|
خلونا ننسى الي راح .. ونركز ع مباراة السبت الجاي
اكيد كلنا تابعنا مباراة الاحد الماضي بين منتخبنا ومنتخب الكويت بالكويت .. وشفنا النتيجة الناهئية وكانت صدمة كبيرة لعشاق الكرة السورية والجماهير السورية المهتمة فقط .. سواءا بسوريا او ببلاد المغترب المختلفة او الجالية السورية اللي بالكويت اللي كانت رائعة وكان في حضور جماهيري ممتاز ع حسب ماشفنا .. بس طبعا النتيجة وخاصة نتيجة الشوط التانية ماكانت مرضية وسط مباراة كانت مخيبة للامال ودفاع هش .. اكيد مارح نطرق هلأ للخسارة الماضية ولا رح نتزكرا ورح نحاول انو ننساها او نتناساها .. ونركز ع مباراياتنا القادمة وبالتحديد مباراة السبت مع ايران اللي رح تصير على ارضنا وبملعب العباسين بالشام طبعا المباراة عليها احتمالات كتير .. ورح اعرضلكن هون امال منتخب بكل الحالات القادمة وركزو عليهن .. امالنا هي كالتالي .. بعد خسارتنا مع الكويت.. هذه هي الاحتمالات مازالت أمامنا »6نقاط« في مباراتين إن قبضنا عليها جميعها فإننا متأهلون بكل تأكيد بإذن الله لأنه لن يكون حينها بمقدور كل من الإمارات وإيران إضافة أكثر من ثلاث نقاط لرصيد كل منهما فيصبح رصيد إيران »9 نقاط« ورصيد الإمارات »8 نقاط« وفي هذه الحالة تكون الكويت قد خسرت المباراتين المتبقيتين لها تلقائياً وفق هذا الاحتمال وتوقّف رصيدها عند »4 نقاط« ومع أن هذا الاحتمال صعب إن لم يكن مستحيلاً إلا أنه موجود على الورق ويكون الترتيب النهائي لهذا الاحتمال: سورية 11 نقطة، إيران 9 نقاط، الإمارات 8 نقاط، الكويت 4 نقاط ونتأهل نحن وإيران. الاحتمال الأكثر عقلانية هو أن نتعادل مع إيران في الجولة القادمة وهنا يرتفع رصيدنا إلى »6 نقاط« ويرتفع رصيد إيران إلى »7 نقاط« فإن تعادلت الكويت مع الإمارات في الكويت فسيصبح رصيد الإمارات »6 نقاط ورصيد الكويت 5 نقاط« ويصبح ترتيب المجموعة وفق هذه الاحتمالات بعد نهاية الجولة الخامسة على النحو الآتي: إيران 7 نقاط، الإمارات 6 نقاط، سورية 6 نقاط، الكويت 5 نقاط، وبهذه الحالة يتوجب علينا الفوز على الإمارات في ملعبها لنضمن التأهل للدور الحاسم، أما إن تعادلنا مع إيران وفازت الإمارات على الكويت فيصبح الترتيب: الإمارات 8 نقاط، إيران 7 نقاط، سورية 6 نقاط، الكويت 4 نقاط، وفي هذه الحالة يترتب علينا الفوز على الإمارات أيضاً، أما إن تعادلنا مع إيران وفازت الكويت على الإمارات فسيصبح الترتيب في نهاية الجولة الخامسة وفق هذا الاحتمال: الكويت 7 نقاط، إيران 7 نقاط، سورية 6 نقاط، الإمارات 5 نقاط، وسيكون الفوز على الإمارات هو المخرج الوحيد أيضاً. في حال خسرنا أمام إيران في دمشق فإن ترتيب المجموعة الخامسة في نهاية الجولة الخامسة سيكون على النحو الآتي: * في حال فوز الإمارات على الكويت: إيران 9 نقاط، الإمارات 8 نقاط، سورية 5 نقاط، الكويت 4 نقاط ونتأهل في هذه الحالة إن فزنا على الإمارات لأننا سنتساوى معها بالنقاط وتمايز مباراتي الذهاب والإياب معها لصالحنا »فوز وتعادل في هذه الحالة«. * في حال فوز الكويت على الإمارات: إيران 9 نقاط، الكويت 7 نقاط، الإمارات 5 نقاط، سورية 5 نقاط وفي هذه الحالة وحتى نتأهل علينا أن نفوز في الجولة الأخيرة على الإمارات وتخسر الكويت أمام إيران في طهران. * في حال تعادلت الكويت والإمارات: إيران 9 نقاط، الإمارات 6 نقاط، سورية 5 نقاط، الكويت 5 نقاط في هذه الحالة يلزمنا الفوز على الإمارات شرط ألا تفوز الكويت على إيران في طهران. في حال فوزنا على إيران بدمشق يوم السبت، فكيف سيصبح ترتيب المجموعة مع نهاية هذه الجولة؟ * في حال فوز الإمارات على الكويت: الإمارات 8 نقاط، سورية 8 نقاط، إيران 6 نقاط، الكويت 4 نقاط وبهذه الحالة فإن التعادل مع الإمارات يؤهلنا إلى الدور الحاسم من هذه التصفيات بغض النظر عن نتيجة الكويت وإيران. * في حال فوز الكويت على الإمارات: سورية 8 نقاط، الكويت 7 نقاط، إيران 6 نقاط، الإمارات 5 نقاط وفي هذه الحالة نتأهل بالتعادل أيضاً بغض النظر عن نتيجة الكويت وإيران. * في حال تعادلت الكويت والإمارات: سورية 8 نقاط، إيران 6 نقاط، الإمارات 6 نقاط، الكويت 5 نقاط، فالتعادل يؤهلنا وخسارتنا وتعادل الكويت وإيران يؤهلنا أيضاً. وهي امالنا بكل الحالات .. المهم لازم ننسى الماضي كلو ونركز ع اللي جاي وان شاء الله ازا مشيت الامور وتداركت الاخطاء كلنا بطاقت التأهل بايدنا والاحمر رح يتأهل وويخطف بطاقة التاهل .. وكلي امل .. وثقة باب شاكر ومنتخبنا ولكل المشككين والمفلسفين والمنظرين .. مو معناتو ازا خسرنا جولة انو خسرنا كلشي .. مجرد خسارة وبتعدي وكل الفرق بتخسر .. وماحدا يحمل حدا وكلو مسؤول عن الخسارة حتى انس الخوجة مالازم نلقي كل ثقلنا عليه .. لازم نشجعو ونكون معو حتى يحسن حالو ويصلح اغلاطو المباراة الجاي وهادا مسؤولية كل الجمهور المحب والاعلام وخلينا نكون كلياتنا ورا منتخب الوطن الغالي بكافة اطيافنا وانتمئاتنا لانو هادا منتخب الوطن ومصلحة فوق كلششششي وغصبالعن كل واحد بيحكي غير هالشي او بحاول انو يحط العصي بالدواليب .. والدور ع لعيبتنا انن يفرحونا ويكونو قد المسؤولية ومايخجلونا بارضنا ونتاهل ان شاء الله وان شاء الله .. ان شاء الله النسر السوري رح يحط الرحال بجنوب افريقيا بهمت لعيبتنا وبهمة كابتنا اب شاكر وبهمة كل مشجع سوري عن حق وحقيق وكل متابع للكرة السورية ومحب لهالوطن .. ويارب |
وان شاء الله هون رح نتابع كل الاخبار والمعطيات والنتائج .. واي شي بخص مباراة السبت الجاي من حد هالحظة لحد ماتخلص المباراة ونحقق الفوز بازن الله .. وان شاء الله يكون كل حكينا هون من كل المتابعين وبهالموضوع مشان ماتتشتت الافكار مو مشان شي
ومية وردة :D |
يا رب .. وناطرين اخر الاخبار حسونة ..
|
بالتوفيق لمنتخبنا وانشالله فايزين :D
|
موفقين شباب :D
|
اذا المستوى بدو يضل هيك
فا الوضع محبط والأمل معدوم |
منشان الله ما حدا يتشائم :jakoush:
الوضع صعب بس باذن الله بيمشي الحال |
لك موفقيين ياااااااااااارب ,,والله زعلت على خسارتكم مع الكويت ,,, بس ان شالله معوضة يااااااااارب ,,:D
والله يوفق منتخبنا كمان ,,لانو هديك اليوم خسرو 1_0 مع كوريا الجنوبية ,,,ويااااااارب نفور على كوريا الشمالية يوم السبت ,,,:D |
اقتباس:
ع راسي يامعلم كلك زوق والله .. وان شاء الله بتتأهلو انتو والطريق كتير مهدة قدامكن وامالكن كبيرة مية وردة :D اقتباس:
اقتباس:
ان شاء الله |
أجواء إيجابية في معسكر المنتخب
 بحضور ومتابعة الدكتور أحمد جبان رئيس الإتحاد السوري بكرة القدم أجرى منتخبنا الوطني حصته التدريبية اليومية على أرض ملعب تشرين بدمشق في تمام الثامنة استعداداً للقاء إيران في العباسيين في الثامنة من مساء السبت . أجواء إيجابية تفاؤل مدرب المنتخب الكابتن محمد قويض عبر عن سعادته بالتواجد الدائم لموقع الكرة السورية أينما حل المنتخب وأبدى تفاؤله بالمباراة القادمة وتحقيق الفوز على منتخب إيران . إصابة العبد الله وخلال التمرين تعرض لاعب وسط المنتخب عادل عبد الله إلى إصابة طفيفة في كاحل قدمه لكن المعالج عبد الرحمن نور الدين أكد بأنها لاتدعو للقلق. سر العصير والكاتو أشار إداري المنتخب السيد عارف سلو خلال حديث جانبي معه إلى انه يشك في أن وجبة الكاتو والعصير التي تناولها افراد منتخبنا في الفندق قبل ساعتين من موعد مباراة الكويت ربما يكون هناك من دس مادة من نوع ما أثرت على أداء اللاعبين الذين ظهروا في بعض مراحل المباراة بلا حول ولاقوة .وعندما قلنا له ان فراس الخطيب كان خطيراً بنشاطه وتحركاته أجاب ضاحكاً: هذا ما أكد شكوكي أكثر حيث أن فراس هو الوحيد الذي لم يتناول شيئاً!!! |
يارب وبالتوفيق .. بكرا لح كون بالملعب بازن الله .. وبجبلكم تقرير .. عن كلشي .. واحلا صور لعيونكم ..
دج دج دج سوريا .. دج دج دج سوريا .. منشان الله .. الفوز ياالله .. ** هامش .. بشرفكم هاد .. منظر بني ادم رئيس اتحاد كرة قدم .. ولك .. جبنة حليب .. جبنة حليب .. |
من أن عمري خمس سنين و فريقنا بيفوتنا بقصة الإحتمالات (( وصلنا بالاحتمالات لمرحلة اذا وقعت طيارة الفريق الايراني و انهار ملعب الفريق الاماراتي على روسهن و غرق الفريق الكويتي بالبحر منتأهل)) لك اشتهيت شي مرة هالفريق يتأهل هيك و يطلع أول المجموعة بدون احتمالات.. والله حرام هالبلد لك اذا فريق الفوتبول ما عم يعتنو فيه و يأمنولو كل احتياحاتو و يعطو هاللعيبه رواتب متل العالم و الخلق... الله يوفقن احسن شي :(
|
اقتباس:
لك والله مزبوط :o شلون ماخطرتلي هي .. عنجد انا من صغري بتابع فريقنا وانديتنا بشكل عام بمعظم الحالات ما منتأهل غير لاخر لحظة وبضل اعصابنا محروقة لاخر لحظة ومتل ماقلت حياتنا نص ع الاحتمالات :lol: بس معلم انو بيني وبينك هي الطابة بشكل عام احتمالات .. الاحتمالات بكل وقت وبكل وبكل الحالات .. القصة انو تحسم وضعك ع بكير او انو ضل لاخر لحظة وع كلن هي هالمرة بايدينا .. منفوز منلعب بعزنا .. اكيد ازا خسرنا رح نضل تحت رحمة الاحتمالات والامنيات وان شاء الله خير اقتباس:
كتير بشبهو |
وين منقوله لانو اذا بس عالارضيه هلا قايمه انتحر بلى نقاش
|
اقتباس:
والله بزمناتنا ياحبيب بدورة المتوسط يلي قبل الماضيه صرنا معتمدين على ليبيا تربح على فرنسا مشان تناهل... وبيقلولك الله كريم.. اي الله شو دخلو شو بدو يلبس بوط أديداس و ينزل يلعب؟؟ صدقني مو غلط هاللعيبة المعترين بس ياحبيب ماحدا عم يخطط للرياضه صح ببلدنا.. لك راتب اللا عب بالمنتخب الوطني الاول 12000 ليره.. لك مشان الله باي نفس بدو يلعب؟ |
عالارضية وبس .. ومعادة على الجزيرة .. :o
|
اقتباس:
الاي ار تي ناقلة كل المباريات ...... الا هالمباراة :sick: |
اقتباس:
والمشكلة انو في امم اوربا يعني .. وفي بطولة تنس وما بعرف شو بقا لح تنحط مسجلة :frown: |
يعني بالاحرى حسب ما فهمت .. انو الجزيرة دفعت 18 مليون .. على المباريات البقيانة عنا لو تاهلنا كمان .. وحتكون حصرية عليها .. ومع الارضية اللي عنا بحقلا تنقلها :D
|
استودعناكن انا رايحه انتحر ...وبكرا دقولي تلفون عالقبر بلغوني بالنتيجه :x
رح نفوززززززززززز عندي امل بالفوز:gem: |
الاتحاد الرياضي باع حقوق النقل ب400 الف دولا ..
وللعلم فقط التلفزيون السوري مابحقلو حتى ينقل مقاطع من المباراة ولا نص مقطع .. هادا بالنسبة لهالمرحلة .. مابعرف ازا بعد التأهل ان شاء الله يارب ازا نفس القصة رح تكون شاملة او لأ وهالحكي كمان ع الدوري وكلشي كرة القدم السورية مبيوع بالوقت الحالي ومابيطلع الا ع الارضية بس انو كيف مو منقولة ع الاي ار تي اكيد هالحكي ولا كيف ؟؟ ومابتوقع صراحة ينقلوة ع محطات تانية .. لانو بوقت مباراتنا في كتير مباريات حامية .. وكل قناة بدا تطالع مباراة فريقا طبعا .. ومشان الجزيرة الله واعلم .. بقى .. يالطيف ..! |
اقتباس:
وان شاء الله يارب بدعا هالجماهير وبهمة اللعيبة نفرح ونتأهل ع الاقل ..!! |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
الاي ار تي رح تنقل 4 مباريات بكرا |
اقتباس:
|
اقتباس:
او قصدي معلوماتن مي اكيدة 100% بخربطو مرات |
اقتباس:
|
يا جماعة شكلها المبارة مو منئولة على اي محطة يمكن على ارضية بس فضائيات لاء
على حسب موقع الجزيرة ناقلين مبارة سنغفورة وسعودية والصين والعراق وقطر واستراليا و البحرين وعمان والجزيرة مشترية كل المباريات بتصفيات كأس العالم يلي عم تصير بسوريا يعني بملاعب سوريا |
اكلنا هوا .. :adal:
|
اقتباس:
لزلك اكيد حتكون معادة وبس للاسف ما حيكون في شي .. لايف ! |
لك مو حرام مانقدر نحضر هالمباراة .. انا متأكد انو في بلاوي مغتربين غيرنا رح يموتوا من حرتن ازا مانقلو المباراة
بربي شي بيحرق القلب ينعن اخت الرياضي ع اخت اللي جابو .. كل الفرق بدا تابع مباريات منتخباتا اليوم .. الا نحن السوري دائما هيك ناقص عن العالم لك تفييييه |
عكلن هدي شوي حسونة .. في ريحة اني ... اقدر دبر لينك للمباراة او شي .. عن طريق لينك للقناة التانية .. لنشوف شو بصير .. :D
|
اقتباس:
والله صعبة يايمون .. النت عندي مابساعد .. بدك نت يكون كويس مشان هالشغلة والنت عندي ماكتير من النوع زيادة .. ولا كنت حاولت .. وتفيييييه مرة تانية على هيك اتحاد رياضي |
اليوم إذا أربحنا
بركات وارثه |
اقتباس:
بركات يلدز |
بس عجب بينقلوها الأرضية ؟؟؟
|
اقتباس:
اي منقولة ع الارضية جخوااااا ياهالمواطنيين :sly::sly: |
اقتباس:
|
هههه .. اي انا عندي ما بتطلع الارضية كمان .. بدك 10 انطين لتقلطا حاكم .. وما بتطلع راكزة بالاخير ..
يلا بالتوفيق للمنتخب ولح اطلع من ال 5 لاقدر فوت فوتة محترمة ما يصير معي متل ما صار المرة الماضية :sick: |
انا يلي لاحظتو بلمباراة مع منتحب الكويت انو منتخبنا كان بمستواه المعروف بكل المبارايات يلي لعبها مع شوية ضعف بلدفاع السوري
و منتخب الكويت ارتفع اداءه و لعب لعبة قوية و حلوة وسبب فشل منتخبنا هو وجود جنيات يلي ضيع فرص محققة للتسجيل على الكويت و كان بيلعب و كانو بيلاحق سمكة بتهرب منو ما كان بيمسك طابه اذا عاطف جنيات لعب بذات المستوى يلي لعبنا فيه بلكويت كا ظهير ايسر و ما بدلو المدرب هي بداية نهاية المبارة لصالح ايران و كمان مشكلة المدرب القويض انو جاب تشكيلة الكرامة ليلعب مع منتخبات دولية و هو مفكر انو بيلعب بطولة اندية بلنهاية القويض اذا ما نزل المحترفين من بدايه المباراة و سحب التشكيلة تبع الكويت فالنتيجة ضدنا و بفارق كبير |
| الساعة بإيدك هلق يا سيدي 15:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
