|
رسالة لاطفال سوريا
يا حبايبي انا اللي عم اكتبلكن هي الرسالة يعني سبقتكن واجيت على هالدنيا قبلكن بكم سنة
المهم انا بقلكن لا تكبروا! ايه لا تكبروا اذا بدكن تكبروا لتعيشوا نفس الشي اللي عايشينو نحنا ويمكن اسوا من دون ما تقدروا تغيروا ولا تعملوا شي فلا تكبروا اذا بدكن تكبروا وتعيشوا بهالفساد اللي ناخرنا نخر وتعيشوا بالطائفية اللي معششة بمخ المجتمع ومالح تغيروا شي فلا تكبروا خليكن صغار متل الملايكة والعصافير بلا هم بكلوريا وشو جمعت ولا هم لقيت سرفيس او بالتيتانيك طلعت وبال ما تتخوزقوا بشي اسمو حب الوضع عنا هون مو ظريف مشان هيك خليكن صغار احسن الكن... مايسترو |
اقتباس:
|
يخليلي ياك يا رفيق نحنا اللي منعمل الامل على فكرة واذا ما قدرنا نعمل شي فخلص
مايسترو |
اقتباس:
|
بعرفها وبهديك ياها
مايسترو |
اقتباس:
|
لسه عندي الامل
بكرا احلى ... |
الى اطفال سوريا واطفال العالم كلو....
اكبروا وعيشوا كل لحظة بحياتكم ....ما تخلوا شي يكرهكم بالحياة ....كل لحظة الها جماليتها واملها والمها... رح تتوجعوا بلحظات ورح تبكوا كتير رح تكرهوا انكم خلقتوا ورح تمر عليكم لحظات سعادة منشان هيك ما تستسلموا خليكم قادة بكل شي .... وتأكدوا انو الحياة عبارة عن ام قاسية بتعلمكم اشيا انتو مو قادرين تتعلموها بدون ما تمروا بظروف صعبة واي اام من امهاتنا بتعاملنا بقسوة اذا اضطرها الوضع لتقسوا ...يعني ما تسبوا عالحياة وبمجرد كونكم (انسان)فهاي منحة عظيمة....اليأس اي انسان بيشعر فيه بس المهم انو ما يسيطر علينا الحياة تحدي ..حاولوا اكتشفوا شو الشي يللي بتحبوه بحياتكم ...وحاولوا تعرفوا شو يللي بدكم اياه من وانتو صغار يعني ما تخلوا الكبار يسيطروا على تفكركم ويقرروا بدالكم..... واخر شي حبوا كل شي بالحياة حبوا الشجر والسما ...حبوا العصافير وحبوا الناس التانيين بس اهم شي ما تحبوا الشي لذاتو حبوا الحب نفسو لحتى تحسوا قديش فيكم تكونا سعداء..... رح تمروا بتجارب حب وممكن تفشلوا بس هون ما تخلوها نهاية الحياة لانو الحب تجربة كتير راقية وفشلها شي صعب بس الذكرى الحلوة بتكفي.... يمكن طولت عليكم بس بدي قول لمايسترو انا فهمانة قصدك صديقي بكب شي بس برضو يا عيوني وين الأمل؟؟؟؟ |
إلى أطفال سوريا والعالم
نصيحة مني .. لأ ... إكبروا و حبو كل شيء حوليكو و أد مفيكو تصلحو صلحو .. و بالآخر إن عجزتم فصلحو أنفسكم و ما همكم وبالنسبة لهم الباكلوريا .. هم كتير حلو و خاصة بعد النجاح .. إسأل مجرب ههههه و والله ما في أحلى من النجاح .. عشان تعيش هاللحظة أدرسو كتير منيح و إنتبهوا على حالكو و بالنسبة للتايتانيك .. عادي .. حتى سباحة ممكن توصلوا و هاي نصيحة مني إلكو ما تيأسو .. و لا تكونو إمعة إسا أحسن الناس أحسنتم و إذا أساء الناس أسأتم السلام عليكم |
اقتباس:
وياريتهم يتعلموا من تجاربنا حقا.. شكرا مايسترو..موضوعك رائع..:D |
ما ضل امل بشي
|
saba nميرسي كلك زوق
طارق لسا في نتفة امل في غنية لمسلسل افلام كرتون كانوا يقولوا فيها:تههدينا الحياة ضوءا في اخر النفق تعطينا الامل كي نحياه مايسترو |
انتهت فرص الامل واللي فشل بفرصه مصيره الموت على هامش الحياة
|
لسا يا مايسترو الحياة فيها اشياء مخباية .. ومفاجآت حلــوة .. الأمل بحد ذاتو تغير ... و الحياة مافيك تفصلها على هيئة فستان كامل و حلو ...
مابعرف ... بس العاطفة .. و الأمل ... ما بتخليني وافق على كلامك رغم الواقعية الي عم تحكي فيها ... خليون يكبرو .. ويتعلمو ..ويدوقو الحلو و المر لحالون ... و يعرفو الصح من الغلط لحالون ...متل ما نحنا كبرنا و تعلمنا ..متل ما نحنا عشنا و بكينا وفرحنا ... بحيّكـ :D:D |
أحلى ما في الحياة أنها صعبة
!! والله |
الا ليت الزمان يعود يوما
لالعب ببراءة تحت اشجار الكينا والسرو اتراكض في الحقول بين ازهار شقائق النعمان احلم بان اكبر واكبر واكبر احلم ان اصبح شيئا مهما الا ليت الزمان يعود يوما لاحلم فقط ان ابقى صغيرة |
اقتباس:
وانا بحيّك كمان اكيد الحياة حلوة بس لما منوصل لمرحلة عم نشوف كل شي حولينا عم يروح للاسوا كل يوم وما قادرين نعمل شي بيموت الامل صح نحنا منخترع الامل بس لما بيكون في شي يوحي فيه اكيد مالح يردوا عليي ولح يكبروا بس انو انا انا مشانن بالاخر ميرسي مايسترو |
اقتباس:
ياريت! مايسترو |
اقتباس:
نعيب الزمان و العيب فينا و مالزمان عيب سوانا وقد نهجو الزمان بغير جرم ولو نطق الزمان لهجانا أنا برأيي أنو الواحد يبدأ بنفسو أولا و بس يصلح نفسو رح يأثر و يصلح غيرو و مافي شي بيصير بيوم و ليلة.... بعطي مثال للمسلمين سيدنا محمد كان شخص واحد و تبعه أكثر من نصف العالم فقط بعشرين سنة و مثال تاني للأخوة المسيحيين سيدنا عيسى عليه السلام كم من الناس تبعه و بعيدا عن الأديان يعني الشخص لما يكون صادق بقلبو باي شي هوة معتقد فيه و مآمن فيه فكل شيء صادر من القلب يدخل إلى القلب فيا حبيبي مايسترو ليش لحتا مايكبروا خليهن يكبروا و عساهم يطلعو أحسن مننا نحن و غيروا يلي نحنا ماعم نقدر انغيرو .......... و تحياتي للشباب الطيبة و الصبايا الطيبة كمان ضوجو :ss: شكرا :D |
انا معك
بس اذا بدهن يكبروا وما يقدروا يغيروا هالمجتمع هاد ولا الحياة للافضل لا يكبروا احسن لانو من خلال تحشيشاتي الواقعية اكتشفت انو بكرة اسوا! صدقوني مو نصيحة مايسترو |
اقتباس:
|
شو رح تنفع شرف المحاولة؟
لح تغير كل الاغلاط اللي شا يفينها حوالينا؟لح تلغي الطائفية؟شو بدها تعمل لتعمل شرف المحاولة مايسترو |
اقتباس:
|
بعمل مقارنة وبردلك خبر
مايسترو |
في امل كبير
|
اقتباس:
|
وانا ما قلتلك انو هاد الامل مات وهو بالرحم؟زما قلتلك انو شلت الرحم؟
بتمنى بس ما تروح المبادئ مايسترو |
| الساعة بإيدك هلق يا سيدي 16:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون