|
القضاء السوري يحكم علي مدون معارض بالسجن ثلاث سنوات
دمشق ـ ا ف ب: قضت محكمة امن الدولة السورية بسجن مدون شاب ثلاث سنوات كما اعلن لوكالة فرانس برس المحامي عمار القربي رئيس المنظمة الوطنية لحقوق الانسان في سورية الاربعاء. وقال القربي ان محكمة امن الدولة حكمت الاحد علي طارق بياسي بالسجن لمدة ست سنوات وتم تخفيض الحكم الي السجن لثلاث سنوات بتهمة وهن نفسية الأمة واضعاف الشعور القومي . وطارق بياسي (24 عاما) هو نجل المعتقل السياسي السابق الدكتور عمر بياسي، وقد اعتقلته السلطات السورية في السابع من تموز (يوليو) 2007 في محافظة طرطوس (غرب).
واوضح القربي ان طارق بياسي لديه محل كومبيوتر في مدينة بانياس في محافظة طرطوس ويرجح ان سبب اعتقاله هو دخوله علي مواقع الكترونية معارضة للحكومة اضافة الي نشاطه في المدونات علي الانترنت . واكد القربي ان المنظمة الوطنية لحقوق الانسان في سورية تدين هذا الحكم الجائر علي بياسي وتري فيه تصعيدا ذا دلالة من قبل الاجهزة الامنية ضد المواطنين المهتمين بالشأن العام في سورية، مما يشكل انتهاكا للحريات الاساسية التي كفلها الدستور السوري وذلك عملا بحالة الطواريء والاحكام العرفية المعلنة في البلاد . المصدر: القدس العربي |
حسبي الله و نعمة الوكيل أسأل الله العظيم أن يفك أسره و أطلب من الأخوى في سوريا أن يحتاطو |
لك يلعن اخت هيك امة وهيك شعور قومي, اذا بدن ينوهنو كل ما واحد كتب شي مقال بالانترنت
يعني بالله بسوريا قديش نسبة متصفحي الانترنت؟؟ ومن هالنسبة قديش في بيهتموا بالسياسة ؟؟ لحتى يعني خايفين كل هالقد على الشعور القومي بس معلش كل ما زاد القمع هدا دليل على الخوف |
اخت هالدولة و هالبلد , ماني مصدق ايمته خلص دراسة و اطفش بره سورية
طقينا يا عالم من القهر و الخوف |
اقتباس:
|
اقتباس:
مصير هالبلد يزبط شي يوم |
اقتباس:
الغربة ليست الحل حب الوطن بعيد عنه يقتل الأنسان مليون مرة يوميا أصلح ما أستطعت أبني بلدك خير من أن تبني بلد أخر أنصح أبن بلدك بخير بدل من أن تنصح الغريب بلدي و أن جارت علي عزيزة نصيحة من أخوك حلبي :D |
اقتباس:
:deal: قد ما الواحد تعذب و قد ما انسجن بشر مصير هالبلد يتصلح |
اقتباس:
والله ازا حل هالقهر والخوف ...... هو الجبن والهريبة ...... فراحت البلد .................... اسمحلي عارضك بهالنقطة ....... كل ما عماسمع عن سجين بسبب معارضتو او بسبب رأيو ........ بيزيد اصراري اني ضل بهالبلد :D |
انا يا جماعة نظرتي لكل هالموضوع انو اللا ما يجي يوم و نتغير
يعني لازم يجي يوم نقدر نعيش متل العالم و الخلق والله يفك اسرو اليوم قبل بكرا:D |
اقتباس:
الدنيا دولاب لو دامت لغيرنا لما وصلت لنا و لم يبقى لنا مكان بها أنشألله بتحسن الوضع على كل الناس الله كريم :deal: |
لكل اللي عم ينصحو الاخ انو يضل بسوريا, فيكن تقولولي ليش؟؟ وشو بيطلع بايدو يعمل لو ضل؟
عطوني بس وسيلة واحدة يقدر الواحد من خلالها يغير وضعو بسوريا او يقدر يغير اي شي غلط او حدا يعترض على اي شي غلط بهالبلد اللي كلها غلط طبعا غير انو يحط صور الديكتاتور ويقول انو مصير هالبلد شي يوم تتغير |
ما حدا بيطلع بادو شي
بس الزمن بيطلع بادو كتير خيي ايهم |
المظلوم رح ياخد حقو و الظالم رح يتجازا
|
اقتباس:
يعني الله عاطيه ريموت كونترول مثلاً؟ |
رح ابكي
حاسس حالي بفلم مصري :cry: |
اقتباس:
والي متلنا في الغربة أصبح لا يعرف الكثير عن البلد ولا يدرك أي الحلول أفضل فاللي أيدو في النار مو متل اللي ايدو في الماء أنا كأنسان مغترب أستطيع أن أقدم النصح بطريقة تعريف الحياة في الغرب ليس أكثر أما من ناحيت من أين تؤكل الكتف لا أفقه في هذا المجال شيئ ولنا العبرى من التاريخ يجب على الناس أن يغيرو ما بأنفسهم أولا و لكل عيد قربان |
اقتباس:
يعني لما الواحد بشوف حالو ببلدو ما الو قيمة ولا حدا معبرو واخد برايو على اعتبارو مواطن بهالبلد بحس بالاخير انو ما عد في داعي لوجودو بهيك بلد |
اقتباس:
اقتباس:
اقتباس:
|
مع احترامي لكل الاخوة الذين وضعوا ردودهم و لكنها حقيقة غير مقنعة لاي شاب سوري يريد الغربة , اذا طلعت لبره يمكن ما اقدر غير البلد بس عالقليلة بزبط وضعي اقتصاديا مثلا و ريح مخي , يعني بدل ما اتشنطط بين الكافي نتات هون بسوريا نتيجة الخوف , بره فيني ادخل من بيتي عالنت و بدون اي خوف , يعني هادا مكسب و حلم صار بسوريا.
|
اقتباس:
ازا خايف لا تحكي ....... ما رح احكي اكتر من هيك :D |
اقتباس:
بهالحالة هالمواطن اللي هيك ... هو بكون فرض عحال انو مايكوون الو قيمة ولا حدا يكون معبرو شلون بدك تفرض على حالك انو لما بتفتح تمك باي كلمة انتقاد للحرامية الحقيقيين بهالبلد بتنشحط وبتتبهدل و بالاخبر بيجاكموك بتهمة اضعاف الشعور القومي؟؟ شلون بدك تفرض على حالك انو دولتك من اكبر راس فيها لعند شرطي المرور , ما عاملتلك اهمية ولا اي قيمة الا اذا كان معك مصاري ترشي فلان وتسكت فلان شلون بدك تفرض على حالك انو انت عم تشتغل بس لتامن حق اكل وشرب ولبس لعيلتك بينما رفاق الصمود والتصدي ولادن عم يشفطو بهالسيارات وانت ما بتسترجي تفتح تمك؟؟ فرجيني حضرتك شلون هيك غير كل هالعالم عايش مبسوط والك قيمة بسوريا الاسد ؟ |
اقتباس:
تاني شي ..... ما عمانفيلك مافي كبت حريات ... وما في فساد ...... ومافي شي اسمو ملتعن رب هالشعب ..... بس يا فهمان زمانك .... باكبر الدول حضارة .... وباكبر الدول ديمقراطية .... كان في فساد وظلم ..... وزبطت الامور معهن ..... ورجع الفساد ..... ورجعت زبطت .... مافي شي بيدوم ..... يعني فيك تقنعني ..... انو سوريا بحياتها ما مرت بفترة ازدهار ...... ورح ترجع تمر بهالفترة .... ويا سيدي بيشرفني واكبر شرف الي اني احكي واتحاسب ..... مو احسنلي مو احكي وانا متخبي بشي دولة غير سوريا ..... وقتها ما بشرفني كون هيك وما بشرفني اتسمى عالمعارضة اللي متل معارضة هالمرتزقة خدام وامثالو ..... ويا سيدي انا عايش ومبسوط واكتر من هيك بسط مافي ...... مو لاني عايش بسوريا الاسد ..... لاني عايش بسوريا اللي خلقت فيها .... وتربيت على اني حبها ... مو حب نظامها ..... في فرق كبير يا صاحبي ..... اقتباس:
اقتباس:
تحياتي Ahmad |
اقتباس:
وشغلة تانية اذا كنت بتعترف انو في كبت حريات و فساد و انو الشعب السوري اللي انت جزء منو ملتعن ربو , كيف ترجع بتقول انك مبسوط واكتر من هيك بسط مافي ؟؟؟ |
اقتباس:
ومين ئلك انو برا الناس رح تعبرك لازم تعرف انو وين ما رحت وشو ما عملت انت رح تبئى "غريييييييييب" اذا بتضوي العشرة اذا ما لئيت الحل جوا البلد بحياتك مارح تلائي برا البلد |
اقتباس:
اقتباس:
اي ويعني ازا في كبت حريات وفساد و99 بالمية من هالشعب ملتعن دينو ....... لازم حط الحزن بالجرن واقعد اندب بحالي ؟؟؟؟ لا حبيبي ازا انت هيك مو ضروري تشمل كل هالعالم معك ..... بالاخير انا مواطن بدي عيش حياتي اللي بدي ياها غصب عن انف الكل ودمتم بود :D |
| الساعة بإيدك هلق يا سيدي 07:10 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون