|
بويجي
السلام عليكم
الله يصبحكم بالخير ويجعل يومكم متل قرص العسل وزهر الياسمين في موضوع مضايقني كتير وحابب أستشيركم فيه وخلينا نتناقش فيه ووقت بينتهي نقاشنا وأستفتائنا يا ريت يصل للمسؤولين الموضوع بيحكي على البويجية  البويجي هو شخص يعمل بتلميع الأحذية وإذا سافرت بأوروبا أو أميركا بتلاقي بويجية بكل مكان حتى بفنادق الخمس النجوم أو 500 نجمة والبلدان كتيرة ما في داعي نحصيها بس بدي أنزل كم صورة منشان تشوفوا الوضع من زاويتي هلق بسوريا وبكتير بلدان منعرف في مصالح ومنها مصلحة البويجي إما ورثها عن أبيه أو أحبها أو لم يجد أفضل منها بين المصالح عنا بسوريا وللأسف الحكومة منعت مصلحت البويجي وصاروا البويجية ملاحقين وكأنهم مجرمين و مسيئين لوجه البلد كسياحة بعد التضييق عليهم صار ينزلوا صباحا فقط على الحديقة العامة وشغلهم كله كم ساعة فقط مع أنه أقل بويات قندرة سعرها 10 ليرة سوري يعني يا بيلحقلوا ثلاث قنادر يا ما بلحقلو بقا عطونا رأيكم بهالشريحة من الناس وهل هذه المصلحة مسيئة أم مفيدة والموضوع موضوع أنساني لا أكثر عمنتسنى ردودكم تقبلوا تحياتي |
هلق القصة مو قصة انو المهنة مو منيحة
بس انا برأيي انو العالم اللي بيشتغلو فيها مو خرج يعني والله وقت شوف واحد منهن بالطريق بموت رعبة وبغير طريقي:sick: والله أشكالون مرعبة:sick: |
طيب شو رأيك نخلي هالشغلة للنساء
 |
هلأ بقلك لو كان اللي عم يشتغلو هالشغلة أشكالون راكزة انا ما عندي مشكلة
يعني متل هالصورة يللي حطيتها أما لما يكونو بيخوفوا والله هالشي بيسيء لمظهر البلد صح؟ وأنا ما عندي مشكلة شو ما كان جنس اللي عم يشتغل هالشغلة ضمن الشروط اللي قلتها:D |
انا مع إنا تنمنع لسبب ... اني بشوف بس الاولاد بيشتغلوا
وطبعا من مبدا انو لازم منع كل الاولاد العاملين( بغض النظر عن بيع علكة , او اي شي تاني) وشكرا ع الموضوع |
:lol::lol::lol::deal: بارك الله فيك اخ مالك و الله هن من يجب ان يقمن بتلميع احديتنا متى نشاء و كيف ما نشاء و ندفع لهن ما نريد ايه و الله8-)
|
من وجهة نظر انسانية بحتة ..فالمفروض أنو الدولة يا تتركون يأمنو رزقون ..أو تأمنلون هي فرص عمل ...
أما انا شخصياً مابحب هي الشغلة تكون موجودة بالشوارع و بأي مكان ...لسبب واحــد فقط لأنو شريحة معينة من البويجية ..هنن أشخاص فاشلين ...استسهلو الشغلة لأنو مافيها تعب جسدي ولا تشغيل مخ ... شيلكـ عن أنو بالفعل هو منظر غير لائق و غير حضاري لأنو أصلا مافي عنا مواقف أو أرصفة مخصصة لهيك شغلة ...و أضف نقطة أخيرة ...أنا كبنت وقت بمرء من شارع فيو بويجية أو ماشابه من أصحاب هي المهن ...مابصدق على الله امتى اطلع من الشارع او امتى لاقي تكسي ياخدني .. و انت يا مالك اذا كنت من حلب فرح تعرف اماكن تجمع البويجية ...الي هي اماكن عامة متل العزيزية أو الحديقة العامة أو الجوازات بالسبع بحرات سابقاً ... أو حتى عند القصر العدلي تحت القلعة ... هدول كلون أماكن عامة وأماكن مخصصة للعمل فما هو مكان مناسب أبداً لتكسب وسيلة العيش عالرصيف ... طبعاً مع احترامي الشديد لأي شخص صاحب مهنة شريفة ...من البويجي إلى عمال القمامة ... |
بقلك شغلة أي مصلحة بدها تطوير حتى مصلحة البويجي
يعني وقت بيجيه دخل بيطور نفسه وبيحسن مظهره أما إذا كان ملاحق والشرطة داعسيه وراه شلون بدك ياه يظبط لبسه وحياتك وقت بياخد حقه بالعمل بتلاقيه عبيتسوق من عند جيروتي  |
اقتباس:
:jakoush::jakoush::jakoush::jakoush::jakoush::jako ush::jakoush::jakoush::jakoush::jakoush: :x:x:x:x:x :sly::sly::sly::sly::sly: |
يا جماعة هم يسعون لكسب قوتهم بالحلال و يتحملون ادى المجتمع.... العيب في من سلبهم حقوقهم و ابتلع اموالهم اقصد بطون الحرام من النصابين الكبار و الفاسدين المرتشين
|
اقتباس:
وهنن مقتنعين بهالمصلحة لأنه بيبوها وشقد ما داقت عليهم بيحبوها اقتباس:
اقتباس:
اقتباس:
[quote=[FONT="]بـحــر;1002736] .. و انت يا مالك اذا كنت من حلب فرح تعرف اماكن تجمع البويجية ...الي هي اماكن عامة [/font] متل العزيزية أو الحديقة العامة أو الجوازات بالسبع بحرات سابقاً ... أو حتى عند القصر العدلي تحت القلعة ... هدول كلون أماكن عامة وأماكن مخصصة للعمل فما هو مكان مناسب أبداً لتكسب وسيلة العيش quote] عني هدول عبيدورا على رزقهم وما عبيزعجوا حدا بس هلق شغلهم بس ساعتين فقط ساعتين وفي منهم متزوجين وأولاد عبينتظروا حليب ولا برأيك عبينتظروا نسكافيه غولدن !!! |
ما في احد يسيئ للمجتمع سوى الديكتاتورية و قمع الشعب
|
اقتباس:
بس في رجال بحقها عبتشتغل هالشغلة |
اقتباس:
مخير لكل شخص بقدر ألمع وشي أو شخص يلمعلي ياه معناتا ليس وجوبا لكن مخيرا أما عن الدفع فهذا موضوع لا أعتقد أنه مخير بل يجب أن يوضع تسعيرة لهم أو تكون حرة قابلة للعرض والطلب على هذه المصلحة |
اقتباس:
|
بتمنى أني نقاش هالموضوع بجدية رجاء
ويا ريت المسؤولين يسمعوا كلامنا  |
صباح الخير
اول شي لو النسوان استلمو هالشغلة كنت بدك تلاقي احذية الشعب كلها ملمعة على مدار السنة 24 ساعة ... حارتنا ضيقة و منعرف بعض تاني شي .. بالنسبة للبويجية انا ما عندي شي شخصي بس يا حبيبي وقت بيكون كل واحد شغلو نظامي و قاعد بمكانو متل مانك حاطط بهالصورة اي اوكي ما في مشكلة بالعكس شي ظريف و حلو كمان بس وقت بتلاقي الولاد عم يلاحقوك بالشارع و عم يتقاتلو بين بعضن مين بدو ياخد الزبون و الزبون بالاساس ما بيكون بدو شي بس هنن بيستلموه بالشارع ... هلق عمل الاطفال غلط و غلط كبير كمان بس وقت ما في حل تاني ...يعني يا بيموتو من الجوع يا بيشتغلو لا يا اخي يلعن ابو العلم ساعتها ... يروح يشتغل افضل |
اقتباس:
كل بويي صباتي يمكن ساوي هي الشغلة كذا مرة باليوم:o |
اقتباس:
اقتباس:
بعدين حضرتك قلت ساعتين فقط ... يعني ساعتين فقط مارح تأمن لأي شخص بالدنيا وسيلة دائمة وثابتة ليربي أطفالو أو يطعمي عيلتو بشكل جيد ..لا غن كان بدو يسقيهون حليب و لا حتى صارت تجيب ربطة خبز هالساعتين... فأنا عتبي فقط عالدولة الي بتلاحق البويجية أو اي عمال آخرين ... الأفضل أنو ينعملون مواقف مخصصة صغيرة أفضل من ملاحقتون .. |
مشكور أخي مالك على الموضوع
تسجيل متابعة و سؤال : الموضوع ممكن أن يتشعب بالحديث عن الناس الذين يعملون في هذا المجال أي عن الأرباط و الأكراد |
اقتباس:
|
اقتباس:
وقت بيرتاحوا والله بينظموا حالهم على فكرة الحرامية ألهم نظام قائمعلى شريعتهم بقى هنن ما بيقدروا ينظموا حالهم ؟! وقلت جوابي على قصة عمل الأطفال  |
اقتباس:
|
اقتباس:
ما بدنا ندخل فيه وشكرا لمداخلتك والله يحميكي ويحمي أهلك والله يا بحر من الصبح من الساعة تقريبا 8 لل10 فقط عبيشتغلوا وخوفانين ما تجي دورية وتدق فيهم على السجن طيب مو حرام هالشي انا معك بالتنظيم  |
اخي مالك معك حئ
بس بدك تشوف وجه نظر الحكومة انو ليش عم تلاحئهم اكيد عندهم اسباب بتخص التنظيم والمظهر بس كمان مو هالاسباب المقنعة لانو عم يصير بشوارع بسطات وتلت رباع شوارع شام هيك صارت انا بقترح انو يتم تنظيم هالشغلة يعني يكون تجمعهم في مكان واحد او يكون ائلهم متل نقابة وهي الئصص ويتم توزيعهم على مناطق متفرقة بالنواحي والاحياء |
اقتباس:
ما رايدين نتشعب بالأقليات والأكثريات بس خلينا بموضوع حقوق المهنة وأعطائها الحرية بنظام ومشكور يا غالي على المرور والتعقيب وبأنتظارك  |
اقتباس:
يشوفوا الوضع لأنه وضع بيأسي ياريت من المشرفين يحطوا شي أستفتاء بركي منقدر نصل لحل منشانهم  |
اقتباس:
يا عزيزتي لو في اهل او في وعي عند الاهل و تقدير للمسؤولية ما كانو بالاساس بيخلفوا هالاولاد و يرموهن بالشارع ... فلذلك غلة الاهل بدك تلغيها من بالك |
اقتباس:
بس ما معناها انو الحل انو الولاد يتركو التعليم يعني هدا موضوع تاني بس بعتئد انو بيلتئا حل للموضوع |
البويجي
٢٢ نيسان (أبريل) ٢٠٠٦ ، بقلم - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - كان يجلس في ركن من أرضية مبنى كبير و أمامه صندوقه المُلبَّس والمزخرف بالنحاس البراق، مشكلا قطعة فنية تلفت النظر؛ تقدمت منه فرحب بي، ثم باشر عمله على الفور. وبينما كان منهمكاً في عمله المتقن، تقدم منه طفل في العاشرة، فناوله بضعة قروش وهو يقول له مبتهجا:  ( بابا ) لقد بعت جميع الأكياس، هل أذهب إلى البيت؟يجيبه: ويل لك… لا زال اليوم في أوله، خذ مجموعة أخرى واسرح بها، و إلا…بعد دقائق قليلة، تقدم منه طفل في الثامنة أو التاسعة من عمره: (بابا) بعت خمسة أمشاط ومسبحتين..ناوله القروش التي جمعها، ثم مضى يكمل مهمته. أثناء مباشرته بتلميع (فردة) حذائي الأخرى، قدم طفل ثالث في السابعة من عمره وبيده حلوى يأكل منها متلذذاً، فتناول منه القروش التي جمعها بيد وصفعه باليد الأخرى فألقاه أرضا وقد علا صياحه. + البويجي : ماسح الأحذية  |
اولا شكرا يامالك على هذا الموضوع الانساني.. ثانيا..بالنسبة لي راح احجي عن الموضوع الاوسع وهو (اصحاب البسطيات والعربات المتنقلة وبضمنهم ملمعي الاحذية)وهم الاشخاص اللي يعتمدون الشارع محلا لكسب الرزق.. والسبب بالتأكيد هو عدم توفر فرص عمل لهم ..وغلاء ايجارالمحلات.. فاذا ارادت اي دولة ان تعكس عن نفسها صورة حضارية..وهذا الشي يتحقق من توفير كشكات خاصة وفتح باب التقديم للحصول عليها او حصر وجود اصاب هذه المهن في مناطق معينة ..فيكون الشارع الفلاني مثلا خاص ب(بويجية)..واخر خاص بعربات بيع المادة الفلانية..وهكذا ..ليقصدها المستهلك..وبنفس الوقت لاتوثر على سير المارة ..ولاتسبب المضايقة..ولاتعكس صورة مشوهة للشارع.. وياريت نفكر شوية انو موسهل على الانسان ان يختار كسب رزقه من تلميع احذية الاخرين..بالتاكيد طبيعة المهنة تسبب نوع من التشوهات في نفوس اصحابها..فياريت ننظرلهم برحمة اكثر :D:D:D |
اقتباس:
وشكرا لك |
مهنة البويجي الها أصول وهي مهنة كغيرها من المهن
باعتقادي يجب تنظيمها وانشاء نقابة للبويجين مهمتها تنظيم المهنة من اتباع عامليها دورات وتخصيص لباس لائق وجعل العلبة التي يضع الزبون قدمه عليها مرتبة وأنيقة بالاضافة لحماية عامليها وتنسيبهم لضمان صحي وتأمين راتب تقاعدي هذا فعلا مانود اسماعه للسيدة وزيرة العمل ديالا حاج عارف وليس فقط تنظيم مهنة البويجية بل سائر الأعمال المهنية الأخرى من بلاط سباك ...........الخ وشكرا لمالك على طرحه الموضوع المفيد |
مشكور يا أبو عمير
وهي صورة لحالها بتحكي  |
بصراحة مالك خليني احكيلك رأي ابل ما أقرا اي شي مشان ما تفوت الأفكار ببعضها أوكى
بالنسبة للبويجي لما كنت امرق من شي شارع ويكون فيه بويجي شو ماكان سنو كنت كتير ادايق لأنو كنت اطلع بعيون هالبويجي لاقي فيهم ضعف كبير يعني بصراحة بحسة مهنة كتير مذلة يعني مشان 10 ورقات هداك بيوقف متل الأسد وهالبويجي المسكين بيوطي على كندرتو ليلمعلو ياها انشالله بحياتو ماتلمعت كندرتو مايلمعها ببيتو يعني لو الحكومة منعت البويجي تأمنلن شغلة بديلة خليهم يلمعو الطرق مثلا .............. هاي مابيكون فيها حدا احسن من حدا وشكرا لموضوعك الظريف |
اقتباس:
تاني شي أنا حطيت هالموضوع منشان الحكومة تشوف وضع هالشريحة من الناس وتنظر بأمرهم لأنه النظر بأمرهم أحسن من النظر بأمر تاجر كبير يريد تحسين حجر ساحة حديقة وتغير معالمها بحجة تحسين قزحية المواطن وبالأخير بيكتب أسمه على مرمرة تم تحسينها من قبل التاجر الفلاني صاحب المؤسسة الفلانية يعني البشر أحسن من الحجر بعدين كلياتنا عمنخدم بعضنا يعني العمل مو عيب إلا إذا كان بيأذي المجتمع وبيمس الأخلاق والمجتمع وضع البويجي بدك تقوليلي أني الدولة بدها تأملن عمل أنا مع الدولة بترشيد أنواع العمل يعني النصح هلق متل هالبويجي الدرويش رسمال صندوقه كله 500 ليرة يعني لا بده ترخيص ولا أجازة تجارة ولا فايلات ولا هم يحزنون كله بس 500 ليرة وباليوم وطبعا بأذن الله بيطالعله من ال 100 إلى 300 هذا رزق مكتوب من عند الله عز وجل النقطة الأنسان بيقدر ينظم شغله وعمله وسلوكه بالتقادم مع العمر والفكر يعني أنا مرتاح بعملي ومبسوط إذا أنا مرتاح بفكري وبقدر ما أجيب 25 ولد وأحاول يكونوا ولدين وأحاول أعلمهم أحسن علم هي مثال من الأمثلة فيا ريت الحكومة تنظر بأمرهم لأنه بالنهاية كلياتنا بويجية عند بعضنا يعني كلياتنا عمنخدم بعضنا  |
| الساعة بإيدك هلق يا سيدي 16:40 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون