|
من هو الله؟؟
قبل أن يفاجئ البعض من العنوان و للتوضيح أريد من هذا الموضوع أن يكون نقاش فكري منطقي حضاري بعيد كل البعد عن الغوغائية و الردود الجاهزه و المتعصبه.. نقاش نصل به إلى نقطة تجمعنا لاتفرقنا.. نقاش لا علاقة له بالأديان ولا بالمعتقدات.. نقاش صريح يتخطى الخطوط الحمر دون امتهان لفكر أحد و لا استفزازاً لأحد.. من هو الله؟؟ ماهي وظائفه؟؟ و ما هو هدفه؟؟؟ و ماهي حدود علمه و معرفته؟؟؟ و ماهي حدود تدخلاته بحياتنا و متى يتدخل و كيف ؟؟؟؟ هل هو الإله العادل الذي خلق الدنيا على هذا الأساس لكن البشر خربوها؟؟ هل هذا يعني أن الأمور خرجت عن سيطرته و توقعاته؟؟ هل هو الإله الذي خلق الإنس و الجان فقط حتى يعبدوه؟؟ أوليس هذا قمة الغرور؟؟ هل هو الإله الذي يمكر لعباده و بمكرون له و هو خير الماكريين؟؟؟ هل هو الإله الذي ترك الناس على هواهم حتى يحاسبهم و يحاسب من يشاء و يحرق و يشوي من يشاء؟؟ ماهذه الوظيفة العجيبة؟؟ هل هو الإله المتكبر الرافع الخافض المذل الحارق الخارق؟؟ و ماهي وظائفه؟؟ هل إنتهى تدخله في هذه الأرض أم نساها أصلاً؟؟ أم ارتضى لنفسه موقف المتفرج على مايحصل؟؟ متى يدخل في هذه الدنيا؟؟ أهو نفس الأله الذي خسف الأرض بأقوام لم يفعلو جزءً يسيراً مما يحصل اليوم؟؟ أهو نفس الإله الذي أرسل طيوراً أبابيل لأسباب لاتقارن بما يحصل اليوم على هذه الأرض؟ أين هذه الطيور؟؟ أين هذه القدرات بخسف الأراضي و الطوفانات؟؟ و ماهدفه من خلق هذه البشرية؟؟ هل هدفه إيجاد الملايين من العابديين له و إلا يعدهم بالويل؟؟ أوليس هذا قمة الغرور؟؟ هل هو عالم بكل شيئ و بمن سيكافئ و من سيعاقب؟؟ أوليس في هذا إنتفاء لسبب وجود هذه الحياة التي لانعلم سببها أصلاً؟؟ أم هو تارك الحرية لكل شخص حتى يفعل مايشاء؟؟ ألا يكون حينها ناقص علم؟؟ أليس هو من بعث الأديان التي فرقت الناس و صنعت المشاكل؟؟ أوليس هو الذي قال لبعضهم أنه واحد أجد و قال لبلبعض الأخر أن له ولداً أو أنه تجسد عل الأرض؟؟ أوليس هو من ال لليهود أنهم أحسن الخلق بالنسبة له و قال للمسيجين أنهم الدين الصحيح و ال للإسلام أنهم خير أمة؟؟ و قال للجميع أن دينهم هو الدين الصحيح الوحيد؟؟ ألم يكن من الأجدى له أن يرسل ديناً واحداً كاملاً لايحتاج أن يطوره و يجدده حسب المستجدات.. إلا إذا كان يتابع الأخبار ختى يعرف ما يستجد و يعدل في الدين.. أين أنبيائه من هذا العصر؟؟ أتستحق مشاكل العصور الغابره ألاف الأنبياء و لاتستحق هذه الدنيا التي امتلأت بالظلم و الحروب و الكوارث تدخلاً منه؟؟ لماذا هل كاان موسم تخفيضات على الأنبياء حينها حتى كان يرسل لهم كل يوم نبياً؟؟ و ماهي حدود تدخلاته بحياتنا؟؟ الله الذي اعتدنا أن نقول في أمورنا الكبيرة و الصغيرة ( إن شاء الله) هل له حقاً مشيئة في هذه الأمور؟؟ و من له مشيئة في هذه أمورنا البسيطة أليس من الأولى له أن يتدخل في مصائب هذه الدنيا؟؟ حقي أن أفكر بموضوع بهذا الحجم في حياتنا.. كفانا أن نكون قطيع ماشية لا نتأمل و لانفكر سؤالي كان من هو الله.. أما الأن فأصبح ماهو الله؟؟!!! |
بس كـ تنويه ..
الموضوع أنطرح مسبقا ً بالأخوية , بس بقا إزا بتتكرمو علينا .. تناقشو الموضوع بهدوء و من دون خناق و من دون صوت عالي .. و أهم الشي .. يكون النقاش بعيد شوي صغنونة بقد كف الولد الصغير عن أي معتقد ديني بيآمن فيه حضرة السيد المحاور .. شوكرن لتفهمكم و تفهمكن َّ |
بس تسجيل متابعة وبرجع لكمل الموضوع
|
"إن الإله، في كلِّ افتراضاته، هو سلوك، لا ذات فقط. فإذا لم يوجد سلوكُ إله فلن توجد ذات إله"
القصيمي |
اقتباس:
|
اقتباس:
|
أنو ما عندي جواب لكل هالأسئلة
لان ربيت عالإيمان بوجود الله وأنو هو بيحبنا وبيرعانا وبيكون معنا بكل خطواتنا وخلص صحيح أيام هالصورة بتتزعزع وبحس أنو ما بيحبني متل ما تعلمت :lol: لكن بالمقابل أنا أضعف من اني اتخلى عنو :oops: يعني لما بكون معصبة متضايقة ولحالي ما بشوف حدا غيرو اشكيلوا وأوقات اتقاتل معو ........ وبيضل عندي الأمل بانو يمشيلي أموري العلقانة بهالحياة :pos: بس أوقات بحسو ما عم يسمع :cry: هلا أنا كنت فايتة لسجل متابعة واسترسلت بالحديث :p بقا تسجيل متابعة |
الفكرة بسيطة انو الله هو اللي خلقك ( في حال كنت مؤمن بهالفكرة ) و عطاك كتير شغلات
و انت بحكم عادة البشر لازم تشكره بإنك تعبدو و اذا ما بدك يا ريت ترجعلو كل شي عطاك ياه |
اقتباس:
أو ممكن يكون من النوع يللي بحب تمسيح الجوخ .. و بكلا الحالتين بكون اله مادي نرجسي ...و عندو معايير مزدوجة .. يعني بيطلب منا شي .....و هو بيعمل شي تاني |
اقتباس:
|
اقتباس:
هو فرض عليي هالشغلة ......و خمس مرات باليوم كمان |
الله يحب المراقبة
يحب المزاح يهب الانسان مقدرات فطرية بالمقابل يسن قوانين إنها أفضل مزحة علمية انظر ...... لكن لا تلمس المس ..... لكن لا تتذوق تذوق ......لكن لا تبلع و فيما تحاول .... متعثراً بالقوانين .. ماذا يفعل ..؟؟ إنه يضحك مطوّلاً إنه سادي ال باتشينو - محامي الشيطان  |
اقتباس:
رح ياخدلك عيونك و ايديك و ووووووووووو لأ ما رح يصير شي من هاد |
اقتباس:
|
اقتباس:
اقتباس:
يعني هنن بيشوفو انو لو ما بخافو المدير يطب عليهم بنص الدوام ما بيمشو الشغل لذلك ترجمو انو لو ما بخافو الله يعاقبهم بالاخر كانو ما صلو و لا اقامو شعائر العباده اقتباس:
لانو بهي الفكره بالذات بتجاوب انت عسؤالك انو ليش الله اوجد الاديان و فرقت الناس ..بعدين بتجاوب على تساؤولك بالسطر الي بعدو ..دقق اكتر بكلامك بتشوف انو الاديان اللي انت ذكرتها هي الاديان الابراهيميه و اللي بتدعو لعباده الاله نفسه يعني بهالحاله الرب عم يقول للكل انو تعددت الديانات و الاله واحد .. يعني كلكون مناح و دينكم صحيح كل منكم على حد ً .. اضافه ايضا .. عباره انو الدين الصحيح الوحيد هي ما اعتقد انو الله اللي قالها .. اغلب الظن هي اجت من العوامل المناخيّه للديانات .. يعني كـنوع من الترغيب اللي بيسـتخدموه الناس بسـوق الحميديه - مثلا - لبيـع بـضاعه معينه انو بـيقلك البـياع لو بتفتل البلد كلها ما بتلاقي متل هالقطعه بجودتها و مهاره صناعتها و الخ الخ من حكي التجار اللي بخليك تشتريها و حتى وقت تمشي بالسوق و تشوف نفس القطعه معلقه على واجهات المحلات الاخرى تقول انو انا معي احسن قطعه بالشام كلها .. ( كان عطول يصير معي هيك عفكره :lol: ) اقتباس:
اي ما بعود للحياه طعمه :? .. بتصير مملّه و متل القهوه بلا مي .. اقتباس:
اقتباس:
نـحنا , البشر اقصد , محاوله منا بحمايه الله شـوهنا صـورته .. أ ُدخل بعقولنا ان الله دائما غاضب و صارت كلمه الله مرتبطه ارتباط وثيق بالعقاب و الجنه و النار .. و انو اذا لقينا برتقاله غريبه الشكل فهي معجزه او مثلا شي سمـكه صاير معها برص بنقول انو هي قدره الله على جعل السمكه تنطق بالحق :shock: .. و استـخدام وسائل ترويع دلائل على العقوبات اللي انزلها الله بالبشر و بحقيقه الامر بتكون هالمناظر هي عباره عن اعمال فنيّه و منحوتات :lol: .. أ ُدخلت هالقصص و هالصور براسنا بطرق جدا ذكيه و غير مخطط لها لدرجه انو صار الموضوع غير قابل للنقاش او التفـكير و صار التفكير فيه مرتبط بالخوف .. لكـــــن الله هـو عـكس هالـصور هي الّا انو فـشل الانـسان بنـعلقه على الله و نـجاح الانـسان بنـرجعه للـعقل .. متـناسين انو العقل هو جزء من ادراك الله .. انا هون لا اطلب من احد التسليم بوجود او عدم وجود الله .. قـــد يكون الله متواجد فقط مع عدد قليل من الناس :? |
هلأ انا بدي قول شغلة .... اني بآمن بوجود شي اسمو الله .... بس بدي اعبدو ع طريقتي انا .. واشكرو ع طريقيتي انا ... وبدي آمن فيه ع طريقتي انا ... مو ع طريقة لا اسلام ولا مسيحية ولا يهودية وولا شي .....:pos:
لانو في كتيييير قصص غريبة موجودة بهالاديان العقل ما بيتحملها ...:shock: وانا مع ذا مورنينغ بهالفكرة : اقتباس:
:D |
انو ما بعرف شو بدي قول بس بدي قول انو شغلة الايمان راجعة للشخص نفسو يا اما بيامن بوجود الله يا اما لا
وهو بيعبدو كيف ما بدو وهالشي بيرجع لتربية الانسان من صغرو يعني الواحد ما فيو يقول انو ما في الله منوب لانو هاد الشخص لما يكون باوقات صعبة ما رح يلتجئ الا لله واذا انت بتعتبر انو الله مغرور لانو خلقنا لعبادتو بس منشان يجمع ملايين ليعبدو اسمحلي قلك انو هالتفكير بقمة الغرور لانو ما في غير المغرور يللي بيحاول يساوي نفسو بربو اللي خلقو يعني انت لما تعلم شي واحد من رفقاتك قصة او شغلة ما بيعرفها بتشوف حالك عليه لاخر يوم بحياتك انو انت افهم منو بهالقصة بقا كيف الله ما بيحقلو يكون مغرور وهو اللي خلقك وخلق كل شي بهالدنيا يعني انا ما بدي كمل اكتر من هيك منشان ما اتخانق مع حدا وانا بعتذر اذا كنت اسات لاي واحد بهالرد هاد وتقبلو مروري :D |
اقتباس:
الله يـحب الاسئله ما بيرفضها .. لهـيك اوجد الاجوبه بعدين الله لا يجيب زعل ليش لنزعل من بعض .. |
اقتباس:
وعنجد انا بعتذر اذا حدا انزعج من حكيي اللي قلتو ومية وردة ......... :D :D :D :D |
تسجيل متابعة الى يوم الاربعاء مساء او الخميس صباحا
لنا عودة مطولة (طبعا معظمكن بيعرف انو روح قلبي احكي بهالموضوع هاد ههههههههههه) انشالله ما يكون الموضوع شاطح جدا جزيلا ونلحق نقرا كل الردود :D |
اقتباس:
شكراً لمداخلتك ريمي :larg: |
اقتباس:
اقتباس:
اقتباس:
اقتباس:
اقتباس:
|
واضح انك اخد الناحية الدينية الاسلامية كاساس للاسئلة بس اذا بتاخدها من الناحيةالعامة ففكرة الله موجودة قبل الديانات الاساسية كلها وبكل الحضارات متل اليوينانية والاغريقية والفينيقية وووو ..... بس الفكرة اساسا هي احساس البشر بالعجز من مواجهة الامور وبرأيي كان هذا افضل مبرر لخنوع الانسان. فكرة الله كانت دائما وسيلة بايد القوي من شان فرض سيطرتو على الضعيف يلي من شدة ضعفو ما عاد بيفكر وصار عندو مبرر دائم لضعفو برأيي الشخصي هي وظيفة الله لهيك كتير عادي انو تلاقيه بصفات غريبة عجيبة والا كيف رح تبقى رهبتو؟؟؟؟؟
|
اقتباس:
|
الله , هذه الشخصية هي اقدم كذبة في التاريخ تصدق حتى الآن , اخترعها اليهود للسيطرة على العالم و صدقها المسيحيون و اتى المسلمون لكتابة آخر فصل في هذه المسرحية الطويلة و المملة
|
لكل يللي عم يدافعوا عن الله .... يا ريت يجاوبوني على كم تساؤل بسيط :
ليش الله خلق ناس فقرا ..و ناس أغنيا ليش الله خلق ناس أذكيا ..و ناس أغبيا ليش خلق ناس صحيحة و ناس أصحاب عاهات ليش كذا مليار واحد بالعالم عم يعانوا من المجاعة ....و كم الف بني آدم عم يتحكموا بأرزاق البشر ليش في شعوب درجة أولى و شعوب درجة عاشرة باختصار ليش هالازدواجية بالمعاملة بس بنفس الوقت بيطلب منا نعامل بعضنا بمساواة و عدالة |
اقتباس:
لا تخربط فكرة الله موجودة قبل اليهود بكتير الا اذا قلتلي انو اليهود اقدم من اليونان والاغريق وكل الحضارات القديمة بس بوافقك براي انو الله في الديانةالمسيحية والاسلاميةماخوذ بشكل كتير كبير من عند اليهود يلي عطوه كل هالحظوة والخطورة |
خيو الله وكل ما متعلق فيه اسطورة بداها الانسان ما بعرف ليش ما الي علاقة بعلم النفس ولا بدي حط لكم نظريات لكن اللي استنتجته ان الانسان بيشعر بالامان وقت بكون واحد راسم له طريقه والله بيعطي متل شعور بالأمان انه في مين عبيرعاك وفي مين عبينتبه عليك وبالتالي بيمتح معتنقيه او المؤمنين فيه نوع من الطمأنينة والانسان من وقت ما انوجد حاول يوجد هاد النوع من الطمانينة التفت للنار و للحجر عسى انه يخدمه ما مشي حاله التفت للقمر كمان ما ركب على عقله والشمس نفس الحكي حوّل للبقرة ما ركبت معه وما نزلت له على مراقه قدر بقدراته الخارقة يوصل لفكرة ان كل شي ملموس عبينهد وباثبت فشله فمن هون نطت بعقله انه الله كائن روحي وبدي بعدها الابداعات الشخصية عبر العصور فهاد لطش لك مفهوم من الزرادشتية لذقه بالله وهاد لطش لك شي من الوثنية لزقه بالله وهاد اللي التفت للاغريق ولطش لك كام فكرة من عنده ولزقها بالله .
وخلطة غريبة عجيبة طلع الله بمفهومه الحالي والناتج عن تقاطع المعتقدات القديمة مع المفاهيم الروحية وكل فترة والتانية بينعلم للمفهوم ( ابديت ) مشان يتماشى مع الواقع بس عاجلا ام آجلا حيسبح متله متل بقية الآلهة . |
اقتباس:
2 : مشان الاذكيا يطلعو دكاترة و الاغبياء يصيرو خضرية لأنو لو كل العالم دكاترة و علماء كانت خربت 3 : هي عجزت عليها بس عندك وجهة نظر :D |
مُنذُ عصور ٍ غابرة كانَ الإنسـان يُباع وَ يُشترى كـَ أي سُـلعة خام كانَ البشر يُذبحون وَ يُبيدونَ بَعضهم بَعضا كـَ الحشَـرات أو كـَ حيواناتٍ مُضرة بـِ المُحيط لقد اسـتعبدَ البشـر بَعضهم بعضاً بـِ إسـم ِ الدين وَ الله إنهم يعبدونَ الله عَن طريق ِ قتل ِ الإنسـان داخل الإنسـان هل تعرف ماهوَ الإنسان الذي بـِ داخلك ؟ إنهُ روحكَ وَ عقلك وَ شكوكك وَ آمالك التي لم تنظر إليها حَتى إنهُ جُملة مِنْ المتناقضات !. يَقول نيتشه الشهيرة " إن الله قد مات " وَ يَقول ديسـتوفسـكي " إنَ الله إذا اختفى أصبحَ كُلُ شَـيءٍ جائزاً الخير وَ الشر , الفضيلة وَ الرذيلة " وَ أعتقد أنَ " فكرة وجود الإله " فكرة مُهمة جداً فهيَ تنظم الحَياة وَ تردع الإنسان أحياناً عَنْ الرذيلة لكن أتساءل أيضاً ما هيَ الرذيلة هل هيَ وَجهٌ آخر للفضلية !. فـَ " لكي نعرف الفضيلة يَجب أن نعرف الرذيلة أولاً عِندها نعرف الأبعاد الكاملة للإنسان " " الله " أصبحَ حُجة سياسية هذهِ الأيام بل مُنذ ُ الخليقة !. ـــــــــــــــــــــــــ ــــــــــــــــــــــ الشَكُ الصادق إيمانٌ صادق |
عملنا حملة تنضيف للموضوع بتشبه حملة يوم النظافة العالمي ..
الموضوع قلنا فيكون تناقشوه بالطريقة اللي بدكون ياها بدون ما تفوتو بقصة الأديان . بدون حملات تكفيّريّة .. بدون تهديد و وعيد و بطريقة راقية .. بتمنى الإلتزام بهالنواحي .. رح نرجع نفتح الموضوع على أمل يكون الحوار أرقى من قبل .. |
اقتباس:
|
نحنا اذا بدنا نحاول نفكر بالابدية ما رح نقدر نستوعب انو الله مو موجود وهاد لانو الكون بيحتاج لموجد والكون بكبرو وعظمتو ما ممكن يكون موجود من العدم بس هون بنرجع لفكرة تانية وهالفكرة بتحكي انو طيب الله مين خلقو ؟؟؟يعني هون رح نرجع للحلقة يللي دخلناها انو يعني الاساس وينو وكيف؟؟؟
انو انا رح ارجع للموضوع عالاكيد لناقش مين هو...بس بدي اذكر كمان شغلة الكون لازم يكون الو قوة عظمى عم تتحكم فيه لانو بلا هالقوة ما رح يكون بهالنظام ولازم هالقوة تكون وحيدة لانو اذا ما كانت هيك رح يكون في خلاف والكون رح يتدمر وراجعين |
اقتباس:
|
اقتباس:
بس بقصد انو مع اختلاف اتجاهاتنا الدينية انو اي حدا فينا لازم يكون على اقتناع انو في قوة عظمى بتتحكم بالكون وهالقوة ممكن انا سميها الله وحدا تاني مو مسميها يعني باختصار بتخيل فكرة الله متفق عليها |
اقتباس:
|
اقتباس:
انو لو بتدقق بعبارتك بتلاقي حالك جاوبت عن سؤالك لحالك الله هو اللي بيسير الكون وبيمشيه !!!! ما بتكفيك هي الاجابة يللي انت كتبتها بنفسك تقبل مروري :D |
اقتباس:
|
اقتباس:
وهي مو اغلاط بالعكس لو ما كان في الصح وفي الغلط بالدنيا مع بعضون ما كان حدا عرف اذا هالشي صح او غلط وبعدين لو ما كان في الصح وفي الغلط كنتو قلتو انو الله جابرنا ومو تاركنا على حريتنا منشان هيك الله ورجانا الصح وورجانا الغلط بالدنيا وتركنا بعدين نحنا نختار شو بدنا نساوي الصح او الغلط |
اقتباس:
و إذا كان بيعرف فهيك انتفى سبب وجود الحياة!!! يعني عم يحضر قصة بيعرف شو نهايتها؟؟ يعني متل ماقال ميدو تســــالي؟؟؟ |
| الساعة بإيدك هلق يا سيدي 08:43 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون