|
التصويت على الاسبوع الثاني من مسابقة "حسام ملحم" الابداعية
مرحبا .. خلص الأسبوع الأول من المسابقة ورح يبتدا التصويت
الأيام ( 28 -29 -30) موضوع الأسبوع الذي اختاروه لنا :Majood و Hus اقتباس: العلاقة بين شب وفتاة بإختلاف المذاهب او الأديان الخواطر المشاركة بالمسابقة .. ( حسب ترتيب نزولها .. الزمني ) - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ويعتبر الفريق : كهربجي + AbuGuzif منسحبا ً من المسابقة مع العلم سوف يتم تجاهل كل من الاصوات التالية: من يملك اقل من 50 مشاركة لها اقل من شهر باخوية اصوات الفرق المشاركة طالما لاتزال بالمسابقة الرجاء عدم الرد على هذا الموضوع .. حتى إغلاق التصويت والإكتفاء حاليا ً بالتصويت فقط وستتم حزف الردود من الموضوع وبالتوفيق للكل  |
هلا ...
بما أنو خلص التصويت .. بدي أتشكر كل اللي صوتولنا .. :deal: وبدي أعطي رأيي باللي انكتب :oops: الموسيقار وبلاك : للأسف هالمرة خزلتوني كنت متوقعة إبداع أكتر منكن أنتو التنين بداية ردين طوال بنفس السياق .. أنو ما عرفت ليش ما حاول واحد منكن يكتب بلسان أنثى .. كان فيها صعوبة اكتر وإبداع اكتر .. طيب بدكن تعملوه نفس الشخص عملوه محتار بين نفسو .. عم يتخانق مع حالو .. بخصوص هالنقطة بس نفس الشخص ونفس الحالة الشعورية .. مليت انا وعم أقراها وخاصة أسلوب أحمد صرت حافظتو .. كتير أحمد مقيد بنمطية معينة .. بالكتابة .. نيرفانا و إلوار : نيرفانا كالعادة أسلوبك بيشدني .. وإلوار أسلوبك جميل جدا ً .. ‘إلي عتب صغير عنانو .. ما حبيت وقت مسكتي سجع ( حسيت في مطارح مقيدة بالكلمة والقافية ) مورنينغ وأبو شريك : مورنينغ رهيبة جدا ً ورائعة .. أبو شريك .. حسيتا ضعيفة وما منسجمة بنوب مع اللي كتبتو مورنينغ ما كأنو اللي كاتبو هوي رد عليها وما حبيت أنك فسرتلنا تحت شو المعاني .. بحبكن .. :mimo: |
اقتباس:
وهنى بحبوكي بس شو رأيك بشوية نقد ذاتي !!! :shock: وانا كمان بشكر كل يلي صوت او قرا الخواطر وما صوت وكان اسبوع مميز بمعظم ما كتب والفكرة اكثر من رائعة اقتراح موجه لريتا : بما انو المسابقة باسم حسام ملحم ايمتى رح يكون موضوع الاسبوع عن شي بمسو متل الوطن الاسر فلسطين ... مع المحبة والشكر :mimo::mimo::mimo: |
عذرا لاني ما قدرت صوت...ما قدرت كون مجحف بحق حدا
الكل رائعين بس الوار كنت الاروع بجملة واحدة.. اقتباس:
|
اقتباس:
بس ما كان اقدر قرر .. انو الكل حلوين .. هو صح صوتي بيعتبر نقطة بس .. بس هادا ما بيقول اني ما عبر عن رأيي :pos: وبعد تفكير كتير .. وانو لازم الواحد يقرر .. فقررت :p وبعد ما صوتت ندمت .. انو كمان كللون حلوين .. ويا ريت الواحد بيقدر يصوت لأكتر من شخص * على جنب: ريتاااا .. غير مرة فعلي خيار <خيارات متعددة> لأن عن جد عم نحتار (بس كمان ما بيصير :pos: ) :larg: |
وانا حابة اشكر كل حدا شارك ونافس ، قرأ وصوت (خصوصا اللي صوتو لفريقنا :lol:) وقرأ وما صوت، وشارك بالنقد، وشارك بأي شي . . لانو وجود كل هالاشيا هوي اللي بيعمل المسابقة وبنشط القسم وبخلينا ننبسط ونستفيد :D .
|
اقتباس:
مزبوط احيانا بحصر حالي بهالقصة .. بجزبني هالشي مع اني بحاول اطلع منو .. وهالمرة كمان حاولت اطلع منو .. عقد ما قدرت ضمن الظروف والمعطيات اللي كانت بوقت كتابة الخاطرة .. بهمني اقدر اطلع من هالشي مشان ما يقيدني .. :D |
اقتباس:
:oops: |
وأنا بموت فيكي ....
وبما أنو نقد .. بحب رد عليه نئطة نئطة .. (من حقي) خزلتوني أنا ما عم اكتب لأخزل أو بيــّــض وش حدا (رغم غلاوتكـ عندي والله ورفقاته بيشهدوا) بداية ردين طوال بنفس السياق .. أنو ما عرفت ليش ما حاول واحد منكن يكتب بلسان أنثى .. كان فيها صعوبة اكتر وإبداع اكتر .. الابداع حالة مطاطة .. والها أوجه كتير أنا شايف أنو أحسن ما دور ع (سبق صحفي) أني عبر عن أنا كيف بشوف القصة .. يعني أنو تضخي كل مشاعركـ بـ قصيدة أحسن .. ما تحضري مسبقا ً لمبدأ (كلمتين نضاف أحسن من جريدة وسخة) وأنو يكون الموضوع للتسويق مو أكتر . طيب بدكن تعملوه نفس الشخص عملوه محتار بين نفسو .. عم يتخانق مع حالو .. بخصوص هالنقطة بس نفس الشخص ونفس الحالة الشعورية .. مليت انا وعم أقراها اتزكري أنو كنت أنا كاتب شعر (هاد عن نفسي) شعر موزون .. وحر .. والشعر الو نفسيتو الخاصة ولو بدي أجي أنقد اللي انتي كاتبتيه بقللكـ أنو رغم جماله لا يتعدى كونه (مناجاة للمنطق) وخاصة أسلوب أحمد صرت حافظتو .. كتير أحمد مقيد بنمطية معينة .. بالكتابة .. كلمة نمطية جائرة شوي ..لأنو بتوقع أنو لما يكون عندي اسلوب بيميز كتابتي من بين كتابة ميت الف شخص ما بظن أنو عيب ع كل حال .. ميرسي لنكت دايرة بالكـ ع مصلحتكـ .. وفيكي تعتبريه غرور .. وقت بقول أنو أنا بعتبر حالي الربحان بشغلة وحدة .. أني وقت اللي كتبت .. أنا وبلاكـ وهالشي ما طول أكتر من ربع ساعة ع فكرة .. حست بعد ما خلصت بأني سعيد .. وهاد هدفي من الشعر بالنهاية .. اني أوصل لسعادة حتى لو لحظية .. بحبكـ :lol::D |
اقتباس:
يا زلمي كام مرة قلتلك بلا العواطف قدام العالم :lol: :sosweet: بعدين انا غرت من بلاك عم يعطيك سعادة لحظية :o :flala: |
انا ما عبا راسي غير خاطرة نيرفانا وإلوار وبحب قلون هالكلمتين
"عندما أومئ قلمي برأسه وشاهد آيات وتراتيل إنسانية تكتبها إنسانة حرفت آياته" "خر ووقف أمام هذه الكتابات ولملم أحباره القديمة ومزق سطوراً عديمة" "وركع عبداً أمام أوراق عجيبة خطتها أصابعٍ عظيمة". اكتر من هيك مافيني أحكي شي والمعنى في قلب الشاعر نيرفانا وإلوار بالتوفيق:D |
اقتباس:
|
اقتباس:
ما بعرف عن الوار بس أنا ما بظن اني بستاهل كل هالحكي الحلو .. لكن بعرف انها صادقة و من قلبك .. شكرا :D |
الخواطر كلها رائعة كالعادة..والله يعطيكن العافية يا رب...
بالنسبة الي هالمرة احترت بين...elwar و nirvana و butterfly و braveheart وضليت عيد وزيد فيهن شي ساعة ونص..بالخير غلبني اسلوب nirvana لاني اول ما قريت الخاطرة لمست وجع جواتي وبكتني... مشان هيك صوتلهن.. عالهامش* ميمو وbraveheart اسلوبكن كتير حلو وخاصة مرسيل حبيت اسلوبك هالمرة اكتر من الاسبوع الماضي..موفقة:D بلاك والموسيقار..الخاطرة حلوة..وانا مو ئد اني انقد كتاباتكن لانها دائما رائعة بس خاطرة nirvana غلبت الكل عندي.. موفقين كلكن روعة... |
اقتباس:
ما بتعرفي قديه انبسطت انو اثرت فيكي خاطرتي .. متل ما اثر فيي ردك .. |
للأسف ، اجيت متأخرة - لظروف خارج ارادتي - ... اليوم قريت الخواطر كللون ..
و فعلاً كنت بتمنّى اني اقدر صوّت للفريق اللي حسّيتو كتير تفوّق عالكل هالاسبوع، و عنجد أبدع بكتاباتو .. :D نيرفانا و إلوار ... تحيــّاتي الكن .. رائــعة خاطرتكن .. بتجنن :D خاطرة الموسيقار كتير حلوة كمان ... موفــّق بالاسابيع الجاية انشالله :D و ... مــبـــروك للفريق الفايز :D |
تحية معطرة - مع اعتذار - لشريكتي مورينغ :D
|
اقتباس:
تاني شي .. بشكرك على رأيك وكلامك وهاد لوحدو بيكفي .. :D |
| الساعة بإيدك هلق يا سيدي 01:12 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون