هل الشخص الأخلاقي هو الشخص المتدين حكماً
 

[FONT='Arial','sans-serif']عادة ما يولف سائقي باصات النقل الداخلي في الفترة الصباحية خصوصا الراديو على إذاعة القدس ومن فترة استمعت مكرهاً لخطبة لأحد الشيوخ تتكلم عن الأخلاق والتدين وأن الإنسان الصادق هو الإنسان المؤمن الصادق وليس المارق لأن هنالك رادعا دينيا قويا يعزز صدقه ويلزمه به (نار جهنم بالمختصر).[/font]



[FONT='Arial','sans-serif']فهل الأخلاق هي التي تنبع من الدين أم أن الدين هو من ينبع من الأخلاق كونه ربط تنفيذها بالثواب وعصيانها بالعقاب بينما الأخلاق بحد ذاتها التزام طوعي إنساني ومشتركة بين أديان عديدة سابقة (مع الأخذ بعين الاعتبار التغيرات الاجتماعية والبيئية والزمنية).[/font]



[FONT='Arial','sans-serif']هل الشخص الأخلاقي هو الشخص المتدين حكماً والأخلاق الحميدة هي المذكورة حصرا في الإطار التشريعي للدين أم أن من حق الإنسان الملحد مثلا أو غير المتدين أن يكون أخلاقياً بشكل يفوق المتدين حتى، خصوصاً أن دافعه للتخلق(التمسك بالأخلاق) دافع إنساني أولاً وأخيرا لن ينبه منه لا ثواب ولا عقاب.[/font]



[FONT='Arial','sans-serif']أليس اعتبار الدين قمة الرقي الخلقي وضع الأخلاق الاجتماعية تحت سقف واطئ فالدين لم يشمل أخلاقيات التصرف في جميع المجالات (لم يشرع مثلا الصعود للحافلة بالرتل ولم ينهى عن التدفيش ولم يذكر حكم الباصق من شباك نافذة سيارته ولم يحدد الضوابط الأخلاقية لقيادة السيارة....الخ) خصوصا في مجتمع يلتزم يلتزم بالدين كمعيار لتقيم الفرد يتدخل حتى في طريقة تحيته للآخرين.[/font]



[FONT='Arial','sans-serif']ألم يتعارض الدين في عدد من تشريعاته مع الأخلاقيات الإنسانية (تحريم الدين للتبني مثلا وهو عمل إنساني أخلاقي محمود، القتل بداعي الردة والتكفير وهو بتعارض مع شرعة حقوق الإنسان...الخ)[/font]



[FONT='Arial','sans-serif']هذه الأفكار خطرت لي بعد أن نزلت من الباص في ذلك الصباح دونتها واعتبرت نفسي المستفيد الأكبر من تلك الخطبة المسجلة التي كانت تبث على الإذاعة وسمعتها مكرهاً.[/font]

وعينا على فكرة انو الأديان هي مصدر شريعة الحياة السوية .. لهيك ارتبط بمفهومنا الدين بالأخلاق و هالشي طبعاً مو دايماً صحيح ..

- عندك الناس اللي بتمارس تعاليم الدين و مرات بتبالغ بهالشي لأنو إما بتكون عليها العين متل رجال السياسة و الفن و هيك بتكسب شعبية و تأييد و إما بيكون الها مصالح و بدها تحافظ عليها ، متل التاجر اللي بدو يورجي زباينو انو بيخاف الله و ما بياكول حرام (و هون بتذكر من فلم عمارة يعقوبيان شخصية نور الشريف لما بيكون تاجر متدّين و مكتّر و بيطلع بالأخير تاجر مخدرات !) طبعاً كلامي ما بيعني انو كل سياسي أو فنان متديّن ّهو منافق ولا كل تاجر متدّين هو حرامي أو تاجر مخدرات بس الفكرة اللي حابة وصلها انو في كتير ناس بتتغطى بستار الدين لتعمل أشيا مو مقبولة بولا دين أو شريعة ...

- و بالمقابل عندك ناس ما عندها دين بنوب بس عندها مثل و قيم عليا بتلتزم فيها و بتعيشها .. هدول الناس ممكن يكونوا صالحين أكتر بكتير من ناس مو فهمانة شي من دينها و متدينة هيك عالبيعة كرمال تمشي مع التيار و تنفد من انتقادات المجتمع اللي مرات بيكون عبارة عن أقرب المقربين : أهلنا و قرايبينا و جيراننا و رفقاتنا ...

و مو سهل علينا نحن الشرقيين نطلع من هي النظرة : بلا دين = بلا أخلاق ، و ما بنكر انو عيشتي بأوروبا ساعدتني أتقبل هالموضوع ...

صديقتي أم الجود :
المشكلة إنو الدين ليس بالضرورة قمة الأخلاق الإنسانية ولما منقول الحياة السوية فيمكن منقصد فيها إنو الواحد لا يعتدي ع حدا ولا يسرق ولا يقتل وهاد الحد الأدنى المقبول للحياة الانسانية المشتركة وبالتالي الأشخاص يلي عم يعتبروا الدين قمة الأخلاق عم يحددو الأخلاق الاجتماعية بسقف واطئ جدا.

بلا دين = بلا أخلاق
لا شك أن هذه المساواة التي قمت بطرحها مساواة خطيرة جداً....والمصيبة أنها في تفاقم مستمر... ويمكن هذه المساواة هي التي تدفع الناس للتدين أو التمسك بأهداب الدين للهروب من التقيمات الاجتماعية التي طرحتها.

هلأ مشان شغلة إنه المتدين قد لا يكون خلوقا وأن الخلوق قد لا يكون متدين فمعك حق بهي وصراحة أنا شفت من المتدينين السيئين الخلق لشبعت ولكن هادا لا ينفي إنه في كثير من الأحيان يكون الملتزم خلوقا ولكن مع وجود حالات شواذ (إنتشرت في الآونة الأخيرة)

أما إنه الدين لما إعتنقه الناس صارو خلوقين فهادا خطأ لأنه العرب في الجاهلية كان لديهم من الأخلاق الفاضلة الكثير وحتى الرسول -صلى الله عليه وسلم- قال (إنما بعثت لأتمم مكارك الأخلاق) أو كما قال

أما إنه الدين سقف الأخلاق عنده منخفض فما بصير تنسى دعوة الرسول للإلتزام بالأخلاق الفاضلة ونهيه عن إيذاء المسلمين مثل قال صلى الله عليه وسلم(والتبسم في وجه أخيك صدقة)أو كما قال و قوله(المسلم من سلم المسلمون من لسانه ويده) و أحاديث كثيرة تدعو إلى ترك الغيبة والنميمة والتعصب للعرق هذا عدا عن دعوته للتعامل العادل مع الوالدين والزوجة والعدل بين الأولاد و.. و....إلخ

في حديث شريف يقول "ادا اتاكم من ترضون دينه وخلقه فزوجوه"
معناها ممكن يكون المتدين سيء الاخلاق واكيد بيكون تدينو ناقص جدا
المسلم ليس بالسباب ولا للعان ولا الفاحش ولا البذيء
ولا تجسسو ولا يغتب بعضكم بعضا
في كتير ايات واحاديث تحث على الاخلاق الحميدة ملخصها ان نبينا من اعظم بني البشر اخلاقا وهو قدوتنا
اللي بيقتدي ظاهريا بس بيكون العيب فيه
بالنسبة لقضية الترغيب والترهيب ليش دائما تتسى ان الناس مو كلهم على نفس القدر من الانسانية ومختلفين نفسيا حتى داخل اسرة واحدة
اللي تفكيرو راقي بيفهم برقي واللي ...
نقطة اخيرة اكيد طبعا ممكن بكون لاديني او ملحد في قمة الاخلاق
شكرا للجميع :D

كل الاديان من دون استثناءات دعت الى الاخلاق وحثت عليها
بس في كتير من الاخلاقيات بتتناقض مع مصالحنا الشخصية والانسان بطبعو اناني وبحب نفسو
من الاخلاقيات الصدق ومرات الصدق بحطنا بمواقف صعبه
لهيك بنلاقي الشخص اللي عندو اخلاق شخص كتير نادر ولما انزكر حديث اذا جاءكم من ترضون دينه وخلقه هاد الحديث دليل انو الخلق مفصول عن الدين ولو كل واحد متدين عندو اخلاق كان قال ص اذا جاءكم من ترضون دينه
بس متل ما قالت ام الجود في ناس بتاخد ستار الدين الظاهري حتى تخدع الناس انو عندا خلق يعني بنلاقي البعض مربي لحيه وبيضحك عناس ممكن تاجر نفوت على محلو بكون حاط على قنوات دينيه ومعلي الصوت وبس نشتري منو بنكتشف بعدين انو غشنا بالجودة او السعر...........الخ
نقطه اخيرة الناس صارت كمان عندها ردة فعل عكسية انو المتدين ما عندو خلق وهاد كمان غلط لهيك لازم التدين ما يكون مقياس للخلق او عدمو

موضوعك مثير للاهتمام وبهنيك عن جد على اسئلتك لانو كلها بتحمل تساؤلات بتدور بخاطر اغلب الناس يلي منون متبنيين دين وبحب اني رد عليك بكم بند اولهون
1- الدين الاسلامي او غيره كان ينبع من الاخلاق لان الاخلاق وجدت قبل ان يتواجد الدني بالتالي الانسان بطبعو فيه بذرة خير وفيه نازع الشر وكل من هدول التنين بيتغذى وبيكبر على اثر المحيط للي عم بيعيشو
2- متلما 1كرت سابقا انو الاخلاق موجودة بالبني ادم قبلما يتواجد الدين صدقني بتلاقي انسان ما عندو دين يمكن بيكون عم بيطبئ مبادئ الاخلاء وعم بيطبئ ما يامر به الدين بتشوفو بتقول يا خسارتو ما يسلم
3- بدي عقب على هي العبارات(لم يشرع مثلا الصعود للحافلة بالرتل ولم ينهى عن التدفيش ولم يذكر حكم الباصق من شباك نافذة سيارته ولم يحدد الضوابط الأخلاقية لقيادة السيارة....الخ) الدين بينهي عن فعل اي شي بيضر وبيادي للاساءة للاخرين او لذات الشخص يلي عم بيقوم بالاساءة ((لا ضرر ولا ضرار))
4- كوني انا مو متعمقة كتير بالدين وكوني عم بعطيك اللي بعرفو لح عقب على هي الجملة (تحريم الدين للتبني مثلا وهو عمل إنساني أخلاقي محمود، القتل بداعي الردة والتكفير وهو بتعارض مع شرعة حقوق الإنسان...الخ)هلا في شي بالدين بيقابل التبني واللي هو كفالة اليتيم وفي قول عن النبي بيقول (انا وكافل اليتيم في الجنة كهاتين (اشار الى السبابة والوسطى) وعلى فكرة تكفير البني ادميين قمة الخطا لانو بيكرهو بالدين بزيادة الا ازا كان عم بيشوه بمعالم الدين متلا او عم بيحرفو او هيك شي ، في كمان قتل بداعي الردة هي بصراحة ما بقدر فيدك فيها لانو انا مو معها مابعرف ما بدي اغلط بشي انا ما بعرفو
5- مشكور عالموضوع:D

ملاحظة بسيطة بس:
يعني إيذاء غير المسلمين مو ناهي عنّو الإسلام واللا كيف يعني
وكمان غير المسلم لازم ما يسلم من لسان المسلم
وهاد الكلام مو شايف معي أنّو بيقطر تعصب ونازية وطائفية وفيك تقلي عن أي عدل بالنسبة للزوجة تتحدث الأديان وشلون ممكن يكون في عدل إذا قي أكتر من زوجة
وسلملي عليه وبوسلي عينيه وقلو إني بسلم عليه

ما رح رد عليكم غير
قولو ص من آذى ذميا فقد آذاني

والملحدين والعلمانيين واللا دينيين والسيخيين والكونفوشيوسيين والللللخ
ولا تنسي المغضوب عليهم والضالين اللي هني الذميين تبعك نفسون
وهي دويخة الخروج منها أصعب من الدخول فيها
وبلا ما نبوظ الموضوع

لك ليش أنا حكيت على شي حدا شي؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟

هو فجأة إنفجر بوجهي من غير مقدمات

برايي
الدين = اخلاق
الاخلاق =دين
الدين والاخلاق = عمل
عامل الناس كما تريد ان يعاملوك
البير بينضح بما فيه والشجرة تعرف من تمارها

الدين كفكرة مجردة من الوقائع واالأحداث المعاشة والتطبيقات العملية اله بتضمن سمو الاخلاق وبالتالي مع تعمق الانسان بالدين بأدي بشكل مباشر أو غير مباشر لتحسين خلقه .
بعيد لاقول ( كفكرة مجردة من الوقائع ) .
مجرد ما الانسان بيملك فكر وعنده مبادئ بانيها ومتبنيها على قناعة وملتزم فيها ..بكون اخلاقي شو ما كانت تكون مصادر هلمبادئ .. كتب سماوية او كتب ارضية او كتب مؤضة او كتب فلسفية او كتب تحليل رياضي او كتب تحليل سياسي .. المهم في مبادئ ملتزم فيها .

تحياتي عياش :D

وحتى في أفكار تفوق الدين اخلاقيا كونها خضعت للتطوير والتنقيح ومنها شرعة حقوق الإنسان يلي ممكن تتعارض أحياناً مع الدين ببعض البنود.....أشكرك على الإطراء خجلتني:D

:D إلك ولك مناصري حقوق المرأة الشرقية خاصة.
إذا بدنا نحكي عن حقوق المرأة وانصافها دينيا بدنا موضوع بحد ذاته إذا مو أكتر على الهامش جاء في القانون السوري في المادة491 ما يلي: (فللعاهرة الحق بأن تمنع نفسها عمن شاءت ومتى أرادت) فالقانون ضمن للعاهرة الحماية من الاغتصاب والدين لم يمنع الزوج من ممارسة الجنس مع زوجته ولو بدون رضاها لا بل ذم المرأة التي تمتنع عن ممارسة الجنس مع زوجها وحرض عليها الحوريات على فكرة في كثير من دول العالم الملحد هنالك ما يدعى بالاغتصاب الزوجي.

شكرا جزيلا على الإطراء اللطيف.:D
المشكلة أن الملتزميين بالدين من الطامعين بالجنة والمتهيبين الاصطلاء بنار جهنم لا يتوقفون عند هذه القواعد لأنها فضفاضة ولم يأتي بها حكم شرعي بيّن.
أحترم جدا ردك هذا:D وأحترم إعمالك نقدك الذاتي حتى في الدين:D

كان ببالي ضيف الحديث السابق اليوم والحقيقة سبقتيني ومشكورة:D لأني فكرت متلك إنو هذا الحديث بيّن الفرق بين كون الإنسان متدين وكونه أخلاقي وفصل الدين بمنظومته الأخلاقية عن الأخلاق الحميدية بين الناس كمل للدين

المشكلة أن هذه المبازرات (عجبني تعبيرك جدا) صارت اليوم البديل الاجتماعي عن الأخلاق وصارت العلمانية بمثابة دعوة للإباحية والفلتان الأخلاقي. :D

المشكلة يا صديقي أبو طوني بالمتمسكين بأهداب الدين ويعتبرونها عنواناً لأخلاقيتهم وبالتالي يصبح المضمون أمراً ثانوياً ولا يعود للتعمق بالدين أو بالمصدر الأخلاقي أهمية كبرى مادامت المظاهر والرتوشات كفيلة بعكس المطلوب وكافية لملئ حياة الشخص وتعويض شعوره بالالتزام.

وموفق بامتحاناتك:D

رفيقي المناضل ............
أنا شايف انو العنوان لازم يكون : الشخص اللا أخلاقي متدين حكما مع الأخذ بعين الاعتبار أن العكس ليس بالضرورة صحيح...........;)
مشكووووووووووووووور عالموضوع..........

يعني ع راسي منجلك ومعولك بس كمان ما بدنا نعمم بعدا منقلب تكفيريين بس بقالب مختلف، هلق أكيد إنت عم تقصد على المتمسكين بأهداب الدين لغايات معينة وفالتينا على الصعيد الأخلاقي.

تماما..... بس بيضل عنا نقطة اشكالية مهمة هو تعارض الدين مع الأخلاقيات الإنسانية خصوصاً في مواضيع المرأة وحقوقها وموضوع اختيار الانتماء.

اسمحلي عارضك هون ليس الدين هو من يتعارض انما طريقة ترجمتنا للدين وتفسيرنا للدين.
أعطيك مثال صغير : الدين ما حرم الرق والعبودية لكنه بنفس الوقت فتح الباب الواسع لاعتاق العبيد" كفارة القسم, كفارة الافطار, الاعتاق من النار..." طبعا لأنو بفترة نزول هالقوانين كان هالامر عادي ومنتشر بكل الارض مو بمنطقة معينة فقط.. هلق لما صار الضغط على الدول لتلغي الرق ألغي فانت بالدين مسمحلك لكن بما أنو أخلاقيات هالعصر بمتنع فاذا انت لازم تنمنع وتوقف .
نفس الشي بالنسبة للمرأة وتعدد الزوجات ما حرم لانو كان منتشر وحتى بتعسفية ودون قيود بس الدين حدد العدد بالمقابل قال لن تعدلوا "لن مو قد لا تعدلوا" ... فأخلاقيات هداك العصر بتسمح بس اذا أخلاقيات هالعصر ما بتسمح فاذا مو عاصي انت او مارق لما بتوقف عن التعدد بالعكس تماما .
بالنسبة للموضوع الأساسي فالاجابات يلي قبل قالت انو في فرق بين التدين والاخلاق.. وبرأي الأول لازم يكون متعلق بالتاني بس مو شرط التاني يكون متعلق بالأول .. بمعنى انو حتى تكون متدين م}من حقا لازم تكون خلوقي. بس حتى تكون خلوقي مو شرط تكون متدين مؤمن.
سامحونا على الاطالة
هاموش: عياش كترانين يلي عم يبعتولك ورد خود هي مني :D

باشق مجروح:

يا سيدي أنا معك بطرحك 100% بس المشكلة إنو الشريحة العظمى من المجتمع تقوم بطرح الدين على أساس أنه منتهى الأخلاق أو سقفها وبالاستناد على تفاسير أكل عليها الدهر وشرب متجنبين اعمال العقل ومتناسيين تطوير بعض المفاهيم يعني مثلا بموضوع تعدد الزوجات انمع أسوة بالرقية بتونس وتركيا كدولتين اسلاميتين بس ما بتصور عنا القدرة بسوريا نس تشريع نمنعو بالوقت يلي عجزنا عن سن تشريع يحمي رقاب نص المجتمع من الحز بما يدعى جرائم الشرف وبالتالي أنا أمام الاشكالية التالية الأخلاق محدودة بالدين والدين نتجنب تفسيره بطريقة ملائمة للعصر.

والمشكلة التانية اعتبار غير المتدين انسان منحل أخلاقيا مما يدفع الغالبية العظمى للتمسك بأهداب الدين.


وبموضوع الوردة كل الوردات وردة ووردتك عندي بوكيه ورد اهلين بعمي سام والله:D:D

مشكور جدا حبيب كللك زوق وفهم ودين وإيمان وواحد متلي ما بيطلعلو يتفهم على واحد متلك

رفيقي..................:
أنا ما عم عمم بس الفكرة اني عم احكي متل ما اتفضلت عالأشخاص اللي ماسكين الدين من ((ورا))
ومعتبرين انو نحنا غنم وراهن............أكيد مو غير هيك ومو قصدي التعميم.............بيعجبني فيك انك بتفهمني رفيق;)

لا تضيع وقتك بالرد على مشاركات دون المستوى الحواري بنصحك تعتبر هالنمط من المشاركات جملة مقارنة لتعرف قديش بدو رجل الشارع العربي ليتعلم يناقش بطريقة علمية تقبل النقد والنظرة النقدية....ولتعرف بأي حاضنة عم تظهر بذور التكفيريين....:D


هيك إنت عيني أتريك على اليسار شوي مو كتير :D

الآخلاق أهم من الدين
:gem::gem::gem::gem::yahoo::yahoo::yahoo::deal::de al::deal::deal::o:o:o:o

شباب شوفو هالمناظرة وفيها رد على الي بيقول إنه الإسلام ظالم وبعدين تعو قولولي شو رأيكن
هي طويلة شوي بس رجاء كملوها للآخر
http://www.youtube.com/watch?v=LYKfhxGL6i8&feature=related

شو مشان سلامة عيوننا :frown: ؟؟

بسيطة أم الجود هاد بديل عن الصراخ لأنو في ناس بحواراتها بتحط أصابيعها بدينيها وبتصرخ ما بتعرف تحكي إلا صراخ هيك طبعا يمكن لأنو حججها طفولية أو يمكن لأنو خايفة تفكر أو يمكن ما عندها القدرة على المحاكمة ما بعرف.....

حبيب إنت شوف هالمناظرة وطبق نصائحك وبعدين قول مين الي لازم يفتح مخه

وعلى سيرة الظلم مو ظلم إنه الواحد بالمسيحية ليصير كاهن لازم ما يتزوج؟؟
ومو ظلم إنه الواحد بيشتري المغفرة من ربه بالمصاري؟؟(يعني إذا الواحد ما معه مصاري رح يروح على جهنم!!!!)(هي عدا عن أنه حتى الجنة والنار بتنشرى وبتناع!!!!)
ومو ظلم إنه الواحد ما بصي يتعلم أصل المسيحية إلا إذا كان قس كبير؟؟(وباقي الشعب وراهن على العمياني)!
ومو ظلم إنه تقول المسيح بدمه طهر بني آدم؟؟(لأنه-على حد قولكن - البشر مدنسين بسبب ذنب آدم)!
ومو ظلم إنه مسيحيين العالم واقفين مع إسرائيل ضدنا ؟؟
ومو .. ومو ...إلخ
يعني شوفو وين الغلط عندنا ولاعندكن بعدين تعو حكو (بالإسلام المشكلة ببعض الناس أما بالمسيحية المشكلة بأصل الدين).