|
يا أيها الذينَ آمنوا كَم أنتم كَفرة !.
أينَ أبجدية َ الحَياة في منطقتنا العربية ؟!. القمح الذي تصنعونَ منه رغيفكم تستوردنه من مزارع ِ الكافر اللباس الذي يستركم حاكهُ وَ نسجهُ الكافر الكبسولات التي تخفض نسبة الكوليسترول في دمكم صنعها الكافر السجادة وَ البوصلة التي تشير إلى القبلة صنعها الكافر الميكروفون الذي يكبر صوتكم وَ انتم تشتمونَ الكافر صنعه الكافر السلاح الذي تحتفلونَ أحياناً بـِ الإنتصارات النادرة صنعه الكافر الراية التي ترفرف و أنتم تحتفلون بأعياد الأستقلال حكتموها بـِ ماكينة الكافر ومن قماش الكافر فيا أيها الذينَ آمنوا كَم أنتم كَفرة !. . . |
اقتباس:
بذكر اني بمرة من المرات كنت عبقرا حلقة بحث ما عبذكر حتى شو كان مضمونه لكن بذكر السياق اللي قدم تحته البحث كان قبل اسم كل عالم يذكر كلمة " الكافر " وكان كافر لقب كتير اعتيادي يمكن منحه لأي انسان لا ينتمي للمذهب اللي الكاتب ينتمي اله . احترام الآخر والاعتراف فيه تعتبر من البديهيات ولكن بنفس الوقت صعب كتير تطبيقها فبفضل اني اطلق عليها لقب " السهل الممتنع " :D |
فعلا ما نرى ونسمع عن هؤلاء مقرف
من يومين شاهدت برنامجا عن دعاء ائمة المساجد على ما يسمونهم كفار وباعلى الصوت يدعون عليهم بطريقة تدعو للقرف من اين لكم الحق في تكفيرنا وانت بشر مثلنا بس عنجد يلي استحو ماتو |
اقتباس:
وما قله شي الأستاذ على كلمة الكافر؟؟ شو دراسة زميلك لخمن عن شو حلقة البحث؟ |
اقتباس:
واشتغل الدعاء بقتل الرجال وزلزلة الارض وتيتيم الاطفال وترميل النساء وهيدا كلو على خلاف ما دعا اليه رسول المسلمين كما وضح البرنامج |
ويل لأمة تنصرف عن الدين إلى المذهب..و عن الحقل إلى الزقاق..و عن الحكمة إلى المنطق..
ويل لأمة تلبس مما لا تنسج..و تأكل مما لا تزرع..و تشرب مما لا تعصر.. ويل لأمة مغلوبة تحسب الزركشة كمالا ..و القبح فيها جمالا... كاتب الإنسانية: جبران خليل جبران ______________________________لا تعليق______________________ |
اقتباس:
المفارقة انه الشخص الي يتم تكفيره يتم الجوء اليه بتفس الوقت يعني بيشتري منه المايكرفون حتى يستعمله بتكفيره وهاد هوي الموضوع . لكن انا متل ما قلت لك صاير معي حساسية من تمرير الحشكيل على الهامش والمعلومات المدري من وين الواحد بيحكشها . خيتو بكل بساطة انا هلق قاعد بكافيه انترنت لو قلت بالحرف الواحد " يا جماعة انا كافر " واجا واحد شال "سيف " وقطع راسي فيه هاد بكون عبيعمل بناء على بنات افكاره ولا بأمر من الله والرسول ؟! بيلزمك اجيب لك الآيات اللي بتقول هاد الشي ؟! من المفروض انك حفظانتيهم . برجع بقول اسلوب تمرير الحشكيل والمعلومات المدري من فين واحد جايبها والمعاكسة تماما للواقع بطلوا يا جماعة لأن اللي بدق الباب حيسمع الجواب . |
اقتباس:
|
اقتباس:
هل انتي كافرة؟؟يعني ها الدعوة بتخصك حسيتيها رغم اني كتير بكره ها الكلمة مع انه معناها باللغة العربية بسيط جدا وهو عبارة عن عدم تصديقي لأي شيء معين مو شرط بس الدين ممكن الشيخ خص بدعائه اعداء الدين بشكل عام مو بس الدين الأسلامي وإلا كان قال مثلا عن المسيحيين واليهود واسمعي معلش خطبة الجمعة من الحرم رح تسمعي الشيخ عم يقول اعداء الدين ومن اراد الدين بسوء ممكن كتير تلاقي انسان مسلم عدو لدينه ورايد سوء لدينه مو شرط بس الكفار تقبلي تحياتي |
اقتباس:
يا صديقي كان بيتي جنب جامع بحلب بشرفي شيخ الجامع بيدعي دعاء بزلزل الأرض على الكفار لك من قد ما يدعي أن صرت أخاف ما نتشئ الأرض و تبلعني يعني شو هالمنطق الأعوج إذا " ثوبه الأبيض " من صنع الكافر بعدين هالقنوات الفضائية الملغومة ما عبتشوفها وين التسامح ونازلين تلطيش حكي !. و أهلين فيك يا صديقي الإنسان :D |
يا جماعة قبل ما تفوتونا بدوامة التكفير ..
الموضوع عم يحكي عن الشيء المقيت اللي أسمو تكفير . مش معناه هالشي حدا ينط و يقول للتاني "إنت كافر".. الحملات الجهادية التكفيريّة مطرحا مش عنا .. وجب التنويه |
اقتباس:
وهل شتم الكافر حلال؟ وهل قتل الكافر حلال ؟ |
اقتباس:
حبيبتي مش بوارد قول اني كافرة او لا لكن السيخ يلي كان عم يدعي بالتحديد دعا على كل من هو ليس على دين الاسلام مش اعداء الدين بشكل عام وحتى لو كان قصدو يلي انتي قلتليه فهذا مامن حقو كمان متل ما من حقو يكون مؤمن من حق غيرو يكون كافر او بالاحرى ملحد فهو بهي الحالة شمل كل المسيحيين واليهود وغيرهم ممن لم ينطقو الشهادتين وهيك انا بعتبر حالي انشملت معون رغم اني مسلمة |
اقتباس:
يعني اذا كان الكافر عم يصنع اشياء للمتدينيين فهو عم ياخد ماصنعه لأجله وهو المال يعني انا قلت انها عمليه تجارية ومرت معي ها الجملة بطريقي .. |
اقتباس:
شو بدنا نعمل طيب حفظت نص القرآن منهم آيات ترهيب و منهم آيات تعذيب من قد ما بيستشهدوا فيهم وبسبوا بالبشر طيب بصير هيك رجل الدين رجل محبة وتسامح هل هذا موجود الآن !. |
اقتباس:
طلعيني من شو كان الرسول يعمل ويقول لان يلي عم نشوفو هلق على خلاف كبير بما كان الرسول يقول و ياريتون بيعرفو شي عن هالدين بالاول ويعرفو كيف كبر ومين يلي دعمو كان الرسول لما بدو يدعي على حدا اقصى مايقوله اللهم اجلبهم الى الاسلام بس يلي عم نشوفو هلق شي كتير خطير من يلي اسمهون مرتزقة متل ماقلتلي بس بيضلو مشايخ بمساجد ودور الفتوى غاضة نظر عنون |
اقتباس:
بذكر كنت صف رابع وراجع على البيت سمعت جملة هزت لي كياني لمدة كتير طويلة كانت الجملة من الشكل : " الهمّ يتّم اولادهم آمين " القصة صار لها اكتر من 10 سنوات وبعدني ما عبقدر استوعبها |
اقتباس:
بس بتخيل انه لما عم يدعي على الكفار بكون اكيد عم يخص اعداء الدين على وجه التحديد وكون اكيد من كلامي |
والله حاسة حالي اندوخت..كل ما عمبكتشف انو عندي نقص بالبديهة..
