|
حرب تشرين التحريرية .....
من 34 سنة ونحنا عم نحكي فيها ......
حاربنا وانتصرنا ..... على شو دخلكون انتصرنا ؟؟؟؟ الجولان رجعت ......؟؟؟ لاء السلام وينو ..... ؟؟؟ شو صار معنا بعد 34 سنة .... ما زال وقف اطلاق نار موجود وقائم يعني باي لحظة مندخل الحرب .... ايمتا بدها تنحل ؟؟؟؟ يللي ماتو واستشهدو في سبيل الوطن وين راح دمهون ...... يا ترى بترجع الجولان ؟؟؟ |
يا خيي ما بتسمع شو بيقول عمرو دياب و من تاني أكيد راجعين;)
|
اي اخي بترجع ليش لحتى ما ترجع وين الغلط يعني
وعلى مين نتصرنا نتصرنا على أسرائيل ، يلي لهلا خايفه تفوت بحرب تانيه معنا خوفا من حرب تشرين و انا برأي دم الشهدا ما راح هدر ، علاقل لسعتنا لهلا صامدين بوجه اكبر قوتين بالعالم |
والله معك حق اللي بيقول ما اشتغلنا مالو حق بنوب لك في قصص بتشيب شعر الراس ساووها الجنود السوريين بالحرب بس أحلى شي بكل الحرب انو الجيش السوري رفض وقف اطلاق النار واللي استمرت 80 يوم وهي نفسا هيي حرب الاستنزاف
|
اقتباس:
اخ آ ش انا بحترم اكيد ماء الشهداء بس الحرب يلي عم تحكي عنها حرب تشرين يلي بكتب التاريخ تبعنا ويلي كتير مهولينها غير الشي المكتوب بالمصادر المحايدة .... بالنسبة لخوف اسرائيل من الحرب ... ممكن يكون في خوف لانو اكيد هي مو خرج تفوت بحرب شاملة مع سوريا بالوقت الحالي بس كمان لا تشد ايدك كتير من ناحيتنا ... صرلنا 30 سنة محتفظين بشي 50 رد وتصريحات مسؤولينا ما هي الا عن ابر بنج للشعب البسيط والجولان اكيد راجعة لانو اهل سوريا رح رجعوها ... بس بالاول نرجع سوريا بقول انطون سعادة : ان لم نكن احرارا في امة حرة فحريات الامم عار علينا يعني اول شي لازم نكون بوطننا احرار مشان نقدر نحرر امتنا :D |
بترجع ... بس .... أكيدي مو بهالقرن ... :lol:
|
اقتباس:
ابقا سلملي عـ انطوان سعادة بطريقك كمان .. :lol: |
اقتباس:
اول شي شكرا على تعبير دايس ... بس هوة الشي يلي تربينا علينا البسطار العسكري بس دخليك .... اذا مبسوط بحريتك ما حدا قرب عليك ... كل واحد بيحكي عن وجعو (( كريم - حسام _ طارق _ ماهر _ .........الخ عارف دليلة ميشيل كيلو كلهم احرار ... صحيح مقيدين بس احرار اكتر منا وحكيك على انطون سعادة ... متل مطرب بكباريه عم ينتقدر زياد الرحباني وانا ما عممت ... برجع وبقول كل واحد بيحكي عن وجعو والك مني الف تحية :D |
اقتباس:
|
اقتباس:
اقتباس:
و راح ارجع عل الموضوع يا شباب حرب تشرين كان الها اثر نفسي لغايه اليوم على الشعب العربي يعني يحكى انو ضابط الجيش يخجل يحط رتبو العسكريه قبل حرب تشرين |
اقتباس:
ولا عم يهدد الناس برتبتو ويسرق وينهب والمحسوبيات مشان رتبة .... |
يذيعون نشيد النصر على الأموات
|
أنا ياسيدي كل الحكي اللي بيحكوه عن الحرب ما بيعبي راسي..
أنا بيهمني اللي عم شوفو قدامي.. بهمني أنو كل الدول العربية قاعدة عم تتسلىو نحنا بوج المدفع و عالفاضي..لأنو ما طالع بأيدنا شي.. يعني دخلك نحنا شو ناطرين حتى نرد علين..يقصفو الشام مثلا.. |
اقتباس:
بس انا عنيت بكلامي ضباط سنه 73 |
اقتباس:
ولله للصراحة .. انا حاطط املي .. وشادد ضهري بحقوق الرد .. شغلة كبيرة حقوق الرد .. أنو رح نرد .. و اذا الون اخي حق عنا بيخادوه .. والله ولي التوفيق .. |
اقتباس:
بس يا حزرك مين هني اللي طلعو أنصاف الرجال |
اقتباس:
معي تقريباً 0.000000075 حق رد .. لأنو حكومتنا عما تجمع حقوق الرد ( ناسية حقوق أخرى ) و بدا توزعها عـ المواطنين .. فـ صاير حالياً الـ سيريان دريم .. أنو يكون عند كل عيلة سورية .. حقين رد .. او اكتر .. اما بالنسبة لـ أنصاف الرجال .. فـ هني انا و انت .. و كل واحد متلنا .. عم تفهم عليي ؟ |
:) ... لا تعليق طاول .
|
هلئ اليوم 5 تشرين
لهيك هي تسجيل متابعة |
مشي طق الحنك على قول زياد
|
اقتباس:
يسلملي المثقف اقتباس:
يعني روقا شوي اقتباس:
اقتباس:
|
شباب عذراً, بس بما انه الديمقراطية موجودة وكلنا عم نتغنى فيها فبظن اني ممكن قول رأيي
إذا فينا نرجع للأيام يللي سبقت حرب تشرين ونعيش بهديك الفترة كان الكل سماها حرب تحريرية وانتصار. التحرير كان عم يحصل للأرض, وأنا شخصياً اجتمعت بكتير من الجنود والضباط يللي شاركوا بالمعارك, والكل بيعرف لوين وصلت قواتنا. وكمالة القصة انتو بتعرفوها تبع قبول الراحل السادات بوقف اطلاق النار إلخ.... بس أنا بشوف انه أهم تحرير كان تحرير العقل العربي من فكرة انه نحنا ما منقدر نحارب, واسرائيل أقوى منّا, وهلأ أنا بظن انه آن الأوان لحرب جديدة بعد كل يللي حصل ببلادنا من فساد وتخبيص, بس حدا سأل إذا كان هالفساد مصدره الضباط يللي الشباب حكوا عن فسادهن؟ كمان هاد الوضع المتردي بالجيش سببه كل الضغوط على سوريا, الضغوط العسكرية والإقتصادية, ممكن حدا يقول انه الرئيس حافظ الأسد كان مو عرفان بالشي يللي صاير بالمؤسسة العسكرية؟ طبعا بيعرف. وممكن حدا يقول انه كان راضي عن هالشي وقبلانه؟ طبعاً لأ لأنه كان عنده دايما الباب مفتوح ليفاوض ويحصل على القليل من الحقوق وخلصنا, ويجدد الجيش بس بدون ما يكون عنده نية هالجيش يحارب يعني متل جيش مصر والسعودية, مدجج بالأسلحة الحديثة وميزانيته عالية بس ناقصة شغلة كتير زغنونة انه ما بده يحارب. الفكرة انه يللي صار بجيشنا والفساد بمجتمعنا كان من أهم أسبابه شيئين: 1- الحصار الإقتصادي والعسكري المفروض من زمان على سوريا, يللي أدى لتدهور سعر صرف العملة وبالتالي فقر الشعب, وبداية قصة الحربئة والرشاوي. 2- المعارضين يللي ما رادوا الخير لوطنهن وتحديدا الإخوان المسلمين وهي بدي وضح فيها وجهة نظري: بعد حرب تشرين -اسألوا أهلكن- بدأت بسوريا حركة ديمقراطية توافقية متل يللي أسسلها الراحل حافظ الأسد باتفاق الطائف للبنان, لكن الإخوان رفضوا فكرة التوافقية وطالبوا بالديمقراطية العددية, ويللي أنا أول الرافضين إلها, لأني كمسيحي ما بيعود إلي دور بحكم البلد, وبدأ النزاع وتطور ليصير أعمال عنف. هلأ بطلب من كل واحد منكم يحكم ضميره ويسأل حاله شو كان عمل لو هو كان رئيس سوريا. كان سلم الحكم لهالعصابة؟ ورجعت كل الأقليات تتهمش بالقرارات بالوطن (مستعد أعطي أمثلة عن هذا التهميش) رجاءً... هاد رأيي ويا ريت نتناقش بهدوء |
اقتباس:
كلمة انصاف الرجال خلقة ألنا .. اللي بياكل بهدلة من مديرو بالشغل .. و ما بيرد عليها .. بيرجع بيفش خلقو بالمرا و الولاد .. هاد شو ؟؟ من كام يوم صادفني واحد محشش .. شربان مطفي عـ الأخير .. قلي بدي قلك مثل .. قلتلو قول .. قللي اللي مالو رجول .. ما لو رجال :shock: انو يعني .. بس نوعى شوي .. |
اقتباس:
يازلمة انا من جهتي عفن قلبي من هالسيرة صرت حفظان اسماءن كلياتن وليش دخلو وليش طلعوا وشو عبصير معن من كتر مانعاد يازلمة كل مادق الكوس بالجرة بزكرننا فين اخي كريم ورفقاتو على عيني وراسي من فوق والله والله يرجعن لاهلن ويلايرجعوا لحريتن ومابردلن الا كل خير .. بس انو خلص عفن قلينا مشتهي اشفلوا رد لهالزلمة من شهرين لهلأ مافيو كلمة كريم انو ولو بالزوق شوي صرنا حفظانين القصة وقلوبنا كلياتنا معن ومابدنا غير يرجعوا بالسلامة بس موضوع مالو علاقة بالمرة لا بكريم ولا برفقاة كريم بتدخل السيرة بالنص كل هادا بتحبن روح عميل مواضيع بتخصن واحكي فين ع راحتك لانو هالمواضيع بتخصن بس ماضروري كل موضوع تغيروا اتجاهو بهالسيرة .. ومرة تانية برجع بقول وبكرر الله يرجعن لاهلن ولحريتن ومامنردلن الا كل خير :D ومع كل احترامي :D:D:D |
اقتباس:
الي رجعة :D |
1
اقتباس:
والله اذا انت مابترد على بهدلة مديرك انا يسترجي يبهدلني طالما مو عامله شي غلط اي هاد نص رجال طلعنا برا الموضوع |
يا عيب الشوم يكون يك كلامك عن حرب تشرين
اقتباس:
يا سيدي إن انت هيك كاتب عن وطنك وأرضك فإذا كان واحد متلك عنا في البلد وكمان هيك كاتب مو انت يلي كاتب هيك عن حالك " بالبار عم اشرب واسكر وارقص وحشش وشوف حياتي " :oops: فالأحسن ما تجيب سيرة حرب تشرين على لسانك .ولا تحكي عن الشهداء الأبرار .. واتذكر كلمة القائد الخالد حافظ الأسد : عن الوطن " الوطن ..غالي .. الوطن عزيز .. الوطن شامخ " ... وللحديث إلي معك بقية أكيد |
يا خوفي على الشباب السوري في مختلف فئاته من شباب وبنات
إن كان هيك رأيهم في حرب تشرين او في نظرتهم للبلد يلي ممدت إيدها إلون أنا خوفي ع مستقبل الشباب السوري من جهة الافكار وطرحه لهيك مواضيع وقلة ثقته ببلده و قدرات أبناؤه وشبابه وعدم احترامه لكرامة الشهداء الأبرار .. ودمهم يعني لوين متجه .. في وجه الرياح القادمة وين عزيمتكم وين وطنيتكم هيك برأيكم عدوكم رأيو في بلده او جيشه او قيادته .... يا عيب الشوم يا شباب طبعاً الكلام لبعض الأشخاص موجه فقط |
إنت شفت بعينك كيف حرب تموز في لبنان
كيف استنزفت إسرائيل وهزمها حزب الله .. وهو شو بس مجموعة من المقاومين المؤمنين وشفنا كيف صواريخ ومفاجآت السيد حسن نصر الله كانت عم تنزل ع اسرائيل متل وابل المطر ف شورأيك بجيش منظم عسكري مع كامل القدرات كافة وكامل الجهوزية الكاملة ... انت عم تستهين بالجيش العربي السوري / ما عدا أبناء طبعاً الوطن يلي مستعدين يروحوا ع الموت مقابل تضل كرامة سوريا وأرض سوريا وعلم سوريا مرفوع بالعالي ويرفرف ( إن تنصروا الله ينصركم ويثبت أقدامكم ) |
اقتباس:
رفض السلام دون الحديث عن استرجاع كامل مرتفعات الجولان والأسرى السوريين وبعدين حديثك عن الجيش (مصر والسعودية ) شو نستفيد من جيش مدجج بالأسلحة الحديثة بس محاصر في قواعد أمريكية وبدو رضاها لترضى عليه أنا بدي أسألك سؤال ؟ انت تقبل يكون في أرضك سوريا قواعد أمريكية واسرائيلي قدام عينك شايفو وشايفك عزيزي انت هيك عم تخلط اوراق كتير وتفتح شي ماضي كتير بحديث السابق إنتبه نحنا كنظام وكشعب وكأفراد ما منقبل إلا بإسترجاع الأرض كاملة مقابل السلام ( والهوية العربية السورية ) أكيد منحترم كافة الاديان عنا في البلد وهاد شي كتير كتير ظريف وأساسي هو أساس الوحدة الوطنية |
اقتباس:
فيا وجهة نظر هه .. |
اقتباس:
هاد ضمير الـ " نا " اللي بالأحمر بفيد الجميع تاني مرة استخدم الـ " ي " ضمير المتكلم هاد هي أولاً .. تاني باشتان يا حبوب انت قلت حريتك مدري شبا و عم تتباكى .. ف تعبير دايس عبارة عن صراحة و عمرا الصراحة ما بتزعل ما هيك .. و يا زلمي ليه قرقك عم نبعت سلام لـ انطوان سعادة " الزعيم " ليه عم تقول مطرب كبريه و مدري شو رفاع المستوى يبا .. :lol: عفواً منكـ COSTA عم نخرج عن موضوعك .. بس حسب السوق عم نسوق .. :D |
اقتباس:
ولا تحكي بلغة التهديد لانو ما بتفيدك ... وبالاخص هون بالمنتدى .... وانت لو فهمت عليي شو بقصد ما كنت كتبت يللي كاتبو .... ان اللبيب من الاشارة يفهم |
اقتباس:
وحاج تزاود على كلام فاضي وحكي جرايد ......بدنا منطق نحكي فيه ... واذا بتحب منكوش قصص الحرب والندالة يللي صارت من ضباطنا ... وطبعا مو الكل ..... اقتباس:
طيب ليش من وقت الحرب لوقت هي الساعة حزب الله ما قدر يطلق طلقة واحدة باتجاه اسرائيل ؟؟؟ لانو اسرائيل عملت ونفذت يللي بدها اياه ... لك حبيبي الربح مو بالعتاد العسكري .... ولا بكمية اطلاق القذائف او قوة الاسلحة ... .. يعني اسرائيل عندها نووي ... ليش ما سحقت حزب الله فيه ؟؟؟؟ وعم تقلي جيش منظم يللي نص العساكر فيه مفيش ... والنص التاني عايف حالو ... وكلو رشاوي .. وسرقات بنزين وكوبونات عسكرية ... وابناء الوطن مستعدين يروحوا عالموت ..... ضحكتني يا رجل ... فلم هندي لك بالاول خلي ابناء الوطن يكونو عايشين عيشة هنية وحياة جيدة حتى اذا صار اعتداء يروحو يدافعوا عن الوطن ... انا واثق اذا بتصير حرب .. رح يكون مصير جيشنا نفس مصير الجيش العراقي وقت سقطت بغداد ... ومع الاسف لاتفكر اني عم احكي وتاخد كلامي اني انهزامي او متخاذل ... لانو مو انا يللي بزاود على الوطن ... بس يا عيوني هاد الواقع يللي فتح عيونك منيح وسماع وشوف بغير منظار |
اقتباس:
انت وبريف هارت على راسي ... بس روقو شوي .... انتو التنين عندكون نفس العزيمة ... خلينا شوية هاديين ونكون واقعيين ... وهي وردة الكون ....:D |
لك ياحبيبي ياكوستا ..
انت قاعد عبتحكي وعبتودي وبتجيب ع حرب تشرين و اللي صار بحرب تشرين وموعاجبك شو صار وعبتحكي وبدك تورجي شلون ماكان انو حرب تشرين حرب فاشلة هالحكي هادا .. يا اخي انت شو بدك بهالموضوع وبهالوجع الراس ببلد كلياتا ع بعضا انت مابتعترف فيا ومالك طايقة (هيك حاسك) ومورجي العالم كلا انو انت مالك من هالبلد . فشو بدك بهالوجعة الراس اخي بلد انت مالك طايقا ولا طايق شي فيا .. فليش لدخل حالك بحرب تشرين وحرب بطيخ اخي انت قاعد فيا ومالك مبسوط خلص خليك بحالك ولاتوجع راسك وتعد تمشي التاريخ تبعا ع كيفك وتحكي شروي غروي لما بتكون بتنعنيلك شي او انت منا اصلا هداك الوقت احكي براحتك لانو انت بتصير انتمائاتك الا بس مدام انت مالك معترف فيا كــبلد الك ومالك حاسبا فاياريت تخلي تاريخا لاهل بلدا يحكوا فيا سواءا كان حكيك صح او غلط .. لانو كل واحد شغلتو وبيعرفا .. وع فكرة .. هادا الحكي انت كاتبو اليوم مو من عندي جايبو اقتباس:
:D |
اقتباس:
بغض النظر عن راي كوستا هيدا رايه وهو حر بس طلعت برا الموضوع هلا ما بظن في واحد منا كان عايش ايام حرب تشرين والا كانت الوقائع صادقة تماما بعدين من المعروف شو صار بحرب تشرين وكيف الجيش السوري قدم المستحيل والعرب وقفوا معه وما حدا بينسى اللي قدمه الجيش العراقي ووقفة الخليج معنا بهديك الفترة |
06\10\2007 ;)
بنجي للموضوع هلئ اقتباس:
اللي صار يا سيدي انو كنا موصلين لطبريا بس ما كان في تطهير للمواقع الاسرائيلية _ على حد علمي _ وانسحاب السادات ادى لتحويل الجبهة ع سوريا انو شو حققنا فيك تقول خسائر كبيرة بالجيش الاسرائيلي ,و و و كمان صار إلنا عين قوية بساحة المفاوضات السياسية والمواطنين استعادو الثقة بالنفس وبأجدادنا وبالتاريخ العربي :lol: هلئ بس اللي صار بعد الحرب خلال الـ 34 سنة رجع المواطن السوري بدون ثقة وبدون امل بس لسى في امل ترجع الجولان يمكن بالنسبة إلي عندي امل اقتباس:
|
اقتباس:
تحية محبة أرجو انك تعيد قراءة يللي أنا كتبته برويّة, لأنك عم تفسر الماء بعد طول الجهد بالماء وإذا بتحب بقدر وضحلك كلامي أكتر: الرئيس الراحل حافظ الأسد كان بمتناول يده انه بكل لحظة يعقد معاهدة سلام ويحصل بموجبها على أغلب الأرض المحتلة ولكن مو كل الأرض, ويحصل كمان على مكافأة السلام متل ما حصلت مصر والأردن: معونات سنوية, وتحديث للجيش, ودعم سياسي, لكنه هالإنسان المتميز هاد رفض انه يفرّط بباقي الأراضي ويجي حدا من بعده ينتقد أداءه الوطني, وصدقني لو هيك عمل لكان موضوع الحريات والديمقراطية موضوع مغلق لأنه كانت أميركا وأوروبا مستعدة تمنع أي مشروع فكرة محاولة للمعارضة السورية, وكنّا ما سمعنا بسيرة هالعصابات يللي عم ينظموا مؤتمرات بالخارج, والدليل المباشر: وين المعارضة الأردنية والمصرية بالخارج؟ أنا ذكرتلك احتمال شو كانت سوريا بتستفيد من معاهدة سلام منقوصة. لكن وبرغم هالوعود الشهيّة هالقائد العربي رفض يتخلى عن 10 أمتار على طول شاطئ البحيرة الشمالي الشرقي وتحمّل كل ما حصل بعد ذلك من الجماعات يللي بدأت تعمل معارضة بالخارج وبتمويل أميركي أوروبي مباشر, وبنوايا لخدمة اسرائيل (أنا مصرّ على عدم اعتبارهن أحزاب فبستعمل كلمة عصابة أو جماعات), كرمى لعين تراب هالأرض. طيب إذا أبي صمد ضد حدا عم يعتدي على حقوق بيتنا هل من المعقول خون أبي واطلع من صفّه وابرم هيك هيك هيك... وصف مع خصمه؟ الرجل كان بشهادة أعداءه قبل أصدقائه مفكّر لامع وسياسي مخضرم, هل من المعقول يكون هو على غلط وأخونا كوستا الصح؟ احتمال وارد لكن حظوظ هالإحتمال ضئيلة. (مع احترامي الشديد لآراء الجميع, ومن أنا لحتّى قيّم فكر انسان ما). ملاحظة هامة: حين وفاة الرئيس حافظ الأسد تابعت على محطة CNN آراء القادة والسياسيين يللي قابلوا -أو ما قابلوا لكن احتكّوا بسياسة- المرحوم, وأغلب الآراء أجمعت على نقطتين: 1- الرئيس الراحل كان يحسب خطواته وقراراته السياسيّة 8 مراحل للأمام (يعني أي قرار بيتخذه بيبقى حاسب شو ممكن يتصرف خصمه بـ 8 اتجاهات) وما بيضاهيه بهالشي عبر تاريخ الحكام والقادة بالعصر الحديث غير الزعيم فيديل كاسترو (شو رأيك بهالرجل؟), يعني لا السادات ولا الملك حسين ولا عبد الناصر ولا أنطون سعادة يللي بكنّله أعظم حب وتقدير لأني مؤمن بأفكاره, و ولا تشرشل, أو ايزنهاور, أو ملوك النفط على اختلافهن وتعدادهن, والقائمة تطول. 2- الرئيس حافظ الأسد رحمه الله (هي من عندي لأنه لا حدا يتوقع انه عدوّي يترحم على أبي) أعطى لسوريا مكانة ديبلوماسيّة غير معهودة ولا متناسبة مع حجم هالدولة الإقتصادي والعسكري والثقافي (بنظرهم), والأحلى انه أميركا واسرائيل و.... كانوا منتبهين لهالموضوع, وحاولوا كتير يوضعوله حد لكن ما استطاعوا. لكم مني جميعاً كل الحب. |
هلأ أنا أكبر مستفيد من رجعة الجولان .. وأكبر خسران من عدم رجعتها (باعتبار أنو أنا من الجولان وجدي كان آغا وعندو سندات ملكية أربع ضيع بفلاحينها:lol:)
بس بدي قول شغلة .. لو بدا ترجع الجولان متل رجعة سينا ما بدي ياها .. يعني ترجع ونحن كاسرين عين الاسرائيلية .. أحسن ما ترجع ونحن ما منقدر نفوت بارودة خردق عليها باعتبارها منطقة منزوعة السلاح .. متل ما كان بدهن الاسرائيلية . |
| الساعة بإيدك هلق يا سيدي 04:30 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
