|
بكل احترام وتقدير تستحقون ان ارفع لكم القبعة
كتير عالم دخلت اخوية وكتير عالم استمرت بس كمان في كتير عالم طلعت من اخوية
في كتير عالم دخلت على حياتي من خلال الاخوية في كتير عالم استمرت بحياتي لحد الان وفي عالم كتير بدون ارادتي و بدون ارادتها انقطعت اخبارها عني مع انها تركت بحياتي اثر كبير وبعتقد ما كنت وصلت لهالمرحلة اللي انا فيها لولا هالاشخاص ما مرقو بحياتي اليوم قاعد عم شوف مواضيعي باخوية ومرق عليي كزا اسم صرلي زمان كتير ما سمعت عنهن مع انو ما كنت متخيل بيوم من الايام انو نوصل لهالمرحلة بس للاسف ضغط الحياة والبعد عن بعض خلاني ننقطع عن بعض هالاشخاص اللي رح اذكر اسماءهن هون من الاشخاص اللي بتمرق على حياة الواحد ومستحيل تطلع منها بدون ما تترك اثر هاي في حال طلعت منها لانو حتى لو طلعو من اخوية من حياتي ما رح يطلعو في منهن اسعتني على اتصال معاهن وبحكي معاهن بشكل دائم بس في كتير منهن للاسف كتار منكن بيعرفوهن وكتار منكن ما بيعرفوهن كتار منكن بيتزكروهن وكتار منكن ما بيتزكروهن بس بتبقى مواضيعهن وردودهن بالاخوية دليل على انهن اشخاص محترمين يستحقو انو ينرفعلهن القبعة حياتي مع هالاشخاص والفترة اللي قضيتها معاهن باخوية كانت من احلى فترات حياتي بتمنى ارجع التقي فيهن على ارض الواقع او على اقل تقدير اني ارجع اسمع اخبارهن محمد ابراهيم Abu Guzef me2 اميرة الظلام Barleb tiger الحاج متولي ري مي Fady007 الجنرال ابو جعفر الورد طنش تعش hammoooza ghazool فلاش باك LEONARDO maro18 ماما منوشة ameen ابو طريق silin السورية المشتاقة صياد الطيور toocoolfriend adel المستحيل willi توت توت توت في كتير من هالاعضاء ما كنت على اتفاق معاها بس عدم هالاتفاق خلاني اتجه بتفكيري على تقبل افكار تانية في كتير من الاشخاص ربطتني في علاقة صداقة قوية كتير واسعتنا لهلأ على اتصال وفي كتير اشخاص ربطتني فيهن علاقة مودة وبتمنى ارجع اتصل فيهن من وقت ما فتت على اخوية وهالاسماء انحفرت بذاكرتي واليوم رجعو طلعو واحد واحد هههههههه كنت حابب احكي عن كل واحد منهن لحالو بس ما حبيت شعب الموضوع حابب قول شغلة اخيرة بس انو في اسماء تانية كتير غير هالاسماء بس الاسماء التانية اسعتها فعالة باخوية واسعتني على اتصال معاها وانشالله منضل هيك على طول عذرا اذا نسيت شي حدا عدد اللي بحبهن باخوية اكتر من انو ينحصى الى الاسماء اللي ذكرتها شكرا الكن :سوريا: (سمايلي عم يرفع الطاقية ) |
اقتباس:
اي والله .... رجعنا سنة ونص لورا ..:lol: فعلا هدول الاعضاء من اكتر الاعضاء اللي عشنا ايام نتّية بتجنن جااد... اسامة...عباس...امينوو..وماما منوشة ..محمد ابراهيم ..وعريسي هابو..:sosweet:..:lol: مازن ...وابو جعفر .. اللي كنا كتييير نمزح انا وياه وهابو ورمرش وابو جريج .. عمو التايغر ... كتييير اشتقتلو ..وبحبو كتير :cry: ليبوووو .. ليبو اكيد راجع بعد الامتحانات ..:sick: جد حتى انا بظن عندي نفس الشعور.. وكتير اشتقتلن .. شكرا عاللفتة الحلوة هنهنات ..(سمايلي عم يرفع القبعة):p |
وانا :pos:
:D |
اقتباس:
:D |
اقتباس:
وينو جاد (willi ) :? |
اقتباس:
اخدو البعبع الله والعليم :shock: |
يالله ان شالله بيرجعو وترجع تشوفهم وتحكي معهم ,,,,,,,,تحياتي الك ,,,,,:D
|
اقتباس:
مشكور على هاللفتة المو غريبة عنك هاني.... بالنسبة لمحمد ابراهيم من كم يوم حاكيتو هو كتير منيح بس مضغوط فوق ما تتصور والوقت اقل بكتير من مسؤولياتو منشان هيك ما بدخل وبيسلم عالكل بلا استثناء الحاج متولي يقبش قلبي اليوم كان موجود بس كمان بيدخل لما يفضى وجد وصدقا مميز ورائع صياد الطيور ما تارك الكرة من شرو موجود وبطلطل وطبعا الو تأثيرو المستحيل من فترة قصيرة كمان حاكيتو وقلي انو صعب يفوت عالنت هاللفترة وقريبا رح يرجع متل قبل ومشكور هنوش وطبعا باقي الاعضاء على راسي بس يللي ذكرهم هاني هدول يللي بعرفهن |
اقتباس:
بالنسبة لجاد willi حسب مراسلنا بتانزانيا الكبرى ......... مو فاضي هلئ ,,, عميخترع سلاح جديد ..... يلعن فيه التخلف ..... :p |
للاسف من هالقائمة ما بعرف معرفة منيحة الا محمد ابراهيم و ابو جوزيف ... و كنت كتير مبسوط بالتعرف عليهن عن قرب بس كمان بسبب ضيق الوقت انقطعت بالتدريج الاتصالات بس من هون بوجهلن تحية كبيرة و تحية كمان كبيرة لكل اللي بحبهن و بيحبوني باخوية ... :D
و متل ما قال ميدو ... لو حدا تاني كان كاتب هالقائمة اسمك اكيد رح يكون موجود و لو حتى ما في معرفة شخصية بس من خلال الردود الواحد بيعرف التاني ... و هي وردة الك :D |
فعلا اشتقنالهم .. :D
واشتقنالك انت ابو الهن .. قطعنا فترة .. وهيك رجعت .. يعني انت اولهم :p ** ما تنسا الزيارة اللي واعدني فيا عشيكاجو :o |
اقتباس:
|
اقتباس:
المهم خيو انك رجعت و انشالله بهمة متل الأول و زيادة :D |
اقتباس:
بس شو نفسي اعرف السبب يللي رجعوا!!!! جلطني وما رجع وفجأة ;) |
في بعض من الشباب عم يدخلو بشكل متقطع وفي منهن بشكل دائم
وفي منهم دخل وقت انا كنت قاطع عن اخوية بالنسبة الي انا عنصر مفاجأة اليوم هون بكرا الله بيعلم وين ممكن ما كون هون ;) |
اقتباس:
لشو تفتيح الجروح يا شلفون :cry: |
شو الظاهر الموضوع معمول خصيصا للمستشارين و المنسقين و المتقاعدين و المشرفين
بس حبيت قول الله يجمع الأحبة و يديم الصحبة و نسمع الأخبار الطيبة و بضيف إنو فعلا هالمنتدى أخوية تحياتي ........:D |
اقتباس:
لاتفهمي الموضوع غلط يعني .. او يروح بالك لبعيد وتفسري الموضوع بالطريقة اللي بدك ياها ماشرط يكون الانسان الكويس واللي بترك اثر مشرف او منسق او مشرف متقاعد او امين او هيك .. ممكن شخص من 200 مشاركة مثلا يصير عزيز من خلال راييو .. والقائمة المزكورة اكترا هيك :D بعرف انا تقريبا ربعن او اكتر من الربع بشوي .. وبصراحة هنن من زينة شباب الاخوية (هالكم واحد اللي عاشرتن بس ) وكان اللي الشرف اني شوف شخصي 2 منن وقعدنا قعدات طويلة معن وبدوري بوجهلن تحية كلن .. وكمان بقلن شكرا ع الانطباعات الحلوة والزكريات الجميلة اللي زرعا البعض اللي عرفتو فيني .. متل مازرعتوا بهاني .. والحال من بعضو ومية وردة والله يديم الجميع :D |
الله يديم المحبة....:D
انا ما بعرف منيهن غير صياد الطيور يلي هلأ بالسعودية وعندو بيبي كتيييييييييير حلو اسمو ( حيدرة ):oops: وجاد يلي بيضل بيحكيلي عليه طروق (فاينكس بيرد ) ومتمني اتعرف عليه ...يلعن ابو التخلف ....مافي امل ...:larg: |
اقتباس:
ابو وليام من الاسماء اللي بعرفها من بداياتي باخوية :D |
ابو الهنا اسمحلي ضيف كم اسم كمان بيستحقوا رفعة قبعة
hashtnasht kakabouda dimozi zen وكاتب هالموضوع بيسلم عليكن جاد ومتل ماقال ميدو عم يلعن ابو التخلف |
ان شاء الله يرجعو المختفيين
وان شاء الله نلاقي بعد فترة ناس تذكرنا بالخير |
بصراحة انا ابدا ابدا ابدا ما عجبني الموضوع لأني حسيته متل رسالة الوداع من هاني
واللي دايقني أكتر جملته هي اقتباس:
بعتقد هاني عبودع الأخوية وهاد الشي اللي ما عجبني بالموضوع :jakoush: |
اقتباس:
ممكن ما تستغرب :o |
اقتباس:
|
اقتباس:
بالنسبة الي وقت بحكي على " الأيام الغابرة " بتاريخ الأخوية بحكي تماما على الفترة اللي كان فيها الأعضاء السابقين واللي ذكرتهم يا هاني باول مشاركة . يمكن غيري بالنسبة اله الأيام الغابرة بترجع ل 2005 او 2004 انا بالنسبة الي الايام الغابرة هية وقت كان تايغر يفوت وقت كان محمد ابراهيم يشارك وقت كان فادي يكتب معنا وقت كان جاد ما يقطعنا من كتاباته بس مع هاد الشي هلق حاسس الأخوية رجعت وقفت شوي هي سيزار صار يشارك اكتر وهي انت رجعت وهي تايغر رجع على قتيلاته :lol: بس المهم فكرة القدما رجعوا والأعضاء الجداد هنن اللي بدهم يصيروا بالأخوية مع الايام قدما مع الايام وبالتالي الدنيا دولاب وعبيقلب وانت قلب فيك يا صاحبي :lol: بس ما بقدر اتخيل فكرة الاخوية بلا كتير من الاسماء حتى لو ما كنت متفق معهم من قبل ما بقدر اتخيل اسمائهم يعني انا هلق ما بقدر اتخيل الأخوية بلا ماغنوم وبلا باشق مجروح بلا سيريويو بلا المحارب العتيق بلا المحشش ابو ريتا :lol: اللي لعن دينه للسمايلي هاد من كتر ما استعمله( :larg:) يمكن اقدر افهم الشي اللي بدك توصله وقت بدهم يتركوا مع الأيام اذا تركوا بس ما عبقدر افهم كيف واحد بيقدر يترك محل طابع فيه اسمه لفترة طويلة وبقصد بالحكي انت بذاتك كيف بدك تقدر تترك المحل اللي كتبت فيه وتعرفت فيه على العالم وقريت المواضيع الغربية وعصبت من اهله وتقاتلت معهم وروقت معهم وسمعت مشاكلهم وحطيت مشاكلك فيها انا بالنسبة الي حاليا ما بقدر اتفهم الشي اللي عبتقوله كيف ممكن مع الأيام يقدر شخص يترك موقع " عاش " فيه بكل معنى الكلمة . |
اقتباس:
مسا الخير اخ غابريل,,, انا اسف انو حشرت حالي بالنص ,,,, بس كلامك حلو وعجبني وفيه من المنطق,,, يعني انا هلأ عضو باخوية جديد باعتبار يعني ما صارلي غير 8 اشهر بس ,,,,ومش متوقع انو بيوم من الايام انو رح اقدر اتخلى عن اخوية وعن الناس اللي باخوية والعالم اللي اتعرفت عليها واللي كتير منهم صار من اعز الاصدقاء عندي ومش ممكن اتخلى عنهم بلحظة من اللحظات ,,,,وبتمنى من الله انو ما اتخلى عن اخوية ولا بيوم من الايام ومهما كانت الظروف ,,,,,,__واعذرني على هالدخول___تحياتي الك,,:D |
كنت ناوية اعمل انقلاب عاساس هاني حاطط كل يللي بالقائمة شباب بس يا خسارة هالانقلاب يللي ما رح يتم:cry:
|
اقتباس:
بس صياد الطيور مازال أخر شغل الشباب: 6 يوم مضى . بس يمكن مشغول لأنو على قبالك هاني وقبال العايزين صار اب حيدرة من اربع شهور يعني من شاف احبابه:p |
اقتباس:
بالمناسبة كلياتنا نحنا رابطة المحاربين القدماء اد ماغبنا منرجع لو طلينا طلة من بعيد بس منرجع انا عبت فترة سنة بس رجعت لما رجعت ومالقيت حدا قديم ولا حدا اتخانق معو:lol: مليت بالمنتدى مافي شي جديد ولاشي عليه القيمة وهلىء رديت رجعت على امل يصير شي والدكتور حسام وينه؟؟؟:shock: |
قولكم في حدا عامله شي اسم تاني وعم يدخل منه؟؟
جد هلىء خطر ببالي |
:cry:ahla ayyam marret
|
جازوووووووووووووووووووووو ووووووو .. وينك انتي :jakoush:
|
اقتباس:
صحي انو انا ما بشارك كتير بس كل يوم بشوف اخوية وبعملها تفقد يعني بشوف الشباب شو ضايفين شي جديد وشو آراءهن وهيك وكنت عطول شوف مواضيعك بس كان الك فترة طويلة ما عم تحط شي وانا كنت مستغربة هالشغلة ومتل ما قلت القائمة الطويلة الي حاططها انا زايدة عليها كام اسم كان اسمك واحد منها :p بس الحمدلله انك بخير والله يطمننا على الباقيين :p |
اقتباس:
هيك انشالله يا رب بتعرفي الله وين حاططك عن قريب :p |
مازن ما عم تفتح عندو اخوية من اسبوع بيضل يطلعلو تعذر الاتصال :shock:
بكل اللينكات :? |
اقتباس:
قال وين ما التفتت بتلاقيني .... :frown: |
اقتباس:
بس انو يعني بغض النظر ... هي من الاتصال عندو مو من الموقع :pos: |
اقتباس:
ما في غير التوقيع والصورة الرمزية بغير فيهن كل فترة فأط لا غير |
اقتباس:
هيك عم يصير .. ببعتلك رابط عالخاص بيقدر يفوت .. |
| الساعة بإيدك هلق يا سيدي 07:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