أنا غلطانة؟؟...و لا النقاش ما عاد الو علاقة بالموضوع؟؟؟؟؟؟؟؟؟؟؟؟؟؟؟؟ أو بالأحرى بعد كل هالردود اكتشفت انو فهمت الموضوع غلط... ليش مين هدول لحتى يقرروا مين الكفار و مين لا؟؟؟ كل انسان و الو دينو..بس للأسف نحنا صرنا ببيوتنا حتى عمنتعلم ما نتعامل مع انسان بيختلف عنا بالتفكير.. |
اقتباس:
اما بالنسبة لسؤالك الأول والثاني فبحب قلك انه الجواب اكيد لاء لأنه لما نزلت الديانة الأسلامية نزلت اختيارية ومو اجبارية ولما رجع الرسول لمكة فاتحاً قال جملته الشهيرة (كل من في دار ابو سفيان فهو آمن) بعد المعاهدة يلي ساواها مع الكفار علما انو ابو سفيان كان كافر |
اقتباس:
طيب هاد جبران حكي هيك طيب شو رأيك بقولوا على جبران ملحد و مجنون وما بيعجبهن حكيو يا صديقتي دائماً الأغلبية تدوس على الأقلية دائماً |
اقتباس:
الكفار هم من يكفرون بالله و لا يؤمنون بالله و ملائكته و كتبه و رسله طيب أنا شو ذنبي إذا أجدادي خئلو قبل الإسلام بصير كافر يعني !. شتمُ الكفار ِ فضيلة وَ إذا قتلتِ كافراً فأنتِ شَهيدة هلئ إذا واحد شاف رجل مُسالم بحالو و قتله بصير شهيد !. |
بعض الأرقام من غوغل ليس الا :
الجملة التالية بحرفيتها اقتباس:
جملة : اقتباس:
جملة : اقتباس:
اما كلمة : اقتباس:
وكلمة : اقتباس:
مع العلم ان الكلمة في حال تكرارها اكتر من مرة في نفس الصفحة تدخل مرة واحدة فقط في النتيجة |
اقتباس:
رح دور على الحديث يلي بيمنع فيه الدعاء على اي انسان باي شيء وحتى لو دعا الدعاء لايستجاب |
اقتباس:
و لكن ما أجمل الزهرة التي عندما تُداس..لا تترك في هذا الكون إلا العبير.. و لكن ..هل الله سبحانه و تعالى ..ذاك السميع العليم..يلبي كل الدعوات؟؟؟ من أؤمن به لا يجعل أطفالاً أبرياءً أيتاماً فقط لأن أحدهم لا تعجبه تصرفات أبيهم.. هل أنا أحلم بالمدينة الفاضلة؟؟؟...ربما..و لكننا دائما محكومون بالأمل.. |
اقتباس:
|
اقتباس:
الأمل لا يأتي إلا بالعَمل و أدنى حقوق الإنسان الكرامة الإنسانية يعني الواحد يُهان ألف مرة وأكتر يمكن يوم الجمعة بسبب الدعاء و الفضائيات ما بتقصر هذا الشيء يولد الكره المورث وَ نحنا مجتمع واحد ما بصير هيك كمان |
يعني ما بعرف شو اللي عم يصير بهالمنبر ,يعني الاولى نناقش قضايا البلد السياسية والاقتصادية والاجتماعية مو نقعد نناقش الاديان
صاحب الموضوع عم يدعي انو ما نو ضد الدين, وكل الموضوع والتعليقات موجهه ضد الدين الاسلامي حصرا وللاسف حتى المشرفين مو مقصرين بالسخرية والتهكم بتمنى لو نترفع عن هالقصص يا شباب لانو في شغلات كتير اهم |
اقتباس:
يا أخي هاد نقاش مو ديني بس للأسف صار ديني أنا أتكلم عَن ازدواجية المعايير وَ الأفعال التي يتكلم بها أؤلئك الناطقين باسم الدين |
أكبر فضائع التاريخ ارتكبت باسم الدين ... بغض النظر عن الدين شو هوي.. ما حدا قصّر بحدا..
المشكلة وين تكمن... انو غالبا لصق هالفضائع بدين ما هو وليد ربط ركيك و غير منطقي... مثل حالات انتحاريين العراق أو الجزائر.. بيجي بيحكيلك باسم الاسلام... و المشكلة انو في قسم من المتشددين يعتبر الكلام عن هالأمر و كأنو هجوم عالاسلام... لك عمي اللي عم يهاجم الاسلام هو اللي عم يجرم باسمو.. مو انا... كما قال الماغوط على لسان دريد لحام:" مشكلتنا مو مع الله, مشكلتنا مع الحاط حالو محل الله" و بضيف عليها أنا كمان "و مو ناقصو غير يسجل اسم الله و الدين كعلامة تجارية" و كمثال عملي... كيف حدا قرا وصية الرسول لاسامة بن زيد (اللي كلنا تعلمناها بالمدارس) ممكن يبرر جرائم أوباش القاعدة بأي مكان بالعالم... و بشكل خاص ببلادنا |
رجاء من الجميع و بناءا ً على رغبة صاحب الموضوع .. يرجع الموضوع لمنحاه ..
طلعنا كتير عن الموضوع .. يا ريت الكل يرجع لموضوع الحوار الأساسي .. |
اقتباس:
كلنا منعاني من تصرفات الناطقين باسم الدين , بس في فرق بينن وبين الدين للاسف اللاديني ما بيقدر يشوف الفرق بين انتقاد رجال الدين وانتقاد الدين نفسو بياخد الاتنين بالطريق ومشان هيك بيستعدي حتى المتدينيين اللي هني كمان مستائين من افعال بعض مستغلي الدين مشان هيك صدقني بهيك مواضيع انت ما عم تقنع حدا بوجهه نظرك وانما فقط عم تكسب العداء وعم ترسخ الفكرة انو العلمانيين(اكيد بتعتبر حالك علماني) ملحدين وبيكرهوا الدين نفسو يؤسفني جدا قول انو في بهالمنتدى ناس لادينيين وناس من اديان اخرى بيستغلوا هيك مواضيع لتفريغ شحنات من الغضب ضد دين بيدين في اكتر من 80 بالمية من الشعب وسواء هالدين عجبن او لاء فلازم نحترموا اذا كان بدنا نبني وطن مشترك |
اقتباس:
أتساءل و هل للقادة ثلثي الخاطر في تفرقة الشعوب و بث الضغينة في نفوسهم " فرق تـَسدْ " آآآه ٍ منهم يجيدونَ ضربَ المعارضة وَ جمع الثروة وَ قسـمة الأوطان و َ طرح الأمل " متفوقونَ في الرياضات " أيضاً |
اقتباس:
دائما أنصح بنفس الكتاب و نفس الفصل بهذا الكتاب لما اتحدث عن هالشي.. الكتاب هو طبائع الاستبداد (بعرف احكي عنو كتير و كأنو ما قريان غيرو :lol:) و الفصل هو "الاستبداد و الدين".. الشيخ الكواكبي من 100 عام كتب اللي عم يصير هلأ... ابتذال الفكر الديني (اللي هو بالنهاية نتاج فكري انساني و مرحلة من مراحل تطور الفكر الانساني هامة جدا) لمصلحة التخدير الشعبي و الانشغال بتوافه الامور .... مقولة انو الدين أفيون الشعوب صحيحة (لا حدا يزعل... خلوني اشرح ليش) .. لأنو الافيون يطلع منو الدوا الشافي و المهدئ الهام جدا و الكثير من العقاقير الطبية.. و بنفس الوقت ممكن يطلع منو مواد ضارة...و الاستبداد خير عالم بهالشي.. شوف شيوخ الفضائيات.. شوف الفتاوي السخيفة.. شوف مظاهر التقديس التافهة و تجريم تخطيء أحدهم لمجرد انو هاد شيخ و مشكلتك معو هي مشكلة مع الاسلام.. ألم تقل امرأة لعمر ابن الخطاب أن تعليماته بتخفيض المهور أو جعلها رمزية وقت القحط خاطئة.. و بررت قولها و قال لها عمر ابن الخطاب: أصابت امرأة و اخطأ عمر ؟ (ما بتذكر الواقعة بحرفية..) . |
اقتباس:
وَ هل العلمانية تهمة وَ هل اللادين جريمة إنسانية ما هوَ الدين ما ماهية الدين تفضل !. |
اقتباس:
موضوع اللادينينة حرية شخصية, انت هيك بدك , هيك شايف صح ,تمام انت حر بس في شغلة صغيرة متل ما انت بتطالب المتدين يحترم اختيارك , لازم تحترم الدين اللي بدينوا في اغلبية افراد مجتمعك مشكلة الادينيين عنا انو بفكروا حالن وصلوا للحقيقة المطلقة وبالتالي بتبدأ تلاحظ بتعليقاتن احتقار الاديان والمتدينين و السخرية الدائمة منن على اعتبارن قاصرين فكريا ومتخلفين |
اقتباس:
يا أخي نحنُ لا نحتقر أحداً وَ إنما نجعلهُ يُفكر ألانستطيع أن نفكر سَوياً بـِ صَوتٍ عال ٍ يا أخي حتى الكيبورد التي كتبت بهِ هذا الرد من صنع الكافر ماذا نفعل هناك ازداوجية بينَ الأقوال وَ الأفعال ألا يَحقُ لي أن أنقد حتى !. :: أعرني رئتي لـِ أتنفس |
اقتباس:
لكن كنوع من اعماء ابصار الناس بزكر الكلمه السحريه " الدفاع عن الدين " و الاستعانه باقوال دينيه و صور لهم و هنن يمارسون الدين مزينين بالشعارات ... للاسف هالاعماء للابصار اللي عم يصير ناجح بنسبه خياليه بـحيث انو صاير معظم الناس عم يتبنو مواقف و شعارات ظنا منهم انها بتنطوي تحت الدين و التدين و هي بالحقيقه لا تمت لذلك بصـله .. |
اقتباس:
حقك بالنقد مضمون بس السؤال انو شو الهدف من النقد؟؟ فشة خلق مثلا ,اكيد لاء اذا النقد بهدف بس النقد معناها صار اسمو شي تاني نقد الدين او خلينا نسمي نقد الخطاب الديني الو معايير ,لانو انت عم توجه خطابك مو بس للي متلك ,يعني اللادينيين, وانما للكل بهدف محاولة اثبات وجهة نظرك للاخرين وهالشي ما بيتحقق الا اذا اعتبرت الاخرين متلك ,يعني بفكرو كمان وحاولت شوي تحترم تفكيرن كمان اما تفترض انن ما بيفكروا وانت رح تخلين يفكروا فما رح توصل لاي شي |
اقتباس:
و شو الغلط إذا توافقت وجهة نظري مع وجهة نظر الآخرين و شو الغلط إذا اختلفت وجهة مع وجهة نظر الآخرين التعبير عَن الرأي ليست بجريمة إنسانية السكوت عن الخطأ هوَ الجريمة نحنُ نتحاور هنا فربما يؤثر صوتنا الضعيف في أؤلئك الجبابرة قلي أليس في بلادكَ أشخاص متدينون يدخنون دخاناً أجنبياً قلي أليست هذهِ ازدواجية ألا يشاهدون الكفار على شاشاتهم الكبيرة و المسطحة أليسَ الموبايل من صنع ِ الكفار أليست هذه إزداوجية بالله ِ عَليك !. |
| الساعة بإيدك هلق يا سيدي 20:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون