|
قلوبنـــا معك يــا الأحمـــر ..
ع نية التوفيق .. ومع كامل التمنيات والطموحات والامل بالفوز تحقيق النصر ..
عمننتظر مباراة كبيرة صلنا اكتر من شهر عمنستناها ع احر من الجمر .. المباراة اللي رح تقام ع ارض ملعب العباسيين بالشام المباراة اللي رح تجمع منخبنا الغالي منتخب ســــــوريــا Vs الكويــت هالمباراة رح تقام ضمن تصفيات كأس العالم لكرة القدم لقارة اسيا وطبعا هالمباراة كل الجماهير السورية والشارع الرياضي عبيستناها من وقت تعادلنا مع الامارات وتغيير المدرب وبعد تسلم الكبير والداهية اب شاكر امو تدريب منتخبنا .. وقدوم المحترفين التلاتة سنحاريب ملكي والياس مرقص ولؤي شنكو ليلعيو مع منتخب بلدن الام سوريا .. محترفين على مستوى عالي قدموا من السويد وبلجيكا .. بالاضافة لكوكبة من نجوم دورينا السوري دورينا الغالي مجموعة من لعيبة نادي الكرامة والاتحاد والمجد والجيش وتشرين .. كوكبة كبيرة من النجوم على جاهزية عالية ,, مع تدريب مستمر لتحقيق غاية وحدة هي غاية الفوز ع الكويت .. وطبعا بهالمباراة لابديل عن الفوز .. لانو في حال الخسارة او التعادل رح ندخل في دوامة الحسابات اللي نحن في غنى عنا بينما الفوز رح يخلي مصير المجموعة والتاهل بايدنا ومامنحتاج الحسابات ولا اي شي تاني .. طبعا حشد جماهيري كبير واعلامي وقيادي عبواكب منتخبنا الغالي من لما تسلم اب شاكر المنتخب لحد هالحظة حالة كبيرة من الالفة والمحبة قايمة بين اعضاء المنتخب والجهازين الاداري والفني والقيادة الرياضة اللي ظهرت بمظهر رائع ومشرف خلف المنتخب وعبتحاول بكل ماعندا بتوفير كل متطلبات المنتخب واب شاكر .. والجماهير اللي متعطشة للنصر والفرح اللي افتقدتوا من زمان .. حالة كبيرة من الالفة والتلاحم بين كل الشارع الرياضي والجماهير السورية بمختلف اطيافا .. كلا بهدف شي واحد واللي هو الفوز ع الكويت بهالمباراة المرتقبة .. واللي رح تحدد بدرجة كبيرة وكبيرة كتير مصيرنا بهالممجموعة .. يا اما منفوز وبصير التاهل بين اقدام لاعبينا يا اما لاسمح الله الخسارة الو التعادل لاقدر الله واللي رح تدخلنا بدوامة كبيرة من الحسابات نحن بغنى عنا ومارح تفيدنا بالمرة .. مشان هيك الوضع هلأ صار بين اقدام لاعبينا واب شاكر .. يا اما الفوز واسعاد الجماهير المتعطشة .. يا اما لا سمح الله الخسارة الله لايقدر .. ومنتخبنا عبضم تشكيلة كبيرة من اكبر الاسماء اللي عدت ع سوريا منزكر منن زياد شعبو - فراس الخطيب (المحترف بالعربي الكويتي ) -جهاد الحسين - محمود امنة - بكري الطرب - يونس سليمان - عاطف جنيات - ومحترفينا بالخارج سنحاريب ملكي والياس مرقص ولؤي شنكو - ورجا رافع - عادل عبدالله -اانس الخوجة .. وهي بعض الاسماء اللي رح تمثل منتخبا الغالي بمباراة بكرة .. وطبعا بعد تحديد التشكيلة من قبل اب شاكر وبالاخير منتمنى من كامل قلبنا وكامل الدعاء والتمني والترجي انو نفوز بهالمباراة الشبه مصيرية واللي صلنا عمنستناها من فترة طويلة .. وان شاء الله يارب .. الفوز ولا بديل الفوز .. وان شاءالله منفوز وبتفرح كل هالجماهير السورية العريضة اللي متعطشة للانتصارات والفوز اللي افتقدتوا من زمان .. وطلع هالجهود المبذولة من قبل الكل وتفرحنا وماتخيب املنا .. لانو الشي اللي توفر للمنتخب بالوقت الحالي .. ازا لاسمح الله ماتأهلنا هالمرة هالجهود مارح يتوفر هالشي مرة تانية ولا بعشر سنين لقدام لهيك مع كامل تمنياتنا لمنخبنا الغالي يوم التنين يوم 2 / 6 / 2008 يكون يوم سعد علينا وتطلع سوريا كلياتا مسيرات فرح كبيرة بهالفوز اللي رح يكون دافع كبير النا للتاهل للدور التاني ان شاء الله .. ويــارب والعب يا لاحمــر .. |
وطبعا رح نوافي كل اخبار المنتخب والتجهيزات ضمن هالموضوع من هلأ ليوم التنين يوم موعد المباراة
|
أول ما شفت العنوان قلت هاد فريق الاتحاد المقصود بالاحمر ودخلت اتضامن ........ طلع المنتخب الوطني
اكيد قلوبنا معو :D |
واحد تنين تلاتي ...... سوريا يا حياتي
انشالله ابو شاكر والشباب رح يبيضو وجهنا دج دج دج سوريااااااااااااااااااااا اااااااااااااااااااااا :clap::clap::clap::clap::clap: :yahoo::yahoo::yahoo: |
انشالله يطلع منهم شي هالمرة
|
اقتباس:
او لبسي عباي مشان يحسبوكي كويتية :p اقتباس:
خلينا مع الاحمر الكبير .. |
اقتباس:
رح يطلع ورح يطلع كتير لانو هالسنة غير كل مرة .. والشي اللي متوفر هالمرة ماتوفر من 15 سنة مرو ولا رح يتوفروا بعد 15 سنة كمان هالسنة باكدلك انو الوضع مختلف تماما |
شكرا عالنصيحة
اي اذا بيربحو , وانشالله بيربحو , بدي انزل وشو ما بدو يصير |
وين منقوله لا تقلولي بس عالجزيره بشرفي بنتحرررررررر
وقلوبنا معك :gem: |
منقولة ع كتير قنوات يمكن مو بس ع المشفرات .. بظن ع الكويتية الرياضية رح ينقلوة
|
موفقين ياغاليين
ان شاء الله ترجعو بالتلات نقاط واكيد مش صعبة ابدا انتم ابناء سوريا الحبيبة رافعي راسها عاليا:o:clap: |
بين معنا اي ساعه ووين منقوله ؟؟؟
|
يا ستنا منئولة عالقناة التاني السورية
وعلى الجزيرة الرياضية عالساعة 8 الناس بيبلشو "دئو عالخشب يا حبايب دئو عالخشب .... زئفة و زلغوطة يا حبايب للمنتخب" انشالله عالساعة عشرة الناس بتكون بالشوارع عم يغنو للفوز |
يا جماعة التفوق التاريخي لمنتخبنا :adal:
وباذن الله بكرا رح نزيدون فوز تاني (عن منتدى عشاق الكرامة ): لقاءات المنتخبين في كأس العرب : لبنان 1963 : سورية × الكويت : 3 – 0 الأردن 1988 : سورية × الكويت : 1 – 0 قطر 1998 : الكويت × سورية : 4 – 0 لقاءات المنتخبين في دورة الألعاب العربية : حلب : سورية × الكويت : 1 – 2 لبنان : سورية × الكويت : 2 – 1 لقاءات المنتخبين في تصفيات وكأس آسيا : تصفيات كأس آسيا 1972 : الكويت × سورية : 2 – 2 نهائيات كأس آسيا 1984 : الكويت × سوريا : 3 – 1 نهائيات كأس آسيا 1988 : الكويت × سورية : 0 – 1 لقاءات المنتخبين في تصفيات كأس العالم : تصفيات مونديال 1974 : سورية × الكويت : 2 – 1 و 2 – 0 ( لعبت التصفيات في طهران ) . تصفيات مونديال 1986 : سورية × الكويت : 1 – 0 في دمشق و 0 – 0 في الكويت . كما التقى المنتخبان مرة واحدة في دورة ألعاب آسيا في الكويت وكان التعادل ( 1 – 1 ) . وبالمحصلة فإن كفة المباريات تميل لمنتخبنا الذي فاز بسبع مباريات مقابل 4 تعادلات و3 هزائم ، وسجلنا 17 هدفا ً مقابل 14 هدفا ً في مرمانا . :yahoo::yahoo::yahoo::yahoo::yahoo: |
اقتباس:
|
شو يعني عالجزيره العاديه ؟؟
انا بكرا رايحه جيب الكرت .. بس خايفي ما يشتغل عالريسيفر عندي :cry:وبعدين بتفتح بنفس اليوم او بدها اكتر من يوم؟ |
اقتباس:
هني ناقلينها عالعادية اللي مو مشفرة يعني بالنسبة للكرت ..... بيشتغل دغري .. كن فيكون .... خلطة سرية :p |
ريمي يا حبيبتي لا تروحي ولا تعزبي حالك
الجزيرة الرياضية العادية مانا مشفرة بتفتح عادي يالله دعيلون بدال النزلة وجيبت الكرت |
لالالا انا جايبي الكرة مشان البطوله امم اوروبا :gem:
|
المباراة الساعة 8
وبتوقع رح تنقلا الرياضية الكويتية + الجزيرة الرياضية .. وبالطول بالعرض .. حنجيب الكويت الارض |
انشالله الفوز لإلنا ياشباب:larg:
|
بالزور بالقوة رح تربح الفتوة ... بعرف مالها علاقة ... بس لزوم القافية الشعرية :gem:
|
اقتباس:
ال فتوة ال |
اقتباس:
بالله هي الجملة كتبت اكتر من مرة ومحيتا .......... يا اخي خفت على حالي :o:o:o:o:o المهم انت فشيتيلي ئلبي ودج دج دج سوريا :clap::clap::clap::clap::clap: :yahoo::yahoo::yahoo::yahoo::yahoo: |
اقتباس:
وبدك تحكيلنا انطباعات السوريين بالكويت ازا فزنا بالمباراة .. وتصوريلنا ازا طلعو شي مسيرة |
المباراة بكرا ؟؟؟
|
اي بكرا الساعة 8 يتوقيت سوريا ع ارض ملعب العباسيين بالشام
ومنقول ع الجزيرة الرياضية |
دج دج دج سوريا
يلا بقا يا شباب المنتخب فرحونا شوي والله حاجتنا خسارة وبهدلة وقهر كلنا معكن بقلوبنا ودعواتنا وتشجيعنا ولو بيطلع بايدنا اكتر لعملنا دج دج دج سوريا |
قرب الموعد .. والاعصاب نار .ز والكل مستنفرا اعلاميا وجماهيريا وكلشي بهتم بالرياضة السورية
طبعا لحدا هالحظة في ناس عبتحاول تحط العصي بالعجلات وعبتحاول تازي المنتخب وتازي سوريا وعبينحكى عن بكل المواقع الاخبارية .. مع هيك هدول مارح ينحكى عنن هلأ كلياتنا ورا المنتخب وقلبونا معو بهاليوم الكبير ويارب يارب نفوز لانو ازا مافزنا اليوم فمارح نفوز مرة تانية |
يا جماعه اليوم عندي موعد شغل اجتماع مهم كتير تقريبا الساعه 5 .. انا نبهتهون طبعا انو مهما كانت اهمية الاجتماع انا رح اعتذر الساعه 8 لانو في مباراة :lol: طبعا مديرتي انصدمت بحياتها :lol:اذا ما فزنا بياكلو وجهي بالشغل :x
|
ينتظر رجال منتخبنا الوطني لكرة القدم مساء اليوم مهمة صعبة ضمن تصفيات المجموعة الاسيوية الخامسة المؤهلة لنهائيات كأس العالم 2010 بجنوب افريقيا عندما يلتقي نظيره الكويتي في الثامنة مساء بملعب العباسيين بدمشق. ويدخل منتخبنا هذه المباراة تحت اشراف المدرب محمد قويض كما انه يخوض المباراة بتشكيلة مطعمة بثلاثة من اللاعبين السوريين المحترفين في اوروبا وهم سنحاريب ملكي ولوءي شنكو والياس مرقص ويواجه مدرب منتخبنا صعوبات كبيرة في انتقاء التشكيلة التي ستدخل المباراة لوجود عدد كبير من اللاعبين في مستوى جيد الا ان قويض صرح بانه سيختار القائمة التي ستدخل اللقاء في صبيحة يوم المباراة. منتخبنا يدخل المباراة وفي جعبته نقطتان جمعهما من تعادل خارج ارضه مع ايران صفر - صفر وتعادل على ارضه مع الامارات 1- 1 في حين يأمل المنتخب الكويتي في ايقاف هدر النقاط الذي لازمه في اللقاءين الاولين وتوقف رصيده عند النقطة جمعها من تعادل على ارضه مع ايران 2-2 وخسارة خارج ارضه امام الامارات 2- صفر وسيفتقد في المباراة لجهود لاعبه مساعد ندا لتلقيه بطاقة حمراء في المباراة السابقة وبدر المطوع الا انه من المتوقع ان يعوض البقية غياب هذين اللاعبين خصوصا بوجود هداف القادسية والمنتخب الكويتي احمد العجب. وفي حال فوز منتخبنا يرتفع رصيده الى 4 نقاط وتقوى حظوظه في حجز احدى بطاقتي التأهل للدور الثاني وخسارته او تعادله ستحدان من حظوظه في التأهل بانتظار حسابات هو في غنى عنها اذ تنتظره مباريات خارج ارضه امام الكويت والامارات ومباراة وحيدة على ارضه مع ايران. وكان اتحاد كرة القدم السوري وعد كل لاعب بمكافأة قدرها 50 الف ليرة في حال الفوز على الكويت. يذكر ان الامارات تتصدر المجموعة برصيد 4 نقاط تليها ايران وسورية برصيد نقطتين والمنتخب الكويتي برصيد نقطة واحدة. وفي هذا السياق عقد في مقر اتحاد كرة القدم بدمشق المؤتمر الفني لمباراة منتخبنا مع نظيره الكويتي ضمن منافسات المجموعة الخامسة لتصفيات آسيا المؤهلة إلى مونديال جنوب افريقيا 2010 والتي ستجري مساء غد على أرض ملعب العباسيين بدمشق. وتم خلال المؤتمر الذي حضره أعضاء إدارتي المنتخبين وطاقم التحكيم ومراقب المباراة ومراقب الحكام وعدد من أعضاء اتحاد كرة القدم الاتفاق على الاجراءات والترتيبات التنظيمية وكل ما يتعلق بالمباراة. كما تم الاتفاق على ألوان الالبسة التى سيرتديها المنتخبان حيث سيرتدي منتخبنا اللون الاحمر بينما يرتدي المنتخب الكويتي اللون الازرق. عكس السير |
شباب المباراة منقولة عالنت ؟؟؟
لانو مافي قنوات عربية عندي :cry: |
اقتباس:
طيب شو رأيك اليوم انا كنت قاعد .. قام بدقلي رفيقي الجبلاوي (اللي حكيتلك عنو ) قلي شو رأيك نطلع نسهرلنا شي سهرة اللاوية صباحية انا وياك لحالنا ومانخبر حدا ونريح راسنا من العالم .. والله انا عجبتني الفكرة (وخاصة اني مئروح من الدراسة ومن الرسوب وبيد غير جو ) قلت اووووووه اجت بوقتا .. ولا فجأة بتزكر انو اليوم في مباراة واللي عبستنااها شهرين :jakoush::jakoush: قام قلتلو .. قرد ولا .. انت حمار شي .؟ قلي شو في .؟ قلتلو لك اليوم مباراة منتخبنا ولا قرد وصلي عبستناها من شهرين ابتعرف ولا :jakoush: قلتلو بروك وافي طلعة اليوم .. اليوم كلياتنا ورا المنتخب :yahoo::clap: قام قلي وبكل ادب وطنية .. امرك خاي :larg: وطبعا عشنا لحظة كبيرة من الوطنية اللي مابتتكرر .. واجلنا سهرة اليوم لبكرة اللي رح تكون سهرة احتفال بالمنتخب والفوز المؤزر ع الكويت وتوتة توتة خلصت الحتوتة حلوة الا مفلوتة ؟؟ :lol: |
اقتباس:
خيو ادهم بدك تشوف موقع التلفزيون السوري بعرف انا بنقلو بث حي ومباشر من القناة الارضية .. والمباراة منقول ع الارضية + الجزيرة .. بقى شوف اكيد بتلاقي طلبك بموقع التلفزيون السوري |
بدنا نفرح اليوم بدنا نفرح ونبيضا بكفينا .. لازم نتأهل
والانتصار الانتصار الانتصار .. والانتصار ســــــــــــــــــــــــ ـوريااااااااااااااااااااا اااااا الانتصار ســــــــــــــــــــــــ ــــورياااااااااااااااااا اااااااااااااااااااا هووووووووهوووووووووهووووو ووووووووووهوووووووووووووو هووووووووووووووووووو هوووووووووووووووووووووووه وووووووووو سوريـــــــــــــــــاااا اااااااااااااااااااا الانتصار سوريااااااااااااااا والانتحار الانتحار الانتحار .. والانتحار ياكويــــــــــــــــــــ ــــــت الانتحااااااااااااااار ياكويت .. |
yaaaaaaaaaaa rab
|
عندما يتبعثر الامل
لم نعد ندري على من نضع اللائمة في موضوع تعثر مشاركة المحترفين السوريين الثلاثة (إلياس مرقص , سنحاريب ملكي , ولؤي شنكو ) في لقاء اليوم مع الكويت . فبعد حالة التفاؤل والثقة التي عاشها الشارع الرياضي في سورية والآمال التي عُقدت على مشاركة هؤلاء الثلاثة إلى جانب زملائهم من المقيمين . سيفاجئ الجمهور الغفير الذي سيحضر اللقاء بغيابهم مما قد يشكل له صدمة وحسرة . نقلنا بالأمس عتب مدير المنتخب على التقصير الذي حصل في متابعة موضوع اللاعبين الثلاثة مع الإتحاد الآسيوي . لكن ما اكتشفناه اليوم من حقائق تحتم علينا أن نضع الوقائع بين أيديكم ليكون الحكم لكم وليس لنا . فأمين سر الإتحاد المهندس توفيق سرحان أرانا صورة ( فوتوكوبي ) لتعليمات الإتحاد الآسيوي المرسلة لإتحادنا منذ شهر شباط الماضي والتي سلمها مترجمة للقائمين على المنتخب والتي تنص على أن اللاعب المشارك في التصفيات يجب أن تُرسل صورة هويته الشخصية إضافة إلى صورة جواز سفره . ونتساءل هنا مادام القائمون على المنتخب يعلمون بهذا البند لماذا لم يسارعوا لإصدار هويات شخصية للشنكو والملكي والمرقص ؟ ! ولماذا أنتظروا حتى يوم المباراة ليصلهم رد الإتحاد الآسيوي بضرورة إرسال هذه الصور حتى يسمح بمشاركتهم ؟! نعم أيها السادة هكذا تُدار الأمور في عصر الإحتراف!!!! واليوم وقبل ساعات من المباراة أكتشف المعنيون بآمال 22 مليون سوري أن سنحاريب ملكي وإلياس ومرقص لا يمكن استصدار هويات شخصية لهم لأن هنالك مرسوماً جمهورياً مختص بوضع المغتربين من محافظة الحسكة . أي بإختصار لا يوجد حل ليكونوا ضمن منتخب سورية إلا بإستثناء رئاسي ( تصوروا ) !! أما المحترف الثالث ( لؤي شنكو ) فيمكن تدارك وضعه وهويته ستصدر خلال يومين وبإمكانه اللعب ضد الكويت في لقاء العودة . وبعد هذه الدوامة ألا يحق لنا أن نتساءل : § كيف سيكون وضع ( أبو شاكر ) في خط الدفاع وهو الذي استبعد الحميدي والفندي لوجود المرقص في مركز الليبرو وكيف سيعيد للحميدي معنوياته قبل اللقاء وهو الذي استبعده بالأمس وقد بات اليوم خياره الوحيد بعد تعذر مشاركة المرقص ؟ ! وكيف سيواجه أبو شاكر خياراته في مركز الوسط المتأخر ولديه عادل عبد الله وحده بينما فراس إسماعيل العائد من الإصابة لايمكن الزج به أساسياً ؟! وأخيراً إيها السادة : السؤال الأهم من وضع أبو شاكر في هذه الدوامة . ومن هو السؤول عما يحصل؟! وهل المقصود هو أبو شاكر نفسه أم من معه ؟! رجائي من الله أن نفوز اليوم على الكويت لأن الفوز وحده يسمح بإصلاح ما أفسدته عطارة المخربين . |
لك ............... هالحالة لعمى كل ماتاملنا بشي بيلعنو .................. انفاسنا
|
معليش شو صار سوريا متل النار
انشالله فايزن شباب حتلى بدون محترفين لاعبينا مابينخاف عليهون |
اقتباس:
بعربي اب شاكر بهالساعات الجاي بورطة وبوضع مابينحسد عليه وانا مصدوم عجب رح نفوز ولا لأ |
| الساعة بإيدك هلق يا سيدي 10:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
وبعدين بتفتح بنفس اليوم او بدها اكتر من يوم؟