|
هموم عاشق حلبي
هموم عاشق حلبي :p :p :p :p :p :p رحت أوعد الحجة(المحبوبة) بلحديئة شفتا بيركة علزريئَ تخبيت ولحشتلى وردة بعد ما هديت ياها ,بدون أصد طلعت بقلة أتلا يا مخلوئا أنا بحبك وبوعدك من اليوم ورايح ما أضربك أنا عندي مصاري وسيارة ومستعد أسكنك بأحلي حارة ومنشان ما أخليكي تستني وأظلمك اليوم بيعت أمي تخطبك اّم جاوبتني بلا قاق وقيق أنت بس أخ وصديق من أهري منَّا شلحت الصرماي وضربتا على تمّا سنونَا طبت والأدمية تشرشر منّاَ أهرتني ألله ينتأم منَّا اّم أنبني ضميري وأتلّا ياخيتو لا تواخزينا عصبنَّا رحت علبيت مزعوج شفت أختي الزغيرة ضربتا بلبابوج طلعتلي الآدرة (امي) ألتلي لك ليش عبتضرب أختك أنا بورجيك ستنا أتلى الك أشبك تركينا بهمنا بلا ما أأوم أخرب الدنيا بعدين أتلّى لك يا يوم أش طيبخة اليوم وبعد ما حطينا يا خيو المحشي وليبرأ والكبة بصينية وأكلنا ما بأ أسأل علدنيّ كلا :p :p :p :p :p :p :p :p :p :p :p :p . . - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
شو ماعجبتكون
والله حلوة كتير |
حلوة بس قديمة
|
حلوة بس سئيلة شوي
شكرا |
اقتباس:
بالعكس انا لما شفتا فرطت من الضحك بس انتو مشاعركون متلبّدة |
اقتباس:
هلق هاد يلي طلع معك هيك بتعامل ضيوفك شكرا :larg: |
:pos:شكرا
|
اقتباس:
اقتباس:
|
حلوة كتيير ابو شريك
|
اقتباس:
|
لا مو حلوة
افففف |
يسلملي الصريح انا :D
|
لك مو قصة صراحة
قصة عنصرية ( حلبي انا ) :p:p:p:p:p :D:D |
و انا نصفي الآخر حلبي (أكيد ما فهمت عليّ ) بس الشغلة مو بغرض المسخرة و الله الحلبية كلهن على راسي من فوق
بعدين في كتير مواضيع بالمنتدى عم تتمسخر على اللهجة الشامية و مع ذلك ما حدا زعل و شكرا عالمرور ;) |
انه فهمت عليك ( نصك التاني ) يعني الحب يا حب
وعلى فكرة انا ما زعلت يعني كلنا بالنهاية متل بعض :D:D:D:D:D:D:D |
اقتباس:
قصدي انو نصّي التاني بأخوية حلبي |
لا كتير حلوه
جد حلوة مهضومة يسلمووون هو مو كل الحلبية هيك هههههههه انا بحب الشوم |
اف اف
كل هاد فجع اذا مهموم واكل محشي ويبراء وكبب لكى لو مبسوط شو كان اكل ايه ريتو تاكلو الدودة على هل النفس |
| الساعة بإيدك هلق يا سيدي 18:29 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون