|
قانون الطوارئ
يا جماعة ممكن حدا يشرحلي ليش لهلق موضوع قانون الطوارئ في التنفيذ؟؟؟
جواب مقنع بس رجاءً وبدون سبسبة... لأنو بما أنو هدي الوضع وإسرائيل حلت شوي عن لبنان لازم نشوف كيف بدنا نحل مشاكلنا الداخلية |
انا بعرف انو قانون الطوارئ موجود لانو سوريا لسا بحالة صراع مع اسرائيل، والوضع الحالي ليس الا هدنة فقط ؟؟؟؟
|
:lol:
يا سيدي لقلك .. ازا شالو قانون الطوارئ بصير التالي : بتم حلّ جميع الفروع الأمنية يلي مو معروف قرعة أبوها مين و لوين و ليش .. يا سيدي بصير انو المخابرات ما بحقلا تفوت على أي بيت و تشحشط عل طالعة و النازلة .. بصير انو مافي اختراع اسمو معتقل رأي او معتقل سياسي .. بصير انو البلد بتصير أحسن مما يعني المواطن ممكن يبلش يشبع مما يعني بالنتيجة المواطن رح يفتح عينو و مخو على أشياء ما كان فاضيلا لما كان الصبح استاز و المسا شفير سرفيس .. بصير انو لازم تصير انتخابات دستورية .. متلنا متل جزر المالديف .. بالنتيجة كلو هاد بيعني بشكل مباشر او غير مباشر زحط الكرسي من تحت الرؤوس يلي فوق .. و تم وضع الحل العبقري منذ 35 سنة بوضع البوسطار قوف رؤوس المواطنين .. و كل ما حدا تنفس بقلك قانون طوارئ ملاحظة للي ما بيعرف : قانون الطوارئ يبيح لأي صاحب سلطة باصدار الأمر يلي بشوفو مناسب .. يعني مطاطة ... شغلات ثانوية : قانون الطوارئ هوي عمود حزب البعث الفقري هوي عمود الضباط و العشر سيارات يلي تحت كل واحد فيهن و بونات البنزين طبعا.. هوي عمود الفقري لجوع الشعب ( جوع المعنوي ) شو بدو يحكي ليحكي |
اقتباس:
هلأ لنتبهت انو انت يلي عم تسأل لك انت عم تسأل :jakoush: يلا بس خليتني فش خلقي :lol: خلي لي بالي بالك يتنكرزو شوي |
ههههه .. يا زلمة لا يكون صدقت أنو فعلا ماكان بيقدرو يحلو مشاكلون الداخلية مشان لبنان .. ..
اخ سيزار 100 :D |
اقتباس:
ولوّ؟؟؟ |
اقتباس:
بعدين بيحاكمونا بتهمة معاداة أهداف الثورة |
اقتباس:
وبتلتغى محكمة أمن الدولة... إلها يوم هديك ال**** |
اقتباس:
يعني ببساطة .. أنت أيمتا ما حكيت فـ أنت خاين .. و عميل أسرائيلي .. بس جماعة التخوين كأنو خفو أجرون عـن المنبر;-) |
يعني لازم اتدخل .. بما انو كم واحد منكم سألوا عني وعن أمثالي :lol: .. روح بلش بالبداية المعتادة لألي ولجماعة الموالاة :p هلأ مو وقت طرح هالشي لأنو الحكي بهالموضوع خيانة عظمى ومساعدة للقوى الخارجية الي بتحب الأذية لسوريا و حكومتها و الي بيحكي بهالأمور هو خاين عمل للأمبريالية الصهيونية ...
لعمى كتير هيك :? يا سيدي لنحكي بجد ... قانون الطوارئ قانون حقير جدا .. و متل ما قلك سيزار ;-) قانون مطاط يعني بحسب الحاجة بيصير مقاس القانون هو مفيد و ضروري ببعض الحالات ... بس المشكلة عنا كانت وماتزال انو القانون عم يصير لتنفيذ مصالح شخصية أو قوانين خارجة عن الطبيعة الدولية لأيمت رح يستمر .. بعتقد كل المطالبات بالتخلي عن قانون الطوارئ ما رح يستجاب لها ورح يستمر ولو تحرر الجولان .. رح يستمر بحجة تحاشي عواقب التحرير و ردة الفعل الأسرائيلية يعني ... قدرك ونصيبك :D |
اقتباس:
تحية صياد عل هامش: اسرائيل يلي هية بحالة تأهب شبه دائمة بتلغي قانون الطوارئ و بتحطو يعني مو ثابت عندا |
اقتباس:
بس مية :D لالك. ومن متى أي قانون بأنظمتنا بطبق متل ما لازم ؟ بس يعني منيح عم تعترضو على هالشي وبتعبرو عن رأيكم وواعيين للخطأ .. بس في أماكن بصير تقريبا نفس الشي ولا حدا حاسس أو معترض. |
اقتباس:
على مقولة زياد : لتعمل ثورة عل نظام لازم أول عا آخر يكون في نظام |
اقتباس:
|
اقتباس:
وين الافادة فيه والضرورة ؟؟ |
اقتباس:
ضروري لتبرير وجود سجن تدمر ضروري لوجود سجن صيدنايا ضروري مشان يحبسو سجناء رأي بعدا مع يلي مهرب حشيش .. ضروري ( معلش هي آخر ضروري :lol: ) لما بدن يحبسو شخص بمنفردة بفرع فلسطين تسع و عشر شهور .. |
اقتباس:
نحنا ما عنا مشاكل داخلية ....منين هي جبتها انت اكيد رجعي :clap: |
اقتباس:
|
اقتباس:
لك اخخخخخخخخخخخ |
اقتباس:
بس الحكومة تاركتنا نفس عن حالنا شوي ....بتقول بقلبها معليش خطي خليهون يحكو بس يا ويلون اذا تصرفو ;-) |
اقتباس:
|
اقتباس:
عرفانة اللعبة ;-) |
اقتباس:
|
قانون الطوارئ عم يخدم الحكومة الرخيصة فقط ..
[quote=sezar]هلأ رأيي مفيد بالأحوال الحربية و المعاركquote] ما المشكلة أنو مافي معارك .. يعني ببساطة من 1973 .. من حرب تشرين .. ما صارت ولا صدام مباشر و لا غير مباشر مع أسرائيل .. لا عسكرياً ولا سياسياً ولا أقتصادياً .. بس الكلب لما بتطعميه كل يوم لحم و أكل دسم .. بيبطل ياكل عضام .. |
اقتباس:
|
قانون الطوارئ انا حابب سميه قانون الطوارق(مفردها طارق) بس شو طارق؟؟؟؟؟:shock: :shock:
بعدين هو مفيد لبعض الحالات الخاصة ومع عالم بيفهمو يطبقو وطبعا النظام عنا كلو حالة خاصة ومليان فهم.:shock: :shock: :shock: |
معلم هدا يظهر منزلينو بخطه خمسيه
وطبعا الخطه الخمسيه متل مابتعرف اربع سنين تخطيط للمشروع سنه تنفيذ بس سنه بجوز ماكفتهن بدهن سنتين تانيات وبنشوف اذا بيخلص يعني املنا بالله كبير |
طارق ما شفش حاجة
|
قائون الطوارئ وضع لمساعدة الشعب، بس بالبلاد العربية وضع لمساعدة الحكام على السيطرة اكتر ع الحكم والتشبث به
|
اقتباس:
قام شكلي صرت رجعي!!! |
اقتباس:
1963 |
مرحبا للكــــــــــــــــــــــــــــــــــــل :
تحياتي لكهربجي ع الموضوع الخطير و كل الحكي اللي انحكى صحيح و قانون الطوارئ هو اسوأ قانون بالدنيا ,,, انا بدي احكي محكمة امن الدولة يعني كنت عم اقرا تقرير للمراقبين الدوليين الحقوقيين باحدى المحاكمات العلنية القليلة و كان بيقول انو اهم اهانة لمهنة القضاء بالعالم انو قاضي محكمة يكون منتسب لحزب سياسي بالبلد شو ماكان ربو لهاد الحزب و فهمكون كفاية,,,,,,,,,,,,,,,, |
اقتباس:
|
هلأ صحيح انو بكل البلدان في قانون طورائ وما بيعملوا بالقانون إلا وقت يكون الامة ضمن خطر ؟
|
في حكي أنو رح يشيلو القانون ..
هل 10 - 15 سنة بدون يطرحو موضوع ألغاء القانون .. بدو دراسة 5-10 سنين على الأقل .. بدو 5 سنين تمحيص وتفحيص .. وبعدا بشي 13 سنة .. رح يفكرو يا رح يشلوو يا لأ .. |
اقتباس:
|
قانون الطوارئ كمان بيحمي رجال أمن الدولة (المخابرات) من المحاكمة في حال إذاء أو قتل أي مواطن أثناء التحقيق معه (تحت التعذيب)
المشكلة مو بس بالقانون بس بالثقافة السائدة: سيطرة السلطات و الأجهزة التنفيذية و تسلطها و خضوع السلطات التشريعية لها و غياب الوعي لحقوق المواطنين (كبشر و كمواطنين) لدى السلطات و لدى الشعب على حدٍ سواء هلق بدي نزل موضوع انشالله ياليوم المسى يا بكرا على خلفية اللي صار |
اقتباس:
|
اقتباس:
والدول المتقدمة ما عندها هيك قوانين لانو حلت المشاكل من زمان حتى ما تلجأ لهيك قوانين بس عنا وضع هاد القانون لحماية الكرسي فقط |
** ** هيك دولة على ** ** هيك قانون ..
بيعوض |
| الساعة بإيدك هلق يا سيدي 11:49 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون