بوكر
 

تاعا اعلمك لعبة تانية شو رأيك شريك ... ؟

:oops:

شو اللعبة التانية دحل

:oops:

يا سيدي جيتك

البوكر يا معلم لعبة حريفة + حظ وفي الها اشكال كتير بس كلها بتجتمع بنفس النقطة واللي هي الورق لازم يتشكل معك واحد من الشغلات المتوافقة مع قواعد اللعبة

متل ورقتين من نفس النوع شو ما كان نوعهم " شبين بنتين سبعتين وهكذا " هاد اسمه يا حبيب " بير " بمعنى آخر اذا كان في معك ورقتين من نفس الشي وما حدا معه متلك وانت لحالك راكب على ايدك بير بتلم كل شي بالارض .

اذا كان معك زوجين من الوراب " سبعيتن + تمينتين " بصير معك " دو بير " وهاد بكون اقوى من البير فاذا كان حدا معه بير وانت معك دو بير انت بتلم الارض كلها

هلق اذا انت معك دو بير وواحد تاني معه دو بير بتشوفوا مين ورقه أعلى هوي بلم الأرض

شغلة عويصة يا رجل لازم تطبق على ارض الواقع حتى اشرح لك ياها لسع في الستريت والفلوش والكينت وفلوش ستريت يعني شغلة عويصة هي من ناحية قواعد اللعبة
طريقة اللعب هي فيها شي مليون طريقة وطريقة شي بايد كل واحد ورقتين مسكرات وبالارض في في 3 مفتوحين للبنك ومشتركين مع الكل وبشوف كل واحد الشي اللي راكب معه

شي بايدك 5 زراق 4 مفتوح وواحد مسكر وهي اصعب انواع البوكر وبدها حظ اخو اخته
وفي وحدة بيتوزع لك 5 بتطلب تبديل اكتر من ورقة بهدف تحاول تجمع لك شي شلغة وبالأخير اللي بجمع مجموعة افضل هوي بلم الارض

يعني في كتير تعقيدات وفي الها كتي انواع لازمنا قعدة على ارض الواقع حتى تفهم علي :deal:

بس ما قلت لي ليش بدك تتعلم :shock:

اول شي يا مزموزيل " على قولة غوار " ساندرا ماني جبراييل :jakoush:

تاني شي لازم يتحقق باللاعب شوط دنيا عقلية

عجب في عندكم هال شروط :p

تالت شي ما جاي على بالي اعلق مع اخوتنا المتدينين على حلال وحرام ويطلع بالأخير عبشجع على الفسق والعربدة والزنا والله يلعني دنيا وآخره ووقت بدل ضائع كمان " بالمطهر يعني " فيا ريت ما تفتحي علي هاد الباب :larg:

صح شريك منعتذر
انت ميكائيل :p

شريك ما فهمت شي عليك

طيب علمنا هي اللعبة يلي بالألعاب و التسالي حبة حبة

و مشان اخوتنا المتدينين

بخلي لايص يحكيلك معهون ;)

ما بحياته حدا قال لي مبرييل :shock:

اما بخصوص السطل المقدس

استغقر سعدو العظيم :pos:

يا سيدي جيب لي موافقة شيخنا لايص + ورقة لا حكم عليه + صورتين على الهوية + صورة عن خدمة العلم ( للذكور فقط ( ولم لي توقيع جماعة باب الحارة وقدم لي عرضاة إلهية بتقول لي البوكر مانه حرام مشان احطه :larg:

حاج يا رجل من كتر ما العالم بديت تسبني وبئس المصير وإلى جهنم وهداك صاحبنا سعدو يذكرة بالخير عدااااااااااااااااااااااا اااااااااااب القبر ويلحن لي ياها إلى جهننننننننننننننننننننننن نمممممممممممممممممممممممم م
صرت اخاف على حالي :cry:

انا هلق كتير خايف

حدا يشعل لي شمعة :cry:

يا سيدي غلطت انا ماني مي كا ئيل

انا كائيل بلا المي :larg:

ما غلطت عبختبر نظرك قلت لحالي ما بتعرف تكتب لنشوف اذا بتعرف تقرا :p

يا باطل

عدلتي المشاركة :jakoush:
صارت
لك شلون بدنا نحرر الجولان اذا امثالك الحاصلين على اعلى الشهادات بمحو الأمية عبيتراجعوا عن كلامهم

يا باطل بس يا باطل

:larg:

ماحزرت شو اللعبة لسه .. :larg:

هلق غابي خلص ربي

بدك تعملنا و لا لا

ولا تنسى

من علمني حرف.......... كنت انا و حسون له عبدا

جيت وسعدو جابك شيل كتف عني

واحد واحد واحد شبيبة واهلي واحد :lol:

:o

على هالحالة بدي اسئل رامي هوي افهم مني

:lol:
اي سمعت عبتعيط قلت لاجي اشيل هالمعلاق من عنك شوي .. بس انا من جهتي بدي العبو لعبة تانية مختلفة تمام عن البوكر :larg:

;) بس رامي هلق عنده فحص

هلق المهم خيو قررت بعد دراسة معمقة للأمور اني اكتب لي كام شغلة على البوكر

بس قدام الله العظيم وقدام سعدو شفيع هذه الأخوية " تف تف " انا مالي علاقة

ويا رب لا تؤاخذ على ما سيبدر من السفهاء منا ومن الفاحشة .

هلق البوكر لعبة حظ بالدرجة الاولى بدي ابدا معك بشكل عام وبعدين منجي على النمط اللي بدك ياه خلقنا نحكي على 5 مسكر

بالأول بميّز الكل " بحطوا شي اسمه ميز " والميز قيمة معينة بيتفق عليها ولنفرض 5 شحاطات " شحاطة = 1 ليرة سورية = بني آدم " بتحط كل واحد شحاطة على الارض قبل ما يشوف ورقه وهي معناتها انت لاعب وبدك ينزل ورق لعندك وكل مين ما بشحط " بميز يعني " ما بينفت له ورق

هلق البنك " الشخص اللي عبفت الورق " بوزع ورقة ورقة بالتدريج مع وجود شرط انه ما يحمل الورق بايده مشان ما يصير غش بينحط الورق على الطاولة وبيتمشى على الطاولة تمشاية يعني ما لازم البنك يشيل الورق بايده ولا يعتبر غشاش كبير .

بعد ما يصل لكل واحد 5 وراق بشوف كل واحد ورقه وبقول للبنك عدد الأوراق اللي بده يبدلها ولنفرض انا كان بدي ابدل 4 اوراق بعيف ورقة بايدي وبقول للبنك 4 مع انه نادرا ما يتبدل 4 اكتر شي بيتبدل 3
هدف التبديل انك تحاول تجمع مجموعة جيدة من الورق بتخولك تدخل باللعبة

بعد ما يبدل كل واحد الورق اللي بده ياه بصير المزايدة انا ورفقاتي منلعبها على مرحلة وحدة يعني اللي بزيد بحق لي ارجع ازيد عليه مرة وحدة فقط " هوي مافي هيك قانون بس نحن هيك منلعبها "

ولنفرض كنا انا وانت وساندرا وحسون عمنلعب بالبوكر
انا معي ورق ريكب على بعضه " في معي مجموعة منيحة " يا بقول " شيك " بمعنى آخر بمرر الدور للبعدي وبأجل حكيي لبعدين يا اما بشلف عدد معين من الشحاطات على الأرض
هلق البعدي ما بحق لك يقول شيك صار مجبر ينزل باللعبة او ينسحب

يا اما بحط نفس عدد الشحاطات اللي انا حطيتهم
يا اما بحط قد اللي انا حطيتهم وبزيد عليّ
يا اما بينسح من اللعبة وبقول انا براااااااااااااا " وبسبسب عادة بعد ما يقول برا "

هلق وهيك بيمشي الدور لبين ما يرجع عندي هلق اذا ما كان حدا زاد والكل دخل معي اين على اللعبة صار من حقي ارفع الرهن " الشحاطات " او اني ابدا بفتح الورف

في حال حدا ريز فوقي وشلف شحاطات اكتر مني صرت انا مجبور يا اما بزيد عدد الشحاطات اللي حطيتها وبنزل معه على رهنه الجديد يا اما بفولد وبطلع برا اللعبة " وبسبسب عادة بعدها "

هيك صار عندك فكرة كيف بتمشي اللعبة اذا فهمت علي بقول لك شو بصير بعد ما ينفتح الورق

:larg:

-----------------------
امام سعدو وآله اجميعين اني بريء من هذا الكفر

قصدك المكشوف ....... !

لا تفسدو للولد :lol:


لالا مش المكشوف المكشوف بكون في 3 على الأرض و 2 بايد اللاعب وما بحق لك تبدل بس كلهم بيخضعوا لنفس الاحكام

------------------------
طلعوا المشرفين حريفة بوكر ومالي خبر :lol:

على ما قد سمعت .. المكشوف 5 على الارض ...و 3 بالايد :lol:

لا يا رجل شو لكل لاعب 8 من فين بجيب البنك ورق :lol:

البوكر بكافة اشكاله " اللي بعرفها طبعا " بتنلعب ب 5 اوراق بكون في الها وضعيات مختلفة بتفرق فيها اللعبة لكن بالنهاية نفس القاعدة يعني بالأخير دائما الدو بير بيغلب البير ودائما الفلوش بلم فوق الدو بير يعني المقارنات بالربح ما بتختلف بتختلف طريقة اللعب وحالة الأوراق وطريقة فتحها .

هيئتك مانك خبرة :larg:

بعض شرفيات اللعبة وحرفناتها :

اذا انا كنت مثلا نازل ب 5 شحاطات وكنت نازل بقوة او هيك اوحيت للعالم اني نازل بقوة وتحمس مع انه بجوز ما يكون معي راكب شي وورقي واطي لكني عبخوّف العالم :adal: فاذا ما حدا نزل معي على الشحاطة اللي انا حاطتها اعتبر انا ربحان وبشيل كل شي بالارض حتى لو كان فقط يوجد ميز ومن حقي ما حدا يشوف الورق حتى لو ربحت وما حدا بده ينزل معي من حقي احتفظ بورقي مسكر مشان ما حدا يعرف استراتيجيتي يمكن يكتشفوا اني عبخوف وما معي ورق مشان هيك من حقي ارجع ورقي للبنك في حال ما حدا نزل معي على الرهن واعتبرت فائزانا غير مجبر على فتح اوراقي .

كمان وقت بعطيه للبنك ورقي وبقول له بدل لي ما من حق حدا يشوف الورق اللي عبينعطى .

ابو ويليام انت ماشي معي مشان نعطيك الحصة التانية من البوكر :larg:

------------------
على الهامش ساعة الدورة التعليمية ب 225 :yahoo:

و منكم نستفيد .... و لو ما يعجبني الورق ابدا


اعود و اكرر ..... كما قيل لي من بعض الاصدقاء :lol:

في نوع مكشوف

الخمس اوراق تكون مشتركة للكل .... و يجي كل لاعب يشكل لعبو من خلال 3 وراق بالايد و ورقتين من ال 5 اوراق على الميز

و فعلا ما عندي خبرة ابدا :oops: كما اكدت مسبقا

حتى بالمكشوف في انواع كتيرة

يعني في نوع بتميز وبعدها بينفت لك ورقين بترجع بتميز وبينفتح ورقا على الارض مين بحب يدخل باللعبة بميز واللي بحس حظه سيء بيطلع بتستمر اللعبة وبيرجع بيمز الشعب وبتنفتح تاني ورقة على الأرض وبترجع بتميز

انا ما بحبها لأن بفتة وحدة بتحط لك شي 100 شحاطة وانت ما عبتحس :larg:

بفضل العب التانية تبعة الرهن مرة واحدة بعد ما يصير الورق كله واضح وينتهى الفت .

يمكن في لعبة بوكر 5 مكشوف و 3 بالأيد بس انا ما سمعان فيها ابدا :D

هال مرة ومنكم نستفيد :lol:

اذا بدّك أنا في عندي فكره كويسه عن البوكر يللي بيلعبو بالكازينوهات .. أنا بتفرّج على برنامج اسمو WPT عالتلفزيون الكازينو بلاس فيغاس, يللي بيصورو منو .
بس اللعبه هي بتعتمد على توزيع ورقتين بيكونو مغطايين .. بعدها بتصير المزايده من اللعيبه .. و أحيانا بيطلب لاعب بكشف الاوراق "بيسموها CALL" من بعدها بتنكشف 5 ورقات من ورق السحب .
رح حطّلك موقع الـ World Poker Tour في فيديو و طرق للتعليم على ما أظن .
و اذا بدك تعرف كيف الربح بيتم ممكن نحكي فيها بعدين .

و هاد برنامج مساعد

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

غابي و صلت الفكرة و تمام لهون

كملنا بال level2

التقرير الجوال و l.a

ما فهمت شي عليكون مع اني طالب نجيب

بس تقرير يسلمون على الموقع و سعدو حلو

ي L.A حطلّت أساسيات اللعبه
يعني شكلك بدك تتعلمها للعبه ما هيك؟

رح بسطلكياها شوي

خلينا نلعب Round هلأ


عطوك ورقتين ماشي
خلينا نقول هالورقتين " خمسه " ديناري و " سبعه " كبه



أنا كمان عطوني ورقتين بس التنين خمسات
ما شي لهون

طبعاً لهلأ المفروض لا انا شايف ورقك و لا انت شايف ورقي


هون بتبدأ المزاوده .. اذا شايف ورقك قوي و ممكن يكون مُرشح ليكون شغله من الشغلات يللي شايفها بالصور بتزاود و كلّو عالمغطى .
ماشي لهون

وانا كمان فت لي تقرير فت فت :larg:

ايوا لهون ماشي الحال تقرير

و الله هيك الواحد بيعلم شرقة شرقة

:D تحياتي


قستاذي غابي ما بدك

تكملنا الصحيح و المختار في تعليم البوكر

خيو انا من رواد المدرسة العلمية بعتقد الحكي العملي بعلمك اسرع لذلك خلينا نمشي مع التقرير الجوال وانا هنيك بضيف اللي بدي ضيفه :deal:

ومنها قدام سعدو انا ما بكون عبأفسدك :p