|
أستشارة بالنص مليون يورو
السبجكت هذا مقرقني رفيقي أجته نص مليون يورو ورتة نصبة شلون بدكن تسموها سموها المهم هالزلمة صار معه نص مليون يورو وأجا وسألني شو ممكن أعمل بهالنص مليون طبعا هو مقيم عنا بسوريا فأنا حبيت أطرح عليكم المودوع بتعرفوا ما خاب من أستشار فأنتوا شو بتقرتحوا بهالشي تفدلوا : |
انا برأيي انو يعمل فيهم شاي,,,,,, وازا ما بدو هو يعطيني نصهم وانا بقلو شو يعمل,,,,,,,:p
|
شاي شو
عمنقلك مشروع تجاري شو بتنصحونا يتجوز -- يفتحلوا مشروع شو شو شو شو هاتوا لشوف ---------------- قال شاي ناقص تقلي متي أو مليسي |
يعطيني ياهون... :o
ما في مشكلة بتنازل و باخدون:ss: |
لك شو يعطيكي ياهون
لك أنت قاعدة عبتحكي مع واحد جاي من المريخ ولا ريالته شاطة عمنقلك بده يستثمرهن مو بده يوزعهم على روح الأموات بده يشتغل الزلمة يعمل بزنس ولسا بتقلي بقبل أخدهم لا أطمني كرمالي لا تقبلي إذا صندويشة ما عطيتك ياها بدك صاحبي يعطيكي نص مليون يورو بفرموا فرم وين رايحة أنتي |
بهالبلد مافي غير الاكل شغال يعني المطاعم
لانو المشاريع التانية في حيتان بهالبلد بالعة كل شي ومانو خرج يوقف بوجههم |
بس انا لسا ما متت:o
و بعدين بركي صاحبك كريم ...:p شو مفكر كل العالم متلك .... ما بيتنازلو عن سندويشة;) |
نعم نعم
معك بس وين الأقتراح يعني شو يعمل الزلمة بدي فكرة محددة |
يا سمسمة سمسونست
هههههههههههههههههه وهي وردة كمان :D المودوع مو مودوع كبة المودوع مودوع مبدأ اليوم سندويشة كبة بكرا بتقليلي فروجة وبعد الفروجة حلو و...........الخ الخ الخ يي يي يي يي وهيك بتبلش وهذا شي منافي لدساتيري وقوانيني في قواعد مودوعة لازم ما أتطاها سوري عذريني بس الرول رولز المهم هاتي فكرة منشان الزلمة وشيليني من الكبة أنسيها دخيلك |
انا بنصحو يتزوجني...:larg:
|
لا عن جد يعني ممكن يعملو مشروع مقهى نت كتير مربح هالمشروع هاد كمشروع زغير يعني ,,,,,وهوي لازم يشوف ناس بيفهمو بهيك شغلات اكتر يعني ناس عندهم تجارب اكتر لحتى يستفيد,,,,,,,,,:D
|
و حياتك لا سندويشة ولا غيرو ما بطلب منك ولا شي اطمن
هلئ هو الشب بحلب؟ المهم فكرة الاكل ظريفة بعتئد انو المطاعم الي الها طابع شرئي كتييييييير بتستئطب ناس وخاصة اذا ضاف شي كم شب و صبية من الاصوات الحلوة بس طول بالك عم فكرلك :deal: |
اقتباس:
من شان نعمل عليه تشك آب |
اقتباس:
الاخلاقية بتهلكه بدي منك شي اظبط يلا هات غير بدل |
اقتباس:
بس شو نوع المطعم يعني كمليلي الفكرة اوام وخلص رح اعزمك على صندويشتين كبة تكرم عينك |
اقتباس:
اخي بدون ما تعزمني المعاملة مع الله:ss: مطعم متل هالبيوت العربية الي عملوا مطاعم هلئ هو بيأدم اكلات غربية وعربية بس انو طابعو يكون شرئي ما ضروري يشتري بيت عربي ئديم ... بتخيل بتزبط بالديكورات المهم بيكون في فرئة كمان بالمطعم من الجماعة الي صوتون متل لينا شاماميان وما ادراك .... اي وهيك الواحد بيروح بيتعشى بهالمكان الرومانسي وبيسمع اغاني ظريفة اكيد في شباب كتير اصواتا حلوة وما ملائين شغل ... وهدول بيكون اجورون اقل من المطربين وعاد يا معلم ايام الاعياد والمناسبات خود على حفلات شي دي دجي وشي مطربين مهمين واذا كان المكان كبير شوي في يعمل قاعة لحفلات اعياد الميلاد وما شابه ذلك لسه عم فكرلك طول بالك :deal: |
اقتباس:
فكري منيح معك 5 دقايق وعملي حسابك انو المبلغ نص مليون يورو مو نص مليار يورو عم بستناكي بسرعة بسرعة الزلمة نطف قلبه |
نحنا منشان نفتح الموضوع أكتر
يعني بتنصحوه بالتجارة أو الصناعة أو الزراعة أو القطاع الخدمي منشان نبدأ داده داده |
خي مالك انت عم تحكي يعني ع شي 38000000 ل.س
اذا بتحب تسمع رأ ي واذا صحيح صاحبك ورتانهم مو بايع دكانته بهل المبلغ , اه معي انت موهيك:p فا خليك على القطاع الخدمي لأن رأسماله صغير يعني ما بيستخدم ربع المبلغ الي مع صاحبك ومستقبل القطاع الخدمي كبير كتير بس اهم شي ابل ما يبلش يسوى شي يعمل دراسة جدوى للمشروع الي بدو ينفذو وياخد وقتو الكامل فيه لحتى ما يندم بعدين وتكلي ع هي يندم تحياتي يا غالي :D |
لو عنو بستثمرهون بالعقارات... بينام عليهون أربع خمس سنين بيدوبلهون
|
بالبورصة.....
|
اقتباس:
بالنسبة للبورصة والأسهم والعملات والسلع ما حدا قدي مقضي معهم شيلك من الحرام والحلال بس خسارة بخسارة وبكرا التجربة بتثبت لجماعة البورصة بكل أشكالها فكتير بستبعدها |
اقتباس:
يعني بتتوقع اني قطاع العقار بدأ فيه الشركات الضخمة طبعا ما عبقول كشركات صغيرة ما بتشتغل بس عنا بحلب إلى الآن لست مقتنع بالأسعار التي بلغت بها العقارات يعني بتوقع الزيادة لأنه قطاع العقار يبدأ بالتهافت عليه عندما تفقد قطاعات كثير من حقوقها يعني الأمن بس برأيك كونك مطلع على الأراضي والزراعة بتنصح الواحد يشتريلو مساحات ضخمة بالثلث الغير المعطل :Dمن النص مليون يورو يعني كأستثمار عبقول طويل الأمد مشكور ياس على المداخلة منتظر المزيد بهالموضوع تقبل تحياتي بأنتظارك |
اقتباس:
عبيتهافت عليها كتير من رؤوس الأموال الصغيرة هذا واحد أتنين وطبعا أي عمل بدون دراسة عبتسبب للشخص المستثمر لهالقطاع الخسارة بعد مدة معينة وعبيأذي أصحاب هالقطاع مثال فني شغلتي بالخضرة وأسمعت أني الموبيلات شغالة رحت فتحت موبيلات 3 سنين خربت المصلحة وقلبت على غير مصلحة وهلم جرا بس النقطة هي وحضرتك بتعرف أخي ماغنوم بتقسيم رأس المال إلى أستثمارات متنوعة ما بعرف إذا معي بهالشي ؟ على راسي يا غالي اسعدني مرورك :D عبنتظرك مزيد من التحليلات |
اقتباس:
بصراحة بتصوّر سعر العقارات بسوريا بازدياد متتابع جدا.. و نص مليون يورو (35 مليون ليرة ما هيك؟؟) لو أنا عندي ياهون و ساكن بسوريا ما بطرشهون على عقار واحد... انما اشتري مجموعة عقارات صغيرة مو استثمار بناية كاملة أو مشروع كبير... يعني محلات و شقق سكنية و بأجرهون و بنام عليهون شي أربع خمس سنين.. من الآجارات بس تطالع دخل محترم و لسى ما صرفت مصاريك.. و بعد فترة بترجع تعمل مسح للسوق و حسب الاسعار بتبيع... و بتربح بالبيع و فوقها قبضت كذا سنة آجارات |
اقتباس:
بس بتوقع مفيد بس متل ما بعرف أخ ياس في شي قصير الامد يومي مثلا وفي شي أستثمار متوسط وفي طويل الأمد كقصير الأمد نصحته بمحل طبعا بحسب مصلحته ويمكن يأخذه أجار سنوي وبيقدر ياكل ويشرب منه ومتوسط الأمد سنوي مثلا بتجارة الأراضي وطبعا مثلا مبلغ عشر مليون ومتل ما بتعرف ما بتكفي بيجوز يشارك ناس بالأراضي وطويل الأمد بين ال5 سنين وال10 سنين وشراء الأراضي بمناطق نائية ذات مستقبل متوقع أن ترتفع بعد 5 سنوات أقل شئ شو رأيك يا غالي :D |
اقتباس:
قارن قديه كان حق الشقة بالميريديان أو بالانصاري بالألفين و قديه سعرها هلأ.... و السعر بارتفاع اقتباس:
هون ما بتزبط معك هاللعبة الا اذا شاركتلك شي حوت واصل و هالحوت الو قدرة يدبرلك سعر منيح من الدولة ... بس شخص لحالو بدون نفوذ و واسطات تقيلة ما بتوقع تزبط سلامات |
ما بدو سكرتيره :p
ما في احسن من العقارات ... او يفتح شي مدجنه بتقص دهب وما بدها غير مليون |
اقتباس:
هلق أنا عندي حصيرة ودخلت التنظيم وفرغانة بس مالي فارزها يعني من الممكن تجي الدولة بالمستقبل تشتري الحصيرة مني بسعر بخس جدا بحجة أني بدها تبيعها للجمعيات ؟--- مع أنه بالتخطيط التنظيمي الجديد فارزينهم منطقة سكنية ......؟ عبعذبك :D |
اقتباس:
قمت عملت وراء در وأمام سير |
اقتباس:
بمفهومنا بالرقة كان انو أرض تدخل التنظيم = رايحة لجمعية سكنية... ما بعرف اذا لأنو كان المجلس التنفيذي عنا هيك أو القانون هيك... ما فيني اعطيك معلومة أكيدة.. عم احكيلك ع قانون التسعينات فما بعرف اذا هلأ تغيّر شي.. اذا في حدا خبير بهالقصص أكيد فيو يساعدك أكثر مني لأنو صرلي زمان برا البلد سلامات |
خيو اذا الشب حلبي فيطلعلو شي 20 كم حوالي حلب يشتريلو قطعة أرض وينام عليها شغلة 4 أو 5 سنين بتدوبل لحالها ومربحة أكتر من كتر الشغل يعني اذا بيضل بيشتغل 10 سنين ما بيرسمل بسورية بتعرف الوضع وخيو شغلات التجارة والاستثمارات الها ناسها يعني قصدي مو لعامة الشعب بتعرف الوضع بالبلد اذا راسك مو كبير وما بيتكسر ما بيمشي الحال لأنو روسون قاسية كتير ما بتنكسر
|
طيب شو رأيكم نحكي بغير أستثمار
يعني بتنصحوه بالصناعة مثلا ؟ حاسس حالي بدي اعمل كومشن تري مليوري دوراريه وبدي أصطصمر :shisha: |
الزراعة
بمشريع نموزجية متعددة الأنواع من الأنتاج الزراعي مع حظيرة لبعض الحيوانات للأستفادة من مخلفات الزرع أذا ممكن عندي بعض الأفكار ممكن أقترح موضوع جيد تشكر أخي أبو سمرى :D |
ممكن يعمل فندق ببيت عربي قديم مثلا مالح يكلفو كتير هيك شغلة ومربحها مضمون
مايسترو |
اقتباس:
مع أني هالمشروع صار كتير عنا وخاصة بالبيوت العربية يعني تصور بأحد البيوت العربية الي تصممت كفندق أتجاوزت تكلفتها ورأسمالها مليار ليرة سوري يا سيدي أسمعت مليار ليرة سوري ما علينا منبلش على قدنا بس النقطة وين النقطة هلق ماستروا إذا اجاك كم شب وصبية وحجزوا بهالفندق وكانوا مشبوهين وطبت عليك الرقابة وشافت هالمنظر هادا ودقيت بصاحب الفندق ووجهتله تهمت تسهيل الدعارة والميجانا وبيروح الزلمة بخبر كان وأخواتها ما قلنالكم الزلمة ماله ضهر وهيك شغلة بدها ...... تقال هاتلك مايستروا غير مشروع بأنتظار مقترحاتكم |
يا اخي ئلتلك مطعم ما ئبلت:pos:
يعني شو اكتر من هيك خلص برجعي لفكرتي الاولى ................. يعطيني ياهن:o .... بعين الله باخدون:p |
اقتباس:
وأئلتلك لئئلي أنا معك بموضوع المطعم رغم أني بعرف شغلة أني متى ما دخل موضوع اللودالين أنسي يعني صحون طباق طناجر بصير كتير هدر وسرقات وهذا ما حكينا عن موضوع الصحية والذي عنه بس بزمناتوا أقترحت عليه ياخد ماغدونالدز أو مثلا هارديز أو كنتاكي بس رجعت قلتله إذا صارت مجزرة كبيرة بفلسطين أو العراق الشعب أول شي بده يقوم يقاطع هي إذا ما كسر وطبش وطبعا من حقه رجعت عرضت عليه أخد وكالة لبنانية وهي مطعم بربر قالي بكرا بيجوز يصير مشاكل بعدين صلحات يعني الترتيب الذي منه إلى عنه فشو الوضع عندك بعد قرائة سطوري بأنتزارك :D |
اقتباس:
وخاصة تجارة المواشي والأبل بس كموضوع الزراعة بتعرف بتوقع أرتفع المازوت هي نقطة تاني شي المتحكمين بهالمصلحة جماعة سوق الهال هذا إذا سمحوا بالتصدير بيكون شوي تلحلحت الأمور على راسي يا غالي بتعرف على الهامش كل بقرة باليوم بتطالع 500 ليرة سوري من الحليب بس النقطة حلوة والفكرة أحلى بس كتربية الأبل شو رأيك ؟؟؟ الأبل = الجمل |
اقتباس:
لا حبيبي لانو من قوانين الفنادق بسوريا انو ما بيصير تحجز لشب وصبية بغرفة وحدة من دون ما يعطوك اثبات انو هنن مرتبطين رسميا يعني متجوزين انا بدرس سياحة بعرف هالشغلات مايسترو |
| الساعة بإيدك هلق يا سيدي 02:37 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون