|
الإخوان المسلمون يحصرون برنامجهم في فرج المرأة ويشرّعون اغتصاب القاصرات!
عريب الرنتاوي
بعيدا عن السياسة، كان مجلس الشعب المصري يشهد خلال الأشهر الماضية واحدة من "أسخن" جولات الصراع الاجتماعي بين "السلطة وحزبها الحاكم" من جهة، ونواب "الإخوان المسلمين" من جهة ثانية، وهذه المرة حول "ختان البنات" و"سن الزواج" و"إثبات نسب الطفل لأمه"، انتهت على الطريقة اللبنانية "لا غالب ولا مغلوب"، مع أننا كنا نتمنى - وبخلاف المألوف - أن تنتصر السلطة على المعارضة في هذه الجولة. إسلاميو مصر، مدعومين من بعض "المحافظين" المبثوثين في مجلس الشعب، بمن في ذلك الحزب الحاكم، نجحوا في الإبقاء على ثغرة في "قانون الختان" تسمح بإجراء العملية في ظروف صحية محددة، ولا أدري أية ظروف يمكن أن تجعل من ختان الفتاة متطلبا وضروريا وعلاجيا، وكان المأمول أن لا يتضمن مشروع القانون فقرة من هذا النوع، وأن يكتفي بتجريم هذه العادة، التي يقول إخوان مصر أنها "أمر إسلامي" ويقول مجرّمو الختان بأنه عادة أفريقية - فرعونية كريهة، لطالما أزهقت حيوات مئات الفتيات وتسبب في آلام وعذابات جسدية ونفسية مبرحة لهن. النصر الثاني الذي سجله إخوان مصر، تمثل في إسقاط المادة في "قانون الطفل" والتي تنص على رفع سن زواج الفتاة إلى 18 سنة، معارضو هذه المادة تذرّعوا بالخشية من تفشي الزواج العرفي، لكنهم بدل أن يغلظوا العقوبات على مقترفي فعلة الزواج من "القاصرات"، أباحوا هذا الزواج و"شرّعوه"، ودائما بالاستناد إلى مرجعيات دينية تحلل وتحرّم. أما النصر الثالث، فقد سجّله مشرعو التيار الإخواني بعد أن ثارت ثائرتهم ضد مادة في القانون تخص من يطلق عليهن في أوروبا والعالم وصف "الأمهات العازبات"، حيث نجح القوم في إسقاط المادة التي تمنح المرأة الحق في الإبلاغ عن طفلها ونسبته إليها في حال تعذر معرفة الأب أو امتناعه عن الاعتراف بنسب طفله، التسوية التي تمت بين "السلطة والمعارضة" أتاحت المجال للمرأة لتسجيل طفلها باسمها لغايات إثبات واقعة الولادة لا أكثر، ما يبقي هؤلاء الأطفال في خانة اللقطاء، ويبقي أسماءهم مذيلة بـ"عار" لم يقترفوه، ويجعلهم يدفعون ثمنه مدى الحياة، وعند الممات يورثونه لأبنائهم من بعدهم، إن قدر لهم أن يتزوجوا وأن ينشئوا أسرا، وينجبوا أبناء وبنات. هي انتصارات ثلاث سجلها إخوان مصر على سلطتها وحزبها الحاكم، بالنقاط وليس بالضربة القاضية الفنية، ودائما بذريعة رفض "الإملاءات الخارجية" والذود عن "الشرع والشريعة"، ولا أدري أية شريعة تجيز تعذيب القاصرات بالختان والزواج المبكر، وأية عدالة تلك التي تجعل إنسانا يدفع طوال حياته الثمن الباهظ لفعلة لم يقترفها، وأين هذا وذاك وتلك من ثقافة"وإذا الموؤدة سئلت.." و"...ولا تزر وازرة وزر أخرى"، وإذا كان رفع الظلم والمعاناة عن فتياتنا القاصرات، إملاء خارجيا، فأهلا ومرحبا بهذه الإملاءات وإلى المزيد منها. الحقيقة |
اقتباس:
بدنا نقطع راس القط بليلة العرس..... لي عودة...:frown: |
لأ ياسين هي مو انتصارات للأخوان المسلمين هي ضربه للأسلام المعتدل
وطريقه ذكيه من حكومة حسني مبارك مشان يحسس الأخوان بأنهم الهم سطوه في المجلس النيابي والموضوع الو تفرعات كتير الها دخل بالسياسه ما الها دخل بالدين طبعا هاد رأي تقبل مروري |
اقتباس:
قياساتن وشرع اشك بانو الله قام بتشريعو |
بس ك تنويه حتى قبل ما أقرا المقالة اللي ناقلا الحجي
أي محاولة للربط بين أخوان مصر و أخوان فلسطين "حماس" .. و أنو يا عمي هاي حال حماس و من هالقصص اللي شبعنا و ملينا منها ممنوعة منعا ً باتا ً .. و قد أعوزرا من أنزرا |
بعتقد أنو العنوان أكبر من الموضوع بكتير . والأنتصارات المزعومة هي عبارة عن وجهات نظر . ويكفي عدم التصويت بالأجماع عليها . وبعتقد أنو الأخوان المسلميين حركو كتير شغلات بالحياة البرلمانية المصرية . وكان الهم مواقف واضحة . متل موقفهم من قانون الطوارئ . بس مو ذنبهم أذا ماقدروا يجيبوا أغلبية بالتصويت . بكل الأحوال المقال لايمثل الصورة كاملة . ويقصد الأساءة لتجربة الأخوان في مصر .
|
ما بعرف اذا هالخبر صحيح ولا لأ ..
لانو ما صار الواحد يعرف مين يصدق .. يعني اعجبني رد ماغنوم .. تشوية صورة اخوان المسلمين في مصر .. دايما موجودة .. يعني الدين ما بنص على الختان .. من وين هذه اجت !! الله يرحم .. حسن البنا وسيد قطب .. :pos: |
اقتباس:
|
اقتباس:
بعدين بيكفي هدول الشغلات لحتى نعرف لشو عما يسعو اخوان مصر !!! |
طبعا التيار المطالب بختان البنات موجود بقوة قي مصر ... و الحكومة ما تريد تصدر قانون تحظره بشكل نهائي ... لاسباب ما نعرفها ..
بالحقيقة الشيئ الملفت للنظر في مصر ... الاخوان المسلمين حركة محضورة لكن مقالاتهم تنشر بالجرائد الرسمية وقادتهم يظهروا حوارات تلفزيونية بشكل دوري .. و دخلوا تحت قبة البرلمان ...... كمستقلين يا عيني على الديمقرلطية .... و خفاياها ...... |
اقتباس:
|
سلام عليكم شباب:
وأنا بحاول أفهم المشكلة لقيت مقال بيحكي عن موضوع الختان ينقسم ختان الأنثى إلى قسمين: 1. الختان الشرعي: وهو قطع القلفة التي تغطي بظر الأنثى وهو شبيه لختان الذكور، ويعرف بالسنة. 2. الختان غير الشرعي: وهو قطع أي جزء زيادة على قلفة البظر ويشمل الختان الفرعوني (الكامل) والمتوسط والفرعوني المحسن وغيرهما. وعليه فإن الختان الذي يقطع فيه جزء من البظر يدخل في الختان غير الشرعي فهو من درجات الفرعوني وليس من السنة. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هاد الموضوع كامل هادا أولا أما بالنسبة للنقطة الثانيةوالثالثة أنا أعارض وبشدة أما الأولى بس حبيت أوضح الصورة من ناحية دينية فقط شكرا |
اقتباس:
بعدين انت شرحتلنا الختان هاد بيعني انو انتي معو ؟ |
اقتباس:
بعدين مين قال انو هادا شي كويس انو بسوريا لهلق سن الزواج بال 15 وال 13 سنة؟؟ يعني انتي وقت كان عمرك 15 سنة كنت قادر تتجوز وتبني عيلة وتعيش مرة وولاد؟؟ المقال مانو عما يحكي بشكل عام عن سياسات الاخوان بمصر, عما يركز على نقطة انو الاخوان عما يأثرو لهلق بالمجتمع المصري وبطريقة الحياة هنيك .. وعما يقضو على اي خطوة من العلمانين بمحاولة تطوير البلد شوي وتبعيد العادات السيئة المتفشية كترا بالمجتمع المصري... |
ممكن سؤال...بالنسبة للاخوة يللي دافعو عن تجربة الاخوان المسلمين بمصر...ممكن نسألكم سؤال...
بحكم دفاعكم عن هالتجربة...ممكن تعطونا ملخص عن هالتجربة وتبرزولنا اهم النقاط المضيئة فيها؟؟؟ |
اقتباس:
برجع بقول يلي بيهمني من الموضوع العنوان المضخم يلي بيحرك المشاعر . وأغفال باقي الحقيقة. أكيد مابيهمني قانونهم بيعملو ختان ولا لأ . لأنو يلي بدو يعمل أو يزوج في يعمل بدون مايستنى قوانين |
اقتباس:
يعني معروف انو جماعة اخوان المسلمين بتم تشوية سمعتهم في مصر .. بعدين الختان في مصر مو مصدره الاخوان .. لانو نسبة الختان 98% في مصر .. هيك انا شوفت في برنامج .. يعني ما بظن انو الاخوان سبب ختان ال 98% .. ولو عنجد الاخوان بأثروا بشكل سلبي .. فلشو الشعب بختارهم في البرلمان .. يعني مع كل الاضطهاد وسجن القيادات الي كل يوم في خبر عن سجن من الاخوان .. ومع كل هالشي .. 88 مقعد في البرلمان .. اخ منشد .. ختان البنات مو موجود بالاسلام .. |
اقتباس:
وفي نقطة كتير مهمة . أنو مافيك تعتبر ماحصل تجربة . لأنهم لايملكون أي قرار وهم أقلية في البرلمان . أنا يلي بيحقلي طالبك بالعكس . ممكن تعطيني التجربة العلمانية ممثلة بالحزب الوطني الحاكم شو قدمت لمصر من 30 سنة لهلأ عالهامش رغم أنهم لم ينتخبوا من فراغ . بل يمثلون شعب أرادهم . لمتى سنظل نهاجم حركة الأخوان المسلميين . يعني بسورية منتحجج أنهم كانو أرهابيين ويعملوا تفجيرات . وهاد كلام سليم . بس حتى تجربة ديمقراطية سلمية مالكون قدرانين تشوفوها . وتهاجم بسبب وبدون سبب . وين الديمقراطية يلي بينادوا فيها العلمانيين |
اقتباس:
|
اقتباس:
كل هذة "الانجازات" ما هي الا جرائم عنف ترتكب بحق نسائنا... بحق امهاتكن, اخواتكن, زوجاتكن, وبناتكن... فهل ستستمرون بالصمت؟؟؟ هل ستستمرون في تجاهلها كأن شيئاً لم يكن؟؟؟ او ستعطونها المبررات الغير مبررة لدعم وتدعيم استمراريتها؟؟؟ ان التحدي الحقيقي الذي يقف امامنا كمجتمع يكمن في ان نعمل جميعنا على تطوير انماط تفكير وسلوك تنصف المرأة وترى في هذا العنف ضدها, جريمة قانونية واجتماعية واخلاقية تنبذ منفذيها وتعاقبهم. نفذ الصبر... |
اقتباس:
ختان الذكور يتوقف على ازالة جزء ليس لة اي وظيفة في العضو الجنسي الذكري... واما البظر فهو من اكثر الاماكن حساسية للاثارة الجنسية في العضو الجنسي الانثوي وازالتة تفقد المرأة الكثير من اثارتها الجنسية... فهل هذا شرعي بعينكم؟؟؟ من جهة تريدون امرأة تشبع جميع رغباتكم على كل اوجهها... ومن الجهة الاخرى تريدون حرمان المرأة من هذة الشهوة... عدا عن ذلك الا تعلمون بان البظر غير مسؤول عن الرغبة الجنسية لدى المرأة؟؟؟ رغبة المرأة الجنسية موجودة في داخلها بدون اي علاقة لوجود البظر او عدم وجودة... لان البظر يساعد على الاثارة الجنسية فقط وليس على رغبة المرأة في الجنس... والرغبة تبدا من التفكير بالجنس وليس من ممارستة... فهل ستختنون عقولنا؟؟؟ |
اقتباس:
المشكلة انو بس الله بقدر يقنعكم انو ما فيه منو في الدين الاسلامي .. يعني هي عنا ما في منه .. لو انو موجود في الشريعة لشوفنا في بلادنا .. كلنا ضد هذه الظاهره الي هي عادات وتقاليد في المجتمع المصري ... |
اقتباس:
|
اقتباس:
دونالد انت شفت الرابط الي حطو منشد بالصفحه الماضيه؟ |
اقتباس:
يا ريمي انا ما دخلت الصفحة بتاتا .. لانو هذا الاشي ما في منه .. بتقدري تتأكدي .. الحتان في مصر عادة قديمة .. وانا شوفت اكثر من برنامج عنها .. وصار في محاربة لهالظاهرة .. مع كل هالشي .. نسبتها عالية جدا في مصر .. قال شو ..!!! .... عار على البنت اذا ما بختنوها .. |
اقتباس:
|
نقد كاتب المقال للاخوان المسلمين بمصر كان لأنو صوتهم طلع على هالقضيتين أضعاف الصوت اللي طلع على أمور أخرى.. و تمثيل العلمانية المصرية بالحزب الوطني الحاكم هو اجحاف بحق العلمانية لأنو الحزب الوطني الحاكم هو حزب مباركي ليست له ايديولوجية أخرى... و صح قد يكون من الممكن انو كانت لعبة لتشويه صورتهم لما انمشى معهم بهالقانونين (هالقانونين صوتو بنفس القرارات نواب الاخوان مع نواب من الحزب الوطني) بس هنن مشو معهم و لا فارقة معهم لأنو هاي ايديولوجيتهم
هنن بيدافعو عن حرية الرأي؟؟ هنن يدافعو عن حريتهم ليس الا.. حرية غيرهم عندهم بفرنكين (مثل أغلب الحركات السياسية الدينية... الحرية تتمثل عندهم بتطبيق ايديولوجيتهم... و حرية غيرهم "اهانة للمعتقدات" لذلك مانها حرية و لا ضرر بأن يتم قمعها) الاخوان سيّرو مظاهرات خجولة ضد الحكومة لما منعت صحفهم و سجنت صحفييهم... بس ما في اخونجي واحد حكى حرف لما انسجنو المدونين الشهيرين (راح كون سيء النية بقول لأنو مانهم اسلاميين) و واحدهم ينفخ صدرو و هو يحكي عن الحريات ... لكن هنن أول ناس تظاهرو و طالبو بحظر كتب نوال السعداوي و من 30 سنة لهلأ يوسف شاهين ما شبع مسبات منهم و لو بايدهم كان منعوه |
الأخوان المسلمين
-حركه سياسيه ذات صفه دينه متطرفه لاتمت للفكر الأسلامي المعتدل بأي صله -وختان الانثى مانو موصف بالقرأن لذلك انا بعتبره بدعه وحسب ما قرائت هو بدعه فرعونيه |
اقتباس:
أنا هيك بعرف... و بعرف انو منتشرة هالعادة بأماكن كثيرة من أفريقيا و خصوصا بنيجيريا و السنغال... طيب هون نجي عالمفارقة.. لماذا يدافع الاخوان بشراسة عن ختان البنات.. الاخوان و الكثير من الجماعات الاسلامية.. هل هو تعلّق بالموروث و نسب جميع الموروث للاسلام نتيجة الجهل؟ |
اقتباس:
تعقيبك حلو وما في عليه شي .. بس حبيت اوضحلك انو الختان ما الو صلة بالدين والشريعة .. ولو حضرتك انتبهتي شوي .. شوفتي انو ردي كمان بعارض الختان .. |
اقتباس:
ماغنوم .. حركة اخوان المسلمين مو متطرفة .. روح اقرا عن تأسيسها وعن حسن البنا وعن سيد قطب .. بس ما بعرف كيف .. وجماعة اخوان المسلمين اليوم عندهم اخطاء .. وكمان بنقسموا لاقسام .. بكفي انو " جمال البنا " منهم .. يعني حماعة اخوان المسلمين في مصر حزب كبير كثير .. بس يعني ياس .. هالمقال لاي كاتب بالتحديد .. !!! يعني لو كان هالمقال لواحد من جماعة اخوان المسلمين واتهم العلمانين فيه .. شو بكون رايك .. انا ما بقول انو ما في منه .. بس الي صاير في مصر انو هذه العادة موجودة عند كل الشعب .. مو بس عند الاخوان .. وشغلة ثانية ياس .. انت قولت حزب ديني برفض باقي الاحزاب وارائها .. !!! بس ما تنسى انو هذه الاحزاب كمان بترفض وجود الاخوان .. وبتحاربة .. فكيف بدك منهم يقبلوا فيهم .. بعدين نوال السعدواي مثلها مثل وفاء سلطان .. يعني حسب رايك بدك منهم يعطوها مقعد في البرلمان .. لانها بتهاجم الدين الاسلامي !! مو كل الناس عندهم صبر .. واغلب الناس عادة بكون ردة فعلهم متسرعة ومتطرفة .. حتى لو كان العنف السبيل .. |
اقتباس:
اقتباس:
اقتباس:
أنا ما قلت هالحكي... أنا قلت: (مثل أغلب الحركات السياسية الدينية... الحرية تتمثل عندهم بتطبيق ايديولوجيتهم... و حرية غيرهم "اهانة للمعتقدات" لذلك مانها حرية و لا ضرر بأن يتم قمعها) و هالكلام تبعي يأكدو كلامك اللاحق اقتباس:
اقتباس:
اقتباس:
شاااااااااااااايف... هاد دليل كلامي... الفكر السياسي الديني يهاجم الفكر المخالف لألو لأنو يهاجم الدين الاسلامي... طيب الفكر السياسي الديني ما بيهاجم الفكر السياسي العلماني؟ ليش في هجوم مشروع و هجوم غير مشروع؟ ليش يحق للسياسي الديني يهاجم الفكر المخالف لألو لكن الفكر المخالف لألو اذا حكى حرف يتكفّر و يتخوّن و يلتعن سماه؟ كلامك عن انو نوال السعداوي لا تستحق مقعد برلماني لأنها "نظريا" تهاجم الاسلام هو الأرغومنت تبع الاخوان المسلمين... هنن تحرريين لما بيناسبهم و يحتاجو انو القوى التحررية تدعمهم... بس لما مانهم بحاجة حدا هنن قمعيين جدا و ما بيفرقو عن مبارك و زبانيته بشي أبدا معنى الكلام... بدهم ديمقراطية ع قياسهم... أنا احكي شو ما بدي بس اذا حكي فلان ما عجبني بخرسو لأنو عم ينتقدني و أنا سياسي ديني... و انتقادي أنا هو انتقاد للدين لذلك نوصل لنتيجة انو فلان عدو الدين و لذلك فينا نخرسو...مفهوم لا يختلف أبدا عن أي نظام قمعي عربي |
مابعرف ليش كل ماصار اي شي بين الحكومه والاخوان بدخو المراة في الموضوع
انو لازم يكون مساوى بينهم ياعمي طز بلمساواة الذي بس امام العالم انو شوفو نحن مع المراة طيب ليش تغتصب المراة من اجل ان يغرم زوجها على الاعتراف يازلمه حكام اخر زمن وعلى فكره مالي مع الاخوان لانو هن اساؤ كتير الا المسلمين |
انا بدي احكي رأيي يللي بنبع من معرفتي اللي قليلة نوعا ما....
انا يللي بعرفو انو ختان البنت حرام والسبب انو بيسبب ضرر الها يعني _لا ضرر ولا ضرار_ومتل ما قالت مروى انو بيسبب برود جنسي عندها...يعني فكرة الختان فكرة جاهلية غبية بالنسبة للمرأة فيعني انا مو مستوعبة مطالبة الاخوان فيها تاني شي ممكن كون مع زواج البنت يللي تحت ست 18 بس برضو مو عالاطلاق يعني في بنات لبعد 23 ليقدروا يتحملوا مسؤولية ويستوعبوا فكرة الزواج يعني برضو مو عالاطلاق... فيني قول اني مو ضد الاخوان بس ضد بعض الافكار يللي عندهم وانا كمان قريت شوي عن البنا وبصراحة ولا انقى من هيك فكر يعني العيب مو بالاخوان ولكن بالانحراف يللي صاب الحركة بسبب انو كتار متأثرين بالمبادئ بس ما بيؤمنوا فيها.... |
اقتباس:
|
اقتباس:
اقتباس:
اقتباس:
بجوز انت مفكر انو الدين محصور على الاسلامين وبس .. ليش شو مع المسلمين ... اقتباس:
يعني بفهم من كلامك اذا في شخص سوري قاعد في سوريا .. وبكتب عن سوريا انها دولة ارهابية ولازم تدميرها .. فبتقوم انت بتعطي وسام شرف .. تعبيرا عن حريتة !! الاحزاب الشيوعية والعلمانية .. الها صراع تاريخي من الجماعات الاسلامية .. وهذا اشي معروف .. مع اني بشوف انو صراعهم مع الدين الاسلامي مو مع الجماعات الاسلامية .. لانو الدين مو محصور للجماعات الاسلامية فقط .. في هالحالة بدك من المسلمين بتقبلوا فكرة نوال السعداوي ووفاء سلطان .. !!! الي كل عباراتهم .. الدين الاسلامي دين الارهاب !!! ما تقولي في اوروبا بتقبلوا الهجوم على دينهم .. باسم الحرية .. في اشي اسمه احترام ديانات ... حتى المسلم الي ما بحترم دين غيره .. بكون غلطان .. |
اقتباس:
مع اني ما عندي خبرة عن الاحاديث المتبعة من المذاهب الاربعة .. بس بعرف شغلة وحدة .. انو في من هالاحاديث هذه غلط ... وباجماع من علماء المسلمين ... وقبل ما تعطيني هالحديث .. في كمان حديث .. عن ارضاع الكبير .. والي هو موجود .. بس صار اجماع انو هالحديث مو صحيح .. |
اقتباس:
فشيتلي خلقي من الموضوع لأنو مزعج جدا وكفيت ووفيت حقا وانا بتفق معك برأيك تماما وان كنت لا اتفق معك بكل آرائك بس رأيك هون عبر عن الي بمخي تماما |
اقتباس:
اقتباس:
اقتباس:
اقتباس:
اقتباس:
و بعديك كلامك تخويني من الدرجة الأولى... نوال السعداوي انتقدت فكر و ممارسات الاسلاميين بمصر... هاي مانها جريمة و تحويل هالشي لجريمة هو ارهاب فكري... و التناقض انو الارهابيين الفكريين هنن أول الناس اللي بيلطمو و يولولو لما حدا بيحطلهون حد لارهابهون, و حجتهم حرية التعبير... كيف يعني؟ حرية التعبير بس لألك؟ اقتباس:
اقتباس:
اقتباس:
و حتى لو متدخلة بالعقائد.. ما حدا يحقلو يسكّتها و يقمعها... ليش في مشايخ بأعلى المنابر نازلين رقع بالعلمانية و ربطها بكل مفاسد الأرض و الانحلال الاخلاقي .. هدول معليش يحكو بس اللي يقرب ع فكرو دمو حلال؟؟؟ شو هالمنطق؟ اقتباس:
اقتباس:
احترام شي... و ارهاب فكري شي آخر... و لا تنسى انو قبل قبل كل شي... الاحترام متبادل... يعني ازا انت متدين و نازل خلع بالعلمانية عالطالعة و عالنازلة و تغلط على كل شي علماني و تطعن بأخلاقو و مبادئو لأنو علماني ما بيطلعلك فرنك احترام... مافي فكر أسمى من فكر تاني و ازا فكرك مقدس احترم انو أفكار الأخرين كمان مقدسة اقتباس:
|
اقتباس:
ههههههه صاير في اسلام ما منعرف عنو شي الظاهر هاد الحديث غير موجود بالأسلام وغير صحيح |
| الساعة بإيدك هلق يا سيدي 14:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون