|
انا وحالي لوحدنا
انا وحالي :?اي سيدي لا تستغرب ؟
بحبشت بكل القائمة تبع المواضيع وما لقيت احسن من الخواطر والخربشات لحط فيها موضوعي لأنو الموضوع بيحكي عن انا او عن حالي او عن نفسي ولاحظت انو ما حدى حكى عن حالو يعني بالمختصر شو بيعنيلك الانا تبعك هلق لا تقولو مجنون او عم بجدبها :shock: انا بفيق الصبح بقول صباح الخير يا انا كيفني اليوم شلونك يا حالي شو اخباري اليوم برجع برد على حالي وبقول:صباح النور يا حالي انا يا انا تمام وبخير ويسلملي صباحي اليوم """""""""""" هل تعتقد ان الذات هو شخص واحد لأنه منفرد بنفسه ربما لأن الوجود الداخلي لكل شخص يعبر عن شخص واحد هل حاولت ان تناقش نفسك على انك شخصان هل نستطيع ان نهرب من الواقع ونتصادم ونتناقش مع انفسنا لو كنت شخص عاقل وتتكلم مع نفسك بأسلوب النقاش لماذا يقولون انك مجنون او انك تملك مرض الانفصام الشخصي .......................................... اي لأ سيدي انا مو مجنون ولا معي انفصام شخصي لأنو كل مرة بهرب من كل شي وما بلاقي غير نفسي حدثها ونقاشي مع حالي هو المنقذ الوحيد دائما لأنو اوقات ما حدى بيفهمني وقت بسأل حالي هل هذا خطأ هل هذا صح هل هذه جميلة هل هذه تحبني هل هذا ينظر الي هل انا مريض هل انا غبي هل انا جميل ووووووووووو اكتر الاسئلة يلي بسألها لحضرتنا بلاقيلها جواب انا ممكن كون انسان تنح بفكرة وما حدى يقنعني بس وقت بسأل حالي (طبعا ليس داخليا بل خارجيا يعني بحكي بصوت مسموع او امام المرآة وبأشر بأيديي )يعني كأنو شخص قدامي بلاقي انو تناحتي ممكن نقاشي مع حالي تتغير وكير شغلات بتصير بيني وبين انا ياترى جربتو شي مرة تهربو او تناقشو حالكم |
شو هالموضوع الالهه خخخخخخخخخ بتحكي مع حالك له له له هاد اكيييييييييييييد مجنون ههههههههه ( بمزح)
انا ما جربت احكي مه حالي بصوت عالي لحتن ما يقولو هي مجنونه بس كتير اوقات بحكي مع حالي بصوت واطي يعني بيني وبين حالي بس ما بلاقي اجوبه لانه وكتيييييييير اوقات بكون بناقض حالي عقلي بقول شي البي برد وبقول شي تاني وبكون جواتي صراع بس ما حدن بنتصر لاني بنهي النقاش من غير ما ارد على حدن بس بنهي النقاش وبتناسى السؤال يلي سألته لاني بخاف ارد على حالي واندم وبخاف ارد على عقلي واندم وبخاف ارد على قلبي وكمان اندم لهيك بفضل اني انهي النقاش من غير ما اوصل لنتيجه شكرا الالهه على الموضوع الحلو :D |
حكيك صح 100 %
أكمن أنت مالك مجنون ... بالعكس أنت عم تفكر صح .... المجنون هو يلي عايش .. بس ما عم يفكر كيف عايش ... تحياتي ألك ولنفسك ... (كل على حدا) |
اول شي يسعدلي صباحك لأنو احلى صباح الي
وهي اول مرة بتصبح فيكي وبمشاركتك عنجد ريد ممكن تكون الراحة وقت منسأل حالنا ولا تهربي من واقعك وضلك انت ونفسك متفاهمين هلق عن جد جربي وقفي قدام المراية وقولي انا حلوة بصوت مسموع وغازلي حالك كأنو شب عم يغازلك وضحكي مع صورتك وتفرجي على تقاطيع وجهك وقولي وكرري انك حلوة وشوفي ردت الفعل شلون راح تكون ايجابية لأنو فعلا بتلاقي حالك حلوة بصورة جديدة وبتحسي حالك مرتاحة ويسعد صباحك مرة تانية:D |
اقتباس:
|
اقتباس:
وصعبه وكتييييير اوقات بهرب لحتن ما انصدم بالواقع بس ........... رح جرب احكي مع حالي بصوت عالي بس لمن يكون البيت فاضي لحتن ما صير مجنونه البيت :p:lol: يسعدلي صباحك الالهه والله موضوعك هاد روعه اول مره بتكتب شي بفهم فيه وبادر احكي :clap::clap::clap::clap::clap: |
اقتباس:
بس فعلا لازم الواحد يهرب من الواقع شوي ويكون بعيد عن الحقيقة لترة مشان يرجع معلوماتو شوي ويرتاح ريد روز شكرا للمرور :D |
صباح الخير يا انا
كيفني اليوم انشالله كل ايامك خير يا حالي |
كيفك أنت (الحكي مو ألك "الآلهة" الحكي لحالك وبس)
أنشاء الله تكون مبسوط اليوم على فكرة هادا الآلهة يلي ملزوق فيكي صاير عم يعزب كتير ... بدنا نلافيلو تصريفة ... :p |
يا الالهه الحال من بعضه انا نفس الحاله بحكي مع انا على المرايا ببوس انا مرات بزعل انا بقوم ببكي
يمكن الباقي مو فاهم علي بس انت اكيييد فاهم لما ما يكون حدا اهتم فيه بهتم بأنا كأنك يا الألهه انا بالزبط |
اقتباس:
الآلهة يعني انا: لك ليش والله ما عم اعملو شي لأنا بس هو كتير نكدي صاير وصاير يا من تراه تاركني وقاعد لحالو 100 وردة الك remember me:D |
اقتباس:
والله فهمان عليكي تماما وكلامك كتير منطقي وصح حتى كمان لاحظي انو وقت بتكوني لحالك بتراجعي كل اخطائك وبتصلحيها وافراحك بتحسي فيها اكتر وبالنسبة لجمال يبدأ الجمال من الداخل الى الخارج فأن احسست نفسك جميل ؟ تكون دائما هكذا في نظر الآخرين فنقطة الجمال تبدأ من رؤية نفسك اولا هجورة يسلمو للمرور وخلينا نشوفك دائما:D |
هلوووووووووووو والله جربتها انو احكي مع حالي ولقيت نتيجه كتييييييييير كويسه خلص منيوم وطالع انا وروووووووووز 2 منحكي مع بعض
شكرا الالهه :D |
اقتباس:
اهلين ريد:sosweet: |
الله يسلمك وحالي بتسلم عليك
:sosweet: |
وصل..................
|
طيب أنا وحالي كيف فينا نساعدكون ؟
|
اقتباس:
متفقين مع بعض ممكن يساعدونا بشي نص مريور دورار$ |
اقتباس:
لكن ممكن افهم ايه فايدة الكلام بصوت عالى مع نفسك ؟ الواحد بيتكلم بصوت عالى ل حتى يوصل افكاره للاخرين لانهم طبعا ما بيعرفوا ال بداخلنا اما حالى بيفهمنى ويناقشنى بينى وبينوا تحياتى:D |
اقتباس:
المهم نحنا نفسنا نقتنع بفكرتنا تسلمي للمرور:D |
اقتباس:
فأنا اليوم بصبح على حالي شلونك ياحالي ويسعد صباحك:D |
مرحبا آلهة:D بدي حييك على هالموضوع، لأنو برأيي كتير مهم، مع انو كتار منا بياخدوه بالضحك وما بيعطوه اهمية هللأ بدي احكي بس بنقطتين ، وحدة بخالفك فيها ووحدة بتفق فيها معك اول شي انا ما بعتقد انك لما بتحكي مع نفسك بتكون عم تهرب من الواقع ،او من الناس او من اي شي، وانما على العكس، بتكون عم تواجه نفسك بالواقع،ولحتى تقيم نفسك وتصرفاتك وقراراتك، لازم ماتهرب ،وانما لازم تحط كل شي قدامك متل ما هو، وتقيمه وتناقشه لحتى توصل لنتيجة، واحيانا كتير بتكون النتيجة انك ما وصلت لأي نتيجة، مو مهم ، المهم انك عم تناقش الموضوع بينك وبين حالك، وبالنهاية لازم يكون في نتيجة، سلبا او ايجابا والشغلة اللي بتفق فيها معك هي موضوع الحكي مع الذات ، هالشي موجود عند كل واحد فينا،(بنسب مختلفة) بس قلال اللي بيفكرو فيه كتير بنسمع جملة(ياأخي حط حالك محلي، او محلو، او محلها) ، وانا هي الطريقة اللي بحاكي فيها حالي لحتى اقدر آخد القرار السليم، يعني بعتبر حالي شخص آخر وبنظر للمشكلة او الموضوع من برّا ، بعيون واحد تاني وبفكر فيها بعقل واحد تاني، وأحيانا النقاش بياخد وقت طويل، بس بالاخر غالبا بتكون النتيجة لصالحي وبكون رضيان عنها وعلى فكرة هالشي ضروري جدا للعاملين بمجالات مختلفة ،وخصوصا مجال الفنون بشكل عام، واكيد اي واحد بيشتغل بهالمجال بيفهم شو قصدي، مابدي طول اكتر من هيك، مع انو لسا في عندي كلام كتير حول هالموضوع شكرا كتير الك آلهتنا:lol::D:D |
اقتباس:
بس كمان ياصاحبي تعليقا على انو لازم توصل لنتيجة مو مهم توصل لنتيجة يعني لو شخص اتوفى ابوه او امو او اي انسان عزيز عليه بدو يصير يحكي مع حالو ويفضي يلي جواتو بس اكيد ما رح يرجعلو الميت يعني ما بيوصل لنتيجة بس المهم ناقش وفضفض مع حالو وشكرا لمشاركتك يا مان |
اقتباس:
انا قلت بردي ، انو بأحيان كتيرة بتكون النتيجة انك مابتوصل لنيتجة بس بالمثال اللي انت ذكرته، النتيجة هي انو هالواحد فضفض عن حاله، شو بدك احسن من هيك؟؟؟:lol: تحياتي:D |
اقتباس:
فما رح نختلف يا مان |
ما صارلي مجال اقرأ الخاطره إلا اليوم مع انه من أول ما كتبتها شدني العنوان وحبيت اقرأها
أولا :clap: ثانيا يسلم تمك لأنه لو كل واحد ( بناقش حاله ) بشغله بكون مجنون كان أنا :sick: من زمان كتيير عجبتني فكرتك وكتير مقتنعه فيها وكتير كتير يسلمو ايديك |
اقتباس:
وبيشرفني انو شاركتي وبيسعدني جوابك الهادي والمقنع يلي ما في اكتر منو صريح وبرجع بقلك شكرا لمرورك |
كيف حالك اليوم الالهه
|
اقتباس:
وكنت بدي فوت وقلك كيفك بس سبقتيني (القلب على القلب) انا تمام وحالي كتير منيح وانا مبسوط من حالي اليوم واحلا هجورة السنفورة:D |
اقتباس:
احلى شي انك تكون مزبط حالك وعاملها مزاج |
اقتباس:
وهلق من شوي كنت انا وانا عم نتناقش بالرواق |
الالهه شو يعمل الواحد ازا كان بس يحكي مع حاله بيضعف وبزيد على البه بدل ما يخفف عن حاله وبتصير حالته هستيريه اكتر واكتر :cry:
|
اقتباس:
اقتباس:
|
اقتباس:
|
اقتباس:
|
كالعادة لازم صبح على
حالي بس حالي حالي لسعتو نايم فخليني صبح على انا صباح الخير يا انا شلونك اليوم |
امممممممممممممممم هالاء انت هيك عم يصير معاك:cry: ...؟؟؟؟ شوف لا تخاف حالتك مو خطرة كتير يعني اذا لاحقت عليها فيك تلحق على حالك بس بوجهة نظري انه صاير فيك هيك نتيجة الفراغ الي يمكن انت عايشه فمثلا لو انت عايش مع 100 واحد بنفس البيت ما بتلحق تحكي صباح الخير لحالك:larg: و من وجهة نظر تانيه حلو الواحد يقعد مع حاله و هي اكيد منها حالة جنون او اتباعهاااا بتقدر تحكي تفرغ ذاتي لنفسك :pos: و ثانكس على الموضوع الحلو |
بما انو حالي هلق فاق
فحب يصبح على انا صباح الخير يا انا ويسعد اوقاتك:clap: |
اقتباس:
والله باينتك كتير حركة يعني قولتك في امل :shock: |
اقتباس:
بعدين لحالهاا بتهون:fthink: |
| الساعة بإيدك هلق يا سيدي 01:21 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون