|
مشهد من مسلس نور حابة أعرف رأي المهتمين؟
بما انو جميع الوطن العربي متابع لمسلسل نور وبما انه حديث البنات العربيات عن جمال مهند بطل المسلسل حبيت شوف شو ها المسلسل ومن خلال الفضول صرت من المتابعين يعني حسب الفضى حلقة اي و3 لاء المهم بلا طول سيرة بأحدى الحلقات شفت مشهد خلاني مدهوشة لساعات وساعات حابة اخد رأيكم فيه المشهد هو التالي: دخلت اخته لمهند لمكتب زوجها طبعا يلي اتزوجته من بعد ما جابت منه بنت عمرا 4 سنين:shock: المهم بيكون بالمكتب عند زوجها رجال بحكم العمل ماعرفت هية شو بتشتغل بس فهمت انها رسامة بتدخل بتسلم عليه لزوجها وبتبوسة وبتطلع من حقيبتها صورة هي راسمتها بأيدها بأقلام الفحم نظرات أستغراب من الرجال الموجودين عند زوجها بالمكتب حتى وجه زوجها بيحمر وعيونه تتطاير منهم الشرار بقلها زوجها: شو هي بتقله: حلوة ... هي انا راسمتها زوقا بينسحبه الرجال الموجودين عند زوجها وبضل هية وزوججها بالمكتب بقلها :شو هاد معقول انتي رسمتيه وهو قدامك بها المنظر الصورة كانت لتوب موديل رجل عاري تماما :cry: وطبعا الصورة بتطلع بالشاشة مو انه بتشفرهاالقناه بتقله اي رسمته وهو عاري شو فيها يعني هاد فن بقلها وين الفن معقول احرجتيني قدام اصحابي بتقله هاد شغلي بعدين انا نظرتله على انه لوحة فنيه مو على انه رجل ورح يغريني يعني ماعندك ثقة فيني بتقله اي حبيبي لا تنسى هو يلي بلا تياب مو انا :cry::cry::cry: بذمتكم شو رأيكم بها المشهد الرائع شي فاخر اتخيل صديقتك رفيقتك حبيبتك زوجتك رسامه وبترسم رجال عاريين انا رأيي منتهى الأنحطاط بصراحة واعذروني على هاالتعبير :D:D:D |
:shock::shock::shock:
|
هاد الشي بيناقض مجتمعنا متل ما بتعرفي:larg: ، بكلية الفنون الجميلة في كتير تماثيل لبني آدمين عراة يروحوا يرسموها:p
|
فعلا منتـــــــــــــــــــــه ى الأنحطاط
الله يجيبك يامالك الحلبي |
طبعنالكم بوسترات لمهند شي خارق حارق وبكل المقاسات جخو بهل النعم
اقتباس:
اقتباس:
وتاني شي شو فيها اذا شالح ؟ ما الشام معباية صور بنات شالحين :sosweet: |
الحمد لله لسا في ناس تفكر متلك , لو كانت شي وحدة أو واحد من دعاة التحضر و التحرر أو بالأحرى دعاة الإنحلال والإنحطاط الخلقي...... لكانت إعتبرت الموضوع:عادي........
بارك الله فيك أختي وردة |
كلو على كلو صاير انحطاط وقفت على ها المشهد لكن LBC مو انحطاط بعينو مع مقلدتها MBC
|
أنا برأيي على حسب المجتمع و تقبلهم للفكرة
في مجتمعات من ترى عيون من تحت النقاب للمرأة و العيون السودا الجميلة منتهى الاغراء وفي ناس تشوف العراء منتهى البراءة :? تحياتي الكم . |
اقتباس:
ولله انتي يلي بريئة تسالي |
اقتباس:
وكنت احضر مشاريع تخرج لقسم النحت وكان يوجد تماثيل فعلا لبشر عراة لكن ما كانو يجسموا الأعضاء الجنسية ابدا وكانت اغلب المشاريع تكون لتماثيل تعبيرية اكتر من بشريه بحكم الخيال يلي بيلعب دوربشخصية طلاب قسم النحت |
لو كانت بالعكس ..
هو الرسام ورسم بنت عارية .. وقتها بتصير القصة احلى ..:sosweet: |
الشي عاااااااااااااااااااااادي جدا ياشلة الأدب والأخلاااااااق لأنو القصة بالنية اذا كانت نيتك انو هاد رسم لجسم عاري فانت انسان عاري لا يستطيع النظر الى الحقائق يعني كل واحد بيشوف القصة حسب مفهومو وحسب مخو وحسب نيتوووووووووووووووووووووو ووو ومو كل شي يعني تعملولي ياه انو انحطاط وانحلال زهقتو الله اللي خلقنا لسا ماسكينلي السلم بالعرض وماشيين حبيباتي فيقو على حالكو هدول عايشين بأوروبا وطالما انتو شايفين الموضوع بعيد عن عاداتكو ومجتمعاتكو بحبشو منيح لأنو ياما تحت السواهي دواهي شوفو كيف بالوطن العربي وبالدول الاسلامية خاصة نسبة الدعارة حطمت كل المقاييس بينما بأوروبا في نسبة كبيرة من الدعارة بس كلو ظاهر مو مخبا.............. والحدق يفهم لحالو وخلصونا عاد بلا تخلف... لأنو ملينا من نقاشات مافي منها طعمة لا بتودي ولا بتجيب
|
برأيي أنك مخطئة whiterose
فمن الخطأ إنو نحكم على الأمور من زاوية واحدة هي زاوية الدين في مجتمعاتنا, لما يكون الموضوع فن بينشاف بعين فنان ليحكم عليه على أساس فني أو ذواق ليحكم عليه بما يثيره فيه من أحاسيس, فشو بتقولي إذا قال أحدهم بالموناليزا بأنها سافرة! ولن يدخل دافنشي الجنة بسببها! معقولة هي!! أما بالنسبة للمشهد اللي ذكرتيه أنا شفته وهو بيفرجيك النظرتين للأمر, عسى أن يملك الجرأة أحدهم ليحط حالو محل "أنور" ويفكر بالأمر.. على فكرة ماطلقها "أنور لمرتو" بسبب اللوحة.. كان لازم اضيفي هالشي بموضوعك بس مشي الحال.. بيفكي تنتبهيلوا على الأقل.. أخيرا .. سعة الصدر والعقل تحضر وليست انحطاط أو كفر.. وأضعف جواب كنت اسمعوا .. هو بتقبل ع اختك وبتقبل ع أمك.. هدا حكي فاضي.. لأنو أنا مابستنى العالم لتقبل الشغلة لحتى امشي فيها ادعو أصاحب الحجج الواهية هذه للتفكر قليلا.. علينا ان تعترف اننا معقدون .. ويمارس كبريائنا غباؤه علينا يوميا .. و علينا إما أن نفعل شيئا أو نصمت... قد أكون متفائلا جدا,ولكن.. :D |
:shock::shock::shock:
|
اقتباس:
انا بموت ازا ما حكيت كرمال هيك كل بروفايلي زعلات:cry: بس بدي احكي:o مازال انتي برأيك انه الأمر عادي واقل من عادي روحي خلي جاك يرسمك ... |
اقتباس:
فسري اذا سمحتي شو قصدك :o |
اقتباس:
صدقا رغم نظرتي الدينية لكل امور حياتي بس هاد الموضوع بالزات نظرتي له من باب الأخلاق بس يعني مهما كان الفن قوي ما لازم نوصل لها المواصيل وازا انت اعتبرت ها الشي فن معناها فينا نعتبر ابطال افلام الأثارة هنن فنانين قدراء بل عظماء بقدرتهم على استثارة المتفرج بسهولة الفن رساله شو رسالتي ازا رسمت رجل عاري؟؟ وبالنسبة للموناليزا ليش ليدخل دافنشي النار ؟؟؟ هي صورة اخلاقية وشاعريةوعظيمة مو صورة امرأة عارية!! تسمحلي قلك اني ضحكت من ردك انو زوجها ما طلقها لأنها رسمت رجل عاري؟؟؟ يعني هية عارفة شو رح يصير وعارفة عقلية زوجها وإلا ماكنت ورجته الرسمة بعدين يعني اتخيل رسام عم يرسم حدا عاري ووصل لأي منطقة خطيرة اتخيل كيف عم يدق بالمنطقة ليطلع معو شي حلو او بالأصح صورة معبرة :shock: كفانا دفاعا عن شيء اسمه الأنحطاط |
اقتباس:
:pos::pos: اللبيب من الأشارة يفهم (بضم الباء و الميم) |
اقتباس:
|
اقتباس:
هاد تماما الجواب يللي كنت رح جاوبو....مشكور صديقي على تفكيرك |
اى لا عيني لا تخبصي بالحكي انا مابخلي حدا يرسمني حتى لو بدو يرسم صورة وشي بس
وقلنالك كل شي بيضل بالنية يا ام النوايا وبالنسبة للأخلاق والدين حبيبة البي كل المسلمين عندن دين لكن 99% منهم بلاااااااااااااااا اخلاق ومن وجهة نظري أخلاق بلا دين افضل من دين بلا اخلاق وهي لو انها معتبرة اللي عملتو شيء منافي للأخلاق كانت خبتو وماورجتو لحدا بس هي بسبب اخلاقها العالية أول شي عملتو راحت ورجت جوزها على هي الرسمة وتعي لقلك ليش مثلا مابيكون الدكتور اللي بيكشف على النساء (دكتور النسائية) ليش مابتعتبري انو هاد منافي للأخلاق رغم انو مابيكشف وبس وافهمي الباقي لحالك ................. ورجاء تاني مرة لا تتفزلكي كتير |
اقتباس:
يعني صاحب هدق ورساله مو والله ماسك قلم وعم يطلع على مناظق حساسة ويدقق فيها ليرسمها اما هاد شو هدفه؟؟؟ او شو رسالته |
اقتباس:
اول رد الك عجبني . بس التاني....:? ولو يا امورة انت قابلت ال 99% من المسلمين وعملتي check وطلعو معك بلا اخلاق ...؟؟؟!! يعني كانك شلتي 1 % بس كرمال ما ينئال generaliztion - الي كتيييييييير غلط تعملي يعني بعتئد الموضوع اصلا ما كان اخد هدا المنحى , شو دخل المسلمين :shock: اما بالنسبة لرايي, ما بيعنيلي الموضوع . لانو كل المفاهيم تغيرت ... بزمن صار في جسد المرأة هو جواز عبور لاي شي .. بزمن الاعلانات ما بيكون الا اي علاءة بالبنت الحلوة الي شالحة نص تيابا ومع هيك بتنشك بالنص بزمن كليبات "هيفا" و "ماريا"الي عم يتائتلو على فكرة مين عمل فكرة " التطبيش بالمي" اول اي ما وئفت على رسم جسد عاري وشكرا للكل:D وروئو ما مستاهلي :p |
يعني احنح صرنا مخطئين على شانا بندافع عن قضيه اخلاقيه بالمقام الاول
ولا صار اساس التحضر والتقدم هوه العري للبنات وسوء اخلاق الشباب :cry: طب ليه بنقلد الاجانب بس بهال مواضيع التافهه ؟؟؟ وبننسا كم الف اختراع بسجلوه باليوم ( ولا هالاشي ما النا دخل فيه )؟ عن جد فتحوااااا عنيكم منيححح كتييير |
اقتباس:
مازال انتي مقتنعة انو ها اسمه فن وفيه الواحد يرسم اي انسان عاري وينظرله على انه لوحة فنية غير جنسية اقتناعك هاد لازم يسمحلك انك تخلي حدا يرسمك وانتي عارية باعتبارك رح تكوني على ثقة مع الرسام يلي رح يرسمك على انو بينظرلك انك لوحة وبس؟ |
عم قلك لاتخبصي بالحكي
انا ماني موديل لحتى خلي حدا يرسمني بس اذا بتحبي فيني ارسمك |
اقتباس:
بس انا هون المقصد فيه زوج و زوجة يعني اتخيلي انا بكرى زوجي يدراني راسمه رجل عاري!!! لاء وشو بقله عادي حبيبي فن او حتى قلبي الصورة انا اسمح لزوجي رسم وحدة عارية قال اذا سألوني العالم شو بيشتغل زوجك بقلون بيرسم نسوان عاريات زوجي رجل مهم فنان لاء وشو بيقولو اقتباس:
|
يا بنتي ليش انتي بتفكري بالموضوع بهالشكل
الفنان دائما عندو نظرة غير نظرة الناس العاديين يعني ممكن الموضوع غليظ شوي بس ما بتعرفي كيف بيفكر فبالتالي ما بحقلنا نحكم |
اقتباس:
انا كتبت الموضوع لأني رافضة الفكرة كيف بدي خليكي ترسميني لو ماني رافضة الفكرة كان ماعندي مانع بس انتي مع الفكرة وبرأيك انه اخلاقها عالية بئا شي طبيعي انك تكوني موافقة على فكرة الرسم وإلا هيك بتكوني عم تغالطي حالك |
اقتباس:
ويمكن يكون في رسام قادر يرسم امرأة عارية بدون ما تثيره كأمرأة لكن الفكرة الفكرة بشكل عام ولا تنسي انو نحنا بمجتمع شرقي وبغض النظر عن الدين والمجتمع يعني ولله اخلاقيا مو مقبولة ابدا ابدا :jakoush: |
اى لاااااااااء عيني بما انك ضد الفكرة ومعتبرة انو القصة مافيها اخلاق وانا قلتلك اني مابخلي حدا يرسمني لذلك اختصري الموضوع ولابقا تتطاولي علي او على غيري خليكي متل ما عم تدعي انك خلوقة
|
اقتباس:
مين قال اني خلوقة انا قلت شي يا جماعة اني خلوقة يعني انتي برأيك يلي بيرفض ها القصة الرسم العاري بيكون خلوق يعني من هون اكتشفتي اني خلوقة؟؟ :o |
اقتباس:
|
اقتباس:
|
اقتباس:
وقفوا وقفوا وقفوا مين عبيقول الله لا كان جاب الغلا هيك صار الحكي :lol: :D |
اقتباس:
هلق أنا ما جيت رأسن لأنه كنت عبسجل بمعهد للرسم عجبني الأرت والأرتيتكتشر بأنواعه مممم الحقيقة الفكرة حلوة يعني هلق بصراحة هلق إذا حطيت شي قدامي عاري عبرسمه يعني هلق ليوناردوا دي كابريو بفلم تو تنيك البطلة روز مدري كوز رسما وهي عارية وأنا شدني الفلم وشدتني كمان فكرة الرسم أو مفصل الرسم بهاللقطة الحلوة يعني وين المشكلة هو الزلمة رسما عارية _ما حدا يقلي حكيك عاري عن الصحة _ وإن كان نشأت بيناتهم علاقة بكراج السيارات بالسيارة الحمراء الرومنسية -متزكرها- وصار الي صار ..... بس هالشي ما بيقلل من ايمة الفن يا جماعة الفن اله أهداف وهذا الفن هادف جدا وأنا بعتبره فن نبيل وأله وزن وتاريخ عرقان عفوا عريق المهم طلعنا علىالموضوع بس حبيت أذكر هالمثال منرجع لموضوع صهره لمهند شو هالأنسان الجاهل المتخلف هذا وين الحضارة من هالأنسان معقول أنت يا صهر البيت وأبو البنت بين الشوطين أبو المسابح والمايوهات والمساكنة وابو حلق كمان حاططلي حلق يطلع منك هالحكي ياعيب الشوم يا عيب الشوم شو تركت لولاد الشوارع يا متحضر يا مدعي الفري يخرب بيتك من حالك سودت وش الحضارة بعدين ليش عبتنتقدا للمخلوقة ماهي كانت لابسة بس هو العاري وهي ما تأجج عندها شي لسا طبعا ممكن مع الأيام عادي خليك سبور يا أخي ما هي كانت على علاقة معك قبل الزواج يعني فكرك ربطتها بهالزواج عيب عليك نحنا في زمن الحرية وعادي وإذا تزوجتها بتحتكرا!!!!! بتسلبا حريتها!!!! بتقمعها للبنت !!!! ولو يا فاضل مو أسمه فاضل ؟؟ ولا خجلان من الصورة قدام رفقاته ما رفقاتك رفقات مرتك يا زلمة من باب هات خود -خدني جيتك -بدل غير أشبك يخرب بيتك شو سطحي وتافه قال خجلان عادي اليوم رسمته عاري بكرا برسمها هو عارية كله فن حتى السكجول فن حتى لو اسمعت أني مرتك حبت تضيف شي على موضوع الرسم يعني ............. كمان فن ما هي عبتزداد خبرة وهذا الشي بصالحك يا أخت وايت روز أنا كنت بفضل أنه ما تقولي أنحطاط ليش ؟! ما هي لوحة فنية وألي عودة لأنه تعبت :sick: |
الاصرار على فرض الرأي ماهي طريقة للمناقشة
و كل واحد وعندو وجهة نظر في الموضوع الرجاء احترام الرأي الآخر اجت على رسمه يعني ؟؟؟؟؟ في بعض البلدان فيها تماثيل في نص الشارع لرجال عراة و ماحد شافها و كتب شيء غير أخلاقي ولا انحطاط بالعكس في مين بيتصور عندها ;) |
هههههههههههه
اي بيصير انا مش متابعتو الا لقطات من باب الفضول ما شفت هيك لقطة بس بالمجمل المسلسل عم يعتمد الابهار الشكلي والغريزي ليوصل لان اذا بلاتحظو مافيه اي فكرة ممكن تكون بتمس مجتمعنا او حتى ممكن يكون لهالفكرة معنى هو فقط قصة حب وناس عم تتقاتل مع بعضها بداعي الحب |
اقتباس:
قال وبيتصوروا عندها قال ولله تسالي |
المشكلة اخي مالك مش باللأنحطاط
المشكله بتقبل هل الأنحطاط فا كل واحد بيقبل الي بناسبو ودمتم |
| الساعة بإيدك هلق يا سيدي 20:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون