|
أيهم وطنك ؟؟؟
يقولون انك عندما تحارب لآجل الوطن فإنك ستحارب للممات .....
أردت ان اخذ رأيكم في موضوع وخاصة للمغتربين منذ الصغر ... أيهم وطنك ؟؟؟؟ وستحارب حقا لمن ؟؟؟ الذي ولدت فيه وجواز سفرك منه ؟؟؟ أم الذي تربيت فيه ؟؟؟ بعد الرفاهية التي نعيش فيها في الغربة هل حقا سيأتي اليوم الذي نعود فيه الى بلدنا أم أنه مجرد مكان لنصيف فيه ونلقى أهلنا بضعت أشهر ثم نعود ... بعد ان عشنا أغلب حياتنا في الخارج هل سهل علينا حقا ان نعود لنبدأ في بلادنا من الصفر ؟؟؟ |
الظاهر الإستبيان صعب لهل الدرجة ..... 6 دخلوا ولا اجابة وحدة ...
|
عنجد ما عرفت شو اختار
|
ممكن مساعدة؟؟
ممكن تساعديني شوي انا محتارة لانو بالاستبيان موحود البلد يلي تربيت فيه ولا البلد يلي ولدت فيه
طيب انا ولدت بالكويت وتربيت بالكويت بس انا سورية واصلي سوري وجوازي سوري وبلدي الغالية سوريا بس كمان بحب الكويت يعني قضيت عمري كلو ما هي مسقط راسي وبعز هالبلد بس مو قد ما بعز بلدي الغالية فشلون ...شو بدي اختار ؟؟؟؟؟:cry: |
اقتباس:
أنا بعز سوريا وولدت فيها بس تربيت من صغري في البحرين وبروح عسوريا بس بالصيف بس لما بتحقق الحقيقة وبيخيروني انا مابقدر اترك البحرين وبحسها كتير صعبة اني ارجع عسوريا وبالنسبة الي سوريا هي الغربة ولولا وجود اهلي فيها يمكن مازرتها حتى .. يمكن هيك ساعدتك !!!! الوطن هو شو بقلبك ؟؟؟ |
السؤال مانو سهل على الناس الي تربت براة بلادها ، بالنسبة إلي أنا ولدت وتربيت بمكان واحد الي هو بلدي سوريا ، بس بالنسبة للأشخاص الي ولدوا بسوريا وتربوا براة سوريا بيضل بدمهم الحس بالحب لوطنهم وهاد بيعتمد كتيير على الأهل .
في شخص بعرفو من لبنان ، خلق بلبنان بس تربى بالسويد وطول عمرو بالسويد وأول مرة نزل فيها عابلدو لبنان كانت بعد التحرير بالألفين ، وبيحب لبنان بشكل مو طبيعي وبيحكي لبنيني أحسن من اللبناني نفسو ، بينما في شب تاني من سوريا امو بولونية وابوه سوري من حلب ما كتير بيحكي عربي مظبوط وإذا بتسألو إذا بيحب يرجع عاسوريا أو إنو بيحن عابلدو فجوابو بالنفي وحجتو قال ماعندو صحاب بسوريا . بالنهاية حب الوطن شي وحب المكان الي تربيت فيه شي تاني . أنا مثلا ولو اني بدي صغر المسافات ، من ضيعة صغيرة عالساحل السوري وخلقت هونيك ، بس تربيت بالشام وطول عمري بالشام ، وحاليا بالغربة ولما بيعترضني هيك سؤال فجوابي للتنين وطني هو ضيعتي الحبيبة والشام العزيزة علي كتيير ...... هاد الموضوع كتيير حلو لنقاش وبرأي لازم يتثبت مشان يكون باستطاعتنا نذكر الأشياء الي بتشدنا لحبنا لوطنا أو المكان الي عايشين فيه وتربينا فيه ... wild angel شكرا عالموضوع  |
الوطن هوي المكان اللي بحس حالي بنتمي إله اكيد مانه متوارث جينيا وبالتالي بيبتع البلد اللي تربيت يعني انا بقولوا اصل عائلة الوالدة من لبنان شو معناها بحس انتمائي للبنان وانا ربيت بشوريا وعشت بسوريا ؟! اكيدلا الانتماء للوطن او الوطن اللي بنتمي له هوي المكان اللي بعيش فيه بشكل دائم
|
يالطيييييييييييييف شو صعب هالسؤال .. لك شو مشان ليش مصعبتيا يعني ؟؟
يعني مثلا هلأ ازا صار شي لقطر وشي لسوريا مع مين بوقف يعني انا هيك بالعقل مثلا لقطر مثلا :o حزير والك وليرة .. |
انا ولدت بالسعودية واصلي فلسطيني وتربيت بالاردن!!!!
بس بصدق مطلق انا الي انتمائي للاردن وما بقدر احكي عن الادرن اي شي بالرغم من......الا انو بيبقى الها علي حق انو استضافتني واعطتني حقوق المواطنة بس بصراحة بحن لفلسطين وبموت بفلسطين وبحس بحنين كتير كبير لفلسطين بس لا ولدت فيها ولا تربيت فيها؟؟؟ بس اذا صار شي للاردن اكيد بكون معا وفلسطين صاير فيها البلاوي وما فيني كون معها!!! |
يعني اختيار صعب ... بعدين هيك موضوع شو حطو بالسقيفة؟؟ :?
انا رايي من راي ابو ريتا ... يعني الشغلة واضحة كتير ... شخصيا ... سوريا و بس و الباقي خس .... بس ما بقلك اني ما بحب بولونيا او مالها اي معزة بقلبي ... بس ك تصويت ما رح صوت لانو عن جد الخيار صعب...لانو لازم يكون في خيار تالت او التنين سوا ... يعني ممكن واحد يكون انتماؤو لبلدين .... اللي خلق فيه و اللي تربى فيه |
اقتباس:
|
اقتباس:
طيب شو رأيك نصيغ السؤال بصيغة تعجبك أكتر اذا كان في مباراة بين منتخب سوريا و منتخب قطر ....... مين بتشجع ..؟؟ و احلى سمايلي الك  |
اقتباس:
كزاااااااااااب ولاك .. بعرفك انا عبتموه .. انا متأكد تمام انو بتبيع بلدك وبتبيع البلد كلا من فوقة لتحتا .. ازا اجت وحدة بولنية هيك طولا كم شبر وتكون شقرا شوي وقالتلك تاعا حارب معنا .. بقص ايدك ازا بتعود بتتزكر شو اسم بلدك حتى :p |
اقتباس:
والعب يالعنابي |
اقتباس:
|
اقتباس:
لكن اذا ولدت بالبحرين من والدين سوريين وكل رفقاتي من البحرين وعشت كل حياتي بالبحرين اكيد بدي شجع البحرين :? ما بعرف انا هيك بعتقد يعني القصة قصة اعتقاد ماني متأكد منها لكن انا هيك بتصور بده يصير . |
اقتباس:
بشجع صراحة ومن غير زعل ... البحرين .... أنا عشت هون من صف الخامس الابتدائي وهلأ عمري 25 ومن هداك اليوم لهلأ نزلت عى الشام شي 5 مرات .. انا بحب سوريا كتير بس مابقدر اتحمل أقعد فيا أكتر من شهرين .. الواقع انو الحياة هون مسهلة كتير وكل شي فيو رفاهية يعني انا وحدة بشتغل وطلعت من بيت أهلي ( عايشة لوحدي ) عندي سيارة والحمدالله راتبي عالي وبكفيني... حياتي هون واصدقائي هون أما العائلة الي بسوريا فصراحة في اشتياق بس مابحس انو في الرابط القوي الي بينا ... وبالنسبة الي اني ارجع كمل حياتي بسوريا نهائيا هاد شي مستحيل .. تقعد تناطح كل حياتك ليصير عندك سيارة والراتب يادوب يكفي والحالة هونيك معقدة لتعملك معاملة صغيرة .. وهيك يعني .. لك اي السفارة هون تبع سوريا طلعت روحي لتعطيني شقفة ورقة على لازم دفتر عيلة وبطيخ وأخر شي رجعت على الجهة البحرينية ونظرا للتسهيل مشولي الموضوع من غير الورقة .... |
اقتباس:
لكن اذا ولدت بالبحرين من والدين سوريين وكل رفقاتي من البحرين وعشت كل حياتي بالبحرين اكيد بدي شجع البحرين :? ما بعرف انا هيك بعتقد يعني القصة قصة اعتقاد ماني متأكد منها لكن انا هيك بتصور بده يصير . |
انا من جهتي المذكور ( أيهم ) لا بعرفوا ولا بيعرفني :o
سمايلي ابو ريتا على رواق |
الاستبيان ناقص نوعا ما ..
لانو الي انولد واتربى في دولة معينة ... وهو ما بنتمي لهالدولة .. وطنوا رح يكون وطن اهلوا ... يعني الجزائري الي ولد واتربى في فرنسا ... انتمائة لفرنسا ولا للجزائر !! |
اقتباس:
انا مع هالحكي تماما تماما .. من ناحية العيشة موافقك مليون بالمية . |
اقتباس:
أنا استبياني يا جماعة كتير واضح وما بدو خيار تالت ... لو قامت الحرب مثلا وخيروكم هتحاربوا مع سوريا ولا الدولة الي تربيتوا وعشتوا فيا كل حياتكون مع اي جهة بتوقفوا ؟؟ |
اقتباس:
لك اي يسلملي الرايق:yahoo: |
اقتباس:
حي الله أهل الخليج .... |
اقتباس:
تنويه : بطارية هي عبارة عن فرقة عسكرية صغيرة مختصة بنوع من القتال العسكري على سبيل المثال بطارية المدفعية  |
اقتباس:
ايوااااااااا.. يازلمة وانا عبقرا قبل ماتوضح المعنى المزبوط حسبت انا انو من حبا لوطنا عملت حالا بطارية .. يعني من كتر حبا لوطنا وهبت حالا بطارية |
اقتباس:
|
اول شي مليوووووووووووووووووووووو وووووون بالمية انا مع سوريا بحالة الحرب او رياضة او فن او اي شي ......
تاني شي استبيانك نائص ولازم يكون في خيار تالت مهم كتير البلد الي بيعيش في الواحد لانو زكرياتو وتفاصيل حياتو متعلئة في بس ما ممكن اني انسلخ عن اصولي |
ولبين ماتجمعي الخيارين مع بعض وئتا بصوت
|
اقتباس:
 |
في اللغة :
قال ابن منظور في لسان العرب الوطن ( المنزل تقيم فيه وهو موطن الإنسان و ومحله يقال أوطن فلان ارض كذا وكذا أ اتخذها محلا ومسكنا يقيم فيه ). وقال الزبيدي : الوطن منزل الإقامة من الإنسان ومحله وجمعها أوطان . اصطلاحا 1ـ عرف الجرجاني الوطن في الاصطلاح بقوله ( الوطن الأصلي هو مولد الرجل , والبلد الذي هو فيه .) ففي المعجم الفلسفي يقول ( الوطن بالمعنى العام منزل الإقامة , والوطن الأصلي : هو المكان الذي ولد فيه الإنسان , او نشأ فيه ) في معجم المصطلحات السياسية الدولية : الوطن هو البلد الذي تسكنه أمة يشعر المرء بارتباطه بها , وانتهائه اليها الوطن هو مو جواز سفر ولا هوية الوطن هو يلي رباك وعلمك وحماك وكبرك يلي بتحس انو شو ما قدمتلو قليل وانو مستعد تقدم حياتك فداه اشتقتلك ســــوريــا :sick: |
مرحبا ,,, هلأ انا مريح راسي لانو انولدت بالاردن واتربيت بالاردن :p فاكيد ما الي اي انتماء غير اردني ,,,,:ss:
(سمايلي ابو ريتا) |
اقتباس:
|
وطني هو سوريا .. سوريا بمعاناتها وألامها و حلوها و مرها
|
لا صعب ولاشي
اكيد الي تربيت فيه لان الوطن هو اشياء كبرت معها كبرت وانت بتعرفها وبتعرفك فاكيد اذا ولدت بمطرح وربيت بمطرح رح يكون وطني مطرح ما ربيت وتكونت شخصيتي :D |
لما كان في مباراة بين سوريا والكويت اكييييييد شجعت سوريا :clap:
بس كمان ما بحسن عيش بالشام طوال عمري لانو حياتي ودراستي ورفقاتي كلون بالكويت وكمان ما بحسن عيش طوال عمري بالكوين من دون ما ا سافر عالشام مرتين عالقليلة عالشام لاني عيلتي واهلي كلون بالشام وانا بمووووووووووووووت بالشام وأهلها ولك حزروا شو انا هلأ عم بكتب هالرد قبل بساعات من سفري عالشام يعني ليلة الخميس رح اسهر عالأخوية من الشام مشان الاستبيان خإعتبر الشام هي البلد يلي انولدت فيها وصوتلها :hart::hart:بعشقك يا شاااااااااااااااااااااام:h art::hart: |
اقتباس:
|
أنا بدافع عن أخواتي وين ماكانو . يعني لما رفقاتي طلعو للعراق بأول أيام الحرب ( للاسف الحظ ما أسعفني كون معهم ) لا ولدوا بالعراق ولا ربيوا فيها مع ذلك كان شعور عند الكل أنو لازم ندافع عن العراق . قدام عدو قطع الاف الكيلو مترات ليحتل البلد .
|
اقتباس:
|
وطني محل ما ربيت ومحل ما الي ذكريات واصدقاء ومحل ما عم احكي بلغة بتعبر عن حالي ومشاعري ( لما بكون بدولة ما بتحكي عربي... باعتباري عربية ) اما المحل التاني فهو وطن اهلي وانا ما جبرتون يعيشوني بوطن تاني
|
| الساعة بإيدك هلق يا سيدي 07:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون