|
ومضات سـريعه في الفـساد ..
احيانا يـصعب علينا ملاحقه كل ملفات و تحقيقات و ما اليه من اجراءات تتبع الفـساد - احيانا الوقت ما بيسمح و احيان بكون الدكتور مانعنا من تعاطي الفسـاد و هيك قصص يعني - .. و بذلك هالموضوع يتضمن رؤوس اقلام سـريعه ومضات و اضاءات مختصره فيما يخص قضايا الفـساد ..
:D:D |
ومضه اولى
وقفت السلطات رئيس لجنة لتوزيع قسائم المازوت في مدينة حمص لثبوت تقاضيه رشاوي مالية في عمله. ( المصدر سيريانيوز )
|
ومضه اثنين
كشف مفتشو فرع الجهاز المركزي للرقابة المالية بحمص من خلال عمليات التدقيق لأعمال أمين صندوق في مؤسسة مياه حمص يدعى (غ,ن) عن وجود نقص في المبالغ المالية للفواتير لصندوقه نحو ستة ملايين ليرة سورية. ( المصدر سيريانيوز )
|
يمكن نحن في حياتنا تعودنا او عودونا انو الفساد هو للعالم يلي بتعمل الفساد و الناس يلي بحاكموهم هم الصح
بس بالحقيقة مو هدلون الصغار هم يلي عم يعملو الفساد انما الفساد الحقيقي هو عند الناس يلي بعمرنا ما ذكرنا اسماؤهم و بيمنعونا نذكرهم و على الأغلب بكون هم يلي عم بحاكمو الصغار |
اشتكى مواطنون من روائح كريهة منتشرة في أرجاء العاصمة دمشق نتيجة تسميد مزروعات الحدائق ومنصفات الطرقات بأسمدة عضوية :mrgreen: منتقدين "استخدام أسمدة كهذه بشكل غير حضاري", إلا أن مديرية الحدائق رأت أن "من الضروري تسميد التربة بسماد عضوي للفائدة وأن الروائح تزول بعد يومين !!!
|
ومضه أربعه
طال عدد من الإعتقالات في محافظة إدلب يوم الأثنين الماضي ليلاً بعض الشباب المتعاملين مع الانترنت ، وبلغ عدد المعتقلين ستة أشخاص من ضمنهم ثائر عدنان عنبر و لم تعرف اسماء البقيّه .. (( سـوريا الحرّه ))
|
اعفاء رئيس مركز جراحة القلب من مهامه بسبب الفساد والاختلاسات (سيريا نيوز)
|
أصدر اتحاد الفلاحين في محافظة حلب قرارا بإعفاء عدة رؤساء جمعيات فلاحية من مناصبهم وحرمانهم من الترشح إلى أي منصب قيادي في الاتحاد على خلفية قضايا فساد.
وذكرت وكالة الأنباء السورية (سانا) أن قرارات الإعفاء جاءت بعد قيام هؤلاء "بالاتجار في مادة بذار القمح وتسليم أختام الجمعيات الفلاحية إلى التجار ما تسبب في حرمان العديد من الأعضاء التعاونيين من الحصول على بذار القمح بغرض الزراعة". |
القاء الحجز الاحتياطي على 9 اسماء متورطة في قضية فساد في الجمارك
اصدر وزير المالية يوم الاربعاء قرار بالقاء الحجز الاحتياطي على تسعة مواطنين في اطار التحقيقات الجارية حاليا حول قضية فساد كبيرة في الجمارك. المصدر سيريا نيوز |
مشكورة عالمواضيع ...
قال تغيير المحافظين بسبب سرقات بالملايين والتغيير الوزاري لنفس السبب ... بس ياترى ملازم يتحاكمو بعد الاقالة .. |
لك خيو مشان محافظ حمص ليش تاركينو
لك راح يطفش الحماصنة من حومص يا زلمي لك والله أرفنا عيشتنا يعني الله يسلمو شي وزير أو رئيس وزراء بس يخلصونا منو |
اقتباس:
بس كأنّـي سمعت انّـو منيح و حباب ترا ها و نازل تصـليح و شـغل و حفر و تعزيل بحمص :? |
صادرت مديرية التجارة الداخلية بالرقة صهريجين محملين بكمية 88 ألف لتر من المازوت المغشوش بعد نقلها من مستودعات لتفريغها بمحطتي محروقات في مدينتي الرقة وتل أبيض. (( سانا ))
|
اقتباس:
|
ولك ياشباب موضوع الفساد أكبر من هيك بكتير , المشكل اليوم صرت بدك تبحث مين مو فاسد أو مين ما عامل شي , المناصب والمراكز كلها عم يندفع ثمنها , وما في مو حافظ أو حافظ عم يجي بدون دفع , ومين بدو يحاكم مينتذكرت الحوار بين الشحاد والحرامي بمسرحية المحطة , لما بيسالو وين كنت موقوف , بيكون الجواب تصحيح للسؤال , وللسهولة : وين ماكنت موقوف
ومشهد تاني بمسرحيةلولو أيضاً للرحابنة _ أنت ما عامل شي _لك شو ما , فزّعتني , شو ما عامل شي - أنت ما عامل شي سجلك العدلي نطيف - أي شو بعملك إذا كانت الحكومة ما بتسجل الجرائم الكبيرة بتصور إذا لليوم في حدا ناطر من هيك نظام يحارب حالو ( يعني يحارب الفساد) خليه ناطر وخليه يحارب طواحين الهوا واللي ما بيعرف مين شركاء أبو الريم يبحث عن شركاء مو حافظ حمص |
اقتباس:
|
أصدر الجهاز المركزي للرقابة المالية بداية الشهر الحالي قراراً بالحجز الاحتياطي على الأموال المنقولة وغير المنقولة العائدة لمحاسب المحروقات السابق لدى المؤسسة العامة للأسماك، وعلى أموال زوجته إن وجدت تأميناً لمبلغ حوالي 1.5 مليون ليرة . وجاء ذلك على خلفية التحقيقات بخصوص ملف سرقة قسائم محروقات تبلغ حوالي 39 ألف ليتر من البنزين، وحوالي 19 ألف ليتر من المازوت، وذلك خلال الفترة الممتدة من كانون ثاني عام 2006 ولغاية نيسان 2008.
بعد سنتين هلئ لحتـّى انكشف فساده .. هاد بحد ذاته فسـاد :lol: |
اقتباس:
يعني شو بدي ئلك الشغب هون بحومص عميدبك فرحا والنساء تزغردن على كتر ما عميشتغل المحافظ فينا ما هوي دائما الشغل بيكون بالشوارع والأماكن الظاهرة أما الشغلات المخباية فيا ويلي عالمخبى ................. ما في أحلى منو |
علمت سيريانيوز أن نوعاً محدداً من الأدوية الخاصة بمرضى التلاسيميا سلم إلى مصابين بهذا المرض في حمص بعد تزوير فترة انتهاء الصلاحية الموجودة على العبوة الخارجية للدواء, فيما تناوب مسؤولون في الصحة على نفي ثم تأكيد انتهاء صلاحية الدواء.
|
ومضة سريعة في قسم الفساد :
يثبت الموضوع مع جزيل الشكر . |
تعرضت بلدية السنكري التابعة لمنطقة المخرم الفوقاني للسرقة , بعد خلع الخزنة الحديدية الموجودة فيها .
وفي موضوع آخر وذي صلة فقد تقدم رئيس دائرة الواردات بمالية منطقة القصير ( إلى الغرب من حمص ) ببلاغ للشرطة يعلمهم فيه بفقدان " خاتم الدائرة الرسمي ". سيريانيوز |
ضبطت مديرية التجارة الداخلية بحلب الخميس الماضي 31 كرتونة بزنة 620 كغ من مادة الكاكاو منتهية الصلاحية بمستودع عائد لأحد المعامل بحلب قبل تحوله إلى ألواح شوكولا للأطفال :frown: سيريانيوز
|
علمت مصادر مطلعة من مديرية الصحة في حمص ما يلي :
منذ مدة طلبت وزارة الصحة من المديرية أن تقوم بعملية إحصاء للمرضى المصابين بالتهاب الكبد الوبائي B وعندما وصلت النسبة إلى 50% جاءت تعليمات من فوق بإيقاف عملية الإحصاء حتى ما يصير بلبلة بالبلد . ودمتم ودامت سوريا حرة أبية |
وفاة طفلة في عامها الرابع إثر سقوطها في حفرة فنية مغطاه بالأكياس والقمامة والقاذورات بالحسكة ..
و في ذات الحفره كان قد سقط حمار ومات فيها، ثم سقط حمار وفوقه صاحبه لكنه تمكن من النجاة، ولم تتحرك بلدية اليعربية لإغلاق هذه الحفرة"، مشيرا إلى أن "بلدية اليعربية تتحمل المسؤولية كاملة عن مقتل هذه الطفلة البريئة كونها لم تلزم المتعهد بردم الحفرة التي يبلغ عمقها نحو ثلاثة أمتار .. سـيريانيوز صوره الحفره :  |
سقف مدرسة خان أرنبة "حسين نايف عرابي" يهتز ويترافق اهتزاز المبنى مع تشققات واضحة في القسم الواصل بين المبنى الحديث والقديم المبني منذ عام 1974 كما و تغمر المياه القبو, الذي أغفل تقرير الخبرة الفنية وجوده، فيما تستمر العملية التدريسية بشكل طبيعي بمدرسة تضم 750 طالبا وطالبة و مديريه التربيه ترد : لا خطورة على البناء ( سيريانيوز )
|
3 مليارات ليرة سورية أرباح تأجير مرفأ طرطوس لم تصل لخزينة الدولة.
290 مليون ليرة سورية قيمة السرقات في مستودعات شركة محروقات فرع الرقة . 100مليون ليرة سورية قيمة تزوير رسوم السيارات في مديرية النقل في حمص. 17 مليون ليرة مخالفات مالية في شركة الشرق للألبسة الداخلية 16 مليون ليرة سورية قيمة حمولة مئة طن اختفت من شركة غزل جبلة دون أن تصل إلى شركة نسيج اللاذقية . 14 مليون ليرة قيمة الفساد المقدرة في الشركة العامة للمطاحن المؤتمنة على كل أموال الدعم التمويني.... معطيات أوردتها الصحف الرسمية السورية، وغيرها الكثير الكثير من حوادث الفساد المكتشفة في سوريا هذا العام.. لكن ماذا عن الأعوام السابقة وماذا عن قصص الفساد الأخرى التي لم تكشف بعد أو كشفت وجرى تعتيمها؟ هدا شوي زغيرة بس..سنة 2007 جبلكزن بلاوي 2008؟ صعي الئكون شو سبب انو ع ينكشفوا الحكايا كالاتي: هدا الي عم يسندهوون ويدعمون بكون صارت مشكلة بينهم على العمولات أو ملو من بعضهم وخافوا ينكشفوا وهيك سمعنا بقصص الفساد لو ما هيييك عمركون ما سمعتوا وضليت المي ما شية من تحت رجلينا يا حسرتي علينا:? |
وقع في حوالي الساعة الواحدة بعد ظهر اليوم انهيار لجدار حفرية المبنى الذي يتم تأسيسه حالياً في إطار توسيع مبنى كلية الهندسة المدنية في جامعة تشرين ، ولم يؤدي الحادث إلى أي إصابات أو أضرار . (( سيريانيوز ))
و طبعا اذا بكليّه الهندسه الأبنيه عم توقع فما عتـب عباقي الأبنيه (( بكل أسـى )) |
السلام عليكم شباب هي اول مشاركة الي بالموقع بس لا حدى يقلي ليش لهلق ما طقيت من القهر انا راح قلكم طلع بدقني شي مية ثعلبة وهي مرض جلدي يقتل الشعر وعل كل حال بالنسبة لموحافظ حومص العدية الزلمي الله يعينو الفيلا تبعتو على طريق طرابلس لسا ما خلصت بدها شي مية مليون حتى تخلص بقى يا شباب بدنا اياكم تساعدو وتتبرعو بشوية مصاري من شان يكفي القصر لانو قاعد بالشارع هلق يعني شلون بدكم اياه يعرف ييشتغل وهوي لسا ما عندو قصر وبحاجة مصاري شلون اه يعني الشعب المعتر كلو عندو بيوت بالعشوائيات استكترتو عليه شقفة قصر باحلى منطقة بحومص عيون ديقة شو بدنا نعمل على فكرة الزلمي جاب المصاري للقصر ورتة من ابو الله لا يرحمو على هالخلفة بالفعل عما ندبك ونرقص شيخاني من الفرح وبعدين نحنا ما منستغني عنو بالمال بالمال بالارض والاولاد نفديك موحافظ ؟؟؟؟
|
| الساعة بإيدك هلق يا سيدي 01:28 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون