|
أوباما و ماكين و نحنا..
تعلو في الأونة الأخيرة الأصوات التي تقول بتغير السياسة الأمريكية تجاه الحكومة و سياسة الضغط عليها بمجرد إنتخاب باراك أوباما عوضاً عن جورج بوش الإبن..
حتى أن بعض السياسين العباقرة في بلدنا و من خلال مواقفهم و تصريحاتهم يصورون للمواطن السوري و كأنه بمجرد إنتخاب أوباما سوف تعود العلاقات مع الولايات المتحده و سوف تقوم أمريكا بتزويدنا بطائرات الF16 و F18 و ستمدنا بمعونات مادية سنوية أسوةً بمصر و إسرائيل.. وقد لفتني في الأونة الأخيرة أن رجل الشارع السوري قد بدأ بتصديق هذه الأوهام لمرحلة أنه أصبح يمني النفس باليوم الموعود لإنتخاب أوباما حتى تستقر الأسعار و تزيد الأجور و ننعم بحالة من الديموقراطية في سوريا (( طبعاً لأن كل هذه المصائب و بحسب التفسير الرسمي هي ناتجة عن الضغوط الأمريكية و عن أننا دولة المواجهة الوحيدة في المنطقة)) و كأن الأمريكيين سينتخبون رئيساً لسوريا و ليس لأمريكا .. لكن مايأسفني أن أوضح هنا أن هذا الكلام برمته محض أوهام و أكاذيب اخترعها جهابذة السياسة في سوريا و للأسف صدقوها.. أولاً و لنعتبر أن باراك أوباما نجح في الإنتخابات الرئاسية الأمريكية (مع العلم أن هذا إحتمال مستبعد) ألم يحن الوقت أن نتعلم أن منطق الحكم في الولايات المتحده هو منطق مؤسساتي لا منطق فردي.. بمعنى أن الحكومة الأمريكية لا يحكمها شخص الرئيس( متل مو الشباب عنا متعودين) بل تحكمها إدارة متكاملة ( و لهذا تسمى بالإدارة الأمريكية) تحتوي على هيئات للتخطيط و التنفيذ و تضع الخطط الإستراتيجية التي تنفذ على مراحل و بحسب المصالح الأمريكية بغض النظر عن توجهات الرئيس أو حزبه (ديمقراطي أو جمهوري) ثانياً و بحسب تصريحات أوباما نفسه فإنه لن يتراجع عن أي من المواضيع الخلافية بين الحكومة السورية و جورج بوش و التي نستطيع تلخيصها بمسائل ( دعم إسرائيل المطلق و إحتلال العراق و المحكمة الدولية و دعم سوريا للتنظيمات المسلحة في فلسطين و لبنان و الملف النووي الإيراني) بل و بالعكس فإن بعض تصريحاته قد زايد بها على جورج بوش نفسه.. بإختصار إلى متى ستبقى سياسة الحكومة السورية هي سياسة الرهان على الوقت.. ألم تراهنون على ساركوزي بعد شيراك؟؟ ألم تراهنون عل بان كي مون بعد كوفي أنان؟؟ ألم تفشل كل رهاناتكم؟؟ ألم تصل بلدنا إقتصادياً و سياسياً إلى مرحلة لاتحتمل أي مراهنات؟؟ هل ستبقى السياسة الداخلية على هذا الوضع بإنتظار تغير كل روؤساء العالم؟؟ |
حكيك فيو شي من الصح... لكن شو نعمل يعني؟ نفتح هالشبّاك و نرمي حالنا منو؟ ندبّر فرد و نطخ راسنا فيه؟ اجباري الناس بدا تتأمل.. بدا تعيش... كل يوم أسود أسود أسود... يا زلمة خليهون يشوفو شي يوم رمادي غامق حتى لو بعدين طلع انو لأ مو رمادي هاد اسود بس عليه غبرة...
أنا متأمل... ماني متأمل من أوباما كشخص (أو بالاحرى متأمل منو النذر اليسير).. متأمل من المرحلة تبعيت الأزمة الاقتصادية العالمية... انو أميركا راح تنفتح عندا جبهة داخلية ضخمة راح تجبرها -مو بكيفها- تسكّر جبهات عديدة خارجية.. و منها المغامرات العسكرية.. و هو محكوم بانو يدبر حل لهالأزمة اللي سببها رهان جورج بوش الكامل على نصر عسكري يغطي العجز الداخلي... العجز الداخلي طلع أضعاف مضاعفة عما كان متوقع, و فوقها ما حقق نصر عسكري.. و شي طبيعي انو اللي ما عندو شي بداخلو يعطيه أمل راح يدوّر عليه برا... يا زلمة في ناس تدوّر أطباق طائرة بالسما تجي تنقذها... طبيعي البحث عن الأمل أما عن انو نتأمل تغيير الادارات عسى و لعل.. فهذا أمر مزمن .. حكى عنو أبو شام, محمد الماغوط, بكتابه الأشهر "سأخون وطني" |
اقتباس:
|
اقتباس:
بالنسبة للاقتصاد.. أميركا قبلة الرأسمالية, و على هالأساس ما رح تقوم بشي ضد مصلحتها الاقتصادية ككيان.. و كل حروبها و معاركها و مغامراتها كانت لدواعي اقتصادية أو استراتيجية محددة و واضحة.. و الربط الاقتصادي فيها جدا مهم. و خلال فترات عديدة من الصعوبات الاقتصادية أميركا انحسرت خارجيا بتدخلاتها العسكرية .. شو طالعها من فيتنام غير انو التكلفة الاقتصادية كانت باهضة جدا و بهداك الوقت كان شبح الحرب بالشرق الأوسط يجبرها تحسب حساب أزمة اقتصادية.. و اذا رجعت للخلف كمان... شو اللي خلى أميركا تتردد بالمشاركة بالحرب العالمية الثانية لحد ما انضربو من قبل اليابانيين غير لأنو كانت خارجة من فترة انحسار اقتصادي.. حرب الكوريتين أميركا فاتت و طلعت متل التوتو لأنو كانت لسى عم تدفع فواتير الحرب العالمية... الخ لاحظ كيف لو تابعت أخبار الحملة الانتخابية... ما حدا يراهن عالحرب.. لأنو بأميركا صار في قناعة انو الحرب تكلّف مصاري و بالفترة الحالية ما خرجنا نصرف مصاري.. و ربح أوباما على هيلاري لأنو هاجمها من ناحية انو هيي دعمت الحرب ببدايتها و هو كان ضد حرب العراق من أول لحظة.. حتى ماكين نفسو ما بيحكي عن حروب, فقط يجيب سيرة خروج مشّرف من العراق. أما بالنسبة للأزمة الاقتصادية.. نحنا على أبوابها.. لسى ما دخلناها.. أزمة القروض العقارية لحد الآن ما تخطت القنبلة الاعلامية... لسى ما بديت الأزمة اللي رح تجبر الحكومة الأميركية, و اغلب الحكومات الغربية, باتباع سياسة تقشّف عميق جدا, و ما رح يكون في مصاري لأي مغامرة عسكرية... في جبهة راح تنفتح قريبا (مو بس القروض العقارية... سعر النفط و الحديد و المواد الغذائية الاساسية كمان) راح تجبر أوباما يغلق جبهات الخارج .. و لهالسبب طلع, لأنو الناس بدها رئيس يصلحلهون اقتصادهون |
اقتباس:
بمعنى انو مارح يكون في اي انفتاح أمريكي على سوريا.. بأحسن الأحوال رح يستبعد خيار توجيه ضربة عسكرية للنظام. |
اهلا فيفا ، كيفك اخيرا نزلت طرح على قوة الطرح الاول . المهم ، مارح ناقشك نقاش محدد ودقيق هلاء ، كمل مع ياس بس بدي اعرف منك كم شغلة . صحيح اميركا دولة مؤسسات بس انت ما سمعت عن المتغيرات !! ؟؟ لاشيئ ثابت في السياسة ، طبعا سياسات الولايات المتحدة متغيرة على المدى الطويل. وهذا ليس تعارضا مع التخطيط الاستراتيجي او مع النظام المؤسساتي . على اية حال , في شيئ اسمو برنامج انتخابي (بيتعلق بكل تعهدات الرئيس في حال وصوله للحكم ) وعلى هذا الاساس بيقوم الشعب باختيار احد المرشحين . اوباما وعد بسحب الجيش الامريكي من العراق عندما يصل للرئاسة ، ماكين مع البقاء في العراق بصورة معينة . وكذلك في كل قضية داخلية او خارجية رئيسية تهم المواطن ( كل مرشح محدد موقفو منها ) في نقاط اتفاق بين كل برنامج انتخابي وفي نقاط اختلاف . وذلك لايتعارض مع النظام المؤسساتي في اميركا او التخطيط الاستراتيجي . لنا عودة |
أول شي بدي شكراً انك اعترفتلي بطرحين جيدين :D
و لفتتلي نظري عالنفطه تحديداً: اقتباس:
و نفس الشي بالنسبة للتحالفات الاسترتيجية و بتخيل حكي أوباما عن إسرائيل هو أكبر و أقوى حكي حكا رئيس أمريكي عن إسرائيل بالتاريخ.. هاد الشي بيورجيك انو السياسات الأمريكية خارجياً لاتتغير بتغير الرئيس. |
اقتباس:
أنا ما حكيت عن تغيير السياسة الخارجية (ولو انو تغيير السياسة الخارجية لما المتغيرات تتبدل أمر مفروغ منو) .. عم احكي عن فترة عدة سنوات أميركا عاجزة عن المقامرة و المغامرة.. و باقي العالم مانون هبل.. بيعرفو انو أميركا عاجزة و بالتالي أميركا بدها تغيّر طريقة تعاملها بتغيّر المعطيات و الأحداث بالتمانينات تحاصرنا على كل شي... حتى السمنة صارت متل الدهب... و شو صار؟ بالتسعين رحنا معون بتحالف ضد صدام.. و بالأربعة و تسعين قمة جنيف بين الاسد و كلينتون و بعدا بسنة اجا كلينتون معزز مكرم عالشام ... ليش هالتغيير؟ لأنو تغيرت المعطيات ببساطة.. مافي شي ثابت بالسياسة.. حتى الحب و الكراهية.. من خمسين سنة ألمانيا حرقت فرنسا لآخر مرة بعد قرون طوال من الحروب و النزاعات... هلأ البلدين محور حاكم أوربا مشكلتنا .. كأنظمة عربية و كصحافة عربية و حتى كشعب عربي... انو نقرا السياسة بمفهوم شيوخ العشاير... السياسة أولا و أخيرا مصلحة.. مافي نخوة و لا مروة |
اقتباس:
- الوضع الانتخابي مش بالصورة اللي برأسك تقريبا . في قضايا خارجية مؤثرة جدا على الوضع الداخلي باميركا . * فيما يخص الانسحاب من العراق . في العلوم العسكرية (مافي شيئ اسمو انسحاب فوري ) نتائجو دائما وابدا كارثية . هذا اذا كنت اصلا بمعركة ، اما اذا كنت متواجد بدولة تانية بكثافة (جنود فوق ال 150 الف) وعناصر امنية لشركات خاصة ايضا فوق ال 150 الف . مستحيل تخرج بسهولة او بسرعة لازم وقت وانسحاب مرحلي . |
اقتباس:
|
تسجيل متابعة
|
و بخصوص خطاب أوباما الشهير تبع أمن اسرائيل اللي قامت القيامة عليه... بدي احكيلك 3 شغلات:
الأولى... اجباري رح يعمل هيك... اللي حكى قدامهون هنن لوبي متحكم بقدر كبير بوسائل الاعلام و بكثير فعاليات اقتصادية.. و رسالتو السلمية مقلقة بالنسبة الهون و لذلك فعل ما قد فعل (مو تبرير انما تفهّم لرد فعل طبيعي لواحد بدو يصير رئيس أميركا) الثانية... رئيس أميركا بدو يقنع الأميركان ما بدو يقنع العرب... و في شغلات بالتركيبة النفسية الأميركية لازم ينلعب عليها اجباري اذا بدك الناس تنتخبك الثالثة... ازا العرب ناطرين يجي رئيس أميركاني يعمل القدس عاصمةفلسطين فهنيئا لهم بالموت... كتير يعجبني حكي الصحفيين العرب عن أوباما (خصوصي المصريين على اعتبار محمد ابراهيم في حارتنا اليوم..) انو نازلين فيه تحشيك لأنو حكى للوبي اليهودي... طيب مبارك ما نزل سبسبة بحزب الله لما حرب تموز؟ السادات ما راح خطب بالكنيست؟ و حتى السعوديين... مو من فترة مسؤول بوزارة الدفاع طلع معو انو اسرائيل و دول الخليج تشترك بعدو أخطر بكثير من "الخلافات" ما بين الطرفين و بالتالي ممكن يكون في تعاون ضد "نشاط ايران النووي"؟؟ تسمع كل هالحكي و فوقها بدك ياني اعتب على أوباما؟ سلامات |
اقتباس:
كيف كانت اميركا عم تغض نظر بمرحلة من المراحل ؟ ثم لا تنسى انو عم نتفاوض مع اسرائيل وهي لحالها اميركا فيها تعلب على هالوتر |
اقتباس:
|
اقتباس:
طيب سؤال بلكي نجح جون ماكين؟ |
اقتباس:
أما بخصوص الحكي الملون... مصلحتها انو ما تخسر.. عدم الخسارة هو كسبان.. اذا مجبورة تطلع من العراق, أو على الأقل تحط جدول زمني للخروج من العراق لازم تكون على وفاق نوعا ما مع جيران العراق.. و لذلك لا يمكن التفكير بخروج من العراق (اللي أوباما عامل عليه 70% من برنامجو مو بس بسبب هالوعد انما لأنو المشاريع التانية ما بيقدر يعملها بوجود هالانفاق بالعراق) بدون توقّع جنوح نحو الخيار السلمي مع ايران و سوريا, لأنو خروج اميركا من العراق بدون استقرار أو شبه استقرار (انو أوكي راح يظل في ارهاب اصولي.. بس عالقليلة توحيد الباقي) لأنو راح تكون هزيمة نفسية متل فيتنام و ضرب لمصداقية الولايات المتحدة العسكرية و اللي ع أساسها بانية قسم كبير من عزها |
اقتباس:
ب2001 كولن باول وزير الخارجية السابق زارنا وانو سوريا ولا سلام دون سوريا وبعد فترة الرئيس بوش بيقول بالصحف انا معجب بخطوات الاسد فهو رجل يمكن التعامل معه |
اقتباس:
|
اقتباس:
اي هو تبدا التجارة السياسية... شو بدها تعطي أميركا لسوريا مقابل تعاونها بالعراق و ضبط حزب الله (لا تصدق قصة قطع العلاقة بشكل كامل... لما بدك تبيع سيارة و بدك تطالع خمسمية الف أول شي تطلع سبعمية .. ما هيك؟) و نفس الشي مع ايران... الخطاب التصعيدي من الطرفين يوازي طلب السبعمية ألف لما بدك تبيع السيارة... كن على ثقة انو كلاهما متفق عالخمسمية |
اقتباس:
شوف يا سيدي ، حاليا هناك تحرك اسرائيلي سوري برعاية تركية في اتجاه احياء مفاوضات السلام بين سارائيل وسوريا . المفاوضين الاسرائليين قبل السوريين بيعرفو انو كل هذا لاقيمة له دون مباركة اميركا للاتفاق النهائي والاشراف عليه ورعاية عملية التنفيذ . أدارة بوش ثم ماكين (في حال وصل للحكم ) بدون طلبات محددة من النظام السوري (قد تكون مكلفة كثيرا عند التنفيذ من وجهة نظر النظام السوري) اما أوباما منفتح انفتاح كبير على على كل ما يسمون ب أعداء اميركا . حتى ايران ، الرجل مع التحاور مع ايران، في وجهة نظري لتجنب اي خسائر ممكن حدوثها (ادارة بوش ثم ماكين من بعدها بترحب بالخسائر بشكل عجيب :lol: ) |
اقتباس:
بدائيات علم السياسة (لكل عمل تكلفة) تعمل الي عمل وبتاخد قصادو (السياسة هات وخد ) ( مع ان العرب دايما بيدفعو وقليل لما بياخدو ) |
تسجيل متابعة
|
اقتباس:
غير هـيك اوباما و ماكين ,, المقارنه بالنسبه الي مبينه .. اوباما شـخص بحب البلد , بقصد بالبلد اميركا , و في بكلامو بالقوّه اللي بيحكي فيها ببرنامجه الانتخابي و حتـّى ضمن تطلعاته الداخليه و الخارجيه .. كلهم فيـهم رغبه بالتغير .. بيحكي عن العائله و عن التميز العنصري و الدين و تاريخه و عائلته و و و .. لو اردنا تسـليط الضوء على ماكين .. برنامجه الانتخابي غير مغري , اذا صح التعبير , يعني للصراحه انا ما كمّلت اطلاع و سماعه لانو داق خلقي و ما في شي شدّني فيه .. ممل ! اقتباس:
الوضع الداخلي بأميركا يتطلب و بحاجه ماسـّه الى تغيرات كـبيره .. و الشـعب كتير قلّت ثقته بالحزب الجمهوري بعد انتخاب بوش للمرّه الثانيه - عفكره يقال انو نلعب بالانتخابات بالدوره الثانيه لانتخابات بوش - اضـافه لانو في نقـطه كتـير مهمّه .. في عدد لا بأس به من البيض بصوتو لاوباما لكن السود و العرب حوالي 98% منهم مع اوباما .. اضافه الى انو بالنـسبه لاخر استـفتاء شـعبي تم من قبل على ما اعتقد cnn كان اوباما متـقدم بـعدو .. |
اقتباس:
|
اقتباس:
فكره رئيس اسود مش مستسهلتها و من زمان سمعت مقوله بتقتضي بانو اميركا بعدها غير جاهزه تطلع رئيس اسود او امرأه لذلك الديقراطين ما الهم امل - هي ايام ما كانت هيليري بعدها ضمن الترشيحات- لكني لا اتفق نهائيا مع هالحـكي .. اوباما مأثبت حاله بـشكل كـبير بالشارع الاميركي و العالمي عامّه و مأثبت حاله اعلاميا .. شغله انه من اصل مسلم هي هو حكي عنها - ايضا الجاليه العربيه و المسلمه هون لامته جدا - لكن هو قال انو هو مش مسلم .. و ما بعرف ليش لامته يعني ما شفت شي غلط بانو الواحد يصرّح بدينه , هو فعليا ما نشأ على دين الاسلام نشأ و ربي على تعاليم مسيحيه و بـيحكي عنها و عن الاشـخاص اللي عرفهم فيها باحد احاديثه .. ايضا لا تنسى انو تغلب على هيليري اللي تعتبر بيضا و زوجه رئيس اسبق ما قصّر بدعمها اعلاميا .. اضافه للغضب العام على الحزب الجمهوري بالاوضاع اللي وصلتها البلد بالفتره الاخيره و الحرب على العراق و مدى معارضتها .. في كتير اشيا بتخليني اتفائل بانو اوباما يوصل للحكم .. |
بالاخر مين ما وصل منن التنين اضرب من بعض والتنين مو هنن اللي بيتحكموا بالامور لانو اللوبي الصهيوني
هو اللي بالاخر بيوصل اللي بدو يا وبيشيل اللي بدو يا حسب مصالحو السياسية والاقتصادية مالي بصراحةمضطر اني اتامل كتير بوصول اوباما ولا ماكين |
اقتباس:
|
هنن مفكرين انو الوضع بأميركا ممكن يكون شبيه للوضع بفرنسا
بحيث انو بالزيارة الأخيرة لفرنسا قررنا نوزع عليهم شوية حقول بترول ينقبو فيها بالاضافة لشوية أمتيازات اقتصادية . الشي يلي خلا فرنسا تلين مقابل مكتسابتها. ( ممكن بيوم نعطيهم أراضي يعملو عليها تجارب نووية المهم يرضو علينا ). خاصة أنو تجرب أعطاء بوش مبلغ كبير من المال بأيام عز الضغوطات الأميركية عبر وسيط مقابل أن يخف الضغط لكن دون جدوى بس السؤال أنو طالما مهتمين كتير لوضعنا بعد الرئيس الأميركي الجديد . ليش بيطلعو وبيقولو أنو الوضع بألف خير وماعنا عزلة دولية . |
بمنـاسبـه اقتراب موعد الانتخابات و تهيئ الشـعب الاميركي للتصـويت .. حابه اعيد فتح الموضوع بعـيدا عن دعم - او عدم دعم - الحكومه السـوريه للمرشحين و طريقتها بالتعاطي مع الحدث لانو هاد مش موضوعنا :sly: ..
اليوم صار في مناظره بين اوباما و ماكين كانت الاخيره قبل الانتخابات و حسـب اللي عم ينقال بالاخبار و من الناس انّو اوباما كســحو لمكين - بطحو ارضا :gem:- أنا حضرت المناظره و ماكين كتير كان مضيّع .. حاول يعتذر و ما يحضر - و قدّم مطالب لاوباما لحتّى يرضى يجي - لكن اجاه لوم كبير فقرر يحضر بالاخر .. مقطعين من المناظره قدرت لاقيهم على اليوتيوب الاوّل عن العراق و المصاريف : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - الثاني عن ايران و النووي : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - في مقطع - مش بالفيديو عاليوتيوب - حكي اوباما عن سوريا بشكل طفيف جدّا عن انو اخطأت الحكومه الاميركيه ببعض خياراتها معها - او هيك شي, هون ما كنت كتير بالجو :oops: - .. بعد ما خلصت المناظره نزّل اوباما بموقعه هالرساله : I just finished my first debate with John McCain. Millions of Americans finally got a chance to see us take on the fundamental choice in this election -- the change we need or more of the same. I will provide tax cuts for the middle class, affordable health care, and a new energy economy that creates millions of jobs. John McCain wants to keep giving huge tax cuts to corporations, and he offered no solutions for the challenges Americans are facing in their daily lives. I will end the war in Iraq responsibly, focus on defeating al Qaeda and the Taliban, and restore America's standing in the world after eight years of disastrous policies. John McCain wants an unending commitment in Iraq and fails to recognize the resurgent threat in Afghanistan. Let's be clear: John McCain is offering nothing but more of the same failed Bush policies at home and abroad that he has supported more than 90% of the time in the Senate. Americans need change now, and I need your help to get the word out about this movement. In the coming days, it's going to be up to you to organize locally and reach the voters that are going to decide this election. Now's the time to make your voice heard. Thank you for all that you're doing, Barack |
الانتخابات الامريكية المرة بتحصل بظروف صعبة جدا بتمر فيها امريكا !
اكبر بنوك برؤوس اموال ضخمة بالبلايين عمالها بتفلس والحكومة عمالها بتحاول تحل المشكلة بخطة انقاذ مش الكل بيدعم فيها!! بطلنا بعالم نقول فيه انو اللي بيصير ببلد مهما كانت زغيرة ما حيأثر عاللي حواليها فما بالك لما بنحكي عن امريكا اللي اي مشكلة من اي نوع بتأثر على دول العالم أجمع وعالاقتصاد العالمي كلو !! اوباما اقل تشددا من ماكين وزي ما حكى yass هو ضد الحرب عالعراق وهاد اللي ساعدو يتفوق على هيلاري وهاد اللي خلاه لهلأ باستطلاعات الرأي يتفوق على ماكين!! وموضوع العراق هو الموضوع اللي هاجم فيه ماكين في المناظرة اللي صارت بينهم مبارح!! هون بالعادة كنا نستنى الرئيس الأمريكي الجاي لأن مفروض يكونلو تأثير عالقضية الفلسطينية وع مباحثات (اسلام) بس بعد اكثر من تجربة طلعنب بخلاصة انو مهما اختلفت وجهات النظر عند مرشحي الرئاسة الامريكية بيتفقوا دائما بالمواضيع اللي الها علاقة باسرائيل لأنو ما حدا فيهم غبي لحتى يخسر دعم اللوبي الصهيوني.. |
طبعا لح يتفقو بالامور اللي بتخص اسرائيل
اسرائيل مو بس طفل مدلل لامريكا..لا ابدا بيرتبطو ببعض بمصالح استراتيجية واسعة جدا يصعب حصرها وتعاونات امنية وعسكرية .....الخ بالاضافة للوبي الاسرائيلي اللي حكينا عنو وبالاضافة للجهل الواضح بالعرب والقضايا العربية بعدين دخلكون اذا اصحاب القضية تركوها .. لح يجي الامريكان ويزبطوها؟ |
اقتباس:
** بعتذر ما كنت فاهمه تماما كيف رح تمشي .. ما كانت اخر مناظره بل كانت اخر مرحله من المناظرات بعد لسّا في مناظرتين قبل الانتخابات .. ** |
اقتباس:
اقتباس:
أذكر بأنو ايضا ذكر انو ما من مصلحه اميركا اننا نرفض النقاش مع روسيا أو نحارب ايران حتّى لو كانت روسيا بلد غير مقرّب و ايران عم تهدد امن اسرائيل .. لكنه في حال كان الخيار الافضل فلازم نفكّر فيه .. اقتباس:
|
في حدا بدو شكر على اعادة فتح الموضوع لانو اجا بوقت مناسب عقب اول مناظرة بين ماكين واوباما خاصة بعد اختيار كل منهم لنائبه ،
الوضع كان بعد اختيار النائبين انو ماكين ولاول مرة اتقدم على اوباما باستطلاعات الرائ (وكان السبب الرئيسي هو اختيار سارة بالين كنائبة لماكين ) اما بعد المناظرة تقدم اوباما على ماكين ب13 نقطة وهذا فارق ساحق ، فقد رأى 51% من المستطلعين ان اوباما قد تغلب على ماكين في المناظرة في حين رأى 38% ان ماكين هو من تفوق على اوباما والباقين لايرو ان اي منه قد حسم المناظرة لصالحه . اقتباس:
|
اقتباس:
بالفعل كل النساء اللي كانو مع هيلري كلنتون بدعمها فقط لانها امرأه انتقلو فورا لدعم ماكين او الاصح نقول لدعم ساره .. (( مع انها كـشخصيّه ليست جديره بأيّ من الاحترام - تاريخيها كأمرآه يشـهد :mrgreen: )) و لكن بغض النظر ففعلا ارتفعت نسبه ماكين على اوباما بالاسبوعين المنصرفين و لكن حتّى قبل لمناظره بكم يوم عاد اوباما للتصدّر و بعد المناظره اللي صارت كتير من اللي كانو يقولو بأن اوباما بعده صغير و غير قادر على انّو يدافع عن اميركا بلّشو يغيرو رأيهم لمّا عصّب على ماكين .. بالنسبه للجزء اللي ما فهمته فقصدت قول انو ماكين عم يدعم و بشكل علني و هيك عينك كنت عينك الرئس ماليّه بحيث انه عم يقول انو هو تركيزه رح بكون على الشركات و اصحاب الاموال و عم يبرر هالشي بقوله انّو هنن الي بيرفعو اقتصاد البلد و لهيك حيكونو راضين عليه الجماعه .. و بناء على ما سبق من حكي فمشترات الاصوات تتم حتّى في اميركا - بحيث انه يتم دفع مصاري لناس تصوّت - و نياله اللي بتكون الجهات اللي معها المصاري رضيانه عليه ;-) .. المصاري = power يا مان :-/ |
من 5 ايام كنت كتبت رد وراح بسبب انقطاع التيار الانترنتي اثناء الارسال ،
المهم ، اليوم صارت مناظرة بين بايدن وبالين ، بما انك صرتي تتابعي برامج سياسية ومهتمة بالاوضاع السياسية الاميركية ، فمشكورة اذا خبرتينا شو صاير بايجاز (واذا ما خبرتينا كمان مشكورة ، بس شكر اقل طبعا) عفكرة " صار موافقة على القانون المعدل " لخطة الانقاذ المالية (الحمد لله ) - اللعب على الازمة الاقتصادية رح يمثل المحور الرئيسي في الصراع على رئاسة اميركا من وجهة نظري في الفترة الجاية . |
اقتباس:
باختصار اوباما تفوق مجددا على ماكين "تفوق واضح وملحوظ وكبير " وماكين بدو يصير معجزة لصالحو او فضيحة بجلاجل لاوباما لحتى يقدر ينافسو ويرجع تاني يصير توازن . طبعا اهم الولايات اللي هي ، اللي بيفوز بها بيصير رئيس اميركا ، كلها مع اوباما ، وماكين بدو يعمل قرد ويرقص على راسو وعلى ايدو لحتى يرجعها تاني بالطرق العادية (هذا اذا اعتبرنا انو الرقص على الراس والايد طريقة عادية ) يعني الموضوع صعب كتير كتير ولكن كل شيئ بالسياسية وارد ومحتمل والمفاجات مأخوذة في الاعتبار . |
اقتباس:
أنا بتمنى يربح أوباما هو فعلا متقدّم فكريا على ماكين و لكن النساء اللي كانو مع هيليري لمجرّد انها امرأه حاليا مع ساره لمجرّد انها امرأه ايضا .. و كتـير من اللي ما بدهم يضلّو بالشارع نتيجه افلاس الشركات اللي هني تابعين الها و في مجموعه لا بأس فيها من الناس مع ماكين .. اللي انت عم تحكي عنهم هنن طبقه وسطى او خليني قول مرتاحه ماديا بشكل جيّد اللي عم تقدر شوي ها شوي تحاول تقارن و تفكر بالقصّه غير هيك كلمه من هاد بتاخدهم و كلمه من هاد بتجيبهم .. غو اوباما غو :gem: |
اقتباس:
إذا بتحبي نتشارط أنا جاهز مو محبةً بماكين بس بناءً على المعطيات. |
اقتباس:
و ان كان انت حابب تشارط حدا فشارط محمد ابراهيم هوّ اللي قال اوباما رح يربح أنا مش عارفه او متوقعه واحد اكتر من التاني .. |
| الساعة بإيدك هلق يا سيدي 08:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون