيس مالها مواقف خاصة ... يعني وين ما خطرلو بيوقف فانت شو قصدك |
اقتباس:
خطوطا منظمةو معروفة للجميع.. (على سبيل المثال.. اللي بدو يروح عباب توما بينزل لتحت الجسر أو بيستنى السيرفيس أو جحش الدولة بالسبع بحرات..:?) والمواقف كذلك.. تحت جسر الرئيس .. لكذا وكذا.. تحت جسر دمر للغوطة الغربية.. ومواعيدها كمان.. يعني جحش الدولة كل نص ساعة من الموقف تاعو..:D انتي قليلي وين بدك تروحي وأنا بدلك.. أما إذا بدك تحكيلي عفوضى الشوفيرية العمومي.. فحدث ولا حرج;) بس هي مالها علاقة بتنظيم المواصلات.. والشرطة قايمة بواجبن:lol: واهلا وسهلا:D |
اقتباس:
القصة مو قصة خطوط هاد شي عادي جدا... القصة متعلقة بالفوضى لأن السرافيس عنا مالها مواقف يعني بس ما سمع الشوفير حدا عم يصيح "نزل عاليمين" بيكون صف ووقف وطالما مالها مواقف معناها مالها مواعيد منتظمة مثلا ببقية الدول كل خط باص او ترام او ميترو الو مواقف خاصة فيه وكل موقف بيكون كاتبين الموعد اللي رح يمر فيه الباص ... و هاد هو النظام المفترض يتم تطبيقو من هالشي بعتقد إني ما بالغت لما قلت انو المواصلات العامة مش منظمة أبداً وبعدين لمدينة متل دمشق بعتقد انو كتير كل نص ساعة يمر جحش الدولة متل ما انت مسميه :lol: :D |
اقتباس:
حتى لو طلع فاضي كل نص ساعة بيوقف نص ساعة -بيلم الواقفين- لحتى يجي اللي بعدو بيمشي بس السرافيس.. مرض نفسي:sick: ههههههههه مو أنا مسميه.. هدا اسمو بالشام:p عفكرة مسمحله يدعس تلاتة:p:p بس يوقف بالموقف بيوقف قلبنا |
لكان هادي تراجيديا تبع الشارع العربي بصفة عامة
لأنو أغلب البلدان العربية بتعاني من سوء التنظيم و الدخان و العجقة.......الخ و مشاكلنا كثرة بيستحي الواحد إذا عد |
اقتباس:
مثل ما بنضل بنق شوف أوربا شوف النظام عندهم شوف شوارعهم شوف.......... ولما فرض حزام الامان على السائقين قامت الدنيا ولم تقعد :? |
اقتباس:
|
| الساعة بإيدك هلق يا سيدي 09:51 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
