|
شكوى طلاب في كلية الآداب
فضائح أخلاقية في المقاصف والحدائق ولاوجود لمسؤولين أبدا !!!!!
خاص SNC للقذارة نوعان ، مادي و معنوي ، و النوعان متواجدان في كلية الآداب ، المقصود بكلية الآداب ( حسب المعنى المتعارف عليه تطبيقيا ً و شبابيا ً ) ، الطب و طب الأسنان و الصيدلة و الآداب بأقسامها و علم الاجتماع و الآثار و غيرها ... ، و بصفتي طالبا ً هناك ( شاهد عيان ) ، استوقفتني العديد من المشاهد اليومية ( الخارجة عن المألوف ) ، سأسرد بعضا ً منها و هذا البعض .. غيض ٌ من فيض . أولا ً : القذارة المادية : حسب هذا النوع من القذارة أن يدخل الإنسان إلى الحمامات الموجودة في مبنى الصحافة ، يدخل فيبدأ المسلسل و تهاجمه الروائح المقززة من كل ناحية قبل وصوله إلى الباب الرئيسي بأكثر من عشرين مترا ً ، و إذا دخل دون أن ينظر إلى الباب يكون قد نجا من أول صدمة : و هي العبارات التي تدل على أدب طلابيٍّ جمّ و التي كتبت بالخط العريض كي يقرأها الجميع دون أية معاناة تذكر . يدخل و يحتار أيّ حمام ٍ ينتقي ، إذا كان حظه سعيدا ً سيصادف حماما ً غير عائم .. و بالتالي سينجو من الصدمة الثانية ، يدخل الحمام فتواجهه مرة أخرى عبارات كتلك التي تم ذكرها ، لكنها هنا ملحقة ببعض الصور التعبيرية و بعض أرقام الجوالات لكائنات ٍ حية تُدعى ( طلاّبا ً ) ، و الأمر سيّان ( في حمامات الطلاب و الطالبات ) ، المهم ، يتابع هذا الطالب مشواره هناك ، يفتح صنبور المياه ، و رد الفعل هنا أحد اثنين ( إما أن يجد مياها ً أو لا ) و الأمر متعلق بالساعة ( قبل الساعة الرابعة ظهرا ً يوجد مياه ، بعدها ، لا يوجد مياه ) ، ثم يخرج ليغسل يديه .. أيضا ً ، إما أن .. أو .. لا يجد مياها ً . و إذا سألَنَا أحدهم عن عمال النظافة المفروزين خصيصا ً لهذا المبنى ، سأقول لهم : عمل هؤلاء حمل السلالم الطويلة لتنظيف النوافذ المرتفعة عن الأرض ستة أمتار أو أكثر و التي لا يقف أمامها أحد لتتسخ في اليوم التالي من الأمطار ... و عملهم أيضا ً قطع الأنوار عن المدرج كي يخرج الطلاب لينظفوا المدرج بعد أن تدور بينهم و بين الطلاب مشادات كلامية قمة في الأدب و الأخلاق و الحق الأكبر هنا ( كي لانظلم أحدا ً ) على الطلاب الذين يرفضون الخروج و الذين يظنون أنفسهم فوق عمال النظافة دون أن يقدروا الجهد الذي يقومون به . و أنا شخصيا ً ضد وجود عمال النظافة ، جهد شخصي بسيط ينهي المشكلة من جذرها و بعض حملات التوعية و فرز طلاب خصيصا ً لهكذا مهمات . و هنا لا بد من الإشارة إلى أمر مهم و هو سلبية الطلاب ، فإذا أكل أحدهم قطعة شوكولا داخل البناء يرمي الورقة على الأرض محتجا بعدم وجود سلة مهملات ، رغم أنه كان يفعل الشيء ذاته بوجود السلة ، و باستطاعة هذا الطالب وضع الورقة في جيبه ريثما يجد سلة مهملات . أما عن القذارة المعنوية فأوجهها كثيرة ، حدث ولا حرج ، سأذكر بعضها و أتحدث بالتفصيل عن شيء منها . في يوم من الأيام كلمني صديقي (طالب في كلية الاقتصاد) و أخبرني أنه سيقوم بزيارتي و عندما أتى ، طلبوا منه البطاقة الجامعية ، لم تكن معه ، اتصل بي فقلت له : عندك كلمة من كلمتين إما (لغات) أو (مشفى) لتدخل ، و دخل و جلسنا في إحدى حدائق الكلية نتكلم ، إذ بمتسولة تطلب منا أن نعينها ، خلفها متسولة أخرى و أطفال يبيعون العلكة في وقت يجلس فيه غيرهم على مقاعد الدراسة ، فسألته : كيف دخل هؤلاء و أنت لم تكن لتدخل لولا كلمة السر ، فضحك , و صمت . و أنا بدوري أرفع السؤال إلى المسؤولين عن هذا الموضوع . و كل هذا يهون أمام ( الأفلام ) التي تحدث في (مقصف الطب البشري) من ممارسة للحب ، قد تصابون بالدهشة ، لكنني أقول لكم : لا دهشة بعد اليوم مع مقصف الطب ، ففي يوم من الأيام قررنا أنا و زملائي تناول فطورنا هناك ، دخلنا إلى المكان المخصص للهيئة الإدارية ، و كانت الطاولة التي تقع قبالتنا ، مفعمة بالحب ، شاب يعانق فتاة و يتبادلان ( القبل الفرنسية )، يأخذها من كتفها و يقبلها من خدها، يقبلها قبلا ً متتالية ثم هي ... ً (تم الحذف هنا لأن الفكرة تم إيضاحها ولا داعي لشرح أكثر) (الطالب : كنت أريد تصويرهما ، و لكنني لم أستطع لفظاعة الموقف و عندي أكثر من خمسة شهود عيان على ذلك ). و في المكان ذاته حمي الوطيس على خمسة طاولات فُرشَت عليها أوراق اللعب ( الشدة ) ، شباب و فتيات و صراخ يتعالى هنا و يخفت هناك . و بعد كل هذا ... نجد داخل مبنى الصحافة ورقتين كتب عليهما : ( ممنوع منعاً باتا ً التدخين داخل مبنى الكلية ) و ( ممنوع منعا ً باتا ً الجلوس داخل مبنى الكلية ) . أقول للمسؤولين انزلوا إلى المقاصف و بالذات إلى مقصف الطب البشري ، و بصفتي طالبا ً متأذيا ً بذلك أطالبكم أن تعينوا مراقبين على الحدائق الموجودة خلف المباني و بالذات خلف مبنى الصيدلة و على المقاصف ، و أطالب الطلاب بالبدء من أنفسهم للحفاظ على نظافة المباني و نظافة الروح . أخيرا ً أقول لعمادات الكليات لم أكن لأكتب هذا الموضوع لولا خوفي و حرصي على الجميع طلابا ً و مسؤولين و لم أستخدم أسلوب التعنيف كتجريح ، على العكس بل لنعلم أننا يجب أن نبدأ سويا ً . مجموعة من طلاب كلية الآداب - دمشق المصدر : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
شكرا كتيييير الك اش لموضوعك لانو هي المشاكل بدها حل عنجد صرت اخجل روح اقعد بحديقة بالكلية عشان سمعتي لانو اللي بقعدو هنيك معروفين شو وضعهن
ميرسي كتير كتير الك |
اي كلن بيقولولك : اي حط بالخرج يا زلمي صايرلنا كافيتيريا الفوتة ليها ببلاش ف خلينا نفوت و نعمل اللي بدنا ياه هنيك و ما حدا الو معنا شي :larg:
و مشان النضافة هي شغلة مشهورة بسورية كلها مو بس بكلية الاداب |
هيدا حكي .. هيدا كلام :larg:
بصراحة انا ئرفت من الجزء الاول بالموضوع :sick: شلون اللي هم ئاعدين هونيك ممممم يادمهم :x هلئ انو المسؤلين شو بدن يساو بهيك مممممممم شباب الواحد اذا مو متعلم من بيتو اصلن مارح يتعلم من الف مسؤل ولو حطو خردمية(يعني رقم خرافي) قانون كرمال هالشغلة :sly: ال كلية ال وعم ئول ليش جيل هاليومين بحسو فاشوش وماعندهم زرة علم براسهم :p |
اقتباس:
ماعليك ما عليك طولي بالك انا بكرا نازل علشام بعد بكرا ولا احكيلك بعد العيد بروح علجامعه رايح أشلك كل شي هنيك مشان تاخدو راحتكم :larg::larg: شلوووووووووون لكن :larg: |
انو يااي شو هالدعم انو مش بكرا ولا اللي بعدو لبعد العيد واااو واهما شي ناخد راحتنا بس بشو؟؟؟؟
|
اقتباس:
ماعليك انا مالح انزل علجامعه لبعد العيد ، بكون بالاداب :larg: بدي استرجع شوية زكريات لانو :larg: |
لازم يسمون كبريهات مو كليات ..
احلى |
اقتباس:
يعني شو هالطلاب والجامعيين كمان اللي ما إلن شغلة غير الحكي على بعض؟؟ مسخرة.. إذا بالجامعة مافي حرية وين بدو يكون في؟ بصراحة القذارة من مؤلف هي المقالة اللي هي عبارة عن تمريق وساخة وتخلف.. أنا ما عم قول اني مع أو ضد العلاقات هي.. بس ما دخلني |
اقتباس:
مالك سمعان عن شي اسمو احترام شعور الغير ؟ يعني بربك هادا اللي قلتو منطق ولا بطاطا :? هلأ حرين هنن ماحدا دخلوا بسما ربون ع حد قولك .. بما بكونوا لحالن بغرفة وقافلين ع حالن الباب وماحدا غبشوفن ولا عبشوفوا حدا هداك الوقت هنن حرين يمعلوا شو مابدن ماحدا الو دخل فين ولا حدا بحقلوا يدخل .. بس انو بنص الجامعة وقدام 50 بني ادم وهيك على عينك ياتاجر ومابدك حدا يدخل فين اخي في ناس مابتحب هالشي شو الله جابرا تعد تشوف يروم يعملو لحالن ومايجورجوا حدا يالله مين ماسكن مو قدام البشر كلياتا وعلى راي حضرتك انت ماحدا بطلعلوا معن شي هادا صار اسمو مقويصة واكل هوا |
اقتباس:
ولله يا حبي يلي عم دور عليه انت بتلاقي بمكان واحد بساحة المرجه هنيك هل شي بيكون كتير طبيعي و كتير مقبول :D بس بالجامعه هل شي مو مقبول روحي |
اخي هالناس على هالمنطق الرهيييييييييييييب الن بالكتابة
شلون تعينو مشرفين مابعرف .. يازلمة اعضاء مامعن اعدادي مابفكروا يحكو هالحكي لانو مغلوط مية بالمية ومقاوصة كمان ينعن سعدو |
تعا شوف الشغل باللادقية ... افلام ... نظامية .... اشتقتلك آش ... كيفكون شباب :lol:
|
اقتباس:
عمي مجال نظرك دائري... 360 درجة يعني, ماحدا جابرك تتطلع باتجاه معيّن, في غير اتجاهات الا اذا كاتب المقالة - قدس الله سره- عم يدوّر عالشوف دوارة |
ينعن سعدو ..
|
اقتباس:
:D |
اقتباس:
هذه ليست حرية و انما حيواااانية, |
اقتباس:
يا اخي المكان عمومي و خصص للدراسة و ليس للجنس يعني الخطأ على من حول المكان لكاباريه و ليس على من استنكر هذه المسخرة . |
اقتباس:
مزبوط مكان دراسة, و على اعتبار الواحد رايح يدرس مو فاضي يبصبص مين عم ياكل مين, مو هيك؟ |
اقتباس:
انا لا اتدخل في حياتهم الشخصية اذا يريدون ممارسة الجنس هم احرار لكن ليس في مكان عام فلكل شيء حرمته . لان لو طبقنا كلامك فواحد يريد ممارسة الجنس و الاخر يريد ان يقضي حاجته و الاخر يريد ان يطبخ و الاخر يريد ان ينام واحدهم يريد ان يسمع موسيقى..... فكيف ستصير قاعة المحاضرات ؟؟ هل نشجع الفساد و الفوضى باسم الحرية؟؟ ام نضع الامور في نصابها؟؟ |
اقتباس:
الزلمة والموضوع ما عم يحكوا عن انو داخل المحاضرات .. عم يحكوا عن ما في داخل المقصف الجامعي او في باحات الجامعة .. بظن مو ممنوع التقبيل ولا ممنوع سماع الموسيقى ولا ممنوع الطبخ في باحات المدرسة .. طبعاً إذا توافرت المسجلة في سماع الاغاني او توافرت عدة الطبخ بالنسبة للطبخ .. بس بالمحاضرات .. أكيد ممنوع الواحد يطبخ .. او التقبيل .. او سماع الموسيقى (مع التحفظ شوي ع سماع الأغاني:lol:) .. :D |
اقتباس:
النظام نظام لكن في شي اسمو خصوصية و حياة خاصة مالها علاقة بالنظام.... و نحنا شعب voyeur لدرجة غير طبيعية, يعني اذا ما عم بيوسخو و لا واقفيلك بطريقك و لا عم يعملولك ضجيج بشو زاعجينك؟؟؟ في ستين مليون شغلة تتصلح بالجامعات السورية قبل هالقضية الكبرى تحية |
اقتباس:
كان يسمي المجال الذي تقع فيه الجامعة بالحرم الجامعي اي ان له حرمة حتى الشرطة لم تكن تنتهكها الا في حالات الطوارئ القصوى و تقع اشتباكات عنيفة مع الطلبة كانت الجامعة مولد اكبر الحركات النضالية في العالم,كانت مصدر قلق للانظمة العربية , قدمت مناضلين و مثقفين و علماء اما الان فندافع عن حرمة الجنس في الجامعة ؟؟؟اصبحنا نحول الجامعات لمواخير للبغاء باسم الحرية و التقدم, اصبحت الجامعة تخرج البغايا و المنحطين و الرعاع و الاوباش بعدما كانت حصنا للعلم و النضال. الان اصبحت جامعة لكل ماهو منحط اهكذا نسعى للتطور؟؟ هل نتقدم بخرق القوانين؟؟ لوكانت السلطة بيدي لهدمت كهذه جامعات |
اقتباس:
ببساطة لا تتطلع... روح تفرج عالشجر والطبيعة... اقتباس:
حلو معناها بكرا بفوت لعندك عالبيت وبقلك لو سمحت لا تبوس مرتك قدامي بنزعج أنا.. اقتباس:
أخر شي سؤال لكل الشباب, بالذات اللي منفعلين.. بربكون مو غيرة؟؟ |
اقتباس:
2-التقبيل ليس جنساً 3-الفم ليس مكاناً مثيراً أو عورة أو... 4-الجامعة هي أساس حركات التحرر في العالم لأنها تحتوي العقول المتفتحة المتقبلة للآخر 5-التيس لا يحلب |
اقتباس:
بالنسبة لي لكل شيء مكانه , الجامعة ليست لممارسة الجنس . مثلا لما سيتم اغلاق موضوع يطرح افلام بورنوغرافية في المنتدى؟؟ فهي لا توسخ و لا تعمل ضجيج؟؟ هناك ظوابط وضعها المجتمع فالانسان ليس كلبا او قطا او حمارا... حتى يمارس الجنس على مرأى من الناس |
اقتباس:
|
اقتباس:
2- الكاتب لم يقل التقبيل فقط 3- الفم ليس عورة لكننا في مجتمع شرقي 4- الجامعة اساس حركات التحرر و ليس التفسخ و الانحلال 5- التيس لا يحلب و الحيوان لا يستحي |
اقتباس:
المراقبة تعني تتبع و ترصد لكنهم يقومون بذلك امام العلن الم تسمع يوما بمصطلح ايتاء فعل فاحش في مكان عمومي؟؟؟ |
اقتباس:
|
لا مــــادي ولا معنوي على كذا ..
|
والله يا اخي نفس المشكل بتعيشو الكليات الموجودة بالمغرب ما تستغرب لانو واقع وبنعيشو معهم يوم بيوم
في مناظر يمكن ما بتقدر تشوفها العين وانت بتقول لازم يعينوا مشرفين و.......... والله صار لي 3 سنين وانا بدرس فكلية الحقوق بالمغرب عمري ما شفت عميد الكلية بس بتدكر اني شفت مرة على التلفزيون بمناسبة الاصلاح الجامعي بالمغرب النظام الفاشل مرة واحدة بس ومش مباشرة على التلفزيون ما باليد حيلة وتبقى الجامعة مكان يحترم والعيب على من حولها لمكان فاسد لفساد اخلاقه وتربيته |
يا جماعة مين حكى عالجنس؟؟ مافي أي شي بيدل على الجنس.. نحنا عم نحكي انو الزلمة باس رفيقتو... شوفيها يعني؟؟؟
كل شي شي.. الموبايلات ممكن ينزل عليها بورن ليش ما تلتغى من العالم المحافظ؟؟؟ |
اقتباس:
|
اقتباس:
اقتباس:
يـــــــــــــامحمد :shock: يعني بربك هي مقارنة يعني عنجد جيب ولد صغير صف اول بطالعلك مقارنتك غلط وفاشلة لاتواخذني بهالكلمة :D اقتباس:
اكيد .. هادا الحكي المزبوط :D |
اه مالكون شايفين شي
انها الفنوووووووووووووون أو كراج الأداب |
انا برأيي مو عيب ... إذا مارس الواحد الحب بقلب الجامعة ... بس بشرط مو قدام عالم متشددين ... أو قدام أي ..حدا ينقوا شي محل تحت شي شجرة ويعملو اللي بدون اياه ..فهني بالنهاية حرين ... كلنا أحرار ... بس بشرط حريتنا ما تأذي غيرنا ... لأنو الغير ممكن يفهم غلط ونروح فيها .... يعني مثلا في رفيقتي .. كانت مرة هيي ورفيقها بالجامعة شي الساعة تسعة المسا ... وشافوون عدة شباب ... وبلشوا بقا نشر الخبر بالجامعة ... ف تشرشحت البنت ... ولكن للأسف ... طلعو خاطبين ..بس بالسر ... ف ... صارت مشاكل كتير ... ف كل واحد لازم ينتبه ع حالو ... :jakoush:
|
حرية الآخرين معناها مو حريتك توقفها.. هنن حرين يبوسو بعض. وأنت حر ما يعجبك بس مو حقك تتعدى على حريتهون... هه
|
اه لو تيجى الجامعه عندى ياسلام اولا نظافه بشكل بشع تعرف ليه اولا عددنا محدود جدا فى الجامعه فى كل الكليات اكتر ناس فى الجامعه كليه الاداب وعددهم 2000طالب وثانيا فى حاجه حلوه عملاها الجامعه حاجه اسمها الرياده كل جروب مع كل دكتور نجتمع اخر كل اسبوع لو حاجه مش عجبانه فى الكليه نتكلم فيها وده مشروع جميل لان بيكون فى صله بين الطلاب والدكاتره وعمال النظافه فى الجامعه ماشاء الله عليهم بجد بينظفو زى مايكون بيتهم جامعتى مثل المرايا والله بجد بس انا اتخنئت منها بجد نفسى احس انى فى جامعه فيها ناس كتتيييييييييير
|
اقتباس:
اقتباس:
ولما تفوت لعندي علبيت انت و تشرفني يا صديقي ما اتوقع اني لح بوس مرتي ولو بستها فهل شي ما بيعتبر بمجتمعنا منطقي .. شريك في فرق كبير بين احترام وبين حريه ، على هل حاله بس تجيك بنت وتنزل علجامعه انت ممكن تقبل انك تشوفها بحضن حدا بالحديقه بينما انا لا ، مو نفس المقياس يا صاحبي |
| الساعة بإيدك هلق يا سيدي 05:05 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون