شو هال عادة ؟!؟!
 

خيو بلا طول سيرة اليوم كنت رايح على جامعتي صبحيات شفت لك على الرصيف التاني سيرفيس الله لا يرويك دايس على ال80 بيطلع له ولد بيكبس فرام وبيطلع صوت بفيق الله والملايكة من الاحتكاك وريحة الدواليب المحروقة عبّت الشارع
الولد عملها تحته من الرعبة

طبعا كالعادة هرب السريفيس

الولد ما عاد فيه حيل يوقف على رجليه بتجي العالم بتشيله وانا كنت من هال عالم ما الاقي الا رجال ختيار بشعل لك سيكارة وبلطه للولد بالسيكارة على ايده

انا عيطت على الرجال اللي بيطلع بعمر جدي قلت له " لك انت **** " ما شايف الولد مرعوب ليش عبتلطه بالسيجارة
بالأول حسبته والده او شي شخص بيعرفه يعني وعبيمزح معه لهيك عصبت لكن العالم صارت اتطلع فيني كأني مجنون وخرفان وقالوا لي " ما بتعرف انه رعبه بتفك رعبة "

انا دخلت على الفحص وراسي داخل بالحيط

انه فعلا رعبة بتفك رعبة ؟!؟! :shock:

هي ما فهمتا ؟ دخيل اجرك فهمني ؟:larg:

:shock::?:shock::?:shock::? سمعة جديدة هي ....

اي .. متل طاسة الرعبة :p

انه هي مقولة معروفة بمجتمعنا

بس على فكرة ممكت يكون للقصة منطلق علمي

يعني ممكن يكون القصد انه يشغل الولد بحرقة السيكارة وينسيه البلوة الي اكلها قبل

:p:p:p:p:p

بالضبط ويجا هاد اللي بعرفه .. انو متل بحاولو انو يلهوه بشغلة تانية ..

بزماني اكلت رعبة ببيت جدي .. وجدي بقلي يي لك شو هاد ليش هيك صاير بالتريا ... ومدري كيف صار يطلع انو .. متل عم يغير انتباهك عنها ..

بس طلعت كفو وقتا .. ما رضخت لجدي ها :p

لا ولد نجيب ما شالله عليك :lol:

هيك بقولو انو الرعبه بتفك رعبه
بس حسب ارعبه
في رعبه بتجلط

أخ لو أكون جنبك قبل ما تدخل الفحص كنت فكتلك الرعبة:lol:

يا رفيق كلام سليم
رعبة بتفك رعبة
وبرجع منشان المودوع

مو الا رعب !!!

أي تنبيه قوي و مفاجئ حتى يفك المُصاب من الحالة و يرجع يقوم سلامات



على الهامش ... فعلا موقفك حلو من عيطت على الرجال الشايب :lol:

كابى
كويس انه بس عمل كده عندنا بيحطوه قدام قطر او جنب القطر
يعنى هو اتخض من عربيه قامو جابولو اللى اكبر

بس بيتهيالى دى تخاريف

ما بقي غير اشرح له معنى السيكارة لأبو ريتا

سمايلي ابو ريتا

ايا يشغله ايا ؟!

الولد ما عاد يعرف يمسك ايده ولا يمسك حاله من الرعبة

لا تاكل هم هنيك دخلت كمان بحيط تاني فصار حيط بفك حيط :lol:

يامعلم كأنك بقلبي .. نفس هالقصة صارت معي ..
من سنتين لما كنت بحلب كنت نازل ع العبارة بدي اشتري شحاطة (انتو اكبر قدر) المهم بتعرف الرجعة من العبارة ناح العزيزية لو بتطلع روحك مابتلاقي تكسي وغير الله مابجبلك تكسي وخاصة ازا كان يوم الجمعة ..
طبعا اشتريت وخلصت .. يوما كانت ب400 ليرة كني او هيك شي
المهم بلا طولة سيرة طلعت لارجع عند بيت جدي بالمارتيني مافي ولا تكسي وسرافيس مافي .. قلت مافي قدامي غير اخد باص الدولة بنزلني عند اتوستراد الفرقان (اللي عند جامع الفرقان وانت رايح منو هيك ع دوار الكرة الكيد بتعرف ) المهم هاد يعني شارع عام كبير وفيو هوية والسيارات مسرعة .. المهم نزلت بالباص قبل مفرق حلب الجديدة قبل بشوي عند دخلت المارتيني نزلت عن الموقف نزلت اول واحد من الباص والباص لسه عبنزل ناس وطبعا واقف وبهالوقفة مسكر عليك ع مدى النظر السايد التاني من الشارع يعني السيارات اللي بتجي من ع يسار الباص مارح تشوفا لانو الباص حاجبا .. المهم انا جيت بدي اقطع .. المهم ترددت شوي لانو مابعرف شو مخبيلي الطرف التاني المهم قلت يلا ياولد قطاع والله قطعت ولا انا عبقطع سرفيس بوشي وخلص مجرد ثانية وبضربني .. بس انو انا كنت عبركد وانا عبقطع الشارع مشان هيك انو قدرت نفد نص جسمي الاول وحط نصو بالرصيف والنص التاني لساتو بالشارع ومع انو ناورت بس ماقدرت كان كتير قريب مني ومأسرع المهم الله ستر واجري لساتو ممدودة ع الشارع فضربا السرفيس من عند الركبة ولتحت وطبعا من قوة الضربة انا انلف جسمي كلو وتقريبا ارتفعت عن الارض شوي وقلبت ع ضهري بعد الضربة تبعت السرفيس ونزلت ع الارض نزلة قوية بتزكر يوما ونضرب راسي هيك ضربة خفيفة بزيق الرصيف والكياس اللي بايدي كلا تشقشقت وطارت وحتى يوما بتزكر الشحاطة نصا طار لمكان بعيد ونص انشلف مدري لوين والكياس تشقشقت .. المهم ماعلينا من طول السيرة انت بتعرف انو الرصيف اللي بفصل بين خط الروحة والرجعة رصيف عريض وفيو حشيش وزرع وطبعا انا من الضربة نزلت بنص الرصيف وتشطحت بفرد تشطيحة ضليت يمكن ابو خمس دقايق متشطح بكامل جسمي وماعبتحرك انا الحمدلله ماكان فيني شي لانو قدرت نفد حالي بس رجلي اليسار هي اللي اكليت الضربة وانلفيت ع ثرا المهم ضليت متشطح بنص الرصيف ع الحشيش وانا مذهول انو شو صار .. ؟ ومرعوب كتير ومتفاجا
ويوما نزل صاحب السرفيس حسبنني متت او شي هو وكم واحد تاني .. المهم قلتلن مافيني شي انو طبيعي بعد مافقت شوي .. المهم وبعدين ركب السيارة وراح والناس كلا عبتطلع علي وقلبت قد الكمشة والناس اللي بالباص وكم واحد وقفوا بتفرجوا من البراكات اللي بالشارع وغير المهم قمت انا وعادي مع اني مرعوب كتير لهلا قمت مشيت بدي كمل طريقي .. وانا انا وصلت ع الطرف التاني كان في واحد ابو سرفيس عبتفرج صحلي واجا لعندي انا انو شو بدك ؟؟ وقف هيك قدامي .. ولا شال ايدو اخو الشليتة وطرقني هداك الكف كف انا خفففف ايمااااانو منو كان قوي لانو انا نسيت كلشي وصحيت قلتلو اشبك الله اش عبتساوي ؟؟ اش عبتاللي ليش هيك عبتضرب وصرت عيط صار يضحك ونزلو 3 كانو معو بالسرفيس قالولي هادا كف الرعبة ياجدبة وهو قلي نفس الشي وهو عبضحك ومشي ركب السرفيس وراح .. وانا انو ضليت مستغرب ومرعوب بس انو الكف صحاني شوي وارتعبت من الكف اللي اكلتو مع انو مافي ورا شي + رعبتي من الحادث وخاصة منظر اللي طعماني الكف شوي برعب :pos:
المهم انا هالقصة صارت معي ع الموضوع وفي قصة تانية كمان صايرة معي نفس الشي بس هي ابرز الشي


بقى تأمل يارعاك الله ع هاليوم

لك عيني الصعق بالكهربا لتنبيه القلب واعطاؤه دفعة بدائية ليبدا النبض والمريض مابيحس بشي
شوجاب لجاب شو هالمثال القاتل هاد

كي نفيق من موت الحب الاول ,, لا بد أن نُصعق بجبٍ جديد

بس الحب الأول والصعق الكهربائي ما بمد بصلة للطة السيجارة شو السيجارة صارت منبع تيار مستمر ونازله حقن فوتونات بجسم ( المرعوب ) :?

:lol::lol::lol::lol::lol:

قصتك لازم تتوثق بشي محل طول ما انا عبقراها من اول ما بديت توصف حق الشحاطة لحد ما طرقك هداك الكف وانا عبضحك :lol:

مبارح شفت حدث على طريق اللاذقية سيارتين فايتين ببعض
والجثة عالطريق والمصور تبع الامن الاجنائي عم يصورها
فعلا حسيت بقلبي طلع من محلو مش لمنظر الجثة انما للحوادث يلي بتقضي على حياة ناس ابرياء لاسباب غبية
للاسف

الله يرحمهم
وصبرا جميل والله المستعان به:D

وشو علاقة القصة هي بالموضوع !؟!

كنّي شفتي حدا من المسعفين لط له شي مصاب بالسيجارة :larg:

:pos::pos::pos::pos::pos:
ماهي الرعبة يلي فكت رعبتي من الفحص:frown:

ليك هاد شو صايرلو الو كم يوم موعلى بعضو ؟؟؟ :?

اااااااه
صح ذكرتني مرة زمان بس كنت زغيرة كنت قاعدة مع ابن عمي ومرة واحدة قام يصرخ طلعت علي ولا حدو في حية وقرصتو انا ضليت هيك واقفة ما عرفت شو اسوي بعدين اجا عمي واخدو على الدكتور وقتلو الحية وانا بعدني واقفة تقول صابتني جمدة !!! لانو الحيةكانت جاي لعندي كنت بعدني زغييييييييرة ما تنسو بعد شوي انتبهت على خالتي وقامت تلزقني هداك الكف ........ انا بلشت اصيح لانو وحياة سعدو انو راسي فتل منوو اجت امي فهمتني القصة بس عنجد عادة بايخة شو هاد يعني مجبورة فوق الصدمة الي كنت فيها اكل كف كمان:o:cry::cry:
ايييييييييييه زكريات لا تنسى......!!!!!:p:p

اي انا سمعت انو رعبة بتفك رعبة
هيك بحكوا ما بعرف :larg:

شايف بالله :lol:
انت بتعرف الشارع الي عبحكي عنو مو ؟؟

اي بجنب جامعتي بكون :lol: وانت عبتحكي القصة عبتخيل الموقف عنجد فرطت من الضحك حتى فاق ابي الساعة 6 الصبح على صوتي :lol:

شطحت مع السيرة مو بايدي لما بفلت :pos:
تضرب محسسني عبحكي ع حسابك :jakoush:

_غابي مزبوطة الشغلة و مجربة

يعني اذا حدا ارتعب نزيل فيه لطش كفوف ليصحا

________________
منيح انو بالسيكارة مو بغير شي ;)

هلق انا انصدمت اول ما سمعتها وانصدمت انها منتشرة وانا ما عندي خبر

طب في الها شي دلالة علمية ولا عبارة عن معتقد بحسب معرفك كونك بزمانك قلت بقسم العلوم والتكنولوجيا انك شغل ( البتاع كلّه ) :lol:

ها لختيار فهيم والله لو كنت هنيك كان انا برضك دخنت معو
:larg:

ههههههههههههههه اي مزبوط رعبة بتفك رعبة معو حق هههههههههه
بس كان لازم شوي شوي ع الصبي المخلوق كان شوي ويروح فيا
والمرة الجاي لا تستغرب لانو كل شي بيجوز من هالعالم لا تفكر ولا تحتار

طب في شي علمي بيدعم هاي الفكرة ولا مجرد اساطير شعبية وتراث ؟!