|
انا محتارة ممكن تنصحوني!!!!!
مرحبا
هلأ انا قصتي معتة شوي بس معليش الل ي عندو رأي يعطينا ياه لانو كتير هالقصة مدايقتني بالجامعة وخصصي سنة اولى الشباب كتير بيحاولو يتعرفو عل البنات وما في بنت ما مرقت بموقف او موقفين انا موقفي معصلج شوي انو من الفصل الاول كان في شب وين ما رحت يلحقني ويطلع فيي ويعملي حراكات وما بعرف شو هلأ انا طنشتو لانو ما بدي غراميات وهيك قصص بالجامعة يعني كلياتون اللي بعرفون اتنين و بالزور بسلم عليهن من بعيد المهم انو هاد الشب كتير حاول يفهمني انو بدو يحكي معي بس انا مارد بعدين بعتلي واحد من رفقاتو واسطة قمت قلتلو لرفيقو انو انا ما بحكي مع شباب بهالطريقة وخلص الفصل الاول بلش الفصل التاني وبيرجع هالزلمة بيطلع فيي وبيلحقني قام مرة كنا عم نحكي انا ورفقاتي على شب معروف انو غليظ وما بينهضم وتاري الاستاذ قاعد ورانا عم يسمع قام مرء من قدامي وزورني لانو فكر الحكي عليه انا ما رديت طنشتو تاني نهار نطر رفقاتي لحتى بعدو عني شوي قلي يا انسة ممكن كلمة قلتلو تفضل قام قلي بقا انو هو معجب وبيحبني وما الى ذلك و بالاخير قلي فكري بالحكي اللي قلتلك ياه ورديلي خبر معك يومين انا استشرت رفقاتي قالولي انو صدي بطريقة لطيفة دون ما تجرحي وفعلا ما كزبت خبر تاني نهار رحت لعندو وقلتلو انو انت شب ظريف ولطيف بس انا ما بيناسبني هالوضع لاني ما بحكي مع شباب وانا قصدي بهالحكي العلاقات الغرامية قام الاخ فهم انو انا منوب ما بحكي قللي طيب على راحتك بس انا رح ضل حبك قلتلو انت حر بعد بكم يوم كنت عم سلم على زميل لالنا انا ورفقاتي مو لحالنا قام شافني قام قرب زورني ومشي انا طنشت وقلت انو شو قلو عليي ما في بيناتنا شي بيقو بيروح لعند رفيقتي وبيقلها ممكن نتقابل انا وياه بكلية تانية قريبة قال في جوز كلام بدو يقولو قلتلها لرفيقتي بروح بس مو لحالي يعني انت معي رحنا قام شو بيقلي بيقول انو في كم سؤال بدو يسألني ياهون انا مستعدة جاوب او لاأ انا قلتلو تفضل قام قلي انا اذا اجيت خطبتك من اهلك عندك مانع قلتلو لاأ بس هالموضوع بيرجع لأهلي اذا بيوافقو عليك ولا لاأ قام قلي انت بتحبيني؟؟؟!!!!! بصراحة انا اتفاجأت بهالسؤال قلتلو هلأ انت بيجوز بتحبني بس ليش بدي حبك يعني لا قعدنا مع بعض وحكينا ولا شي ف على شو بدي حبك؟ قام قلي انا بعرف انو اذا تقدمتلك هلأ اهلك ما رح يوافقو بس انا متأكد انو بس لأتخرج بيوافقو بس خايف تطيري من ايدي لوقتها قلتلو ليك اذا كان في نصيب منتجوز والا ما منتجوز قلي طيب ورجعت عالكلية تاني نهار كان اخر يوم دوام وكان في شب شاطر كتير يعني الاولي عالكلية نحنا كتير منسألو اشيا قام شافني واقفة معو وانا والله كنت عم اسألو قام بينطرني لاخلص بعدين بيجي لعندي وبيقلي انت ليش مصرة تغيظيني قلتلو ليش شو عملت؟ قلي مو كنت واقفة مع هداك قام قلتلو وانت شو قلك عندي يعني عفوا شفتني عم بعمل شي غلط لحتى جايي تحاسبني قام سكت بعدين قلي وهو وشو احمر وعيونو حمر قلي ياريت تنسي كل شي صار ومشي اول يوم بالفحص بشوفو بيقوم بيضل عم يحوم بالقرنة اللي انا فيها ويطلع عليي مشان يحسسني انو هو لسا بدو ياني يا ترى شو الحل معو يعني انا طقيت منو ومالي طايقتو ولا هاضمتو شو اعمل ساعدوني رجاء |
ئـــوصي .. :larg:
|
لساتك صغيره يا بنت ... :larg:ذكرتيني بطفولتي :cry: ... ما علينا عفكره ههاللحظات احلى من الحب بذاتو
*من الصالون* |
شو حبيبتى الشغلة مو لازمة تفكير بنوب هاذاك الشخص انت مانك مرتاحتلو ولا طيقاتو طيب خلص اوليلو ما بدي اياك بصريح العبارة قدام كل رفقاتو لحتى ماعاد يحوم حواليكي وتخلصي من مضايقاتو . الله معك و حظ موفق.
تقبلي مروري.. اخوك لوبزي.. |
اقتباس:
ولي عودة ...... |
طنشي احسن شي
يعني اعتبري ما موجود و خلي يطخ راسو بالحيط بس هدول الشغلات عنجد ظراف .... يعني بكرا بالايام بتتذكريون وانت مبسوطة ما وانت متدايئة تقبلي مروري:D |
طنشيييييييييييييييييييييه
|
اهون شي انك تعتبرية مش موجود...
يعني واحد مانك هاضمتية لشو بتهتمي بشو بيفكر وبشو بيعمل... طنشية!! |
:?.. عن جد .. انوو الله يكبر عقل البنات ..
|
اقتباس:
|
اقتباس:
اسمعي يا صديقتي انا مريت بمرحلة الجامعة وكانت كتيييييييير صعبة رغم اني دراستي معهد متوسط مو جامعة يعني قضينا احلى سنتين وانا والشلة تبعيتنا لكم اخر سنة من الفصل التاني :cry: بسبب هيك اشياء انتي غلطي غلطين الأولى انك قابلتيه بكلية تانية وانت مابدك ياه وشو ما قلك رح تقليله لاء من الأساس لازم ترفضي والغلط التاني انك تفهميه انو انتي هون للدراسة مو لأشياء تانية وانو انتي ما بتحكي إلا مع شباب قسمك باعتبارهم زملاء بس وانو هو شعوره اتجاهك مختلف لهيك مابينفع تكونوا اصدقاء المهم طنشيه لأبعد الحدود لأكتر ما تتخيلي لدرجة انك اعملي حالك ما شايفتيه ابدا ابدا واذا قكر ورجع يقرب يحكي معك فهميه بالعربي انو انتي رديتي عليه هلأ كرمال تقوليله انو مرة تانية مارح تردي ابدا لو سلم انا بصراحة بحذر اي بنت من علاقة غرامية داخل الجامعة وتصرفك كان عين العقل الله يوفقك وكملي دراستك ووقت التخرج إلا ماتلاقي شب مرتب شباب الجامعة مساكين بدون فت خبز كتييييييير:cry: لأنو الشب يلي مابدو فت خبز كتير عم يدرس اما جامعة خاصة او برات البلد حب الجامعة دائما حزين :cry: |
اقتباس:
|
انت ما عم تعملي شي خطأ
انا بنصحك خليكي متل ما انت لا تغيري حالك هيك بتكبري بعينو اكتر وبحبك اكتر وبفكر فيكي بالحلال اكتر ما دام مشيتي بهل طريق لازم تكملي ......... |
اقتباس:
|
هلق بغض النظر عن طريقته
بيجوز هو خجلان أحيانا الحب بيبلجم الواحد وما بيقدر يسيطر على تصرافته سؤال فني أنتي شلون شايفتيه كشب ؟ يعني مجرد تحكيلي عنه شوي منشان أقدر أساعدك |
والله ما بعرف شو بدي قلك
يعني ليش الكل عم يقلك طنشي ما بعرف هلا هو مبين انو عنجد بحبك وقصدو شريف :? بس ازا انتي ما بتحبي هون بيختلف الوضع :? فهمي انا ما بحبك وخلص لا تخلي ينطرك او يتامل اكتر من هيك :cry: بس ازا انتي حاسه انو ممكن تعطيه مجال خلي يروح يحاكي اهلك :? حتى لو ما وافقو هلا عالقليله بتكوني تاكدتي :? انا هاد رايي :ss: خبرينا شو بصير معك |
اذا ما بدك ياه بلا هل الدلع
وبالسكربينه على وجو ادام الناس مشان ما يعيدها:D |
شوفي هلا انتي اكيد فكرتي كتير بالموضوع
بس كمان ارجعي فكري فيه ومرة وتنتين وتلات.ولماتحسي انو انتي جد مو هاضمتيه وصليلو هالحكي..يعني لاتحسسيه انو في مجال انو يصير شي بيناتكن يعني والله هو كمان حرام يضلو معلق فيكي وانتي مانك سائلة..... وتقبلي مروري حبيبتي............:D |
روحي انتحري وريحي راسك :larg:
|
أهم شي لا تستعجلي
وأهم شي تعرفي مشاعرك تجاهه لأنه هو كمان أنسان من لحم ودم |
لا تنتحري الله يوفقك
لأنه من يومين في عضو عنا بالمنتدى كان رايح ينتحر فبقا موضوع الأنتحار كتير بضايق |
انا ما قريت شو قصتك بس تأكدي انو الحب الحقيقي رح يجيكي بيوم من الايام واذا مو حابيتو اختصري عليه وعليكي وما في حدا بيموت منشان حدا يعني يصطفل بحالو
لما اقراها واعرف التفاصيل ممكن رد بتفصيل اكتر... |
اقتباس:
|
مصلح مع كسر ال / لام / ولا مع رفع ال / لام / :larg:
|
اقتباس:
|
حكيلو ياها بالمشرمحي حل عني مابدي ياك
بعد كذا مرة بمل لحالو |
هذه هي قصتك ...
امر طبيعي بصير مع البنات ... بس كأنة مو قادة تنامي من هالقصة .. اعتبري مثل زميل الك وفهمية هالشي بدون جرح مشاعر .. |
اول شي هادا اسلوب قديم و اكل الزمن عليه و شرب
يعني قال شو بيحسسك بالذنب و من هالاسلوب و من ناحيتي بقلك ايا حلال ما حلال حسب ما فهمت بقدراتي العقلية انو انتوا سنة اولى بقا شلون حلال يعني بدكون تخرج شي 6 سنين و ليصير معكون اجرة بيت شي 7 سنين و من هالحكي هي اسمها تسلاية هلق اذا انت جاي على بالك تتسلي انو اي خدي على قد عقلو بس لا تصدئي ولا كلمة انا شب و بعرف و هدول الاسليب عاملين فيها ملخصات هادا ما شي حسب الصفحة 760 الفصل 36المجلد الأول لأبو وليام منرجع لحديثنا اذا انت مو جاي على بالك تتسلي و ما بدك هالشي فما الك الا تشرشحي قدام رفقاتوا لهلك ما بنسى موقف حطتني في بنت قاعدين قدام مقصف العمارة انا و الشلة قام ايجت قمت مديد ايدي بدي سلم عليها قال شو هي ما بتسلم على شباب صرت قد النملة و حياتكون يعني نفس الأسلوب _________________________________________________ هامش شو بكرها كلمة زميل بتزكرني بجماعة الهيئة الادارية وطي صوت الموبايل يا زميل يلعن يلي عبدك يا زميل و تبقى روح الزمالة |
انو .. مانك حاببتيه .. نقطة وانتهت القصة .. قحطيلو وفهمي ياها ..
ازا عاجبك وعاجبتيه جربي احكي معو .. وشوفيه .. اتعرفي عليه .. :D ** اب وليم الخائن :frown: بالعمارة بدوني ما ماشي بس:cry: |
اقتباس:
وهلىء بالشغل كمان هيك بيزعلوا عليي وبيساعدوني بشغلي كتير انا كتير بفكر بقلبي:fthink::fthink: |
يبدولي انو هالشب مأثر عليك بغباء التصرف اللي عندو.. مإلك بتجربة أقل مايقال فيها إنها "فاشلة" و"هبيلة".
ماتعقدي القصة!..إذا بدك ترفضي دوري عالأسباب الصح للرفض ماتقولي أنا مابحكي مع شباب ومالي شغل هالقصص!.. فيكي تخبري حالك هالخبرية ليطلع الضو.. ورح تلاقي حالك مستغرقة أكتر..بالتفكير وكل ماذاد عنادك كل ما كان استسلامك أبشع.. والتخلي عنك أسهل! والحقيقة انو هالشب مانو مناسب.. مولأنو طالب جامعة فحسب.. الأهم لأنو "أرعن" فهو يطلق الوعود والنظرات والواسطات دون تفكير ولهوى في نفسه.. وانت طبعا مانك أحسن منو! وهدا لحالو برجح كفة الترك "سفينة بلا ربان" ايمعقولة هي!! :D:D |
اذا مانك هاضمتيه متل مو باين
في حلين 1-جيبي خيك او بيك او حدا من رفقاتك بيكبسو قتلة بحياتو بيحرم يقرب لعندك(هيدا حل) 2-بس اذا انتي حاسة حالك انو ممكن ترتبطي بالشخص بكل بساطة بس يرجع يحكيكي بتقعدي معو كم قعدة بتتعرفي عليه اكتر بعدين يا بتكملي معو يا اما بتئوصي انتي اللي بتختاري مع مين بدك تحكي مع مين ما بدك تحكي مو حدا تاني تحياتي:D |
شكرا كتير لكل اللي ردو :D
هلأ من جهة انو ئلو ياها بيوشو مشكلتي اني ما بحب اجرح حدا او زعل حدا :oops: تانيا من جهة تانية انا هالشب مارح فكر بأني ارتبط فيه ولا ممكن قرب صوب هيك ناحية :jakoush: لأنو متل ما قلتو هو طالب جامعة وسنة أولى يعني يمكن بعدين يمل مني لانو لسا مشوارنا طويل على كل حال انا كتير بتشكر نصايحكون :yahoo: المرة الجاية اللي رح شوفو فيها رح بقلو هالجوهرة واخلص بركي برتاح :p وتحياتي:D |
اقتباس:
عطيني فايده وحده من النصايح ..:D او شو استفدتي حضرتك من كل هالموضووع ... |
اقتباس:
كلمة صوب :p |
اقتباس:
نفسي افهم شو استفدتي من هالرد !!! :? |
اقتباس:
|
اقتباس:
ولك احنا الاثنين حشريين ... انت شو دخلك بمواضيع الاعضاء كيف بتكون .. يعني عجبك الموضوع عجبك .. ما عجبك لشو هالردود الخنفشارية .. وحده حابة مساعدة .. فيديها بدل ما تصدميها .. بنات اخر زمن .. :jakoush: |
انا برأيي طنشيه ازا مانك هاضمتيه ,,,, بس انتي من كلامك انو ممكن يصير مجال انو تضلي تحكي معو ,,,,يعني انتي نفسك لسى مش مقتنعة انو ما بتطيقيه__ هيك حاسس من طريقة كلامك__,,,,,,,,,,:D
|
اقتباس:
|
| الساعة بإيدك هلق يا سيدي 22:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
.. عن جد .. انوو الله يكبر عقل البنات ..